الخميس، 24 سبتمبر 2009

ولقت اختي الحل!

أمس اختي شرتلي هديه وكانت عباره عن كتاب اسمه "كيك الأطفال"

تتعلمون فيه شلون تسوون الكيكه وتزينونها بأشكال جميله وطريقتها سهله

والخطوات مصوره مع الشرح

شكلها اختي يأست مني قالت ماكو إلا أييبلها كتاب ههههههه

شكراً اختي العزيزة
-----------------------

هذا غلاف الكتاب


الديناصور العملاق


الأميره الحسناء

نفنوفها آيس كريم


الدب المدلل


المهرج الضاحك



الخنفساء المنقطة



وهذي على رقم 4

الحصان الجامح



رقم 5

مزرعة الحيوانات



وبعد فيه طرق تزيين الكب كيك



وبآخر صفحات الكتاب فيه صور تكبرونهم

عشان ترسمونهم على الكيكه وتقصونها



تنفع حق الي نفسي ما يعرف يرسم


طبعا في بعد وايد صور بس ما صورتهم

ومكتوب بالكتاب انكم تقدرون تسوون هالطرق بكيك القواطي

او اي طريقه ثانيه واهما بعد حاطين مقادير الكيكه



تهقون اقدر اسوي نفسهم؟ ههههههه

يالله اختاروا وحده منهم وأطبقها واذا ضبطت احطها لكم :)

--------------------------------------------

آخر التطورات:

توني سجلت في ديوان الخدمه وحطيت رغباتي ... ادعولي يقبلوني بالمكان الي ابيه


هناك 24 تعليقًا:

SHAHAD يقول...

انا اقترح تسوين حديقة الحيوان
< دورت اصعب شي لوول
بس والله خوش هدية : ))

ويااارب يقبلوونج بالمكان اللي ينااسبج ويريحج : )

شاي الضحى يقول...

شهد

لوووول ابي شي سهل على قدي هههههه والله محتاره مادري شسوي


اللهم آميييييييين :)


مشكوره ونورتي :)

وحـدهـ من البـشر يقول...

انااااسه حركاات

الاشكال تشوق


سوي الاميره لاني احب الآيس كريم


و ان شاء الله يقبلونج ويقبلوني بوظيفه سنعه

معني ليلحين ماسجلت :P

بس زين ذكرتيني باجر اسجل


موفقه خيتووو

ويلا بنشووف تججااربج مع هالكتاب

شاي الضحى يقول...

هلا جوجو

اتوقع انها صعبه وايد لان على ما احط البرد الا ذايب مع جونه ماشاءالله ما يذوب كلش ههههههه

آميييييييييين الله يسمع منج

شناطره انا سجلت اول ما بطلوا هههه تذكرت تسجيل الجامعه المأساة بس هذا فرق كل شي بسرعه

يالله سجلي الحين وانشالله يقبلونج بوظيفه سنعه

اجمعين مشكوره نورتي :)

نمووول يقول...

يعطيها العافية اختج وجزاها الله خير
شكلنا بنحلي كل يوم من ورى هالكتاب الي يابته لج :)

ماتوقع بيكون التطبيق سهل بس الشكل معقد
فما بالج بالمقادير والسوالف الباجية الي مافهم فيها

انا اقول جربي جم وحدة نذوقها ونحكم ;)

دمتي بخير

غير معرف يقول...

أول شي موفقة وان شالله تبشرينا بقبولج يارب، أعرف هالشعور اللي الواحد يكون ناطر ومحمس بنفس الوقت وان شالله يقبلونج في المكان اللي تبينه..
بالنسبة للكتاب شكله زوين والله واعتقد هم الصغار وخاصة البنات حلو، يعني اعتقد لو الأم حبت تعلم بنتها من الصغر الطباخ تعطيها هالكتاب اللي يعتمد ع الرسومات والأشكال، وتكون زلقة بطيحة منها تعليم أشياء بسيطة ومنها استمتاع بالوقت..

ثانكس ع البوست..

طماشة

شاي الضحى يقول...

نمووول

الله يعافيك :)

انا قبل شوي قريت الارقوز شكلي بسويها حسيتها سهله بس يبيلها عباله ولازم كل شي اسوي منه 2 بجرب وبشوف :))


حياك الله :)

شاي الضحى يقول...

طماشة

اجمعين يارب ماقصرت :)

لما قريت الكتاب حسيت كلش مو مال يهال حتى اهوا مكتوب فيه الام تسويه حق عيالها وايد صعب وطريقة تطبيقه صعبه الكيك الي انا اسويه كل مره واااااايد اسهل بس قرت بجرب واشوف وتشوفون ههههههه

حياك الله مشكور :)

رورو الشخبوطه يقول...

