السبت، 1 مايو 2010

الأمانة في طوكيو

اكيد اغلبكم سامعين عن برنامج خواطر

تقديم أحمد الشقيري

وخاصة الجزء الأخير الي تم تصويره في اليابان

ما شفت كل الحلقات

أكثر حلقه لفتت نظري ولما شفتها ضاق خلقي

اهيا عن الامانة

وكانوا قاعدين يقارنون الأمانة في طوكيو والأمانة في احدى الدول العربية

في الفيديو الأول راح تشوفون انه تعمد يضيع بوكه في احد الأماكن العامة في طوكيو

وقعدوا يراقبون الوضع

وشوفوا شنو صار



حتى ما فكروا يبطلون البوك عشان يعرفون مال منو!

أما بالفيديو الثاني سوه نفس الحركه بس باحدى الدول العربيه

وللأسف الشديد هذا الي صار



والله شي يضيق الخلق

والمشكله انه يقول حق رفيجه راح نتقاسمهم!

منو المفروض تكون عنده الأمانه احنا المسلمين ولا اهما؟

هناك 33 تعليقًا:

رورو الشخبوطه يقول...

اي اهو البرنامج بكبره حلو شفت اغلب حلقاته احلى شي انه مو روتيني او جامد..

وصح حلقه الامانه تعتبر من الاقوى لانه هالشي من اخلاقنا كمسلمين بس للاسف ردة فعلهم غريبه :\

الله يهديهم ولا يبلينا يارب..

مشكوره..

شاي الضحى يقول...

رورو

انا شفت منه شويه

وايد حبيت الحلقة ... هذا الي تربوا عليه للأسف :(

ولا جان ما خذوه بارده مبرده وقعدوا يضحكون

آمين يارب

العفو :)

Twinkle يقول...

بصراحة هالبرنامج أكثر من رائع
كنت أتابعه وقت الفطور :)

بصراحة ردة الفعل تحزن وايد
بس بعد انا من وجهة نظري ما نحكم على الكل يعني معقولة في اليابان ما عندهم ولا حرامي واحد ؟
وفي الدول العربية مافي ولا أمين واحد ؟

بس بشكل عام صحيح طريقة حياتهم غير وحتى اخلاقياتهم غير وواضح هالشي مو بس من خلال البرنامج حتى من خلال الكلام اللي نسمعه من زوار اليابان

شكرا عزيزتي

نمووول يقول...

مسلمين بالأسم ..

شي يعور القلب , بس اتوقع لو حطها بالكويت ما تضيع , اكثر من مريع تضيع من الشباب اغراض او تلفونات وترجع الحمدلله ..


شكراً

{~المباركية~} يقول...

والله شي يضيق الخلق
والله ماعندي تعليق لأنه كل الي قاله صح

شاي الضحى يقول...

توينكل

بكل الديره تلقين الزين والشين وشي يغلب على شي

ما اقدر اقولج في او مافي لاني ما رحت اليابان ولا اعرف شي عن شعبهم

واكيد بالدول العربيه في اكثر من مليون امين

بس واحد يخرب على المليون :(

عفوا

حياج الله :)

شاي الضحى يقول...

نمووول

بالضبط

وايد .. اي صارت لناس اعرفهم ضاعت موبايلاتهم ولقوهم وهم في ناس ضاعت لابتوباتهم وراحت عليهم :q

عفوا :)

شاي الضحى يقول...

المباركية

يضيق الخلق لان المقارنة صارت بين دولة اسلاميه ودوله غير اسلاميه

AM.SA.CHANNEL يقول...

لااااااا تعــــــليق

she is me يقول...

أتفق معاج بكل الي قلتيه.. وأضيف نقطة وحدة انه الشقيري كان يقول في الحلقات: رأيت الأسلام ولم أرى المسلمين
وهي مقولة مشهورة قالها الامام الغزالي إذا ماني غلطانه
..

شاي الضحى يقول...

AM

لوووول :))

شاي الضحى يقول...

she

صح لان الاسلام مو بس ديانه لا .. تصرفات بعد واهما تصرفاتهم نفس المسلمين

والي قالها الشيخ محمد عبده مو الغزالي :)



"رأيت الاسلام و لم أرى المسلمين، ورأيت المسلمين و لم أرى الإسلام"

daloo3a يقول...

يالقهرررررررررررررررررررررررر

مالت عليهم

coïncidence يقول...

في بعضهم ربو ع هالاشيا وصار عادي عندهم،او تصرفات اكتسبوها وهم يكبرون وماحبو يغيرونها مع انهم يعرفون انها غلط، بالنهايه هالمساله ترجع للمبادئ والقيم اللي يؤمن فيها الشخص وهي ماتعتمد ع ديانه بحد ذاتها

وبعدين مش كلهم هناك امنا فيه بعضهم لا ولكن الاغلبيه طاغيه ونفس الشي عندنا مب الكل بالصوره اللي شفناها.

مهما كانت القضيه ماتقدر تدرس فئه معينه وتعمم الفكره ع الكل،لان فكل مره راح تطلع النتيجه مختلفه.

لا بعد يضحكون!!!عالامانه الزايده يعني
والله يرحم حالنا

Her يقول...

