الاثنين، 4 يناير 2010

أنا وأختي 1

اغلب البنات الي بعمري او اكبر او اصغر بشوي مروا بهذه المرحله!

هممممم بس اي مرحله؟!

قبل جم يوم كنت احوس بكبت امي بدون ما تدري (يا حبي حق التعبث) جان اشوف دفتر ذكريات زعفرانه لما كانت صغيره اول ما شفته على طول خذيته بقراه امي زفتني قالت لا تقرين اسرارها قلت لها الله والأسرار أغلب الي داخل النوت انا كاتبته لها

المهم بطلته وقعدت اضحك على البلاوي الي انا كاتبتها لها لي درجة اني احط الكلينكس عند عيوني يذوب من الدموع هههههههه

بعض الصفحات رفيجاتها كاتبين لها وبعضهم من بنات خالتي بس الأغلبيه مني

عقب ما خلصت منه بطلت الدرج الي بداري والي فيه كل الذكريات القديمه من رسايل وصور وشهادات ودروع وغيرها

وطلعت علبه او بالأصح (كرتون جوتي امي وانتوا بكرامه ههههههههه) هذا زعفرانه يايبته لي لما كانت بثالثه ابتدائي وكانت تحط داخله الرسايل الي تكتبهم لي فخشيته ويمعت فيه كل الرسايل منها ومن رفيجاتي وبنات خالتي وبنات عمي


بطلت الكرتون وطلعت داخله الرسايل ودفتر مذكراتي

هذي صور جزء بسيط من الرسايل الي داخل الكرتون


وهذي صورة دفتر زعفرانه (الدب) ودفتري (الأرنب)


الحين عرفتوا اي مرحله قصدي؟!

راح احط لكم اكثر رسايل ضحكوني سواء انا كاتبتهم او اختي

ملاحظه: بنقل لكم الرساله اهيا وبدلياتها

ببدي برسايلي لأختي


يوم الأثنين 6 من يناير عام 1998م

بسم الله الرحمن الرحيم

تحية طيبة أهديها لك بباقةٍ من الزهور وبعد ...

السلام عليكم، أهدي لك رسالة حب بيني وبينك يا (زعفرانه)، أتمنى لك الخير كلة وأتمنى من الله أن يبعد عنك الشر كلة.
أنا لا أدري ماذا أكتبلك يا (زعفرانه

قصة حياتي:

انا (شاي الضحى) ولدت في 10 - 10 - 1987م وأنا أكبر منك بسنة وأنا شيطانة وبليسة آه يا خسارة نسيت أن أقول لك أهنيك في هذا الشهر الكريم وعسى الله أن يجعلة فيه العطاء والخير والبركة وفيه أيضاً التعاون والمحبة التي أحبك فيها.

والسلام عليكم ورحمة الله وبركاته

+ أجمع لك أفراحك
- أنقص لك أحزانك
x أضرب لك أعدائك
/ أقسم بالله بأنني أحبك

من أختك
(شاي الضحى)


تعليق: صج ما ادري شنو اكتب هههههه واحلى شي اني قاعده اعرفها بنفسي واقولها انا اكبر منج بسنه!!

والي صج ضحكني اني معترفه وكاتبه اني شيطانه وبليسه والأسلوب متعوب عليه :q


الرسالة الثانية نسيت أصورها

31 – 5 – 1997م

بسم الله الرحمن الرحيم

أختي العزيزة (زعفرانه) الأمورة الحبوبة:

أكتب لك هذه الرسالة وأريد أن أقول لك أنا في الصف الرابع الابتدائي، وأنولدت وأنا صغيرة، وأتمنى أن يكن لي ألعاب كثيرة نلعب فيهم أنا وأختي الصغيرة (زعفرانة)، وأقول السلام ختام

والسلام عليكم ورحمة الله وبركاته

تعليق: انولدت وأنا صغيرة؟!!!!!! سبحان الله شلون جذي هههههههه

وامنيتي كانت على قدي أمي لمه قرت امنيتي قالت الله يا كثر ألعابكم قبل

كان عندنه كبت مترووووووووس ألعاب من نبطله يطيحون علينه الألعاب



والحين دور رسايل اختي لي

وله تدرون شلون خلوها بالبوست الياي

بس بحطلكم نصيحة اهيا كاتبتها لي وأتمى الكل يلتزم فيها :q


إنني أكتب لك نصيحة :-

إذا كنتي مريضة إذهبي إلى الطبيب.

