الأربعاء، 5 أغسطس 2009

نط الحبل...!

قريت في احد المنتديات عن مزايا نط الحبل وبكتبها لكم بشكل مختصر:

يعتبر نط الحبل أفضل رياضة يمكن أن تمارسها المرأة عشان تصير رشيقة وتقوي عضلات جسمها ... ويقولون حسب دراساتهم ان نط الحبل يساعد في انقاص الوزن بشكل سريع (يقولون صج جذب مادري) والتخلص من الدهون التي تتراكم في منطقة الأرداف وتحسن من أداء الجهاز التنفسي والقلب ...

15 دقيقة يوميا من ممارسة نط الحبل تعادل 30 دقيقة من ممارسة كرة القدم و 45 دقيقة من السباحة (يعني اذا بخاطركم تسبحون نطوا الحبل بــــــــــس 15 دقيقة جنكم سابحين)
عقب ما قريت هالمعلومه قلت يـبــيــــــــــــــــــــــــــــــــلــه نطه ... قمت ابحث وابحث عن حبل (لأني خابره كان عندي حبل اللي ايده تكون مصنوعة من خشب) ويا للمفاجأة وجدت شيئ غريب عجيب ألا وهـــــــــــو ...

حــــــــــــبــــــــــل بس متطور خدامتنه شاريته من محلات الألعاب حق بنتها وسافرت ونسته ومن حسن حظي اني لقيته هههههه

الله يسلمكم هذا الحبل فيه COUNTER لما تنطون يحسب جم نطه نطيتوا مع حركة الإيد وفيه RESET اذا بتبدون من أول

وهذي صورته

يالله كلكم روحوا اشتروا هذا الحبل وخنسوي حملة

"يـــبـــيــــــــــلــــه نـــــطـــــه"

هناك 8 تعليقات:

رورو الشخبوطه يقول...

السلام ..

شلونج شويونه..

ماشاءالله الحبل خطير متطور مو هينه خدامتكم..

انا سامعه يرهل الصدر :( عاد مادري صج ولا لا..

جربي وقولي لنا خخخ ..

يلا بشجعج قمر مادري شنو بقره نجم وشموس شكلج بتلسبين بالحبل خخ..

مرسي خيتو..<< ع البوست مو الطق :)

DoDoq8 يقول...

والله اذكر انه كان عندي حبل

بس مادري وينه المهم اذكر انه كان يتعب

بس مااستمريت عليه

شاي الضحى يقول...

رورو الشخبوطه: وي وي وي صج هالمعلوومه؟ مو وقته لوووووووووول يعني بتجربين فيني ... حده يتعب نطيت 100 مره صار زلزال بالديره تعـــــــــــــــبت المشي ساعه وايد ارحم ههههه.

DoDoq8: اي والله يتعب بس بحاول على الأقل 100 نطه باليوم.

Fishah يقول...

ذكرتيني كان عندي اول مثله بس جنه كان اسود سواد الليل خخخخخخ

انا الحين كاشته حتى بجهاز المشي اللي عندي :(

يا كرهنا بس نهب شويه ونكشت :(

عثماني يقول...

عاد مو شي الواحد يتكرفس على ابو ينط بالحبل

:)

شاي الضحى يقول...

Fishah: لا انا الحمدالله كل يوم قاعده امشي ادعيلي ما اكشت نفسج لوووووول

عثماني: لا تفاااااااول ... الحمدلله انا خبره لووووووول بين كله نطه ونطه 5 دقايق هههههه

ميمة السبيت يقول...

** تدرين لو انط مرتين اتشد ريلي 7 ساعات وين فينه حيل انطنط ..

ماكو لياقه ياخويتي كلش

شاي الضحى يقول...

ميمة السبيت: وييييه ما تشجعون كلش :( يمكن تشدين على ريلج وانتي تنطين جربي الحبل المتطور راح يعطيج لياقه لوووول :)