I love the show 7ada inspiring!
Japanese people are so organized and polite no wonder they lead the world
w shay ye8har lama nkon e7na muslemeen w nshof 3'earmna y6abe8 a5la8na we7na hathe 7alatna:s

رنداالجنوبية يقول...

برنامج خواطر رائع جداا ولكن اسفي على ماراينا من نماذج واساليب عربيه وان شاء الله يهتدون ..

جزااك الله خيرا شاي .

Sweet Revenge يقول...

لي زميلة كانت مسافرة اليابان اهي وامها والام نست الجنطة في مطعم تقول ثاني يوم ردينا لقينا الجنطة وموناقص منها شي.
الشعب اليايبااني شعب عجيب انجازاته سببها ثقافتهم وسلوكهم ,العامل الياباني يعطونه اجازة بالغصب لان مايرضون ياخذون اجازات مع ان اغلب وظائفهم مضمونه مدا الحياة يعني يقدر يلعب علي كيفة ومايداومه بس سبحان الله يقدسون العمل بشكل موطبيعي

Sn3a يقول...

واايد احب هالبرنامج
بالدول الاسلاميه تلف ويهك عن تلفونك وماتلقاه بعدين
واول ناس عند المسايد;p

الله كريم
الله يهدينا

Made n Q8 يقول...

والله ولا مره تابعته بس مره شفت لقطه وما كملت

شكله حلو


وهذوله غربل الله ابليسهم فشلونا الحين يسمونه البواوقه بس عاد على لغتهم :d

كوكتيل يقول...

البرنامج حده عجيب

اليابنين أخلاقهم رائعة ينقصهم الدين ويصيرون كاملين والكامل الله :)

فعلا أدب وإحترام ونظام أتمنى أن أشوفه في دولنا الإسلامية


حيل ضايقتني كل الحلقات والله لأن تضايقت على أوضاع المسلمين اللي يمثلون دينا بطريقة غلط ويعكسون أسوا الصور لغير المسلمين ونقول ليش الغرب يتكلم عنا جذي لأن المسلمين مو مسلمين بس بالإسم للاسف لا أخلاق ولا دين صح


بس شكل خارجي

وحيل عاجبني البرنامج حتى أنشودة روعة ومؤثرة كلماتها في الصميم


( الحكمة ضالت المؤمن وبنو الإسلام بها أولى حيث تجدها فعليك بها عنها أبدا لاتتخلا

قيم أوصى المختار بها ولنا فيه المثل الأعلى فتخيل لو نتمثلها كم تصبح دنيانا احلى )


فعلا نحن بها أولا

ولكن ولا حيات لمن تنادي :(


أججتي مشاعري والله

يعطيك العافية حلو البوست


يستاهل هل برنامج ينكتب عنه والله :)

يمكن الناس تتغير فعلا :)

Q8 TeaCHeR يقول...

عورتني قلوبنـــا والله !

آنـا كذا حلقة شفتهـا وكــنت اتعبــر :((

شكراً جاي الضحى

ولعل هالبرنــامج يكـون سبب للتغييــر للأفضل طبعاً

شاي الضحى يقول...

دلووعه

قولي الله يهديهم

شاي الضحى يقول...

ريم

صح كلامج ... بس من قيم دينا الاسلامي اهوا الأمانه

واكيد ما نعمم بالديره الي صوروا فيهم اكي فيها الزين وفيها الشين

بس لما الناس من الدول الثانيه تشوف هالموقف اكيد بتعمم وخاصه انه مجتمع اسلامي قاعدين يقارنونه بمجتمع غير اسلامي

شاي الضحى يقول...

هير

اي ماشاءالله عليهم جان زين نصير نفسهم

شاي الضحى يقول...

رندا

آمين يارب

مشكوره :)

شاي الضحى يقول...

سويت

زين ما شاءالله ... اتوقع بأي دوله اذا ناسيه شي بمطعم 90% تلقاه لان الي ينظفون يشوفونه ويخشونه

خلف الله على الي عندنه ياخذون اجازه بدون اجازه هههههه

شاي الضحى يقول...

سنعه

هههههههه اي والله لازم ماسكه التليفون وما تهدينه كلش


آمين يارب

شاي الضحى يقول...

ميد

انصحج تشوفينه وايد حلو :)

لووووووووول حلوه البواوقه

والياباني يعني "هيروشيماسوزوكي" ههههههههههههه

ترجمتها لج :q

شاي الضحى يقول...

كوكتيل

اي ما شاءالله فكرته حلوه

في يابانيين مسلمين

الله يعافيج


مشكوره :)

شاي الضحى يقول...

Q8

هالحلقه لما شفتها صج ضيقت خلقي

خاصة ردة فعلهم لما باقوا البوك بطوا جبدي

عفوا

ان شاءالله يارب

Crazy Girl in aGood Way يقول...

شي متوقع للاسف

الله يهدينا ونقلدهم بالطبع والاخلاق الزينه مو بالشي التافه والستايل الفاشل


شكرا

شاي الضحى يقول...

كريزي

احنا ناخذ الظاهر للأسف بس الثقافه والتكنولوجيا ناخذها منهم بس ما نصنعها :(

Amal Kh يقول...

واو شي صراحه محزن
تلومونهم لي قالو عالم اول واحنا عالم ثالث انا ما اقول انه كل العرب جذي بس الله يسامحهم
مشكوره ع الفيديو الحلو