الاثنين، 5 أكتوبر 2009

شاركوني بمواقفكم :)

أكيد كلكم مرت عليكم مواقف تضحك ايام الدراسه وما تنسونها

بكتبلكم عن جم موقف مريت فيهم مادري ليش ما انساهم مع انه صارلهم دهر هههههه


الحذاء الطائر

لما كنت بأولى روضة كانت امي تشتغل بنفس الروضه فكنت متعوده كله اقعد عندها فمره خذتني بتوديني الصف غصب وانا مابي قعدت ابجي جان افصخ جوتيي (وانتوا بكرامه) واحذفه على الأبله لوووووووول ... وقبل جم سنه كنه بالجمعيه والأبله نفسها سلمت على امي جان تقولها اي وحده فيهم الي طقتني بالجوتي؟! فششششله هههههه



اسمي "لبنى"

انتقلت بثانيه روضه إلى روضة الطبري صارت مواقف وايد بهالروضه واذكر منها جم موقف، مره كنت قاعده مع وحده جان اسألها انتي شسمج؟ قالت لي اسمي لبنى ... جان اقولها عيل بييب خبزه واكلج لووووول اتوقع انها تعقدت من اسمها


غبائي والباب

هذي السالفه الي صج لما اتذكرها اضحك واحس اني غبيه ... السالفه وما فيها كنت قاعده بالصف جان اسوي حركه بايدي مثل هذي


فكنت مستانسه حسيت اني مسويه شي غريب لاني ما اعرف اسويها كل مره اسوي الحركه الي تكون اصابعي بره مثل هذي


فلما سويتها كنت قاعده طول اليوم بالروضه مو قاعده العب ولا اتحرك بسبت ايدي مابي افجها عشان بوريها امي المهم لما صارت الهده مرة خالي كانت يايبتني وانا قاعده امشي وايدي جذي وركبت السياره وانا قاعده بالسياره جان استوعب شي انه ايدي كل وحده بروح @@ شلووووووون جان اتذكر اني بطلت باب السياره حديييييي انقهرت وضاق خلقي ورديت البيت قاعده احاول اسويها ماعرفت وتميت اكثر من اسبوع لما عرفت شلون اسويها بس اشوه اني كنت بالبيت ولما وريت امي الحركه حدها ما اهتمت وادقرتني هههههههههه


وفي مواقف وايد بالروضه هم ما انساهم


وآخر موقف بكتبه لكم لما كنت بأولى ابتدائي ... أول بنيه قعدت يمي كان اسمها "حنان" ... هذي حنان سالفتها عجيبه وغريبه ... مره كنت قاعده اكل علج وكان هالنوع بالضبط



وكليت 2 جان تقولي لااااااا ما يصير تاكلينه كله مو زييييييين !!! قلت لها ليش؟ جان تقولي انه مره يدتها كلت العلج كله جان تسوي بلونه كبييييييييره جان تطيييير وليلحين ما لقوها !!!!!!!!!!!!! لوووووووووووووووووول والله اذكر وقتها انا ضحكت مع اني كنت ياهل والمفروض اني اصدق لانها كانت تتكلم من صجها ولما رديت البيت جان اقول حق امي السالفه وانا بس اضحك ... والحين كل ما اكل هالعلج واسوي بلونه كبيره اقعد انطر متى اطير هههههههههههه



وانتوا شنو المواقف الي ما تنسونها

ولما تتذكرونها ليلحين تضحكون؟

هناك 31 تعليقًا:

bent el deera يقول...

لوووووووووووووووووووووول
موتتني من الضحك سالفه العلج والبلونه لووووووول

يا حلو سوالفج

بالنسبه حق سوالف مممممممم هذا بس موقف على كبر

كنت طالعه من الدوام عشان اييب اختي من المدرسه ... نزلت عشان اخذ جنطتها ... حطيت الجنطه بالسياره وركبت ورديت البيت واختي مسكينه على ويهها علامه استفهام لاني هدييتها ومشيت ههههه

شاي الضحى يقول...

bent el deera

سالفة البلونه عجيبه قبل جم كنت قاعده اقول حق امي تهقين لقوا يدة حنان ولا لا؟ ههههههههههه


سالفتج عجييييبه يعني بس همتج الجنطه واختج مسكينه خليتيها ههههه اشوه محد نساني هههههههه


حياج الله نورتي :)))

joe يقول...

