الأحد، 20 ديسمبر 2009

سوالف غبية!


سنه من السنين كنه مسافرين رايحين أمريكا فكنه نعتمد على الخرايط ونشوف الأماكن الي نبي نروح لها وسمعنه عن مول كبير ويعتبر اكبر مول بالمنطقه ورحناله ووقفنه بالمواقف وكانت FREE تسوقنه فيه من الصبح لي العصر لما ملينه من كبره وطلعنه ... عقبها جان نشوف بالخريطه في مول ثاني بنفس المنطقه وقلنه يالله نروحله وصلنه ووقفنه بالمواقف بس كانت بفلوس ونزلنه وتمشينه وتسوقنه وشرينه وعقب ما مشينه مده طويله جان نكتشف ان احنه بنفس المول بس دشينه من الجهة الثانية!!!!

حدنه أغبية ههههههههههه



كنت رايحه فلم مع رفيجتي نسيت شنو كان اسمه بس الي اذكره ان فيه "ماموث" وكنت مندمجه بالفلم جان تسألني رفيجتي

رفيجتي: جااااي هذا مو جنه ماموث؟!

انا: اي ماموث

رفيجتي: بس مو جنه الماموث منقرض؟!

انا: اي انقرض

رفيجتي: عيل شلون يابوووووووووووه؟!!!!

انا: خاشين جم واحد حق الفلم!!

لووووووووووووول



قبل سنتين وتحديدا ايام امتحانات الفاينل بفصل الشتاء البارد جدا كنت قاعده ادرس بالمكتبه لما صارت الساعه 9 بليل طلعت ركبت السياره ولا السكان حده بااااااااااااااااااااااارد مو قادره امسكه ووقتها كنت لابسه سكارف جان امسك السكان بالسكارف وانا لابسته وطول الطريج قاعده امشي جذي لما وصلت عند ""يو تيرن"" ولفيت جان انزنط واقعد اصرخ لان السكارف لف على رقبتي لووووووول

اول ما رديت قلت حق امي السالفه ومن ثاني يوم يابتلي دسوس هههههههه


سألت رفيجتي

انا: يصيرلج فلان الفلاني؟

رفيجتي: اي ... ليش شفيه؟!

انا: لا ما فيه شي بس مات

رفيجتي: @@ !!!!!

لوووووووووووووول الله يرحمه

--------------------------------------------------

امي حبيبتي امس كانت قاعده تخم بمخمتها اليديده

صارلها ســنــه عندها يايبتها لها زعفرانه صوغه

ومتحسفه تستعملها امس مادري شلون اقتنعت وخمت فيها

هههههههههههه

هذي المخمه على أميره


والمكرافه على أمير


مرت عليكم مواقف غبيه؟ .. كتبوها عشان نضحك :>

هناك 41 تعليقًا:

ثلجيّة القلب والأقراط .، يقول...

أولاً قبل لا أعلق .. أنا اول مره أكتب تعليق بمدونتج مع العلم إني أتابع مواضيعج دائماً و أحب هالمدونه وايد وايد P:
وأمبيه صج صج ضحكتيني و سالفة السكارف فصلت عليها لوول

بإنتظار سوالف أخرى P:

شاي الضحى يقول...

ثلجية

حبتج العافيه حبيبتي ... وان شاءالله دوووم مواضيعي تعجبكم :)

لووووول زين اني ما اختنقت :q

حياج الله ... مشكوره :>

BookMark يقول...

بوست ظريف ^_^
ضحكتيني مع نهاية العطلة

بس أحلى شي مخمة الأمير والأميرة ;))

يعطيج العافية

رورو الشخبوطه يقول...

السلام..

خخخ احلى شي مافيه شي مات و السكارف خخ..

وايد مريت بمواقف غبيه بس ناسيتها..

ومرسي..

شاي الضحى يقول...

بوك

دوم الضحكه :)

الله يعافيج

مشكوره :>

شاي الضحى يقول...

رورو

ههههه اي عيل لو في شي مادري شنو قلت لها :q

اذا تذكرتي كتبي اهني

حياج الله حبيبتي :>

مشكوره

نمووول يقول...