إذا كنتي تريدين أن تزرعي فإذهبي إلى المزرعة.

تعليق: اختي فيلسوفه هههههههه



البقية تأتي

هناك 36 تعليقًا:

Engineer A يقول...

لوووووول

هههههههه



عجيبة الرسايل :اني انولدت وانا صغيرة!! لوووووول

بوست يهبل شاي .. بليز we want more !!

:)

bokeh of magic * يقول...

بس في شي واحد مو فاهمتة شلووون نولدتي و انتي صغيير P; ?!

لا بس نصايح اختج ماشاءالله درر درر كااااك
خوش بوست بانتظار الجزء اليديد =)

رورو الشخبوطه يقول...

السلام,,

البوست عجيب ماشاءالله خخخ..

ماكتبتي لها اكتب لكي بالمقلوب حتى يدوم الحب بالقلوب واكتب لكي برصاص جنه لنعيش باخلاص..

ولا اتمنى لكي النجاح وتاكلين التفاح واتمنى لك الفوز وتاكلين الموز خخخخ..

وشنو بعد السالفه المليغه تجفسين طرف الصفحة وتكتبين لا تفتحيها خخخ..

ومرسوو خيتو..

ثلجيّة القلب والأقراط .، يقول...

لووووووول صج بوست عجيب و ذكريات حلوه p=
و أحلى شي ان الرسايل من سنة 1997 و 98 بهالسنتين انا توني عمري 4 أو 5 سنوات لوول :×
الله انتي 10\10 و انا 8\10 P:
شوقتينا ناطرين البوست الياي مع المزيد من الذكريات اللطيفه P:

ms.sms يقول...

ياي عسل ..
احلى شيئ هالذكريات ...
بوست رائع جدا ويونس ...

دمتي بسعاده

شاي الضحى يقول...

Engineer

اي سبحان الله مادري شلون انولدت وانا صغيره هههههههههه

ان شاءالله الجزء القادم بكون احلى :)

حياج الله حبيبتي :>

شاي الضحى يقول...

Being

اذا فهمت افهمج لوووول :q

اي ما شاءالله عليها خوش نصايح متعوب عليها

ان شاءالله قريبا بنزله :)

مشكوره :)

شاي الضحى يقول...

رورو

اكتب لك بالرصاص لكي تأكلين المصاص

هههههههههههه

امبله كل الي قلتيه مكتوب ومكتوب كلام اكثر بس ما حطيتهم لان عاديين حطيت اكثر شي ضحكني

اي التجفس مالها سالفه ههههههههه لما تفتحينها كاتبين لماذا فتحتيها؟ لوووووووووول مادري شنو هالدف من هالحركه :q

شكلج مريتي بهالمرحله بس وين دفتر ذكرياتج؟ :q

حياج الله حبيبتي :)

شاي الضحى يقول...

ثلجية

احلى شي الذكريات

عيل ما مريتي بهالمرحله؟

احلى شهر اكتوبر :q

ان شاءالله تابعيني :)

حياج الله :>

شاي الضحى يقول...

ms.sms

اي والله ماكو احلى منها :)

مشكوره :)


حياج الله :>

أميـــــره يقول...

ما أجمل الذكريات .



مدونتك جميلة .

ميمة السبيت يقول...

** لوووول ماشالله والله ابداع

- الله يخليكم لأمكم و يخليكم لبعض نعم البنات و نعم التربية الله يحفظكم :)

أكتب لكي بالرصاص لتدوم المحبة و الإخلاص ..