لوول لما كنتي صغيره صج كنتي شيطانه ;p

احم لو هالابله تطلع ابويهي اقول ياريت الارض تبلعني

اي همن انا جذي لما كنت صغير اليهال الي معاي كان يقصون علي

يعطيج العافيه

غير معرف يقول...

امبيه أخاف هذي يدتي p:
والله اخر موقف مضحك و محرج كنت طالعة من الخالدية كلية العلوم عند وحدة من البوابات و كنت توني شارية جوتي يديد تكرمين و تخيلي تعرجبت و طحت على ركبتي جدام البوابة !! انا هني مت ضحك وفيجتي تسمي علي واعليه خافت بس ادري فيها ودها تضحك لكن مو حلوة الشماتة و نفس الشي بكفتيريا العلوم الخالدية كنت هم شارية جوتي يدي لووول زلقت بس اشوه ما طحت و عقبها توبة البس كعوبة p;
الله يخلي الفلات

سعد المحطب يقول...

نظرا لطفولتي شبه البائسة ..
مابيكم تعرفون تفاصيلها :d

لأني بالأساس كنت مؤدب وايد وكله استحي وأقعد صوب البنات ..

عشان الأبلة ما تقولي قوم إلعب مع الصبيان :)

=====

أما سالفة البالونة ..
فـ رفيجتج بدعت فيها :d

شاي الضحى يقول...

المباركيه

لما كنت صغيره مو بس كنت شيطانه كنت ينيه ههههههه

واليهال عليهم سوالف ما تخلص واييبون خرافات مادري من وين وساعات كنه نصدق

اذكر لما كنت بالابتدائي كانت عندنه حديقه اذا صارت الفرصه نروح نييب جييس البطاط ونيمع فيه ام علي جان تشوفنه وحده وقالت لنه حرام بعدين الله يوم القيامه يحطكم داخل جيس البطاط لووووووول وكنه نصدق

الله يعافيك :)

مشكور :>

شاي الضحى يقول...

حنان

يمكن انتي رفيجتي الي يدتها طارت وما لقوهه ههههههههههههههههههه

موقفج حده احراج اذا شريتي جوتي يديد لبسيه بالبيت لما تتعودين عليه بعدين طلعي فيه ههههههه

انا سويت مقاطعه للكعب من دشيت الجامعه كله فلات :))

مشكوره :)

شاي الضحى يقول...

اجتماعي

شلون تستحي وتقعد يم البنات ؟!!!!! ابي افهم ههههههههه

اي والله بدعت ساعات افكر اقول يمكن يدتها ميته من زمان واهلها ما يبونها تاكل العلج يقصون عليها يقولون لها يدج طارت وما لقوها :)


مشكور :)

بانوراما يقول...

مره يدتها كلت العلج كله جان تسوي بلونه كبييييييييره جان تطيييير وليلحين ما لقوها


لووووووووووول

الظاهر تأثير سبيس توون

...


سوالفج وايد حلوه

daloo3a يقول...

hhhhhhhhhhhhhhhhhh

يا كثر المواقف اللي صارن
بحطهن فالمدون هان شاء الله

خاتون يقول...

لووووووووووووول
أما قصة الأيد و العلج لا يعلى عليها عاد أنا أكثر وحدة آكل علج بالكويت و الكل يشهد لي بذالك
ما أقول إلا يا حلاتج و يا حلات سوالفج *_^
أما الحذاء الطائر ذكرتيني فيه بعنف وحدة من خواتي لووووووووووووول
أما مواقفي يبيلهم رسوم متحركة ههههه
تسلمين على الوست المفرفش ^_^ نبي بعد .

شاي الضحى يقول...

بانوراما

لوووووووول لا أيامنه ما في سبيس تون لان طلعت وكنه بالمتوسط بس بالابتدائي ماكو شكلها متأثره بتوم وجيري خخخخخخخ


مشكور اخوي وحياك الله :)))

شاي الضحى يقول...

دلوووووعه

هههههه عيل يالله ناطرين البوست ببلوقج :))


حياج الله :)

شاي الضحى يقول...

خاتون

ديري بالج لا تطيرين لوووووووووول اذا شفت وحده طايره بعرف انها انتي ههههه


ويا حلاتج انتي :$ الله يسلمج حبيبتي مشكوره :))

رورو الشخبوطه يقول...

