الجمعة، 30 أبريل 2010

بيتزا على طريقة الشيف هنوف البلهان

يوم الأحد الي طاف الشيف هنوف البلهان سوت بيتزا


وكان شكلها لذيذ

عاد امي قالت بتجربها ويوم الأثنين قعدت من الساعه 7 الصبح عشان اسوي البيتزا

ههههههههه مو مصدقه


المقادير:

العجينة:
2.5 كوب طحين أبيض
4 م.ط. زيت
1 م.ط. ملح
2 م.ط. سكر
2 م.ط. خميره
2 كوب دافئ للعجن
1/4 كوب طحين الذره

الصلصة:
3 حبات طماطم مفرومه
1/2 حبة بصلة مفرومه
3 ملاعق كبيرة كاتشب
1 ملعقة طعام خردل
ملح وفلفل أبيض
زيت زيتون
رشة اوريغانو

ملاحظه: مقادير الصلصه استبدلناها بصلصة جاهزه

الحشوه:
زيتون أسود
مشروم
جبن شيدر أبيض + أصفر

ملاحظه: الحشوه حطوا الي تحبونه


عجانة كهربائية


الطريقة:

ويييه جني توهقت! ... لحظه انادي امي تنقلني هههههه

على ما تيي امي

نسيت اقولكم ترا مو انا الي سويتها امي سوتها انا كنت مشرفه ومصوره

يالله نكمل

نخلط مقادير العجينة مع بعض


شكر (امي حطت بس قفشه وحده)


زيت زيتون


ملح


ونشغل العجانة الكهربائية ونضيف الماي


لما تختلط المقادير وتصير العجينة نسكرها


وتعجن بالــيــد لمدة 10 دقائق


نخليها تتخمر ساعتين


عاد كملت نومتي لاني فازعه من الصبح على ما تخلص

وبعد ساعتين انتفخت


نرش طحين على الصينية الي نبي نفرد عليها العجينة


ما نخليها سمكيه ولا ضعيفه تكون وسط


نبطل الفرن عشان يحتر

الحين صار دوري هههههه

حطيت الصلصه وفوقها الجبن والمشروم والزيتون ورشة أوريغانو


نخليها بالفرن تقريبا 20 دقيقة اذا الفرن مو حار وايد


الطعم كان لذييييييييييييييييييييييييييييييييييييييييييذ

طعم العجينة واااااااايد حلو

امي قالت مره ثانيه بتسوي فطاير على نفس العجيبنة

وبالعافيه

هناك 35 تعليقًا:

ReLaaaX يقول...

واااااااااااااااي شكلها يشوووووق :)

الوتيــــــــــن يقول...

الاشكال الهندسية بالبيت.ا عجيبة

بس شكلها حدة يشوق ..

عليكم بالعافية وتسلم ايدج :)

رورو الشخبوطه يقول...

شوقتيني عليها ..

بالعافيه وتسلم ايدكم يارب :)

ومرسي ع الطريقه..

daloo3a يقول...
أزال المؤلف هذا التعليق.
daloo3a يقول...

بالعاااااااافيه

شكلها حلووووو ^^

غير معرف يقول...

تسلم الأيادي أهم شي طعم العجينه يطلع حلو وإن شاءالله بالمحاوله الثانيه تضبطين الشكل الدائري للبيتزا:)

وياحلو هنوف البلهان

أحب أشوفها بصباح الوطن

كرمووله ّ يقول...

شكلها يشهي والله

فديت ايد امج ربي يعطيها العافيه

غير معرف يقول...

يعطيج العافية:)

Hope يقول...

ما شاء الله شكلها يشوق
تسلم ايدج و ايد الوالده
عليكم بألف عافيه يا رب

εмάή.н ♥ يقول...

شكلهآآآآ مشهي يمي يمي ...

تسلم يدك انتي وامك

الله يخليها

بالعافيه على قلوبكم

غير معرف يقول...

تسلم ايد الوالده وايدك يارب من كل شر على البيتزاالروعه ..

ان شاء الله بجربها الله يعطيكم العافيه

Made n Q8 يقول...

عليكم بالعافية

وتسلم ايديات الوالده :)

شاي الضحى يقول...

ريلاكس

جربيها لذيذه :)

شاي الضحى يقول...

الوتين

اي ههههههه

لازم نشتري قوالب للبيتزا

الله يعافيج ويسلمج :)

شاي الضحى يقول...

