كيكة شكراً أمي!

هالمره ما صورت الخطوات

المقادير:

كيكة سارالي كاكاو
كيكة سارالي فانيليا
3قيمر كي دي دي الحجم الكبير
جبنة فيلادلفيا 200 جرام
2 دريم ويب
1 ظرف كريم كراميل
2 جالاكسي ساده
كاكاو هيرشي للتزيين
صلصة كاكاو

الطريقة:

1. نييب صحن الجيزكيك ونرص كيكة الفانيليا بالقاعده

2. نسوي حمام مائي ونحط فيه 2 جالاكسي + 1 قيمر

3. عقب ما يختلط الجالكسي بالقيمر نصبه فوق كيكة الفانيليا

4. بعدها نحط الطبقه الثانيه من كيك الكاكاو فوق طبقة الجالكسي ولازم نسد الفراغات

5. دخلها بالفريزر لمدة 10 دقائق

6. بالخلاط الكهربائي نحط 2 قيمر + ظرف كريم كراميل + جبنة الفيلادلفيان + 2 ظرف دريم ويب

7. نخليه يخلط لما يصير شكله جذي

8. نصب الخليط فوق الكيكه

9. نزينها بكاكاو هيرشي



10. واخر شي نضيف عليها صلصة الكاكاو وندخلها الثلاجه ليلة كاملة

انا كتبت عليها شـكـراً أمــي

لاني كنت مسويتها بآخر رمضان وكانت هذي الكيكة درع تكريم حق أمي هههههههههه

خذيت هالطريقه من منتدى كويتيات بس غيرت شكلها شوي