الأحد، 27 سبتمبر، 2009

كيكة المهرج الضاحك :)

مثل ما وعدتكم اني اول ما اسوي اي كيكه من الكتاب راح احطها لكم سواء كانت ناجحه ام فاشله

واخترت كيكة "المهرج الضاحك"


المقادير:

3 علب كيك جاهز
3/4 كوب زيت
2 أكوب ماء
9 ملاعق كبيره حليب
6 بيضات
1 علبه كبيره كريمه
3 ألوان من صبغات الأكل (أصفر / أزرق / أخضر)
1 m&m's البني
1 حلاو فيني
1 علكة Tubble Gum
1 علكة هوبا بوبا


ملاحظه:

1. الي ما يعرف هذي المقادير صورهم موجوده تحت
2. تقدرون تستبدلون الحلاو بأي نوع ثاني الي تحبونه أو بكاكاو


2 صينية الجيزكيك مستديرة 22 سم

(انا ما كان عندي 2 فحطيت 1 والثانيه مستطيلة، بس ضروري تكون عندكم 1)

1 جهاز التزيين


نسخن الفرن وندهن الصينيتين بالزيت

نخلط بودرة الكيك مع البيض والزيت والماء والحليب بالخلاط الكهربائي

ملاحظة: انا حطيت لكم فوق مقادير الـ3 علب تقدرون تسوونهم مع بعض او كل وحده بروح

والطريقة موجوده خلف العلبة بس انا ضفت عليهم حليب عشان يعطيها طعم احلى


ونوزع خليط الكيك في الصينيتين بالتساوي

بهذا الشكل



وعقبها ندخلها الفرن

أول ما تخلص نطلعها ونخليها بره 20 دقيقه على ما تبرد


نقطع شريحه صغيره من الجزء العلوي للكيكه المدوره


نقطع 1 مثلث كبير من الكيكة الثانيه

بس لازم تكون قاعدة المثلث نفس طول الشريحة الي قصيناها بالخطوه الي فوق

و نقطع بعد مثلثين صغار نفس الحجم


هذا المثلث الأول

وهذيله 2 الصغار


نخفق الكريمه بالخلاط الكهربائي لما تتماسك


نغطي الكيكة المستديره بالكريمه

بس لا تخلصونها


نلصق الكيكة المستديره بالمثلثات بالكريمه


لما يصير شكلها جذي



نقسم الكريمه المتبقة إلى 3 مقادير

ونضيف على كل وحده ملعقتين صغيرتين من الصبغات وكل وحده لون مختلف



ملاحظة: انا ما كان عندي لون أخضر فخلطت أزرق + أصفر وصار عندي أخضر



عقب ما تخلطون الكريمه تبدون تغطون فيها الكيكه


نحط الكريمه الزرقه على الكبوس ونحدد الخطوط



ونسوي نفس الطريقه مع الكريمه الصفره



وناخذ الكريمه الخضره ونغطي فيها الورده



بعدها تييبون جهاز التزيين وتحطون داخله اللون الي تبونه او تحطون كاكاو


نحدد خطوط الورده بهذي الطريقه


ونحدد خطوط الكبوس ونرسم العين



نقطع شريطه قصيره من العلكة


ونحطه مكان الحلج ونرسم فوقه بجهاز التزيين



نقطع قطعه صغيره جدا من Tubble Gum



ونحطه مكان الخشم


ونضيف على الورده وأعلى الكبوس وداخل العينتين m&m's

بهذي الطريقه




ونقطع قطعتين صغار من العلج ونحطها مكان الخدود


ناخذ شويه من هذا الحلاو حق الشعر


ونضعه بهذي الطريقه


وبجذي انتهينا من التزيين



آخر شي نظفوا الكريمه الزايده وييبوا صينيه كبيره وشيلوها اهيا والي تحتها عشان ما تخترب الكريمه



صينيتي كانت شويه اصغر من الكيكه


وحطوها بالثلاجه عشان تبرد شويه



منو أحلى؟

هههههههههههه


بالعافيه :)

هناك 30 تعليقًا:

طماشة يقول...

تبين الصراحة الاحلى الي مسويتها انتي، لاحظي شكل الشفايف اللي انتي سويته واللي موجود بالكتاب بتلاحظين ان اللي انتي سويته فيه حرفنه مع ان بسيط بس طالع شكله وايد حلو، وك تطابق بين الشكلين اعطيه 80% لكن اللي مسويته عجبني أكثر، اللي بالكتاب شكله جنه مصاص الدماء لأن صوب عيونه في أحمر أما انتي حاطة ازرق احسه مسالم وهادي ويشوق ينوكل، ماشالله عليج ضابطته وتسلم ايدج والصراحة مكونتها وطريقة عملها حيل صعبة ويبيلها خلق ومزاج..

___

سؤال طعمها شلون؟ واللي في محيطج شقالوا عنها؟


طماشة

شاي الضحى يقول...

