السبت، 5 ديسمبر 2009

الفورنو

اليوم ريوقنه كان في الفورنو

اول ما دشينه الأفنيوز ولا لويه وعفسه وناس متيمعين

جان اخذ كاميرتي واتليقف لان لفت نظري هالحصان هههههه

اخر شي طلع مطعم يديد اسمه P.F.CHANG'S

بيفتح يوم الأربعاء 9/12/2009

ستاف المطعم مستانسين وقاعدين يصورون


دشينه المطعم على الساعه 10:45 باقي ربع ساعه ويخلص الريوق زين لحقنه ههههههه


احلى شي ان المطعم مافيه ولا احد الا احنه


هذا المنيو


طلبنه نص المنيو :q

لما يه بعيد لنه الطلبات طبعا الاسامي ابداع لووووول

واحنا متنحين جان اقوله خير انشاءالله مادري صح او لا بس اشوه طلع صح


كاستينو دي بانيه كون مارميللاتا إي بوررو

الي يقول اسم هالطلب 3 مرات اعزمه على الريوق :q

توست وخبز مع زبده ومربى وعسل


كابتشينو


عصير ليمون ونعناع


فريتاتا اسباراجي إي فونغي

اومليت جبن ومشروم

يقولون حلوه (انا مو صوب البيض)


فوكاشيا الفورماجيو بومودوريني

بس طلبناها بدون طماط

لذيييييييييييييييييييييييييييييييييييييييذه


بانوززو فارسيتو الأورينتالليه

حلوم مشوي وخيار وطماط وخس وزيتون

لذييييييذه


روتولو كون تاتشينو إي موزاريلا إي بومودورو

فوكاشيا مع الديك الرومي وجبن الموزاريلا وطماطم

هم لذيييييذه


الأكل كان كله لذييييذ ماكو شي ما عجبني


هذي المره الأولى الي اروحله ريوق قبل كنت كله اروحله غدى او عشا

وهذا الريوق كان عباره عن 3 وجبات (ريوق - غدا - عشا)

-------------------------------

بعد ما طلعنه مرينه ستي سنتر جان تقولي اختي شوووووووفي

@@


وطبعا بدووووون تفكييييير خمطتها ومشيت

والحين ترستها ماي وكل شوي اصب منها لما حصلت لي زفه من امي

لاني مو حاطه قلاص تلفت الدنيا ههههههههههه

وسلامتكم

هناك 44 تعليقًا:

barbar يقول...

الريووووق حدااااا يشوق .. شكله لذيييييذ
علييييييييكم بألف عااافية مطرح ما يسري يملي على قولتهم :))

و الفيييل حدااااا عجيييب و ويين حااطته بداارج :q
؟؟
جااي يبيييله ريووووق :q
الله يعطيييج العااافية واااايد حبييت الموضوووع
لا ريجيم و لا هم يحزنوون :qq

شاي الضحى يقول...

بربر

اي والله واااااايد لذييييييذ كان ناقصنه انتي

الله يعافيج حبيبتي

لا حاطته بالصاله على الطاوله الي غرقت من الماي لووووول ... بس بعد شوي باخذه معاي الدار اخاف يشربون منه :q

لااااا والله كل ما اقولج عن المطعم ما تحبين تجربين :q
ها نحول الغدا ريوق لووووول

انشاءالله مره ثانيه دامنه بطاليات


مشكوووره :)

joe يقول...

هي هي هي راح تعزميني على الريوق قلتها 3 مرات

تصدقين الافنيوز مايخلص كل مره اكتشف شي يديد عاد المشكلة الريوق مشكله صعبه شيقعدنا الصبح بس انا مواعد نفسي اني على يوم بتريق


ثانكس

رورو الشخبوطه يقول...

السلام..

بالعافيه يارب ..

عاد قبل جم يوم جربت بيتزا خطيره ماشاءالله ..

وتوني ادري عندهم ريوق من جذي ..

كاستينو دي بانيه كون مارميللاتا إي بوررو


كاستينو دي بانيه كون مارميللاتا إي بوررو

كاستينو دي بانيه كون مارميللاتا إي بوررو


متى تعزميني خخخ ..

لا جد ضروري اجرب ريوقهم عاد اليوم المفروض انزل صور عن غدانا في بس مالي خلق :\

وصورت لج شغله ع فيول هم نسيت احطه :(

بس قريبا ان شاءالله ..

و بعض الناس نزفوا كاااااااااااك خخ لا اتغشمر بالعافيه فيولي اليديد..

ومرسي..