ههههههههههههههههههه
سلط الله على ابليسج
اول موقف العتب على الخريطة

بس الموقف مع رفيجتج ههههههه
مسكينه بس اذا مو قريب وايد تمشي ..

كثري من الهسوالف
شكراً

Engineer A يقول...

لوووووووووووووووول


بصراحة بوست عجيب :)


مت من الضحك والله من زمان ماضحكت جذي p:

سالفة السكارف نمبر ون .. وسالفة المول اللي بامريكا بعد تضحك تصير هالمواقف اهناك!

مره من زمان خلال دراستي بامريكا كنت ياية الجامعة متأخرة شوي فصفط في مكان ممنوع الوقوف مؤقت على ما اخلص المحاضرة وتالي اوخر سيارتي ..

خلصت الكلاس ورحت ركض صوب السيارة مابي اتخالف والا مع الاسف لقيتهم حاطين لي مخالفة .. قمت وحركت السيارة ورحت صفطت بالمصافط وكانت بفلوس والا تقولي رفيجتي مدام انتي اولريدي متخالفة جان خليتي السيارة واقفة بمكانها لين تخلصين ماراح تتخالفين مرتين!!

حسيت اني غبية حزتها لووول ودفعت مرتين مره للمخالفة ومره للمصافط!! P:

شاي الضحى يقول...

نمووول

ان شاءالله دوم نشوفك تضحك :)

لا والله العتب علينه الخريطه مالها ذنب هههههه

للأسف انه شبه قريب وما كانت تدري :(

هههههه ان شاءالله

حياك الله اخوي :>

شاي الضحى يقول...

Engineer

دووووم ان شاءالله تضحكين :)

موقفج ابدااااع اي والله صاجه رفيجتج جان خليتيها واقفه الظاهر كان بخاطرج تدفعين مرتين ههههههه

انا لما قريت سالفتج توقت انج بتردين ما تلقين سيارتج بس اشوه مخالفه ولا انهم شايلينها لووووول

والغباء لابد منه في حياتنه لوووول


مشكوره :>

ميمة السبيت يقول...

** يا حلو سوالفج يا شاي الضحى والا سالفة لسكارف هذي فلم

سلميلي عالمامة و قوليلها المخة عجيبة

DoDoq8 يقول...

لوووول اتخيلج وانتي زانطه روحج حبيبتي والله

بس والله المواقف الغبيه وايد وخصوصا بالسفر مادري ليش

مره كنا بمحطه مترو انفتح باب القطار من جهتين نصنا راح صوب والثاني صوب ومشى القطار لمه شفت الي بالجهه الثانيه دمعتي غرقت عيوني حسيت انه احنا بديره واهما بديره بس بالنهايه اكتشفت انه فيه ممر واحد يوصلنا لهم

امممم ووايد والله حياتي كلها مواقف غبيه :×

mimi يقول...

المدونة دي دمها خفيف جداااااا

بس تعرفي ، أنا محتاجة مترجم ، والله لولا الصور ماكنت فهمت حاجة

كل حكاياتك ( سوالفك صج ) جميلة مضحكة
مش علي بالي موقف أحكيه دلوقتي ،، بس لو أفتكرت هحكيلك

تحياتي

6umasha يقول...

LOOOOOOL :p
KIL SHAY tha7knii o akthar shay mafe shay bs MAAAATT !! " alla yr7ma enshalla "
allaaaah ilmakhama men wain :P 7asafa laish khamat 7adha tshaweq :P

الوتيــــــــــن يقول...

هههههههههههههه .. ياحلو المواقف لمن نتذكرها

بس اكو مواقف ياختي ماودج تذكرينها ولي ذكرتيها ضحكتي من الفشلة وتحلطمتي( اخاف هالحاله فيني آنا بس واطلع شاذه عن الكل :| )

الموقف اللي مو خوش موقف صارلي اني كنت ايام الجامعه حدي قرقيه .. وكنت قاعده اسولف مع رفيجتي بالتلفون بما انها بكلية ثانية واكو بريك .. وامشي بالآداب .. ومندمجه حدي بالسالفة مع الضحك شوي ولا يرن تلفوني واهوا على اذوني *_* لا بليز مو الحين .. اللي ماكان منتبه انتبه .. وحسيت نفسي غبيه .. ليشنه الخط فصل وآنا قاعده اكلمها ومن قرقتي ما انتبهت .. وردت دقت علي وآنا اصلا مندمجه

مواقفي تفشل تفشل لا مابي حتى اتذكر -_-

كل عام وانتي بخير جويهتنه :*

joe يقول...