أكتب لكي بالمقلوب لتدوم المحبة بالقلوب :)

Made n Q8 يقول...

loooooooooool


ولا عاد آخر شي نكته خخ

إنني أكتب لك نصيحة :-

إذا كنتي مريضة إذهبي إلى الطبيب.

إذا كنتي تريدين أن تزرعي فإذهبي إلى المزرعة.



والله أيام ذكرتيني بالمذكرات ملوت المتوسط والثانوي خل اروح اتصفحهم اضحك شوي ضايق خلقي

barbar يقول...

ههههههههههههههههه
أحلى شي ( انولدت و أنا صغييييرة لوووووووول )
حدييي فصلت عليييهـا :q

و لا نصاااايح زعفراانة حدهـاااا عجيييييبة .. لااازم تاااخذيين بكلامهـااذا مرضتي اذهبي إلى الطبيب ههههه ..
إذا كنتي تريدين أن تزرعيي إذهبي إلى المزرعة لووووووووول
حددييييي حبيييت نصاايحهـا ههههه كبيييرة كبيييرة يا زعفراانة :d

لووووول ذكرتيييني بسواالفنا قبل .. صج تحسييين براااءة الأطفااال كانت بهالعمر

الله يخلييكم حق بعض و ما يفرقكم اللهم آمييييييين

شاي الضحى يقول...

أميره

صح ما في اجمل منها :)

مشكوره


وحياج الله :>

BookMark يقول...

مت مت من الضحك
أحلى شي بهالمرحلة الذكريات البريئة D;

بس ماشالله من صغركم وانتو جاي وزعفرانة!!
ولا انتي مغيرة الأسامي؟ ترى ماأفرق اذا الصورة صجية ولا امعدلتها p;

الله يخليكم حق بعض وتدوم ذكرياتكم الحلوة ;*

شاي الضحى يقول...

ميمه

اكيد الاسلوب ابداااع :q

ومتعوب عليه هههههه

آميييين تسلميين ويخليج حق بنتج وتشوفينها عروسه :)

هههههههههه يعني مريتي بهالمرحله :q


مشكوره :>

شاي الضحى يقول...

Made

هههههههههههه

نصايحها من ذهب :q

ترا مو اي احد يقدر يقولج هالنصايح :q

اذا لقيتي فيهم شي يضحك كتبيه اهني :q

مشكوره :>

شاي الضحى يقول...

بربر

ههههههه حسيت نفسي غبيه :q انتي انولدتي وانتي صغيره بعد ولا بس انا؟

تلقين احد ينصحج مثل هالنصايح؟؟؟؟ هههههههههه

اي والله براءة مو اليهال الحين يخرعون وكل شي يعرفون ومجابلين النت 24 ساعه

بأيامنه ما عندنه سالفه غير ان كل وحده تعبر عن حبها للثانيه هههههههههههه

آميييين ويخليييج ما قصرتي :)

حياج الله :>

شاي الضحى يقول...

بووك

دوووم تضحكين :)

ومافي احلى منها

ههههههههههههه لااااا انا مغيره الأسامي :q

آمييين يارب ... ويخليج حق كل الي يحبونج

حياج الله :>

lil.D يقول...

ههههههههههههههههههههه لاااااااااااااااا بموت ههههههههههههه
صدق صدق صدق انتي واختج شي فظيع هههههههههههههه
هلكت من الضحك ... ولا مره كتبت رساله لاختي!!! لوووووووووول
الفضايح عند ربيعاتي ،،،، !!! اهم شي التعريف بالنفس هههههههه
لوووول الله يحفظكم > اهم شي عايشين الجو بالاظرف مالت الرسايل لول

شاي الضحى يقول...

lil.D

ويه لا يصير فيج شي من الضحك واستاثم فيج ههههههههههههههه

دوووم تضحكين حبيبتي :)

حلو انج تكتبين لخواتج وتعبرين عن حبج لهم مو بس صديقاتج

اي لازم بعد اخاف ما تعرفني او نستني هههههه :q

اي جنهم اظرف هنود :q

آمين تسلمين

مشكوره :>

Just A Bunch يقول...

looooooooooooooooooool

ambaaai post 7dda fa6la! loool

waaai amoot 3ala ethikreyat!

a7la shy 7i9at eriradiyat!

