الثلاثاء، 17 مايو، 2011

فكرة لتغليف الهدية - Gift Wrapping Idea

اليوم بحط لكم فكره لتغليف الهدية 

ما صورتها من اول شي عقب ما خلصت

صورتها عالسريع وقلت احطها لكم

الأدوات المطلوبة: 

- قرشه (جرَه) شفافة
- كريشة يابسة
- شريطة 
- مقص
- لزاق او صمغ حار 
- ورد مجفف او صناعي
- قش (لونين) 
- وردة بحجم متوسط

اول شي نييب القرشه ونحط داخلها القش

وتختارون اللونين الي تبونهم


ونخلط معاهم الورد


نحط الهدية داخل القرشة وفوقها قش وورد ونسكرها 

بعدها نييب الوردة ونلزقها على الغطى


ما لقيت ورده نفس الي ابيها 

فشريت شباصة من محل Accessorize

وحطيت تحتها لزاق لان ماعندي صمغ


ونثبتها عدل فوق القرشه بهالطريقة


اخر شي نفرش الكريشه 

ونحط القرشة بالنص ونلفها عليها بطريقه تكون نفس الورده الكبيره 

ونلفها بالشريطة ونربطها بشكل حلو


واخرشي نحط شوية قش داخل الكريشة 


وبجذي يخلص التغليف

والهدية جاهزه للتقديم


سويت 2 وهذي النتيجة


والحمدلله اعجبت خواتي

هناك 12 تعليقًا:

رورو الشخبوطه يقول...

حبيتها اكثر قبل التغليف الوردي بس ..

ككل حلوه ماشاءالله ..

تسلم ايدج يارب..

daloo3a يقول...

السلاام عليكم ورحمة الله وبركاته

امممممم الطريقة وايد سهله و حلوه بعد

شكرااا ^^

krkor يقول...

عاد عندي قواطي شكثر

مشكوره على الفكره

..pen seldom يقول...

جداً جميلة

=)

ذوقك جميل وراقي ؛)

يعطيك العافية ..

وتسلم الأيادي ..

star يقول...

الزين ما يسوي الا كل شي زين

عليهم بالعافية خواتج يا بختهم فيج :)

hadeelq8 يقول...

نايس ما شاء الله

عجيبة الفكرة وبسيطة

تسلم ايدج :)

الندى يقول...

الله يعطيك العافية أختي على هذي الفكرة
البسيطة والرائعة ،

موفقة أختي ..

lil.D يقول...

رووووعه وايد وايد حبيتها

نهــــــــــار يقول...

السلام عليكم ...
ماشاء الله سهله وراقيه ..
الله يعطيج العافيه :)

ميمة السبيت يقول...

** الله وايد حلوه شكلها يشوق

وحيد في المنزل يقول...

مساء الخير
اتمنى تشوفين البوست هذا.. اهداء :)
http://homeealone.blogspot.com/2011/05/blog-post_25.html

شكرا

6umasha يقول...

mashalllaaa 3aaaliichh !!! wayed wayed 7lwaaa