انا ارشح سالفة الي مات بالمركز الاول من ضمن اقوى السوالف لوول
حرام عليج يعني بس مات ماصار فيه شي لوول

موفقه

شاي الضحى يقول...

ميمة

شسوي بعد تأثير الدراسه ههههههه

الله يسلمج يوصل ان شاءالله


شكرا :>

شاي الضحى يقول...

دودو

لووووول لا تتخيلين كان شكلي غبي :q

اول مره اسمع ان في مترو يبطل البابين من الجهتين انا الي اعرفهم كلهم جهه وحده .. بالسفر نصير اغبيه لان مانعرف شي خاصه اذا كانت دوله اول مره نروح لها :)

مشكوره :)

شاي الضحى يقول...

mimi

لو اعرف مصري جان ترجمت لج بس للأسف مـــعـــرفــش

وتشرفينه بأي وقت :)


شكرا

شاي الضحى يقول...

طماشه

ان شاءالله كل يوم اشوفج تضحكين :)

مادري ليش قلت لها جذي وقتها كنت حدي غبيه لوول

المخمه من ايرلندا ... بعد لي متى تخشها صارلها سنه زين انها طلعتها امس وخمت فيها هههههه

مشكوره :>

شاي الضحى يقول...

الوتين

اكيد في مواقف تفشل وما تنقال (خليها مستوره) هههههههههه

موقفج صار فيني وايد بس الحمدلله محد يكون يمي ... ماكو الا تحطين تليفونج سايلنت لما تتكلمين عشان محد يسمعه اذا رن لوووول

حلو الانسان يتذكر المواقف الحلوه والي تضحك حتى الغبيه الي مرت بحياته بين فتره وفتره

مشكوره :)

شاي الضحى يقول...

المباركية

يعني استحق اخذ عليها كأس العالم للغباء؟ :q

اي عادي كلنه بنموت ههههههه

اجمعين يارب


مشكور :>

Made n Q8 يقول...

خخخخخخخخ

كلش عاد ولا سالفه الي مات الله يرحمه رفيجتج جنها انا ماتدري شصير بالعايله

وانا صار فيني تقريبا مثل موقفج مار السكارف بس انا على غيير..على أيام الجامعه كان عندي ماده بكليه البنات خلصت وركبت السياره وانا الف السكان بأيد وحده عشتو راهيه الاخت وتنعوي ايدي وادوده المهم كملت اللفه وامر على بيت في شباب متكودين عند الباب ويطالعوني مستغربين وانا اقول بنفسي عاد قلنا حلوة بس مو جذي :P

أثاري الاخت حاطه أيدها عالهرن واهيا ما تدري عن هوى دارها :s

شاي الضحى يقول...

Made

لا الخبر كان فريش لوووول :q

موقفج يفشششششل لووووووووووووول


مشكوره :>

SCRIBBLE ..♥ يقول...

هههههههههههههههههههه

يعني الحين هم خاشين كم ماموث عشان الافلام !!! خخخخخخخخخخخخخخخخخخخ


الله يسعدج

رورو الشخبوطه يقول...

باك..

موقف صارلي توني وانا اتريق..

رفيجتي قالت لي مو هذا خضر بارون ..

قلت لا اهو ما مات لا امه اللي ماتت وسكت شوي افكر عقب قلت لها منو خضر بارون !!

انا حسبالي تتحجى عن خضير العنزي :\

عاد قبل لا نوصل الكافتريا كنت اقولها سوالفكم خخخ ..

ومرسي..

شاي الضحى يقول...

SCRIBBLE

شفتي شلون؟ :q

هههههههههه


مشكوره :>

شاي الضحى يقول...

رورو

ولكم

الظاهر تأثرتي من البوست ههههههههه

خليتي رفيجتج تاخذ فكره عن غبائنه؟ لوووول :q

مشكوره :>

Hi Kuwait يقول...

