الثلاثاء، 25 أغسطس 2009

الجزء الثاني - Palms Hotel

رجعناااااا لكم مع الجزء الثاني من التقرير

ومثل ما انتوا عارفين طبايع الكويتيين البلعة ضرووووريه في كل مكان وزمان وامي ما قصرت يابت لنا الجمعيه كلها


وطبعا اول ما وصلنا كانت حزة غدا فهذا كان غدانا اول يوم



ولما صار العصر نزلنا خذينا من ستاربكس فرابتشينو وامي زهبت لنا باجي البلعه (إلي يبي يمتن ايي عندنا يوم هههههه)









وبعدها خذيت امي ورحنا نتمشى بالمعرض ... وكان موجود السبا مال نادي تشامبيونز يبيعون شموع فيهم ريحة صابون ومسوين عليهم خصم 50% خذيت جم وحده حقي وحق رفيجتي ... جان اشوف لوحه مكتوب عليها



وقلت يبيييييييييييله جان ابسط واخليهم يسوولي ... حده عجييييب ويريح سوولي 10 دقايق وسألتها جم سعره عندهم قالت النص ساعة بـ 10 دنانير


وبعدها ردينا السويت وقعدنا انا وزعفرانه نستعد للـــــبـــــــحـــــــر حق اليوم إلي وراه




ووصل الحوووووووووووووت

هذوله خلصوا الله يعينه على الياي



وهذي عذاااااب يالله انتفخت


أخيييييرا خلصت بعد عذاب



وثاني يوم قعدنا من الساعة 6 الصبح ... نزلنا نتريق بالمطعم ... وبحط لكم صور ريوق الــ 3 أيام :)











وبعدها انطلقنا للبحر ... وطبعا عانينه على ما ننزل الطفاحيه الكبيره ما تدخل بالاصنصير فخذيتها معاي ونزلتها بالدري


وهذا الحوت وصل عشان يسبح معانا



المايه كانت بااااااااااااارده تهبل والشمس خلتنا نصير جلحان ملحان

.....

واحنا قاعدين نسبح جان نشوف سمجه غريبه عليها قلب الحب (سبحان الله) وطول الوقت تحوس يمنه نحذف عليها صخر عشان تروح ما تخاف ههههه وكل يوم نسبح نلقاها تسبح ويانا شكلها حابتنه هههههه


وقعدنا نسترجع ايام طفولتنا ونلعب بالتراب ونسوي جبل


بس انا سويت كيكه وزينتها ههههههه (تعقدت)
وعقب ما خلصنا رحنا الحمام (وانتوا بكرامه) نغسل عقب التراب وحطينه الطفاحيات بره وكان في مصري يشتغل حده ينرفز مناشبنه على الطفاحيات يقول انتوا شلون شايلينهم احنا حقرناه ودشينا نغسل وعقب ما طلعنه من الحمام ما لقينه الطفاحيه الكبيره !!!!!! انا قلت يمكن اليهال خذوها (ظلمتهم) مشينا شوي جان تقولي زعفرانه شووووووفي ولما شفت مت من الضحك شوفوا إلي شفناه !!!



ولا إلي يشتغل والي طول الوقت مناشبنه شالها وحطها فوق كشك الفوط صج ضحكت على شكل الطفاحيه واهيا فوق الكشك بس هم غثني على حركته لا ومعصب يقول انا خذيتها صارت مالتي ... طبعا حقرناه ومشينا

وعقب ما تسبحنا شربنا "جاي الضحى"



والغدا شرينا من ستاربكس لان امي كان بخاطرها تجرب الفلافل وكانوا يايبين سلطات يديده




وللأسف الفلافل طلعت مو شي ما اعجبتنا
...

والعصر طلبنا بسبوسه من لقيمه لان اهلنا كانوا بسيرون علينا





الصراحه طعمها واااااايد حلو ولذيذ وعجبتني العاديه إلي مافيها كاكاو



وزهبنا الجاي وبخرنا بانتظار الاهل


وعقب ما وصلوا خذينا اليهال ونزلناهم يلعبون بالألعاب



وبعدها سبحوا بحمام السباحه مال اليهال



وهذي حضانه حق اليهال

وآخر ليلة وصلتنا رساله (طرده بشكل محترم هههههه)


وأخيراً عقب 5 أيام شلنا قشنا عشان نرد بيتنا :(



ولا تزال الجنطه متروسه أكل هههههههه

هناك 14 تعليقًا:

حياتي هدف مو عبث يقول...

عليكم بالعافية والطفاحية شكلها لذيذ ههههه
وأنا يعت خل أروح أنام وباجر بعد الفطور باكل ككاو

joe يقول...

