FOREVER 21

هالمحل احبه عشان شي واحد بس

كل ما ادش واروح عند الاكسسوارات لازم القى اشيا وايد على فيول

شوفوا شنو شريت

قلب فيه 3 فيولات

قبل فتره زعفرانه دزتلي صورة قلب على فيول من محل Accessorize

دورته بالكويت ما لقيته اهيا شافته عندهم

ولقيته في FOREVER 21

وخذيت من هالقلب لونين ذهبي وفضي


وخاتمين ذهبي وفضي

عاد مادري راح البسهم او لا لانهم كبار ههههه

المهم خذيتهم

بتقولون بقى فيل ما خذيتيه ؟!

بقولكم اي بقى واااااايد بس امي ما رضت :(

وفي جم واحد ما اعجبوني

بس فيهم عيب انهم ما يناسبون جونه خاصه بالحر

بسرعه يقلب لونهم ويصير حلي

اختي تشتريهم وتلبسهم بديرتها تقول ما يتغير لونهم

Link

شي يلوع الجبد!

صارلي فتره باكتب عن الموضوع وكل مره اقول لا يمكن صارت مره او صادفني هالشي مره بالغلط

بس بعد ما شفت "بعيييني"

وجم مره تصير هالسالفه جدامي ومن الصيف الي طاف وانا ملاحظه هالشغله قلت لازم اكتب عنها

الموضوع الله يسلمكم عن

"الملابس الداخليه النسائية"

الي اعرفه ان ممنـــــــوع احد يقيسهم وهم ممنوع التبديل او الاسترجاع

حفاظا على صحة الناس من الأمراض

وهالشي معروف بكل دول العالم

بس الي قاعده اشوفه عندنه انه وايد حريم يقايسونهم واذا ما عجبها ردته بالستاند!!!

والمشكله ان الي توقف عند غرفة القياس بالمحلات تشوفهم وتعد جم واحد ماخذين وما تقولهم ممنوع!!!

وامي كانت بتكلم المسئول بالمحل بس شافت ان ريال ماكو حريم فاستحت

وطبعا مو كل المحلات جذي انا اقصد المحلات الي يبيعون وايد اشياء من ضمنهم الملابس الداخليه

نصيحتي لكم يا بنات الي تبي تشتري لا تروح هالمحلات اشتروا من المحلات المتخصصه بهالشي

وما يكون فيها غرف للقياس

والي شفتهم 3 محلات

الأول ديبنهامز بسوق شرق

الثاني H&M بالأفنيوز

الثالث ماركس اند سبنسر بـ 360 مول

يمكن هالشي صار من غير علم الإداره بس لازم ينتبهون وانتوا بعد تنتبهون لهالشي

------------------------------------------------------------

اليوم ام رفيجتي يابتلي مخده على فيول

يهببببببببببببببل

حدي مستانسه عليه قالت لي عشان تنامين عليه وتفقصينه

ههههههههههههههه

مشكوره خالتي وما قصرتي :*

إهداء حقي

وصلني اهداء من رفيجتي العزيزه حقي

بس كنت اتمنى لو كان شي بالكويت :(

دورات لتعليم قيادة الأفــــيــــال


اي هذي الدورات السنعه

بالكويت ما عندنه غير ركوب الجمال والخيول :(

ودي اشتري فيول صغير

واحطه بداري او بالصاله العب معاه

بس المشكله اخاف انه يكبر ويتقلقص وبعدين شطلعه من الباب؟!

ساعة الأرض

مثل ما قريتوا او سمعتوا سواء كان بالأخبار أو بالبلوقات عن

ساعة الأرض

الي صارت بـ 126 دولة من ضمنهم الكويت

فكان ودي اشوف برج التحرير وأبراج الكويت لما يسكرون ليتاتهم

لما طلعت كان الجو شوي مغبر وبرج التحرير شكله سخيف مع الغبار مو واضح

فقلت اروح عند الأبراج احسن

وصلنه على الساعه 8:15 وكان باقي ربع ساعه

قعدنه نتمشى شوي لما صارت الساعه 8:30 بالضبط سكروا ليتات الأبراج

هذي صورة الأبراج قبل لا يسكرون ليتاته

هذا الفيديو لما سكروا الليتات والحمدلله اني لحقت عليه

وصورت الابراج لما طفوا ليتاته


وهني الأبراج أظلم

اول ما وصلنه البيت ولا اختي مسكره كل ليتات البيت وشابه الشموع

وكل وحده فينه اذا بتروح مكان تاخذ شمعه صغيره وتمشي فيها

أشكالنه جنه ساحرات هههههههههههه

أكثر شي ضحكتني امي تبطل الليتات ما تشوف وانا اسكرهم وراها


ظلمه ... أكيد في حوادث !!!

