الأربعاء، 12 أغسطس 2009

دعونا نشاركم العطاء :)

امس رحنا كارفور جان اشوف كراتين مكتوب عليهم:
"في رمضان شهر العطاء ... دعونا نشاركم العطاء"
وقعدت اقرا شنو سالفة الكراتين!
طلع هذا الكرتون عبارة عن مجموعة أغذيه مناسبه لرمضان
من صندوق إعانة الفقراء وبسعر منخفض جداً
ووااااااااايد حبيت الفكره ويليت كل الجمعيات والهايبر ماركت يسوون جذي لانها فكره حلوه بشهر الخير

الأزرق اهوا الكرتون الصغير ومحتوياته اقل من الكرتون الكبير


والأحمر الكرتون الكبير


وكل وحده فينا خذت لها واحد


محتويات الصندوق:
2 تمور البركه + 1 ملح + 2 تونة + 2 سكر + 2 أرز + 1 عدس أحمر + 1 حمص حب
+ 1 عصير بودره فروتي + 2 شعيرية + 1 زيت نباتي



واتمنى كل اللي يقرا البوست يروح يشتري له على الاقل كرتون ويبادر بمساعدة الفقراء والمحتاجين
ووالله سعره ما يسوه بس ما تدرون شكثر راح يستانسون فيه
صج ان الجمعيات الخيريه منتشره بالديره بس حلو الواحد يتعاون ويساعد لوجه الله سبحانه
واكيد كلكم تعرفون فضل الصدقه فتخيلوا شلون راح تكون بشهر رمضان يعني الأجر راح يكون مضاعف
-------------------
بالصدقة تنال رضا لله عز وجل ودخول الجنه
بالصدقة يعطيك الله جزيل الأجروالثواب
الصدقة تجعل الملائكة تدعو بالخلف على المتصدق فتقول "اللهم اعط منفقا خلفا"
الصدقة تنتصر على الشياطين
الصدقة تعالج المرضى
الصدقة تطفئ غضب ربك
الصدقة تمحو خطاياك
الصدقة تحمي عرضك وشرفك
الصدقة تحسن ختامك
الصدقة سترك من النار

الصدقة تفك رهانك يوم القيامة

  • الصدقة ظلك من اللهب

هناك 14 تعليقًا:

حياتي هدف مو عبث يقول...

وناسة :)
يزاكم الله خير
أنا أفضل إن الشخص اهوا يساعد المحتاجين
لأن أحياناً ما أرتاح للجان الخيرية
وهممم يكون شعورج أحلى مباشرةً
:))

رورو الشخبوطه يقول...

السلام..

انا مافهمت فكرته بالضبط اهو نتبرع بفلوسه وهما يعطونه الفقراء(الكرتون ) يعني نشتري لهم ولا ناخذ لنا وريعه للفقراء ؟؟

وجزاج الله خير..

ومشكوره..

شاي الضحى يقول...

حياتي هدف مو عبث

انا بعد لان سمعت في جمعيات ما توصل حق المحتاجين مشكوووره :)))


رورو

حبيبتي انتي تشترين الكرتون وتاخذينه معاج وتعطينه اي احد فقير او محتاج تعرفينه :)))

joe يقول...

صح فكرته حلوه
بهالطريقه الطرفين ربحانين
الله يعطيهم العافيه

DoDoq8 يقول...

خووش افكار



ليش ماتشيلون التحقق الي عند الرد :)

عثماني يقول...

فكرة جميلة

حلو ان الواحد بنفسه يبذل جهد ان يوزع صدقته بنفسه

حلو ان نشتري هالكراتين و نوزعها بنفسنا

:)

بارك الله فيج اخيتي

زعفرانه يقول...

يمكن احما هالسعر الي بندفعه عندنا ولا شي ..
بس هالكرتون عن المحتاجين يعني الكثييير ..


مشكوورة اوخيتي ..

شاي الضحى يقول...

المباركية .... الله يعافيك حياك الله :)))


دودو .... اي تحقق؟


عثماني .... اي والله وايد حلوه الفكره وتسلم اخوي :))


زعفرانه .... العفو ولووووووووووووو :**

aL-NooR . يقول...

حيييييل الفكرة حلوة

D;

شاي الضحى يقول...

aL-NooR

يسسسسسس وايد حبيتها :)))


ونور البلووووق :)

fatto يقول...

خوش فكره اعجبتني

ميمة السبيت يقول...

** مشالله خوش فكره و الله يعينه على فعل الخير مشكوره و يزاج الله خير

SHAHAD يقول...

اي والله خووش فكرة
مشكوورة يا حلوة
ويزااج الله خييير

شاي الضحى يقول...

fatto

يالله رووحي اخذيلج كرتون قبل لا يخلصون :)))


ميمة السبيت

حياج حبيبتي :)))


شهد

العفوووو ... والفكره انشالله نشوفها بكل الجمعيات :)))