السبت، 15 أغسطس 2009

قصتي مع الفشل!!

هالصيف بالنسبة لي غير لانه ماكو صيفي وجامعة ولوعه لاني صرت بطاليه

فقمت ادور اي شي يسليني ... قلت يالله اتعلم شلون اسوي كيك (انا مييييح بالمطبخ)

فدشيت منتديات و بلوقات واخذت وصفات وقمت اطبقها

الحمدلله طعمها يطلع حلو بس المصيبة شكلها!!!

اكتشفت اني كلش مو صوب التزيين

فكانت اول كيكه سويتها بمناسة رجوع زعفرانة الى الكويت قلت بفاجأها بكيكة انا مسويتها

لا تضحكوووووووووووووووون

"كيكة الآيس كريم"

قبل التزيين





بعد التزيين


حركاااااااااااااااااااااااااااااااااات





كنت ابي كريمه بيضه ما لقيت وخذيت زرقه (ما اعطل)

وطبعا هذي الكيكه أطلق عليها اسم Disaster لان صج شكلها كان كااااااارثه

وهذي كيكة مادري شنو اسمها سميتها "كيكة الساندويش" .. لان فوقها برد ساندويش







اللي كاتبه الوصفه الله يهداها ما قالت نقعوا البسكوت بالحليب وانا اطبق حرفي

فصار البسكوت يابس ومسكينه امي طلع لها عضلات على ما قصتها


وهذي امي حبيبتي سوتها "جيزكيك اوريو"




نرجع حق البلاوي اللي سويتهم هههههه

كيكة الــــ ....... نسيت اسميها المهم كيكة




لاحظوا البسكوت شلون حطيته بالمقلوب (يعني طالعه فيها خخخخ)

المفروض تكون هذي الجهة اللي داخل

بس عاد هالكيكه فنتقت فيها

حطيت بين الطبقة الأولى والثانيه "أوريو" يعني مسويه شي ههههههههه



بس كانت لذيييذه



"كيكة الكراميل"

الزينه متعوب عليها هههههه
أوووش لا تضحكون بس انا اضحك




وبعدها قلت لازم اخذ دوره اتعلم شلون ازين الكيك ورحت TAVOLA وسألت عن الدوره قالوا بـ 60 دينار 4 أيام بالأسبوع

بس لما رحت قالي انها بدت وفي ثانيه يمكن شهر 9 او 10 عطيته رقمي عشان يدق علي وقت التسجيل

رديت البيت وقعدت طول الليل مجابله اليوتيوب اتعلم شلون يزينون الكيك ومن فيديو لي فيديو لما اذن الفير صليت ونمت

ولما قعدت من النوم رحت السوق وشريت جم قالب وشريت هذا مادري شسمه إلي يحطون داخله الكريمه للتزيين وشريت مقادير الكيك

وانطلقت الى المطبخ

عشان اطبق اللي شفته باليوتيوب وكانت هذي النتيجة


"كيكة الرينبو"


طبعا لا تعلييييييييييييييييييييييييييق

لوووووووووول بس هم ليلحين عندي امل اني راح اتعلم ازين الكيك

وأخيرا "جيزكيك أوريو"

اهني كانت توها طالعه من الفرن ... ليلحين ما لبستها هدومها




واهني بعد ما لبست

لاحظوا الستاند ... قلت حق امي ابي شي يرفعها عشان اقدر احط عليها طبقة الكاكاو

جان تييب لي جدر وتقلبه!!! ... لووووول بس والله نفع ومثل ما يقولون "الحاجة أم الاختراع"



وبديت التزيين ... الله يستر




تراااااااااااااااااااااااااااااااااااااااااااااااا




جنه في تقدم مو؟!

وطعمها كان يمييييييييييييي يميييييييييييييي تقريبا نفس الجيزكيك أوريو مالت ستاربكس


يالله ناطره تعليقاتكم :))))))

هناك 30 تعليقًا:

DoDoq8 يقول...

لا ماشالله ضالمه روحج

عجبتني كيكه الاوريو والساندويش

انتي اي وحده شفيتها لذيذه واول كيكه الجوكلت شكله لذيذ واهوا عليها

عليج بالعافيه حبيبتي :)

وتسلم ايدج

Fishah يقول...