تعشينه على ضوء الشموع ... واحلى شي اني يايبه خبز ايراني واسخنه بالشمعه

هههههههههههه

بعد ما خلصنه اختي شايله الصينيه بالظلمه جان تطيح المربى وتكسره

هههههههههههه

عقب ساعه بطلنه الليتات ورد كل شي طبيعي

بس والله كان وناسه

عسى تكون الأرض راضيه علينا؟!!!

Color Me Mine

اتفقنا قبل يومين الفير (رورو الشخبوطه + شاي الضحى)

ان نطلع مع بعض وكان شي مو مخطط له كلش

وامس كان الموعد وطلعنه

فاختارنا المارينا المهم قعدنا نحوس ندور مطعم اخر شي رحنا

كلور مي ماين

اول ما دشينه خلونه نختار لنا شغله نلونها

وهذا جزء من المجموعة

شاي الضحى اختارت حصالة على فيول


رورو اختارت بوكس على زنوبه


وعقب رحنه نختار الألوان

وقبل لا نلون خلونه نغسل ايدنه بصابون زايدينه ماي :q

وعطانا التعليمات

أول شي نمسحها بالأسفنجه

عقب نلون وإذا بنغمج اللون او نفتحه ... إلخ

طبعا لعبنه بالألوان كل دقيقة نقوم نحط ألوان يديده فوق بعض عفسنا الدنيا

وسألنا إذا نبي نشرب شي

رورو اطلبت ماي

وشاي الضحى اطلبت كابتشينو

وتمينا نلون ونلون ورورو خلصت وملت

جان تساعد شاي وتلون فيول شوي بعدها ملت وخلته واقعدت تحوس

وراحت تصور بالكاميرتين (رورو + شاي)

وشاي الضحى لازالت تلون

عقب تقريبا ساعه وشي طلبنا المنيو

لما شافته رورو انصدمت لأن ماكو أكل

بس كيك وهالسوالف

وهذا جزء من الأكل عندهم

رورو اطلبت مافن مع آيس كريم

وشاي الضحى اطلبت آيس كريم

ورورو خذت كوكيز تيك اوي

خلصنه تحفنه وليلحين باقي عندنه ألوان وايد

جان تقترح شاي الضحى انه نشخبط فيهم على مفرش الطاولة!

وهذا إلي صار

أما ابداعاتها كانت كالآتي:

هذي مالت رورو الشخبوطة عقب لمسات شاي الضحى

وهذا فيول شاي الضحى

والنتيجه تبين بعد اسبوع لما نستلمهم

وبس طلعنه قبل لا نلون على الطوف ويقضبونا الباب!

الحمدلله استانسنه وايد

وكنه أول مره نشوف بعض

لقراءة الموضوع الآخر

اضغط هـنـا

Chips

يمييييييي يميييييييييي

بوتااااااااااتااااااااا :q

في احلى من البطاط؟!! ما اتوقع ههههههههههه

كنت رايحه 360 مول جان اشوف هالكشك

مكانه تحت يم جـــيـــان

وقفت اتطمش عليه جان اطلب لاني ما اقاوم البطاطا

Chips Twist


بطاطتي داخل الجهاز قبل لا تنقص

وهذي مراحل التقصص

خوش جهاز والله

تراااااااااااااا خلصت

والحين قاعده تنقلي

تقدرون تختارون اذا تبونها كرسبي او ميديوم

انا اخترت ميديوم مابيها وايد يابسه

في نكهات وايد تقدرون تضيفونهم على الـ Chips

مثل: جبن - جبن وبصل - خل وملح - بيتزا

وغيرها

الطلب ياخذ دقيقتين على ما يخلص

اخترت جــبـــن

السعر 500. فلس