جنج تغرينا بالاكل
جان نطرتي لي بعد الفطور وستلمتينا بالصور لوول

الفربتشينو الي طالبته شكله يشوق اول مره اشوفه شنو اسمه بالضبط ؟ ;p
دائما اكل ستاربكس ما اتشجع منه


ماشاء اللهاللعاب بحر خاصه المدوره لشكبرها تونس بس شكلها مسويه ازعاج لكم لول

احلى ريوق كليته عندهم المعنى رحت وايد فنادق و مطاعم بس احلى ريوق عندهم فيه تشكيله وافره

ايباااه شهرين مو رايح بحر مايصير

عليكم بالعافيه , وتقبل الله منا ومنكم صالح الاعمال

ShaymoOona يقول...

عليكم بستين الف عافيه الصراحه مبين الوضع وناسه شكلي بسويلي هالمشروع عما قريب بس بعد رموضان

رورو الشخبوطه يقول...

اللهم اني صائمة ..

اهي اهي يعت..

بالعافيه يارب..

وهالبوست اكبر اثبات ع انج كويتيه وبالتاسيس خخخ..

خو احنا لازم اكل قبل وبعد واثناء..

شوقتيني ع البحر ..

وضحكتني زينتكه والسمجه حسبالي شفافه..

وشنو بعد خو صايمه فحلجي ماحركه الا للقرقه خخخ..

اهم شي خذيتوا طفحيتكم ؟؟

ومشكوره..

شاي الضحى يقول...

حياتي هدف مو عبث

الله يعافيج حبيبتي ... ترا الطفاحيه مو للأكل هههههه :)))


ونوووم العوافي :))

شاي الضحى يقول...

{~المباركية~}

لوووووول ترا في صور واااايد عن الاكل بس ما حطيتهم ... مره ثانيه اذا بتبطل بلوقي بطله عقب الفطور ههههه

والفرابتشينو الي طلبناه اسمه " كراميل فرابتشينو بدون كريمه "

اي الله اذتنه من تفخناها ليما فشيناها بس كانت تونس :)

لا انا اشوف ريوقهم عادي عندي احلى ريوق فندق مرينا مول :)

والله يعافيك مشكور :)))

شاي الضحى يقول...

ShaymoOona

الله يعافيج حبيبتي ... اي والله روحي قبل لا ايينا البرد :))

شاي الضحى يقول...

رورو الشخبوطه

لووووول والله من قالج تبطلين البلوق قبل الفطور مره ثانيه لا تستعيليين الصبر زين هههههههه :)))

اي والله طبع الكويتيين جنه رايحيين ديرة مجاعة ولا مكان مافيه اكل لازم نترس الجنطه حق شهر واحنا رايحين 5 ايام لوووول

اي خذينا الطفاحيه خشيناها حق السنه اليايه ههههه :)

حياج الله :)))

bokeh of magic * يقول...

لوووووول و الله ونااااسه شوقتيني الحين بروح الجمعيه و بخربط و ببلع خخخ ,
زين تسون و الله عليكم بالعافيه ^^

شاي الضحى يقول...

Being One

لااااااا بعدين تصيرين دبه هههههههه

الله يعافيج :)))

Fishah يقول...

ماشاءالله يااااحلوووو البلعه واهيا متيمعه بالجنطه هههههههههههه ( حدي يوعانه )

بالعافيه عليكم يا رب .. اهم شي استانستوا وغيرتوا جو .. وناسه سوي بعد جذي تقارير .. وايد حلو البوست :)

والطفاحيه الكبيره اشك انكم سبحتوا فيها هيهيهيهي وبااااط جبدي هالمصري الملقوووووف اهواا شكووووووو !

عاد الحين مااااااكو بحر .. لا بحر بعد الآن :(

شاي الضحى يقول...

Fishah

هلااا فشه

الله يعافيج والحمدلله استانسنه وايد ... لووووول ليش تشكين انه سبحنه فيها ... اي اي سبحنه فيها وفيها خيط اخلي زعفرانه تمسكني عشان ما اروح بعيد لوووووول بس والله كانت تونسسسسسسسسسس

اي والله اشوه لحقنا قبل التلوث :(

الله يستر

daloo3a يقول...

والله كشخه الرحله

بس شهيتونا

توني شفت الموضوع و نحن صايمييين


يلاا تقبل الله صيامنا و صيامكم


تسلميين ع الموضوع

شاي الضحى يقول...

daloo3a

حيالله اهل العين دار الزين :)))

شسوي بعد كل روحاتنا فيهم اكل هههههه

اللهم آميين

الله يسلمج :)