طماشة

صج يعني شكله مو عفسه؟ انا ارقوزي مبتسم نفسي هههههه .. وعيونك الحلوه .. الله يسلمك وكنت مستانسه وانا اسويه عشان جذي قاعد يضحك وايد لووووول بس خذه مني وقت طويل على ما خلصته


بالنسبه للطعم وايد حلو واهلي استانسوا عليه واختي قالتلي شنو بتسمينه بس ما فكرت ليلحين لوووول

مو زين تشوف شكله الحين مسكين خدوده تقرمت وكبوسه اختفى هههههههه


وشكرا على التقييم:)

وحـدهـ من البـشر يقول...

وااااااااو روعه


وناااسه صج صج كيووت

تسلم الديااات

ضروري تقوليلي اختج من وين شرت الكتااب

و صج احس اللي مسويته احلى

الوانه جذبتني اكثر يمكن ليش هذاك صوووره

جان حطيتي صورته من عقب الاكل :P

موفقه

شاي الضحى يقول...

وحده من البشر

الله يسلمج ... والكتاب من مركز سلطان

والي انا سويته الوانه افتح

لووووول حده شكله صار يضحك ماصورته


اجمعين .. مشكوره :>

طماشة يقول...

لا بالعكس مو عفسة، ودام هذي أول مرة والنتيجة جذي أكيد المرة الثانية راح تتفنيين عدل فيه.. موفقة وعليهم بالعافية كل اللي كلوه.. >> عاد بغيت آكل الكبوس لول شكله يشهي

طماشة

ميمة السبيت يقول...

** حركااااااااااااااااااااات الكيكاااااااااااااات خلاص عيل كيكة عيد ميلاد بنتي عليج انشالله :)

- اعتقد انج عافسة المطبخ فوق تحت مع هالكريمة بس مرة ثانية قوليلنا نيي نذوووق :)

بالعافية ترى شكلها وناسة

Angel Orchid يقول...

الصراحة وااااايد شكلها يونس
شوقتيني ودي اذووووقها
بالعافيه وكثري من هالشغلات الحلوة :*

daloo3a يقول...

لالالالا مالتج أحلى بواايد خخ

حلوووه بس أسألج حد أكل منها ؟؟!!

لو انا سويتها و شافوا انه جيه بيقولون حرام و الحاله ومحد بياكل ههههههههههه

DoDoq8 يقول...

wnasa 7lwa 78 3ed melad

tslm edch :)

Fishah يقول...

واو ماشاءالله ضبطتي شكلها

تسلم ايدج :)

اي شفته الكتاب امس .. في دبدوب بني بعد صح؟ ماشريته شفت فيه وايد سوالف .. انا وحده كسوله لوول

شاي الضحى يقول...

طماشة

الله يعافيك والكبوس رااااااح عليك لووووول


مشكور :>

شاي الضحى يقول...

ميمة

لووووول انشالله :)))

انا سويتها بالصاله عفست الطاوله عدل بس امي كانت حاطه لي سماط بس خلصت شلته ولا جنه في شي :)


والله يعافيج مشكوره :)

شاي الضحى يقول...

Angel

الله يعافيج ويالله لازم تجربينها صج انها لويه بس راح تستانسين لما تشوفين النتيجه :)


نورتي :)

شاي الضحى يقول...

دلوووعه

اييي كلنه كلينه منها :) محد حبطني هههههه

حياج الله :>

شاي الضحى يقول...

دودو

الله يسلمج بس احس حق عييد الميلاد محد يأمن فيني لووووول

مشكوره :)

شاي الضحى يقول...

فشه

الله يسلمج .. اي في دبدوب بس ما فكرت اسويه واكو قالب يبيعونه في تافولا يسويلج نفس شكل الدبدوب بالضبط :)

ولا تصيرين كسوله ... حياج الله :)

رورو الشخبوطه يقول...

السلام..

شكله كيوت ماشاءالله..

تسلم ايدج يارب..

وبالعافيه يارب..

{~المباركية~} يقول...

تسلم ايدج
شكلها خوش كيكه متعوب عليها
بس مبين يبيلها شغل
يعطيج الف عافيه
بسألكم سؤال شوي عبيط

لما تسون كيكه تعبانين عليها ومزنينها
اخر شي ايي واحد ياكلها مايضق خلقكم لوول ؟

يعطيج الف عافيه

Hope يقول...

ما شاء الله
شكلها يـــــونــــس .. حدها عجيبه
والله في تطور ملحوووظ
=p
صرتي فنانه ما شا ءالله عليج
و مثل ما قالوا تصلح حق عيد ميلاد .. ودي اسوي بس بدينا دومات و حده ماكو وقت =[
بس خل اسئلج جم سؤال،عشان متى ما صار عندي وقت سويتها ان شاء الله

الكريمه لازم نفس النوع اللي انتي مستخدمته ولا يصير كريمه KDD ?
و جهاز التزيين وين اقدر احصله ؟

يعطيج الف عافيه و تسلم الايادي يا رب =]

شاي الضحى يقول...