+ أجمع لك أفراحك
- أنقص لك أحزانك
x أضرب لك أعدائك
/ أقسم بالله بأنني أحبك

hahahahahah hathy fi9alt 3alaiha, damma3t 3ainy!! 7ddy kint nasya hasiwalif! looooooooooool

aktib bilmglooub tdoom alm7aba bilgoloub! hee hee XD

bs aham shu innich inwaladtay witay 93'eerah!
haahahaha!!!
XD

Crazy Girl in aGood Way يقول...

هااااااااي

صج عجييييييييب وعندي نفس الاثار والتحف لووووول بس بالكويت

اذا رجعت اصورهم واحطهم في بلوقي

الا بسال هذا الجيل ماعندهم جذي ؟؟؟

شاي الضحى يقول...

just

لوووول نطري الجزء الثاني :q

الظاهر كان عندي امتحان رياضيات وكنت قاعده اراجع هههههههه

مادري منو الي مطلع هالكلام وكلنه كنه نكتبه

:$ :$ :$ ضغطتوني على هالجمله (انولدت وانا صغيره) هههههههه

حياج الله :>

شاي الضحى يقول...

كريزي

اهلين

ههههههه حلوه آثار وتحف :q

ان شاءالله تردين بالسلامه

اكيييييييد لا ما عندهم لاهين جيل الحين مو نفسنه فاضين

حياج الله :)

aL-NooR . يقول...

لا مو صج ..و انا بالدوااااام قاعدة اتكركر
اما اخر شي ابدااااااع ..اهنيج والله P;

حلو جذي اطلعين مواهبكم القديمة
و الاسلوب البرىء ..يا حلووووكم

:)

*********************

شاي الضحى يقول...

النور

لووول :q

ابداعات الطفوله

ههههه

حياج الله :>

سمو الأميرهـ ..ツ يقول...

هههههههههه
ولدتَ وأنا صغيرة ..!!!

تصدقين انا بعد :d..

لووووووووووووووووول
*******
هههههههه بس صدق بووست عجييب


فانتظاار القآآدم

تحيااتي

شاي الضحى يقول...

سمو الأميره

صج؟ شلون؟ ههههههههه

ان شاءالله قريبا

حياج الله :>

Fishah يقول...

لووووووووووووووووول عجيبه نصايح اختج .. الله يخليكم حق بعض :))

بوست وايد حلوو :>

اتصدقين حتى انا خاشه رسايلي مع بنت خالتي في علبة جواتي لوووووول

شاي الضحى يقول...

فشه

آمين .. الله يسلمج

هههههههههههه شفينه على علب الجواتي؟


مشكوره :>

6umasha يقول...

ALLAAAHH ;(
laa mu t76en chethe ashya'aa :S!!
ag3ad agoul 7ag umi kila menichh :s
kilaa ensaawee jard eb dare o kilaa weeehshtaben eb hatha g6eehhh g6eehh !! dtharraa :P LOOOOOOOOOOOOL O ETHA naabe enghayer daree fa hatha ma3natta ena 7atta ilashyaa'a il ydeeda tngaa666 !

شاي الضحى يقول...

طماشه

امي نفس امج كان عندنه العاب وايد وكلهم قطتهم وفي بعضهم احبهم وايد ليلحين عندي بس هالذكريات لا كنت اخشهم لانهم من خواتي ورفيجاتي واهلي

واذا بسوي جرد حق داري اسويها بروحي محد يتعبث بغراضي لووول :q

شكرا :>

fashion يقول...

ذكريات حلللللوة

شاي الضحى يقول...

fashion

وما في احلى من الذكريات :)


شكرا