السلام..

اول شي طلعتي فيحاويه هالروضه يم بيت يدي كل عايلتنا من صوبي امي وي شهالعباله خو خوالي خخ دشوها ..

لو اقول لامي اعرف بنت فيحاويه بتقول فيج معلقه عندها تعب لمنطقتها عندها الفيحا توب والناس اللي فيها غير اهما الاصل والباجي تايون خخخ..

المهم انتي الجعده ؟؟

خخخخخخ فطست بالدوام وحطيت رفيجتي واشرح لها وعقب قلت سالفت العلج لزميلتي المقربه صرتي مشهوره :)


وانا اقول البنت تسوي رجيم ليش عشان تطيرين :)

مرسي ..

انا ماذكر وايد مواقف لانه فقدت الذاكره :(

شاي الضحى يقول...

رورو

لوووووول يحليلها امج سلمي عليها وايد :)))

لا انا الوسطيه زعفرانه اصغر مني :)

فضحتيني لووووووووووول

شفتي شلون توني يايه من الممشى عشان اخف واطير ... بس اذا عندنا العلج السحري ما يبيله لا رجيم ولا شي اكليه وطيري هههههههه

de rien :>

حياج الله حبيبتي :)))

غير معرف يقول...

لووول جاي انا فاطس ضحك كل ما أبي أرد على البوست أتذكر وأضحك خخخخخخخخخخخخخخ
أكثر شي ضحكني سالفة الجوتي، أووف حدج قوية، تحذفينه على الأبلة مرة وحدة؟ خخخخخخخخخخخخخخخ
ومت من الضحك على سالفة العلج شكو تطير؟ لا وانتي وقتها مصدقتها بعد خخخخ..

_________________________


من المواقف اللي صارتلي:

بالروضة: في وحدة اسمها " دلال" لحد الحين اذكرها، كنت أقولها إني ريلج وانتي مرتي، وكنا نلعب بالتركيب يعني ايبلها ماجلة واهي ناطرة الأغراض علشان تسفطهم خخخخخ والمسكينة لاعبة الدور عدل وانا مسنجم معاها. وانا اعطيها التركيب كانت قاعدة ترتبهم بطريقتها وانا أقولها لا مو جذي واهي تقولي لا جذي حلو، بعدها تليت عنقوصتها وبجت لوول مادري ليش سويت جذي! اذكر السالفة بس امي قالتلي التفاصيل لأني مو ذكارها بالضبط :d

***

بالابتدائي: كنت أموت على مدرستنا الموسيقى اسمها
" أبلة هناء " كان عندها شفر لونها أبيض كنت لما اطلع بالهدة أقول بقلبي إن كبرت أبي أشتري نفس سيارتها علشان تحبني الأبلة أكثر. لووول وسويت شي لا يحسد عليه، كنت بثانية ابتدائي تسحبت غرفة امي وبقت من التسريحة " حمرة " ووديته معاي المدرسة علشان اعطيه حق الابلة لوووووووووووووووووووول
ولما صارت حصة الموسيقى كانت الأبلة مشغولة وانا غافلتها وحطيت " الحمرة " على السبورة مكان الطباشير، ولا ما أوعى الا الابلة شافتني، وقالت هذا حق منو؟ جان أقولها حقج.. :d:d جان تبوسني وتقول طماشة حبيبي لوووووووووول >> يحيلها أبلة هناء كانت ماخذتني على قد عقلي

أنا لما كنت صغير كنت حدي مبلتع واتحرش بالبنات بس لما اذكر واشوف نفسي الحين الاحظ تناقض بشخصيتي لول بعدين أقول ليس على الصغير حرج:d


يعطيج العافية جاي على البوست الروعة


طماشة

شاي الضحى يقول...

طماشه

مو بس بالجوتي مره بالمتوسط طقيت الابله بالمسطره الطويله هههههههههههههههه

وسالفة العلج انا ما كنت مصدقتها مع اني كنت ياهل بس ضحكت عليها ورديت البيت قاعده اقول حق امي السالفه واضحك خخخخخ

عشان جذي ما تبي تتزوج لك ماضي اسود مع البنات ليش جذي تسوي فيها مسكينه واهيا تلعب معاك كسرت خاطري لو انا منها جان طقيتك ههههههههههه

وسالفة ابله هناء لااااااااااا تعليييييييييييق لوووووووووووووووووووووووووول

وامك لما درت عن سالفه الحمره شنو قالت؟


الله يعافيك حياك الله :)))

bhr.qadsaweya يقول...

