اليوم بحط لكم فكره لتغليف الهدية
ما صورتها من اول شي عقب ما خلصت
صورتها عالسريع وقلت احطها لكم
الأدوات المطلوبة:
- قرشه (جرَه) شفافة
- كريشة يابسة
- شريطة
- مقص
- لزاق او صمغ حار
- ورد مجفف او صناعي
- قش (لونين)
- وردة بحجم متوسط
اول شي نييب القرشه ونحط داخلها القش
وتختارون اللونين الي تبونهم
ونخلط معاهم الورد
نحط الهدية داخل القرشة وفوقها قش وورد ونسكرها
بعدها نييب الوردة ونلزقها على الغطى
ما لقيت ورده نفس الي ابيها
فشريت شباصة من محل Accessorize
وحطيت تحتها لزاق لان ماعندي صمغ
ونثبتها عدل فوق القرشه بهالطريقة
اخر شي نفرش الكريشه
ونحط القرشة بالنص ونلفها عليها بطريقه تكون نفس الورده الكبيره
ونلفها بالشريطة ونربطها بشكل حلو
واخرشي نحط شوية قش داخل الكريشة
وبجذي يخلص التغليف
والهدية جاهزه للتقديم
والهدية جاهزه للتقديم
سويت 2 وهذي النتيجة
والحمدلله اعجبت خواتي
هناك 12 تعليقًا:
حبيتها اكثر قبل التغليف الوردي بس ..
ككل حلوه ماشاءالله ..
تسلم ايدج يارب..
السلاام عليكم ورحمة الله وبركاته
امممممم الطريقة وايد سهله و حلوه بعد
شكرااا ^^
عاد عندي قواطي شكثر
مشكوره على الفكره
جداً جميلة
=)
ذوقك جميل وراقي ؛)
يعطيك العافية ..
وتسلم الأيادي ..
الزين ما يسوي الا كل شي زين
عليهم بالعافية خواتج يا بختهم فيج :)
نايس ما شاء الله
عجيبة الفكرة وبسيطة
تسلم ايدج :)
الله يعطيك العافية أختي على هذي الفكرة
البسيطة والرائعة ،
موفقة أختي ..
رووووعه وايد وايد حبيتها
السلام عليكم ...
ماشاء الله سهله وراقيه ..
الله يعطيج العافيه :)
** الله وايد حلوه شكلها يشوق
مساء الخير
اتمنى تشوفين البوست هذا.. اهداء :)
http://homeealone.blogspot.com/2011/05/blog-post_25.html
شكرا
mashalllaaa 3aaaliichh !!! wayed wayed 7lwaaa
إرسال تعليق