هلا رورو وعليكم السلام

الله يسلمج ويعافيج :)


مشكوره :>

شاي الضحى يقول...

المباركية

الله يسلمك ويعافيك وسؤالك ضحكني لووووووول ما اخليهم ياكلونها الا لما اتولاها تصوير من كل الجهات بعدييييين ياكلونها :))

حياك الله :>

شاي الضحى يقول...

Hope

تطورت عقب تدريب شهر كامل برمضان لووووول ... سويها بالويك اند وانا حاطه الخطوات بالضبط مو نفس الكتاب فراح تصير وايد أسهل

والكريمه عادي اي نوع مو شرط الي انا استخدمته :)

وجهاز التزيين تحصلينه بكل مكان حتى بالجمعيات صوب القفاش واشياء ملوت الكيك تلقين منه انواع وايد غير هذا وكلهم يصلحون :)

حياج الله :)

Om MoD يقول...

كلمة الكيكة عجيبة شوية بحقها ..



وايد وايد حلوة ...ما شاء الله عليج وايد حلوة ومرتبة ..


بس شكلها تاخذ مكان بالثلاجة... لأنها كبيرة ..

جم شخص تكفي ...؟؟؟؟ وشكثر خذت منج وقت تقريبا :)


وحطيتيها بشنو ...يعني إذا سويتيها صعب تنقلينها ؟؟؟




والله يعاطيج العافية مرة ثانية :)



وكيكتج أحلى بدون مجامله :)

شاي الضحى يقول...

Om MoD

حبيبتي عيونج الحلوه سويها حق عيالج راح يستانسون عليها :))

والله خذت رف كامل بالثلاجه

والكيكه كبيييييره وااااايد تكفي اكثر من 15 شخص تقريبا

وخذت مني 3 ساعات من اول خطوه لي اخر خطوه

وانا اشتغل كنت حاطه تحتها سماط علشان ما اتلف الدنيا بعدها مسحته ونظفته وقصيته على حجم الصينيه وشلته اهوا والكيكه وحطيته بصينيه كبيره ودخلته الثلاجه


الله يعافيج مشكوره ما قصرتي :)))

Hanan يقول...

ماشاءالله عليج :)
لاحظت التطور اللي صار لووووول .. أتذكر الكيك اللي حاطته قبل شكله يكسر الخاطر P:
واللي انتِ مسويتهاوايد أحلى ماشاءالله بس تدرين لو مختارة خليط كيك الكاكاو وايد أحلى لانه الكريمة بتغطيه و ماراح يبين و أحلى بعد لو قسمتي الكيكة نصين و حشيتيها كاكو نوتيلا او اي نوع ذايب ..بس أكيد بتاخذ وقت و تعب أكثر @@
و يعطيج العافية

شاي الضحى يقول...

Hanan

الحمدلله انه تطور ملاحظ لووووووول


والله فكره بس صج راح تاخذ وقت واااايد

ومشكوووره :))

star يقول...

ما شاء لله ما شاء الله تبارك الرحمن .. تهبل الكيكة تهبل .. ويارب تسوينها في أعياد ميلاد عيالج عن قريب ... شهالسنع وين صاحب النصيب السنع الي يستاهل هالايد الي تنلف بحرير وألماس :)

she is me يقول...

تسلم إيدج .. توه الحين خطرت على بالي فكرة ليش ما فكرت فيها من قبل ما ادري!!^^
الكيك الزايد .. نسوي فيه طبق ثاني بنفس الوقت ..... شفتي الاختراع الرهيب ^^
ملاحظة فنية صغيرة اذا تتقبلينها مني !
لاحظت الكريمة غير متساوية على السطح
نصيحة: سجينه طويلة وعريضة شوي تنومينها و تمشينها على الويه بحركة وحدة
راح تتساوى معاج ^^

شاي الضحى يقول...

star

لا جذي انا استحي هههههههه

مشكوره وماقصرتي :))

شاي الضحى يقول...

she is me

الله يسلمج .... لووووول انتي بس تفكرين بالكيك الزايد صح هم فكره بس انا ما سويت فيه شي كليناه بروحه ويوم ثاني كلينه الأرقوز :q

اتقبل اي ملاحظات ما عندي مشاكل :))

عدل كلامج انا اصلا مو مالت تزيين كلش اول مره يطلع معاي جذي لوووووول وعندي القفشه مالت الكريمه الي تزينين فيها اهيا احسن من السجينه بس انا مسويتها بسرعه ابي اخلص لانها صج تاخذ وقت طويل وتتعب وانا طول الوقت واقفه :)

مشكوره ويعطيج العافيه :)