شاي الضحى يقول...

المباركيه

افا عليك من باجر اعزمك بس صورلي المنيو عدل بعدين اعزمك هههههه :q

اي انا بعد الحين حاطه ببالي 3 مطاعم بجربهم ... ماعندنه غير هالمطاعم حق المتن ههههه

اهم شي انك مواعد نفسك :q


حياك الله :)

barbar يقول...

يسلمووو حبيبتي :**

لووووووول عيييل تلفتي الصااالة من ورااهـا :q
بس حدهـااا تشووووق :))

تدرين أنا مو ذاااك الزود مع سالفة أجرب شي يديد بس من الصور و المديييح لاااا شكله مو بجرب إلا بدب بالخمس لووووووووول
:))
و هذي حالتنا : و البطالي بااع كوته و اشتراااله كوووت ثااني :qqq
من ورااا البطااالة بنطق بالعرض ههههههه

ثنكس خيتووو

شاي الضحى يقول...

رورو

الله يعافيج

انا كنت ادري من مده وكل مره نقول بنروح ويصير شي هالمره ضبطت الطلعه

لوووووووووول جني بهون :q

انا حدي مقفله مو نايمه الا ساعتين وهذي قعدتي من الصبح بس قلت بنزل الصور مالي خلق يتكودون

وانا اطالبج بوست كامل حق فيولاتي :q

ههههههه يالله عاد كلش ولا فيولي ... الله يعافيج :)

حياج الله

شاي الضحى يقول...

بربر

اي انتلفت بعد شوي بتفخ حوتي وبسبح معاه ههههههههه

يعني لازم تشوفين بالصور يالله تقتنعين؟ :q

تصدقين يبيلي اشتري كوت ... ماعندي ولا شي شتوي والسنه الي طافت بعد ما كنت شاريه تذكرين ايام الجامعه صيفي وجاكيت ولا كوت ههههه

لا انتي يبيلج بالطول مو بالعرض لوووووووول :q

Engineer A يقول...

يمييييييييي شكل الريوق يشوق .. عليكم بالعافية!

وعلى طاري المطعم اليديد أنا مجربته أمريكا .. أكلهم حلو أذكر طلبنا طبق فيه بط لذيذ .. وخذينا شغلة مثل حمسة دياي ملفوفه بخس .. وطبق فيه ربيان بس مادري شنو اسمه .. ان شاءالله يكون بنفس المستوى :)

شاي الضحى يقول...

Engineer

الله يعافيج

انا اول مره اشوفه ما سمعت عنه من قبل ... انشاءلله اذا فتح جربيه وقوليلي عنه :q


مشكوره

كاريكاتير يقول...

عليج بالعافية

انا لو منج اروح مطعم "الرعيل الاول" اخذ لي جبده وقلوب وطاسة لبن وخبزة ايرانية وبعدين اشرب لي جاي من قهوة بوناشي وارد البيت ارخص واحلى واجمل :)

chandal/danchal!! يقول...

بالعافية, توني ادري ان عندهم ترويئة عن يوم كامل

:)

سعد المحطب يقول...

ههههه ..

بالعافية لج .. وبالعافية لاختج
وبالعافية احتياط للي معاكم

"للمرة الرابعة أعلق من غير أزمات"

ميمة السبيت يقول...

* عليكم بالعافية ، أول مرة ادري انه فيه ريوق حسبت بس بيتزا ..

شكلة وايد اشوق

Sn3a يقول...

مع ان ماظل مطعم مارحتله
ووواااايد اروح الافنيوز
بس ماتشجعت اجربه

بس يتروالي بجربه قريبا شوقتينا

وعليكم بالف عافيه

Hashimoto يقول...

بونجورنو سينيورا شاي الضحى
لووول

هالمطعم الطلياني لااازم نرووحله

والله قعدت اقرا كل الاسامي الي كاتبتهم
لووووول
نايس نايس

بالعافية بالعافية
=)

Hadeel يقول...

بالعافية ..
كل ما نطلع نتريق .. احتار .. وبالأخير دونت مع أيس كوفي ^^

تدرين شنو تخيلت
بدار بيبي حق المميات وهالسوالف .. بيكون شكلها واايد ذرب ^^

نبضُ الأدب يقول...

ريوق العوافي ^^

ألفورنو رايحتله عشا .. ما جربت ريوق =)

خوش تقرير

DoDoq8 يقول...

ونااسه اليوم كنت بالافنيوزوشفت المطعم اليديد شدني شكله ماعرفتي شنو اهو امريكي ولا ايطالي ؟

وبالعافيه عليكم :)

Made n Q8 يقول...

