الثلاثاء، 15 ديسمبر 2009

Brasserie de l'etoile

لمحبي المطاعم الفرنسيه مطعم brasserie de l'etoile

بالأفنيوز

المنيو


اول شي كنه متنحين ماندري شنو نطلب بعدها يه الجارسون وقعد يشرح لنه

صمون وزبده


المقبلات

طلبنه أصابع الجبن (ما عجبني)


ومشروم مع الجبن يمييي

ما اعرف اسامي الأكل الي طلبناهم


سفن اب


بيبسي


دجاج مشوي مع أرز


باستا مع مشروم


وهذا طلبي بطاط مع برجر

البطاط لذيييذ


خدمتهم وايد حلوه

والأكل بسرعه ايبونه

عقب ما خلصنه يه الجارسون وقالنه منو حظه حلو؟

قلناله محد هههههه

جان يقول لا ابي وحده فيكم حظها حلو وتختار وحده من الكوكيز

وتليقفت انا واخترت

جان يقولي انا اقول غيري رايج واخذي الثانيه

(عيل ليش تقول منو حظه حلو وانت بتختار ههههههه)

المهم خذيت الي قال عنها

وشوفوا شنو فزنه فيه


ونااااااااااسه فزنه بـكبون بقيمة 20 دينار من مطعم P.F.CHANG's

وتذكرون بالبوست الي قبل كنت كاتبه ان فزنه بشوربه ههههههه

اضغط هنا

ما كان ودي اروح للمطعم بس الحين قلت لااااااااازم اروح :q

واخر شي بقوله المطعم حلو وقعدته حلوه ويستحق التجربه

والبرجر كانت عملاقه فخذيتها معاي البيت لوول


--------------------------------------------

قبل مده طويله اختي زعفرانه شرت لي فيول من ايكيا

وسمته بـــابـــار

وامس كنت رايحه ايكيا جان اشوف يايبين ولد بابار ولازق فيه حفيده


وهذا حفيد بابار


خذيتهم ويبتهم عند يدهم بابار


ياحلوووووووهم يهبلون

يارب يزيدون :q

هناك 24 تعليقًا:

رورو الشخبوطه يقول...

السلام..

المطعم الصيني مسويله خوش دعايه :)

ماشاءالله بالعافيه عليكم الاكل والهديه..

و الفيول يشوق ماشاءالله..

مرسي..

شاي الضحى يقول...

رورو

اي حلوه فكرت الكوكيز

الله يعافيج :)

اكيد يشوق لانه فيووول :q

حياج الله :>

Ra-1 يقول...

رايحة له بس ما عجبني الأكل
إلي صج أبي أروح له الصيني! عطيني الكوبون
p:

شاي الضحى يقول...

Ra-1

صج؟ عيل انا عجبني :)

لاااااا بس حقي هههههه :q


مشكوره :>

DoDoq8 يقول...

رحتله معه اختي الاسبوع الي طاف شفت المنيو يضيق الخلق جان نطلع بالعااافيه

والفيله يهبلووون مافي بقر لووول مادري صايره احب البقر

شاي الضحى يقول...

دودو

لا بالعكس ما يضيق الخلق بس اول ما تبطلينه ما تدرين شنو تطلبين لان اساميهم غريبه ... والله يعافيج :)

والله مادري ما احبهم :q


مشكوره :>

بو عبدالملك يقول...

ياحلو المفطح

Made n Q8 يقول...

عليكم بالعافيه الصور تشوق مشالله

والفيل شكلها كيوووت

الله يخليلج اختج

غير معرف يقول...

الله يهديج جان طلبتي سفن دايت هههههه

بالعافيه ان شاء الله

من ناحيتي انا افضل الأكل الإيطالي أكثر

شاي الضحى يقول...

ابوعبدالملك

انت ليلحين عايش؟

وعليك بالعافيه المفطح

شاي الضحى يقول...

Made

الله يعافيج

فيولي يهببببل

آمين ... مشكوره :>

شاي الضحى يقول...

ابوفلان

السفن مو مالي :)

الله يعافيك

اكيد الإيطالي لا يعلى عليه :>


شكرا

Khalid يقول...

3jeeb el ma63am, ybeelah walla bas aa55 yal rjeem ;P
thnx

شاي الضحى يقول...

خالد

احلى شي فيه ان عندهم منيو كله مشروم يمييي

مو بس اخ الا اخين و3 و4 لووووول انا طلعت حرتي بالمطاعم قبل الرجيم :q

روحله بالفري ميل

حياك الله :>

daloo3a يقول...

ناااااايس الأكل و مبروك ع الكوبووون =)

و حلو بابار

ذكرتييني في رسوم بابار هع

شاي الضحى يقول...

دلووعه

الله يبارك فيج :)

بابار الحكيم هههههه كان عجيب :)


حياج الله :>

غير معرف يقول...

عليكم بالعافية :)

شاي الضحى يقول...

حنان

الله يعافيج


مشكوره :>

Engineer A يقول...

عليج بالعافية .. وزين طلع حظج حلو وفزتي بالجائزة! :)

شاي الضحى يقول...

Engineer

الله يعافيج :)

مو حظي حظ الجارسون ههههههه


شكرا

سامر محمد عرموش يقول...

الاخت الكريمة
كل سنة وانت طيبة والاسرة الكريمة والامة الاسلامية جمعاء بمناسبة السنة الهجرية الجديدة ونسأل الله ان تكون سنة خير علينا جميعا
واما المطعم فلقد سال لعابي لاني جائع
هههههههههه
شكرا عل المعلومات الطيبة
تحياتي

سعد المحطب يقول...

زين إني مو صايم ..
جان قاطعت مدونتج ..

لأني لما أصوم .. أكون على طريف
وأي إغراء يفطرني : d

بالعافية على قلبج : )

شاي الضحى يقول...

سامر

وانت طيب :) آميييين

لووووول

عفوا

حياك الله ... مشكور

شاي الضحى يقول...

اجتماعي

اشوه انك مو صايم :q ... اذا كنت صايم لادش الا لما تفطر عشان ما تقاطع بلوقي هههههه

الله يعافيك اخوي

مشكور :)