السبت، 19 سبتمبر، 2009

جيزكيك كاكاو ... يمي يمي :)

المقادير:
3 بيضات
بسكويت دايجستيف
1 زبده
1 قيمر
كريما حمرا
نص كوب سكر
11 آرو
8 جبن كيري
1 علبه ويفر رولز للتزيين


نطحن الدايجستيف

نذوب الزبده ونخلطها مع الدايجستيف


نرص الدايجستيف في ماعون الجيزكيك

ونحط بالخلاط

3 بيضات + 8 كيري + نص كوب سكر


بعدها نييب 7 آرو مع 1 قيمر ونذوبهم في حمام مائي


عقبها نحط الآرو مع الخليط الي سويناه اول شي ونخلطهم
باليد



لما يصير لونه جذي


نحط الخليط في القالب فوق الدايجيستيف


ونييب صينيه كبيره ونحط فيها ماي وندخلها الفرن



ونلف ماعون الكيكه بقصدير عشان ما يدش فيها ماي

وهذي الخطوه ضروريه عشان ما يحترق البسكوت


نخليها بالفرن ساعة كامله

وعقب الساعه نسكر الفرن بس ما نبطله خلوها داخل الفرن نص ساعه تقريبا على ما تبرد

وعشان ما تتبطط


عقبها نييب 3 آرو و نضيف تقريبا 6 ملاعق كبيره كريمه حمرا



ونذوبهم بحمام مائي



ندهن الآرو فوق الكيكه




لما تتغطى كلها




ونفتت الويفر رولز ونزين فيه الكيكه



وندخلها الثلاجه إلى وقت التقديم



واهني بعد ما طلعتها من الثلاجه



وبــالــعــافــيــه :)



هناك 16 تعليقًا:

DoDoq8 يقول...

يم يم شكلها لذيذه

تسلم ايدج :)

daloo3a يقول...

يمي يمي شكلها يجنن ^^

يسلمووو ع الطبخه الحلوه =)

نمووول يقول...

عقدني اكثر لو اسوي عملية جراحية حق مريض وايد اسهل
وانا قريت العنون قلت اكيد سهل وبتعلم ..
خلاص اذا اشتهيته انتي بتسوينه لي

جهد كبير وواضح تشكرين عليه
تسلم ايدج وشكرا

Chaotic pOsha يقول...

امبيه حدها عجيبه تسلم ايدج شغل عدل

جنها سوالف الخباز
ماكو توصيل منازل لول

رورو الشخبوطه يقول...

السلام..

عاد قبل جم يوم افكر بتزينج للكيك ولهت عليه :)

ماشاء الله حلو..

تسلم ايدج يارب..

وبالعافيه يارب..

شاي الضحى يقول...

DoDoq8

الله يسلمج :)))



daloo3a

الله يسلمج :)


مشكورين :>

شاي الضحى يقول...

نمووول

لووووول شدعوه عمليه جراحيه
بس صدقني لو تحط ايدك وتجرب راح تلقاها وايد سهله
انشالله اذا بغيت الكيكه قولي هههههه

الله يسلمك حياك الله اخوي :)

شاي الضحى يقول...

Chaotic pOsha

الله يسلمج وللأسف مافي هههههه

مشكوره :)

شاي الضحى يقول...

رورو

وعليكم السلام والرحمه

ها شرايج بتزييني الحين انشالله نجحت هالمره؟

لازم تجربينها طعمها لذييذ والله يسلمج ويعافيج :)


مشكوره :>

اجتماعي يقول...

إيي الحين حطوا لنا هالصور ..

مو برمضان .. نفس ما كانوا البعض يسوون

بالعافية :)

شاي الضحى يقول...

اجتماعي

لازم نحط برمضان لان الناس تدور الوصفات والاكل وعقب رمضان الناس تاكل اي شي :)


الله يعافيك وعبدك مبارك :)

Fishah يقول...

تسلم ايدج .. شكلها مبين لذيذه

بقلدج هالاسبوع وبجربها :>

عيدج مبارك حبيبتي وكل عام وانتي بخير :))

شاي الضحى يقول...

فشه

الله يسلمج

لما تجربينها عطيني رايج وترا صج اهيا لذيذه :)

ايامج سعيده وانتي بالف خير :)

عثماني يقول...

عيـدك مبـارك

وتقبـل الله طاعتكم

وكـل عـام وأنت بخيـر

:)

dm3t _almghor يقول...

عيدج مبارك

وعساج من عوادة انشاء الله

شكلها وايد حلوة تسلم ايدج

:)

شاي الضحى يقول...

عثماني + dm3t almghor


ايامكم سعيده :)


مشكورين