السبت، 3 أكتوبر 2009

كــوكــتــيــل :)

قبل شوي كنت قاعده اكلم زعفرانه (اختي) بالـ MSN

جان تطل من بلكونتها وشافت شي عجبها وصورته ودزته لي بالإيميل

ولما شفت الصوره استانست عليها وحطيتها بالبلوق هههههههه

quck quck quck

-----------------------------------------

عــصــيــر كــوكــتــيــل

المقادير:


4 حبات أناناس
2 كيوي
2 موز
عنب
فراوله
بلوبيري
1/4 كوب ماء


ملاحظه:
1. المقادير تحطونها على حسب الرغبه
2. المقادير تكفي لـ 3 قلاصات كبار


نحط الأناناس مع الكيوي والماي بالخلاط الكهربائي

لما يختلطون نضيف الفراوله ونخلط المقادير بعدها نضيف الموز والعنب

وآخر شي نضيف القليل من البلوبيريز ونخلط المقادير تقريبا دقيقه او اقل



وهذا العصير انا استبدله بوجبة العشاء


بـالــعــافــيــه :)

هناك 21 تعليقًا:

رورو الشخبوطه يقول...

السلام..

تشوق المظله ..

وتسلم ايدج يارب..

وبالعافيه يارب..

مشكوره..

joe يقول...

لووول هذا شنو مني وين
تسلم ايدج على العصير الطيب

غير معرف يقول...

حلوة الشمسية وايد، بس جو الكويت مو مال شمسية كلش، من كثر مطرنا! خخخ.. قاعد أتخيل نفسي رايح بالشمسية هذي الكلية راح اصير طماشة ومطنزة.. بس صج شكلها وايد حلو خاصة المنقار كأنه كبوس.. والله يوفق اختج..


العصير كول.. بس حامض ولا لأ؟ وإن حطيت عليه ليمون حتى يحمض تعتقدين يطلع حلو؟ وبالعافية العصير
( قلاصج يونس كل بوست مسوية فيه عصير، ذيك المرة أناناس وكيوي واليوم كوكتيل وناطرين الابداعات العصايرية :D )

طماشة

نمووول يقول...

ههههههه حلوووووة الصورة
اهم من زمان مبدعين بكل

عاد انا غرامي الكوكتيل بعد كل تمرين
لازم نص لتر او لتر بس ما جريتع مع عنب ؟

تسلم ايدج
وشكرا ً

سعد المحطب يقول...

عليج بألف عافية ..

حطي لنا طريقة إعداد "الامبراطور" :)

شاي الضحى يقول...

رورو

أهلين .. الله يسلمج ويعافيج

العفو حبيبتي نورتي :)

شاي الضحى يقول...

المباركيه

لا مو مني هههههه


الله يسلمك :))

شاي الضحى يقول...

طماشة

لا من صجك بالكويت وشمسيه حده ما ينفع بس بره الكويت تعد من الضروريات

مو وايد حامض واذا تبيه حامض لا تحط ليمون قلل من الموز والفراوله وزيد البلوبيريز راح يصير حامض لان البلوبيري حامض :)

حياك الله :>

شاي الضحى يقول...

نمووول

هالمره جربه مع عنب وايد حلو :)

الله يسلمك حياك الله :)

شاي الضحى يقول...

اجتماعي

الله يعافيك مشكور :)

الإمبراطور؟! منو هذا بعد؟


انشالله لما اعرفه احطه

Butterfly Chick يقول...

hehehehehehe so cute !!

بانوراما يقول...

تسلم ايدج ..

وخوش شمسيه

اول ما طالعتها على بالي لابس شخصيه

اثاري طلعت شمسيه

star يقول...

خوش صوره ^_^

وبالعافية العصير

شاي الضحى يقول...

بانوراما

الله يسلمك اي شمسيه حدها عجيبه :)

حياك الله :)

شاي الضحى يقول...

star

الله يعافيج .. مشكوره :)

وحـدهـ من البـشر يقول...

انــاااسه شي شي مو اي شي

حركاات الصـراااحه


و تسلم الدياات خيتووو و بالعافيه

شاي الضحى يقول...

جوجو

الله يسلمج ويعافيج ... نورتي حبيبتي :)

Fishah يقول...

ياحلوها المظله

احب سوالف جذي :))

بس ادري ماتصلح حق اهني :<

بالعافيه العصير شكله لذيييييييييييييذ وتسلم ايدج شوشو :>

شاي الضحى يقول...

فشه

اهني لو نشيلها ما يبقى احد ما يضحك علينا وغير هذا يصورونه ويخلونه بيزه ما نسوه ههههه شوفيها اهيا شحليلها شايلتها ولا احد له شغل فيها بس اختي صورتها لووووول


الله يعافيج ويسلمج :))

مشكوره :>

daloo3a يقول...

بس أحلى يوم تحطيين برتقال بدال المااي

يطلع يجنن ^^

شاي الضحى يقول...

دلوعه

احط ماي عشان تختلط المكونات ويصير شويه خفيف لانه بدون الماي راحيصير ثقيل حيل :))

وانشالله بجربه مع برتقال ... مشكوره :)