فيني بجيه مرتين اكتب تعليق وماينزل اهي اهي..

اللي قلت ان بالعافيه عليج الكتاب..

واحس اسهل شي ام علي..

وناطرين ابداعاتج ..

ويارب تتوفقين بالوظيفه..

وفي كيكه اسمها كيكة الشاطئ اذا تعرفينها او لا شكلها يشوق وسهل ..

بسوي كوبي اخاف ماينزل الرد..

daloo3a يقول...

ههههههههههه

هذا لو المووت ما اسوي نفسهن بخبص الدنيا بكبرها


بس يلا زين تتعلميين


يوم بتسويين شي صوري و حطي نبا نشوف ابداعاتج اوك ^^

مواطن شووجااع يقول...

طيب عايز نشوف الكيكة اللي هتعمليها
ونشوف شكلها هيبقي عامل إيه ؟
زي ما الكتاب بيقول ولا حاجة تانية

كل سنة وحضرتكـ طيبة وتقبل الله منا ومنكم
وأسعد الله أيامكـ بفيض رضاه ونور هداه وباركـ بعمركـ إلي يوم تلقاه


------
ياريت تشيلي حكاية الحروف التأكيدية دي عند كتابة التعليق عشان رخمة شوية

DoDoq8 يقول...

ماشالله عليج ماتحتاجين كتاب تعرفين تسوين كيك

والله يوفقج على الوظيفه بعد سنه راح اكون بمكانج ان شاءالله :)

غير معرف يقول...

قووه شاي

شلوبج حبيبتي

بغيت اعرف شلون سجلتي بالديوان ؟

شاي الضحى يقول...

رورو

صارت فيني وايد وقمت على طول اسوي كوبي ههههه

الله يعافيج ... انا بشوف اسهل وحده وبسويها

آميين

مادري ماعرفها


مشكووووره :)

شاي الضحى يقول...

دلووعه

لووووول شدعوه انا الي اعرف بس بتعلم

انشالله راح احط كل شي بالتفصيل :))


مشكوره

شاي الضحى يقول...

مواطن شجاع

اكيييد راح احط كل شي حتى لو تطلع مو حلوه ههههه


مشكووور نورت :)

شاي الضحى يقول...

دودو

اخجل اخجل :$ ههههههه

آمين .. وانشالله تتخرجين وتتوظفين باحسن الاماكن


حياج الله :)

شاي الضحى يقول...

غير معروف

اهلين .. انا بخير الله يسلمج :)

دشي على هذا الموقع

http://www.csc.net.kw/maincsc7.htm

وحطي بياناتج بعدها سجلي في الباحثين عن عمل وحطي رغباتج :)

حياج الله :>

bhr.qadsaweya يقول...

والله خوش كتاب وايد حلو
واختج ما ايأست منج ابد
بس حبت تكرمج على جهودج المبذولة p;

يارب ان شاءالله يقبلونج بالمكان الي ودج فيه

يعطيج العافية

Hadeel يقول...

سوي الأميرة الحسناء
شكلها يشوق..

بس ممكن سؤال
الحين انت تكبرين الصورة وتحطينها عالكيكة وتقصينها صح
الكيك الزايد شتسوين فيه؟؟ ^^
ترا بس أسأل لان عمري بحياتي ماراح أفكر أنافسج
هالسالفة يبيلها طولة بال وناس فنانة مو آنا

الله يوفقج ان شاء الله

شاي الضحى يقول...

قدساويه

اي شفتي شلون هههههه


آمييين والله يعافيج

نورتي مشكوره :)

شاي الضحى يقول...

she is me

اهيا شكلها حلو بس مشكلتها آيس كريم احسن ما يضبط يذوب على ما اسويه

الكيك الزايد في بعضهم تقصينه وتركبين باجيه حق الكبوس او اليد او الاذون كل وحده غير او تاكلينه على ما تخلص الكيكه هههههه


اجمعين حبيبتي ما قصرتي :)))

مشكوره :>

Hope يقول...

مادري ليش احس الكتب اللي جذي مو واقعيه
مادري احس ما تضبط الطبخه عدل لما تكون من كتاب
ع العموم جربي و قوليلنا شيصير
ان شاء الله يضبطون وياج

و الله يوفقج و يرزقج بالوظيفه السنعه اللي تريحج

شاي الضحى يقول...

Hope

ما اتوقع لاني قريته وكاتبين كل شي بالتفصيل فأتوقع انها تضبط بس يبيلها ناس خبره وانا عليميه بس هم بجرب وانشالله اول ما اسوي وحده منهم بحطهم لكم وابي رايكم :)))


آمين مشكوره :)