ههههههه وااااي من صجها يدتها للحين مالقوها

حلاتها الياهل الظاهر امها قايله لها لاتسويت تفاخيات بالعلج...

مايطري على بالي موقف الحين بس بقول لج موقف اخوي بالروضة اول يوم كان يبجي ومايبي امي تروح عنه والمدير ه و الأبلات يو يمسكونه واهوه ابد يصرخ و عفس الروضة جان تيوده المديره و تقول حق امي روحي بس خلاص واخوي سيده فتح حلجه بعضها وكان نصيبها انها انعضت بصدرها...
بعدين اخوي قعد بره الصف و فصخ جوتيه و انتوا بكرامه ولادلاغاته وطول اليوم قاعد بره الصف لما يات امي تاخذه

واخوي الثاني كان مثل الحاله بس ما عض احد كان يحضر بس كل بره الصف ينطر متى الهده عشان يروح البيت

ويعطيج العافية حبيبتي

نمووول يقول...

ههههههههههههه لبنى بتاكلينها هااا
اما سالفه العلج .. لا تعليق
ودي ودي اصدقج بس قويه قويه ههههههههه
مواقف حلوه لما اتذكر موقف برد اكتبه

شكراً ضحكت من قلب

Fishah يقول...

لوووووووووووول مواقفج صج اتونس :))

عجبني موقف اللي بتسوين حركة الايد ونسيتيها :)

وسالفة العلج موووو صج :)

ماتذكر مواقف صارت لي وانا ياهل :< احاول اتذكر وارد

تشكرات خيتووو :)

شاي الضحى يقول...

قدساويه

لووووووووووووووول ضحكني اخوج مسكينه المديره وابلات الروضه شكلهم متعودين على العض والطق والبجي هههههههه الله يعينهم


الله يعافيج ... مشكوره :)))

شاي الضحى يقول...

نمووول

من يوم كنت صغيره وانا احب البلعه هههههههههههه عشان جذي باكلها

ودوووم انشالله الضحكه ... حياك الله اخوي :)

شاي الضحى يقول...

فشه

حركة الايد كانت بالنسبه لي شي غريب وسحر ومحد يقدر يسويه بس امي دقرتني عدل هههههههههههه

مشكوره ... وحياج الله :)

شاي الضحى يقول...

تصدقون استغرب لما احد يقولي ناسي مواقف صارتله لما كان صغير انا في وااااااااااااااااااااااااااااااااااااااايد سوالف ومواقف لا يمكن انساها ... انشالله ترجع لكم الذاكره وتكتبونها ونضحك معاكم :)))

وحـدهـ من البـشر يقول...

هههههههههههههههههههههههههه


امبي وناااسه

صج صج ايام مع ايامي بالروضه معدوده :P

حركاااات ونااسه حلو الياهل يكون شيطان

موفقه حبيــبتي

و دربالج لا تاكلين عليج وايد مالنا خلق انطير وندورج :P

غير معرف يقول...

جاي، أمي لما درت استلمتني زف >>:d وغسلت شراعي لأني دخلت غرفتها بدون استأذان >> وكل ما اذكرها بالسالفة تقول كنت عيار لما كنت صغير لول :D

شاي الضحى يقول...

وحده من البشر

ليش ايامج بالروضه معدوده؟ ما داومتي؟

حلو الياهل يكون شيطان بس مو اي شطانه في بعضهم ما تتحملينهم :)

مزهبه 20 علبه علوج باكلهم كلهم عشان اطير واروح اي ديره ثانيه سياحه هههههههه ارخص

حياج حبيبتي :)

شاي الضحى يقول...

طماشه

زين تسوي فيييييييك عشان ما تتعلم البوق مره ثانيه وما تمد ايدك هههههههه :)))


حياك اخوي :)

DoDoq8 يقول...

loool

9g yhal feeh wayed ashya2 ana mthlch bs ma athkr shay al7en

شاي الضحى يقول...

دودو

لما تتذكرين قوليلي :)))


حياج الله :)