رورو

جربيها وايد حلوه

الله يعافيج ويسلمج :)

عفوا

شاي الضحى يقول...

دلووعه

الله يعافيج

:)

شاي الضحى يقول...

لوير

الله يسلمج اي وايد حلو ... الشكل مو مهم الطعم اهم هههههه

اي امي متابعتها :q

شاي الضحى يقول...

كرمالوه

الله يعافيج

شكرا :)

شاي الضحى يقول...

Hopeless

الله يعافيج :)

شاي الضحى يقول...

هوب

الله يسلمج ويعافيج


مشكوره :)

شاي الضحى يقول...

kitkata

الله يسلمج

آمين

الله يعافيج :)


شكرا

شاي الضحى يقول...

رندا

الله يسلمج .. اي لازم تجربينها حلوه :)

يعافيج مشكوره :)

شاي الضحى يقول...

ميد

اللع يعافيج ويسلمج


شكرا :)

Unknown يقول...

اللهم أني صائم
بس تسلم ايدك وبالهناء والشفاء

شاي الضحى يقول...

السيد حجاج

تقبل الله ان شاءالله

الله يسلمك

شكرا

Romia Fahed يقول...

ما قصرت الوالدة وإلا لو راده عليج جان عفستينا :p .

كنت حاضرة الخميس يوم تقول ندش السايت ونصوت على وصفة الاحد بيتزا او محشي..
وتمنيت تسوي المحشي ... ويوم الاحد ييت على الاخير ولقيتها مسويه البيتزا ولا قدرت أشوف الإعادة .. ما قصرتوا سويتوها بالصور وايد سهلتي علي أجربها ..

قبل هالمره سويت وصفة منال العالم
وتحمّست أسوي وصفة هنوف..

سؤالي اشلون بأقعد اعجنها باليد 10 دقايق بينهد حيلي !

إلي أعرفه نعجنها عادي ونخليها ترتاح جم ساعة تالي نفردها ونخليها ترتاح بعد عشان الهوا إلي طلع ..

ما أدري اشلون أمهاتنا أوّل .. يعجنون بإيدهم لا عجّانه ولا شيئ ! ولا يشكون ...

يسلمو شاي

شاي الضحى يقول...

روميه

اي صح قال تصويت انا ما صوت بس كنت ابي بيتزا واشوه سوتها :q

مقادير منال العالم تقريبا نفسها بس ما جربناها

توني سألت امي قالت عادي 10 دقايق على الخفيف ما تتعبين وعلى طول تفردينها هذا الي قالته هنوف

اي والله يعطيهم العافيه احنا يتنه التكنولوجيا وتكيسلنه

الله يسلمج

شكرا :)

bent el deera يقول...

ما شاء الله تسلم الايادي وعليكم بالعافيه

شكلي بجربها شكلها سهله ولذيذه :>

شاي الضحى يقول...

بنت الديره

الله يسلمج ويعافيج

اي نصيحه جربيها سهله وسريعه ولذيذه :)

Om JaSsOm يقول...

ماشالله عليج جاي الضحى طلعتي مو سهله صاحبه تجارب مفيدة و مختلفة .. تصدقين عاد انا اطبخ واسوي كل شي بس لا تقولين لي سوي فطاير .. وبجرب العجينه مالت البيتزا وانشالله تضبط معاي .. يعطيج العافيه واذاتبين شي ترا حاضرين ;)

شاي الضحى يقول...

ام جسوم

البطاله وما تسوي هههههه :q

اي ما شاءالله عليج طباخه

صج؟ ليش

سويها حق اليهال وايد سهله وسريعه ولذيذه

الله يعافيج حبيبتي

خلاص ماكو الا اخذ عندج دورات طبخ :)


مشكوره حبيبتي :*

غير معرف يقول...

4 م.ط. زيت
حبووبه ياليت تقوليين لنا
م ملعقه
ط شنو ؟

مالي بالطبخ بس عجبتني هذي

شاي الضحى يقول...

غير معرف

م = ملعقة
ط = طعام

قفشة الاكل العاديه :)

ألـوان التفاؤل ~ يقول...

يمييي .. لذيييذة ; )
شكلها يشهي ..

تسلم يدها الوالدة ويعطيها ألف عافيـة ..

وتسلم عدستج على عرض الطريقة بالصور لنـآ ^_*


دمتِ بسعـآدهـ وفرح ~

شاي الضحى يقول...

الوان

الله يسلمج ويعافيج

:)