خريج جامعةٍ ببابكَ واقفٌ ......... يرجو الوظيفة هل لديك وظائفُ
رد عليه المدير قائلاً : ــــ
ليسَ المؤهِّلُ يا فتى بشهادةٍ .........غيرُ الوساطةِ كلُ شيءٍ تالفُ
------------------------------------------------------
للأسف الشديد الواسطة صارت ظاهرة في أغلب دول العالم مو بس بالكويت وكأنها قيمة اجتماعية، وصارت مثل المصباح السحري أي شي تبيه وعندك فيتامين واو (الواسطة) كل اللي تبيه راح يتحقق لك حتى لو ماكان عندك المؤهل العلمي أو الكفاءة، وبإمكان الواسطة انها تصير عمل فاضل شلون؟؟؟ ... يعني اذا قدرنا نوصل الشخص المحتاج او الكفئ إلى المكان اللي يسحقه بس ماعنده الوسائل اللي تقدر توصله لهالمكان، بس تدرون شنو الغريب في الموضوع؟؟؟؟
كلنا نشوف ان الواسطة عمل مذموم وسيء ومحد فينا يقبل فيه لان فيه ظلم للناس !!! بس اذا نبي ننجز عمل او معامله اول شي نسويه ندور على الشخص اذا كان قريب منه او من معارفنه او اي احد يقدر يساعدنا بدون ما نتعب نفسنا، يعني نرضاها على نفسنا وما نرضاها على غيرنه!!!
واذا كل واحد فينا غير من نفسه راح يتغير المجتمع ... وللأسف في الأيام الأخيره زادت الواسطة بكل شي وبكل مكان
الواحد ما قام يفكر بالشهاده كثر ما قام يفكر من وين اييبله واسطة
وأخيراً على كل موظف او مسئول او قيادي او اي شخص له مكانه اجتماعية مرموقه في الدولة انه ما يستخدم وظيفته او مركزه او او او عشان يحقق منافعه الشخصية او يساعد من لا يستحق ... وخافوا الله في الكويت
يقول الرسول -صلى الله عليه وسلم- لأبي ذر الغفاري رضي الله عنه، ناصحاً له ومرشداً: «يا أبا ذر إنها أمانة، وإنها حسرة وندامة إلا من أخذها بحق الله فيها»
وآخر التطورات اللي وصلنا لها ان الواسطة تبيلها واسطة
هناك 6 تعليقات:
الواسطه بهذا القرن تلعب دور كبير في تنصيب الفرد بأحسن المناصب
ما يجب عليج فعله تبحثين عن احد الفيتاميانت المشهوره بالبلد
متوفرين بالصيدليات؟ هههههه
شكرا اخوي على التعليق :))
للاسف الحال من ردي الاردى انا تخرجت بمعدل وتخصص ع قولت دكاترتنا مقبول وقدمت باكثر من مكان ع ابو واسطتي الله سبحانه و معدلي..
وماقبلني احد الا الديوان خخ ولا غصبن عليه لاني كويتيه ..
الحين مو بس يبون واسطه الحين صار تفضيل بالواسطة من واسطته اقوى ..
يعني لا دراسه ولا شغل مثل الناس وياقلبي لا تحزن الله يعوضني يارب..
ويكبر حظج ويوفقج يارب..
للاسف هذا حالنا بالديره .. اذا ماعندج واسطه ماتعيشين ولا تمشي ابسط امورج .. الله يفكنا منها ياااارب
ومبروووك على التخرج .. انا اقوول لا تشيلين هم الوظيفه الحين .. طلعي حرتج بالنوووووووووم والوناسه قبل لا تنحكرين ههههههههههههههه
الشكوى لله و انا اخوج
اذا الديرة الواحد ما ياخذ حقة الا بواسطة .. نقول عليها السلام
:(
رورو الشخبوطه: الناس صاروا يزهبون الدوا قبل الفلعة (يزهبون الواسطة قبل الشهاده) ... واجمعين يارب مشكوووره ؛)
Fishah: الله يبارك فيج حبيبتي وهذا اللي قاعد يصير لوووووول.
عثماني: وشنو الحل من وجهة نظرك؟ شكله مالنا غير الترشيد ... الواسطة قامت توظف اللي عنده شهادة متوسط في اعلى المراكز وتخليه مدير او مسئول على اللي عنده شهادة دكتوراه وطبعا هذا امر عااااااااااااادي جدا عندنا.
مشكورين على التعليق :)))
إرسال تعليق