السبت، 26 سبتمبر 2009

شاي أخضر بالمراميه

المقادير:

2 ملعقة كبيره شاي أخضر العويد

1 ملعقة كبيره مراميه

وقوري شاي


نحط الشاي الأخضر


وفوقه المراميه


ونضيف عليهم ماء ساخن



ونخليه ينقع 5 دقائق


وبالعافيه


وهذي الوصفه من اختي اهيا مسويتها :)

-------------------------------------------------

فــــوائــــد الـــمـــرامـــيـــه

تستخدم الميرامية اليوم في علاج الكثير من الاضطرابات الصحية أبرزها:-

الاضطرابات الهضمية، وفقدان الشهية وزيادة الإفرازات في المعدة.

اضطرابات الدورة الشهرية وأعراض انقطاع الطمث وتساعد الميرامية على انسياب افضل للدم، بفضلما تتمتع به من مزايا هرمونيه.

كذلك فإنها تخفف من التعرق ومن الهبات الساخنة التي تعاني منها النساء في سن اليأس.

منشطة للدورة الدموية، ينصح بها أيام الامتحانات وللمصابين بفقر الدم وضعف الذاكرة، ورجفة اليدين.

تخفف مستوى السكر في الدم.

تنفع لعلاج الاكتئاب والإرهاق العصبي .


شربه قبل النوم يخفف الأرق والقلق والإرهاق فهي:

منشط، مقويه، مانعة للعرق، موقفه لإدرار الحليب، طارد رياح ،مضاد للإسهال، خافض لنسبة السكر في الدم.

مضاد للربو، مطهر، مضاد للعفونة، مضاد لتشنجات، خافض للحرارة، هاضم.

مدر للبول ، يوصف للاسهال، يوصف للهستيريا، وللانحطاط العصبي.

لتبديد الكآبة ،للأرق ، للآلام الروماتزم والمفاصل، للربو وضيق التنفس، للقصور الجنسي، لتقوية الذاكرة، للوهن لنقاهة، وللتعب الفكر والجسد.


هناك 24 تعليقًا:

رورو الشخبوطه يقول...

السلام..

بالعافيه يارب..

من زمان عن الجاي الاخضر اليوم اقول لاختي من زمان عنه تقول مو من حلاته خخ بس برد له ان شاءالله..

مشكوره..

شاي الضحى يقول...

وعليكم السلام هلا رورو

الله يعافيج ... انا ما احبه واذا شربته اشربه مثل الدوا

حياج الله :)

غير معرف يقول...

انا انجبرت احبه وقاعد اشربه مرتين باليوم وبالغصب على ماتعودت على طعمه.. ممم اختي جاي ممكن أعرف شنو مميزات المرامية مع الجاي الأخضر! يعني يسوي شي؟ ولا بس تغير بالطعم؟ هل يسوي شي مع الكرشة؟ :D

maha يقول...

صباح الخير شاي الضحى

ممتعه مدونتج اكتشفتها في رمضان وتقريبا تصفحتها كلها وطبعا سطرتها بالريدر

الجاي الأخضر إذا بروحها أشربه بدون سكرواستمتع بطعمه

لكن إذا خلطته بأعشاب ثانيه لابد يكون حالي شوي

مادري اذا جربته إختج مع النعناع والزنجبيل الفرش أتوقع راح يعجبها

شاي الضحى يقول...

طماشة

انشالله لما تقعد اختي اسألها عن الطعم وشنو الفرق لاني ما جربته وبعد اكتب لك شنو فوايد المراميه :))))

شاي الضحى يقول...

مها

ونستيني هههههه وانشالله اكون عند حسن ظنكم :)


والله انا جم مره اشوفها تحط معاه نعناع وزنجبيل ومادري شنو بعد بس ما سألتها عن الطعم


مشكوره ونورتي وحباج الله كل يوم :>

daloo3a يقول...

والله زيييييييييييييين


الميراميه واايد زينه ^^

غير معرف يقول...

وانا كل ما يقولولي المراميه زينه اسكت عبالي صعبه طريقتها

ماهقيت انها سهله جذي

مشكوووره

شاي الضحى يقول...

دلوووعه

اي صح لها فوايد وايد وانشالله العصر اكتبهم لكم لاني ليلحين مو نايمه وتوني راده من الجم هههههه حدي فراغه وبروح انام :))


مشكوره :)

شاي الضحى يقول...

Chaotic pOsha

علبالج بتزرعينها؟ هههههه روحي الجمعيه صوب البهارات ودوري مراميه واكو انواع وايد انا خذيت مجدي :)


العفو حياج الله :)

حياتي هدف مو عبث يقول...

أختي اتحب هالسوالف .. أنا أحاول أشربهم بس طعهم مو حلو حتى الزعتر وفي أشياء وايد ..
أستغفر الله لا طعم ولا ريحة ..

الكوب عجبني P: من وين

نمووول يقول...

اي عاد بالجاي انا اعجبج
عند ويهج ما يبيله شي
بس وايد فوايده والله
شكراً ..

بروح اسويلي كوب

DoDoq8 يقول...

تشووقت احس وصلت ريحته ليه عندي :P

بس ماعندي المقادير الحين


يعطيج العافيه

Q8~Touch يقول...

يعطيج العافيه انتي و اخيتج ...
مشكورين

شاي الضحى يقول...

طماشة

سألت اختي عن الطعم وقالت اكيد يتغير يصير طعمه جاي اخضر مع مراميه مو نفس الجاي اخضر بروحه :)

وفوائد المراميه كتبتها بالبوست :)

شاي الضحى يقول...

حياتي هدف مو عبث

انتي نفس حالتي ماحب اسوالف وساعات اتغصبهم :)

والكوب من إيرلندا :)


مشكوره :>

شاي الضحى يقول...

نمووول

اشوه يعني راح تسويه مو نفس الكيك تقولي صعب ههههههه


العفو ولو حياك الله وبالعافيه :)

Fishah يقول...

جم مره شربت الاثنين بس كل واحد بروحه

ماجربت اخلطهم

مره قالي الحواي اذا بتحطين شكر مع اي نوع من الاعشاب يفضل سكر نبات

يسلموو شوشو

:)

شاي الضحى يقول...

دودو

المقادير وايد سهله وموجوده بكل الجمعيات :)

الله يعافيج مشكوره :)

شاي الضحى يقول...

Q8 Touch

الله يعافيج :>

العفو حياج الله :)

شاي الضحى يقول...

فشه

هالمره جربي خلطي الأثنين مع بعض :) وسكر نبات افضل من الشكر


مشكوره :>

غير معرف يقول...

مشكورة أختي جاي على السؤال، وشكلي بحط مرامية لكن مو على طول بين فترة وفترة خوفج يكون طعمه مو حلو
طماشة

رورو الشخبوطه يقول...

شاي..

يبت لج الكيكه..

اللي قلت لج عنها ..

http://images.google.com/images?hl=ar&rlz=1T4TSHB_enKW278KW278&resnum=0&q=%D9%83%D9%8A%D9%83%D8%A9%20%D8%A7%D9%84%D8%B4%D8%A7%D8%B7%D8%A6&um=1&ie=UTF-8&sa=N&tab=wi

ادري داشه عرض :)

شاي الضحى يقول...

طماشة

العفو ولو ما سويت شي :>



رورو

شكلها حلو حدي تشوقت اسويها وانشالله اذا سويتها راح اصورها واحطها عشان تشوفين النتيجه :))


مشكورين :>