اول كيكه حلو شكلها بس الازرق خرب عليها :)

والاوريوووو شكلها ماشاءالله عجييييييييييبه .. تسلم ايدج .. والله يعطيج العافيه على هالمجهود الحلوووو .. حلو عندج اهتمامات جذي :))

يه يه يه قولي حق زعفرانه شحلات تصميمها اخيرا شفته .. بس ادري انا قايله بس 10 دقايق واطل طولت شويه :****

اي صج .. وين بتسجلين الدوره؟ شنو يطلع؟ اول مره اسمع فيهم .. علميني :)

شاي الضحى يقول...

DoDoq8

كيكة الأوريو وايد طعمها حلووو، كلهم يعيبون على زينتي :((( محد يشجع كلش ولا زعفرانه اكثر وحده تتطنز واكثر واحد تاكل من الكيك هههههه

والله يسلمج

شاي الضحى يقول...

فشه

المشكله وقتها ما لقيت الا الازرق وقلت العوض ولا القطيعه ... الله يسلمج ويعافيج حبيبتي

وبالنسبة حق الدوره في تافولا وحده كويتية تدربج شوفي شغلهم بالفيس بوك كتبي Tavola - Kuwait

http://www.facebook.com/home.php#/pages/Shuwaikh-Kuwait/Tavola-Kuwait/44675861713?ref=nf

رورو الشخبوطه يقول...

هلا شايونه..

اول شي طبيعي يكون شغلج عادي عقب بيتطور مع الممارسه حتى انتي لاحظتي هالشي..

2 شيييييييييييييي اجرمتي فيني يعت ابي كيك ككاو مره 2 بوستات البلعه تنحط قبل ال9 عساس يمديني اقلدكم واطلب من المطعم خخ علم :)

وتسلم ايدج يارب..

وبالعافيه يارب..

SHAHAD يقول...

يااا سلااااام
والله شوقتيني أبي أسوي كيكة وأزينهاا
بس والله شغلج حليو بالنسبة لمبتدئة
يعني فيييه أمل : ))
بالعاااافية ياااارب

حياتي هدف مو عبث يقول...

كيكة الساندويش أحس طعمها يدوخ هههههههه
انا ابد ما أعرف شي بالحلو
بس أحب أكل منهم P:
يعطيج العااافية

kazmawy يقول...

والله زين تسوين احلى شى تعلم الطبخ ينفع للمستقبل والحاضر لوووووووول
شوفى بكل صراحة وبدون مجاملات
الكيكة الاولى جنها دعاية فلم رعب ولما حطيتى عليها اللون الازرق صارت جنها دوا طبيب
لوووول
اما باجى الكيك فالصراحة فيه تقدم جيد وراح يطلع منج شى زين لكن الطعم الله اعلم
:)

star يقول...

ابداااااااع وتعليقاتج ابدااااااع ثاني .. تسلم ايديج

بس ترا جيزكيك الاوريو بدون هدوم كانت احلى لييييش لحفتيها مو لبستيها .. بس هم شكلها لذيذه الله يعطيج العافية وتخصص تزيين الكيك له مستقبل انتي حاولي دامج حابه السالفه ;)

يابختي يقول...

اقووووول الصج جاي...

كلهم شكلهم حلو مافيهم شي...


بس اول وحدة...احس حايستها حوووس...

انا مسويتها تطلع مرتبة...تونس...شي جذيه معاااج..

بس تبيج الصج..

اخر كيكة...وايد وايد حلوة..

bhr.qadsaweya يقول...

انا اقول حرام التعذيب النفسي

يعني شنسوي بالله .. نبي نضعف و انتي مع حلوووج ماكو امل نضعف كيلو واحد

يعطيج العافية و تسلم ايدج

شاي الضحى يقول...

رورو

افا علييييج جان قلتيلي اسويلج الي تبينه بس بدون زينه عشان ما تنسد نفسج هههههههههه

الله يسلمج مشكوووووره :))))


شهد

مشكووووره حبيبتي والله رفعتي من معنوياتي هههههه حياج الله :)))


حياتي هدف مو عبث

اي طعمها حلو بس البسكوت ما نقعته بحليب فصار يابس :))

شاي الضحى يقول...

kazmawy

لوووووووول اهم شي حق المستقبل والحاضر انتوا الرياييل همكم البلع

وبالنسبه للكيكة الأولى كانت ابدااااااااع وحرام عليك شدعوه فلم رعب ههههههههههه ولما حطيت عليها الأزرق صارت كاااااارثه

وميييييرسي على الدعم خخخخخ وحياك الله :)))

شاي الضحى يقول...

star

شكرااااااااااااا حبيبتي بالوصفه مكتوب نحط عليها كاكاو لووووول مره ثانيه بجرب بدون الكاكاو


يابختي

والله انا اللي ياااااااابختي يه يه يه يعني يطلع مني وهذي كانت اول كيكه اسويها عشان جذي عفسه ما عرفت شلون اسويها

شاي الضحى يقول...

bhr.qadsaweya

لوووووووووووول اي والله صاجه وانا يعني مسويه رجيم صار رجيم بوطقه ههههه

الله يعافيييج :))) مشكوره

U-Turn يقول...