علييكم بالعافية

مشالله شكل الاكل يشووق

ضحكني الي بالصورة الاولى قاعد تحت ومشرع أيده زين ما شال عيون بو الاحمر خخخ

6umasha يقول...

awal shay 3alikum bel 3afya :D
o thani shay ilfeeeeeeeeel abeeeeeehh abeeh abeeh !! barou7 ashtreeii meenaa!! bashrab maii liima agoul bss!

daloo3a يقول...

يمي يمي يشهييييييييييي الريووووووووووووووووووق

لذيذ اممممم

خاتون يقول...

إي هاذي المطاعم السنعة اللي ما فيها أحد أحلى شي
وناسة شكله مطعم إيطالي أظن قريت أسمه بوحده من المدونات لكن بعد ما شفت الصور و دريت أنا ماعليه دوس لازم أروح له
ثانكس=شكرا=غراسيس= مرسي= سلامت بو= تشي تشي=تيغا

شاي الضحى يقول...

كاريكاتير

الله يعافيك

لوووووووول جبده وقلوب؟ !!!! لا تعليق


شكرا

شاي الضحى يقول...

جندل

الله يعافيج ... جربيه لذيذ :)

مشكوره

شاي الضحى يقول...

اجتماعي

الله يعافيك عنه كلنه :q

الحمدلله هههههه دووووم ان شاءالله :q

مشكور

شاي الضحى يقول...

ميمه

الله يعاقيج

جربي الريوق وخاصة الفوكاشيا لذييييذه :)

شاي الضحى يقول...

سنعه

انا وايد اروحله غدا او عشا لذييذ احب الباستا بس هذي اول مره اجربه ريوق وشي اكيد ماراح تكون اخر مره :)


الله يعافيج

شاي الضحى يقول...

هاشم

بونجورنو

دامك قريتهم كلهم خلاص العزيمه علي هههههه :)

الله يعافيك الله يعافيك :q

شكرا

شاي الضحى يقول...

she is me

الله يعافيج ... هالمره خلج من الدونت وجربي هذا :)


مشكوره

شاي الضحى يقول...

نبض الأدب

الله يعافيج

شكرا

شاي الضحى يقول...

دودو

والله انا ما اعرفه اول مره اسمع عنه بس كاتبين انه امريكي :)

الله يعافيج

شكرا

شاي الضحى يقول...

Made

الله يعافيج

اي هذا كان وايد مشتط ويغني مستانس على المطعم هههههه

مشكوره :)

شاي الضحى يقول...

طماشه

الله يعافيج


لا الفيل بس حقي هههههه :q

شاي الضحى يقول...

دلوووعه

وايد لذيذ


مشكوره

شاي الضحى يقول...

خاتون

كان هدوء لان مو وايد ناس تدري انه في ريوق بس الغدا والعشا زحمه


walang anoman :)

Mohammed يقول...

والله شكل الاكل لذيذ وممتع عاد بحب الاكل اوي اوي لووول

وحلو شكلة برادة الماي شكلها كووووول وكشخه يبيلي وحده وبالعافيه عليكم ان شاءالله ,,

شاي الضحى يقول...

محمد

منو ما يحب الأكل اوي اوي؟ هههههه

لا هذي مو براده لانها ما تبرد ... تنفع حقي لان احب الماي يكون دافي :)

الله يعافيك

شكرا

shiry يقول...

بالعافية

بس ابي اعرف كم سعر الفيل

juvebizkit يقول...

بالعافيه
بس اما البراد الصغير شكله عجييب

شاي الضحى يقول...

Shireen

الله يعافيج :)

والله مادري مو ذاكره جم بالضبط بس الي اعرفه انه اقل من 4 دنانير يمكن 2 وشي مادري :)


شكرا

شاي الضحى يقول...

juvebizkit

الله يعافيك

اي حده عجيب هههه :)


شكرا

lil.D يقول...

يوووووووووووووووعتيني شووو هذا
شكل البيض لذييييييييييذ والخبز والجام!!!!!

اباااااااااااااااااااااااااا!!!!!


هههههههه احلى شي انج افتتحتي المطعم!

شاي الضحى يقول...

lil.D

البيض يقولون حلو لاني ما احبه والجام بعد ما احبه فما جربته ههههههه

افا عليج اطرش لج :q

لا ما افتتحته كنه رايحين متأخر فدشينه اخر شي والناس طالعين قبلنه :)


مشكوره :>