الثلاثاء، 3 مايو، 2011

LADUREE CAFE

يتنه دعوه من كافيه لادوريه 

نجرب المنيو اليديد 

عاد انا مو مجربه المنيو القديم مره كنت بروح وكان وايد زحمه وهونت 

والحين وسعوا المكان شوي

هذا المنيو


3 انواع من الخبز + الزبده


نيي حق طلباتنه 

لا تسألوني عن اسم الطلبات لاني ما اعرف ولا شي منهم هههههه

بس راح اشرح لكم شنو فيهم 

المقبلات: 

جبن وطمام ومادري شنو 

انا ما عجبني وايد ما احب هالسوالف


شي جنه باف باستري ايبونها بعدين يصبون فوقها 

صلصة المشروم ومشروم ودجاج 

وااااايد حلوه 


الوجبات الرئيسية: 

كلوب ساندويش مادري شنو فيها 

جنه خضرا وجبن 

مع سلطه وبطاط 

يقولون حلوه ما جربتها


ربيان مشوي وفيه ليمون

لذيييييذ


لحم خروف او عجل نسيت مع بطاط 

بس جنه مو بطاط عادي فيه حلاة مو نفس البطاطا الحلوه اخف شوي 

واللحم كان medium well

لذييييييذ وخفيييف واللحم ترف

بس الصلصة الحمرا الي بالصحن ما اعجبتني


الحلويات: 

كيكة دارك جوكليت 

ما جربتها لاني ما احب الدارك جوكليت 

يقولون حلوه


وهذي الماكرونه المشهوره مع الرازبيري والليتشي

اكيد بتكون حلوه


وهذي كيكتي الطويله 

فيها كاكاو بالحليب وبندق 

حبيتها ما جنها كيكه حسيت جني اكل كاكاو


اول ما قصيتها ارفعت اديها تستشهد ههههههه


وكانوا يبونه نقعد نشرب جاي وقهوه بس خلاص طفحنه 

احلى شي بالاكل كله انه مافيه دهن وخفيف

العيب الوحيد بالكافيه: الكراسي متعبه مو مريحه 

طبعا كلمناهم بهالشي وقالوا انه اغلب الناس عندهم نفس هالملاحظه 

وراح يعدلونهم هاليومين قبل لا يفتح الكافيه 

بالنهايه احب اشكر لادوريه كافيه على العزيمه 

خوش عشا

مكانه في 360 مول  - الدور الأرضي

لقراءة تجربتي السابقة للحلويات اضغط هنا

هناك 3 تعليقات:

رورو الشخبوطه يقول...

بالعافيه يارب..

Ansam يقول...

Oh me too!! I was there
I tried the same thing with mushroom and chicken wayed 7abbaita o shorbat kharshoof fiha beith o also carpaccio salad o kanat ma3ay my cousin o her main course kan club sandwich bes sij sij ma gedarna en7alli lel asaf

Katkoota xD يقول...

بالعافية

شوقتيني عالاكل

ان شاء الله لمن يفتح اجرب المنيو اليديد