لوووووووووووووووووووووووووووووول

الصراحه زووووووووغه

يونسون

صج التزيين لج عليه
وخااااااااااااااااصه دزاستر @@

بس شكلهم عجيبين


تسلم إييدج
لا يوقف :d

شاي الضحى يقول...

U-Turn

لوووووووووول الله يسلمج مشكوره :)))

حياج الله ؛)

عبدالعزيز العصيمي يقول...

السلام عليكم ورحمة الله وبركاته

ماشاء الله مدونتج رائعه
أتمني لج التوفيق فيها :)

بس الصورة الثانية أول ماشفتها
ضحكتني الصورة كيكة البنية
الى زينتيها بلون الازرق

انتي عندج مشكله في تزين الكيكات
وهذا الشيء اعتبره عادي
لانه يمكن ماعندج خبره كبيره في التزيين

بس أن شاء الله راح تتعلمين تزيين الكيكات
وتصيرين محترفة :)

((محد طلع من بطن أمه عالم))

بالتوفيق لج في حياتج
وفي مدونتج وفي تزيينج للكيكات :)

أخوج في لله: النور القريب

Hope يقول...

والله تسلم ايدج
ترى اشكالهم زينه
يعني يمشون حالهم
اول وحده لو مو حاطه الكريمه الزرقا
بس انا مستغربه ، آخر كيكه ليش حطيتي البسكوت جذي ؟
احس خرب شكل الكيكه s=
ع العموم تسلم ايدج و قواج الله ، ولا تستعيلين و تحبطين روحج
ان شاء الله بتتعلمين .. الشغله يبيلها وقت و ممارسه
و بعدين بتتقنينها ان شاء الله

عاد بعدين تعطينا دورات في الطبخ p=

شاي الضحى يقول...

النور القريب

وعليكم السلام والرحمه :)
لووووووول الله يسمع منك وعلى قولتك محد طلع من بطن امه عالم

مشكووور

وحياك الله اخوي :)

شاي الضحى يقول...

Hope

الله يسلمج

وانشالله اذا صرت خبيره اعطيج دوره ههههههه


حيااااج :)))

ميمة السبيت يقول...

** الكيكة الزرقه ما تترقع لوووووووووووووووووول

بس تسل ايدج و بالعافية انشالله

مبارك عليكم الشهر و كل عام وانتوا بخير :)

شاي الضحى يقول...

ميمة

عاد والله طعمها كان حلووو بس زينتها احلى هههههههههه

الله يسلمج ويعافيج :)

علينا وعليج ... وانتي بصحه وسلامه

حَافِـيَةُ الَقَدمَيّـنْ ولِبَاسِي المَطـرْ يقول...

احس طعمه لذييييييييييييذ
بس عندج مشكله بالتزيين p;
ظالمه الكيكات p;

شاي الضحى يقول...

حَافِـيَةُ الَقَدمَيّـنْ ولِبَاسِي المَطـرْ


حدي ظالمتهم مساكين يكسرون الخاطر ههههههههههه

حياااج الله :)))

حِكمة يقول...
أزال المؤلف هذا التعليق.
bhr.qadsaweya يقول...

مبارك عليج الشهر حبيبتي
والله يتقبل اعمالنا و اعمالكم

زهبي الحلو لرمضان ;)

يعطيج العافية

شاي الضحى يقول...

bhr.qadsaweya

علينا وعليج حبيبتي :)))

آميييين

هذا شي اكييييد والصور اللي شفتيهم كانوا تدريب حق رمضان ههههههه

الله يعافيج مشكوره :)))

زعفرانه يقول...

I AM BACK ...

صج ان اشكال الكيك تسد النفس بس الطعم لذييييذ ..

اشك ان اختي مسويتهم .. شكلهم تطلبهم من Cake & Bake بدون تزيين .. و تزينهم بالبيت!

علشان جذي طعمهم عجيب و الشكل تحفه ..
:p

شاي الضحى يقول...

زعفرانه

دااااااامج شاااكه اني طالبتهم عيل ليش تاكلينهم :@@@


برمضان بسوي كيك من كتاب المطاحن وما اخليج تاكلين ولا حته