رحلتنا إلى الكوت!

قبل اسبوع تقريبا رحنا الكوت

ودشينا المنشر وشفنا فيلا مودا اللي سووه ويرهاوس

وطبعا كان خلاااقيييييييييييييييييين

اول مره اشوف محل فيه هدوم هالكثر !!!!!!!!!

والناس اللي يشتغلون بالمحل اكثر من الهدوم!!

لدرجة انكم ما تقدرون تتسوقون على راحتكم وكلهم رياييل ووين ما تمشون وراكم وراكم

جنكم بتبوقون

وييييع ما خلونه ناخذ راحتنا

عاد انا واختي لاعت جبدنا منهم فقلنا نبي نصور ونحطه بالبلوق نوريكم الخلاقين المكوده

ماقدرنا منهم كل ما مسكت موبايلي يالي واحد من هاللي يشتغلون يقولي الصوره بدينار!

تستخف دمك مع ويهك

انا اكره محل جذي يشتغلون فيه ناس وين ما تروحين يلحقونج جنهم غصب بلوعون جبدكم من المحل وبيطردونكم

وخاصة اذا كان محل حق الحريم واللي يشتغلون ريايييييل حدي اطفرررررر منهم

هذا جزء جزء جزء من الجواتي المكوده (وانتوا بكرامه)

وهذا واحد من اللي يغثون

شوفوا شلون الممرات صغيره بين الستاندات من كثر الخلاقين

وبعدها دشينا الكوت

ورحت انا واختي فوق عند المطاعم عشان نشتري حق امي فطور لانها كانت صايمة

فقلت اشتريلها من هذا

واخترنا لها الـ Cheese Sticks

اهوا تقدرون تسوونه حلو او مالح

احنا قلناله مع ملح وجبن

الحلو فيه يسويه جدامج ويكون حار وفريش مو بايت

قاعد يقصصه


يغطه بالجبن

وحطه بالفرن بعدين بالقلايه

وشرينه معاه صلصه جبن

بس مسكينه امي ماتهنت فيه كليناه عنها ههههههههه


وبعدها رحنا Marble Slab

واخترنا آيس كريم Birthday Cake + Coffee

وخلطنا

Graham Cracker + Cookie dough + Oreo

وهذا مالي

وهذا مال اختي بس زادت عليه Blueberries

وطبعا هذا كان عشانا لانه ثقيل بس لذييييذ