"وصلت عند ""يو تيرن"" ولفيت جان انزنط"

لووووووووووووول .. حلوة
P:

bhr.qadsaweya يقول...
أزال المؤلف هذا التعليق.
bhr.qadsaweya يقول...

هههههههههههه
ههههههههههههه
ياربي احلى شي موقف السكارف

اهم شي عدت على خير و لا صار فيج شي يا عودة
____

من المواقف الغبية الي تطري عليي
قبل جم يوم طالعه وي امي وحاملة معاي بس البوك و التلفون طلعنا و رحنا و تغذينة و في المواقف نقزت على امي اقول لها وين تلفوني وينة؟؟؟
لالا مالي شغل اكيد عالطاولة تريدين معاي يعني تردين... تونا بنفتر ولا امي تقول لي شنو بيدج
انا هني طالعه ايدي و ضحكت على نفسي و كملنا الطريج...
يعطيج العافية

lil.D يقول...

سالفة اليو تيرن جتلتني من الضحك .. خبرتهم وانا يالسه فالصاله الكل انصدم لوول .. تستاهلين السلامة!

اغبى شي سويته اني مره نشيت من الرقاد محمومه رايحه الدوام! .. وانا يالسه فالصاله مدوخه .. بطلت شنطتي لقيت ريموت المكيف!!

جان اقول لامي: تخيلوا بس؟ .. حطيت المكيف فالشنطه!! .. جان يضحكون .. ييت اعدل قلت لهم .. حطيت الريموت فالمكيف ... الكل تم يطالعني وفجأه المكان كله ضحك .. >_< قلت لهم خلاص بروح الدوام ما بقولكم شي لوول

شاي الضحى يقول...

Hi Kuwait

:$

لوووووول شسوي تأثير الدراسه والبرد :(


شكرا

شاي الضحى يقول...

قدساويه

اي والله الحمدلله عدت على خير لوووول

ههههههههههه لو مو ماسكته بيدج جان ما فقدتيه :q

ما احب الطلعه بدون جنطه والسبه اني امشي واحذف باغراضي لوووول


الله يعافيج ... مشكوره :)

شاي الضحى يقول...

lil.D

دووووم تضحكين حبيبتي :)

ههههههههههههههه مو منج من المرض

ذكرتيني بأمي

مره كانت بتطلع حطت اغراضها بالجنطه وطلعت لما يت بتدق بالتلفون طلعته من الجنطه ولا اهيا حاطه ريموت التلفزيون ههههههههه


حياج الله حبيبتي :)

Pure يقول...

بوست يغّير الجو .. كللش و لا سالفة المول يازتلي ههههه

,,,

الموقف إلي حاضرني الحين , مرّه كان بالي حييل مشغول و صدفة بطلعتي صادفت وحده معرفتي معاها سطحية , و نظام الي اسلم عليها برسمية و جذي يعني ,, المهم و اهيه تسلم عاد انا سألتها (شلونج شخبارج ؟ انا بخير الحمدلله) ..

تخيلي يعني سألتها السؤال و رديت انا عليه x: ,, يا فشيلتي حزتها p:

غير معرف يقول...

هههههههههههههههههههههههه

مت من الضحك وانا أقرا بصراحه دمج خفيف:)

البلوق يونس ومواضيعه تشوق يعطيج ألف عافيه

شاي الضحى يقول...

Pure

ههههههههههه جنج تقولين لها لا تسأليني انا زينه :q


شكرا

حياج الله :>

شاي الضحى يقول...

q8-lawyer

دوم الضحكه حبيبتي :>

الله يعافيج


وحياج الله

مشكوره :>

Just A Bunch يقول...

لوووووووووووووول

XD!!!

والله خوش بوست مت من الضحك!ّ المواقف الغبية وايد بس مااتذكرهم الحين...

مادري اذا زرت مدونتج من قبل و لا هذي اول مرة بس اسمج كلش مو غريب :)

added u to my list ;)

شاي الضحى يقول...

just

دووم الضحكه :)

وحياج الله بكل وقت


مشكوره :>