الخميس، 11 مارس، 2010

صور من دبي

ياحلوها دبي ما ينمل منها كلش ماشاءالله

خلف الله علينه ماعندنه غير المطاعم

في مشاريع وايد قاعده انطرها تخلص بدبي خاصه
City of Arabia

لما رحنه دبي مول توقعت الاكواريوم مسكر

واختي توقعت بتلقى السمج حاطينهم بجياس (أكياس) ههههههههههههه

بس الحمدلله كل شي كان طبيعي وما شاءالله ما جنه كان فيه شي

المهم بهالبوست بحط لكم جم صوره من سفرتي

هذي فرشتي بالفندق مادري شفيه المعجون انتفخ

عاد انا ما اعطل على طول يبت الكاميرا وصورت هههههه




ثاني يوم رحنه سوق البحار الي يم دبي مول


قعدنه في كافيه شكسبير

القعده بره وايد حلوه

بس الكافيه فيه عيب واهوا "الشيشه" :(


عقب ما خلصنه مريت يم المحل الي ينقشون الحنه

عاد انا ما اواطنها ولا احب ريحتها

بس شفت وحده قاعده تحط وشوقتني

ودشيت وشفت ان الحنه السوده مافيها ريحه جان ابسط واطلع الكاتالوج واقعد انقي

قلت حق الي تنقش الحنه ابي على فيول قامت تضحك علي

ولقيت صورة فيل وقلت لها ابي معاها نقشه وسوتلي :)


في فستفال سنتر بره كور يدشون داخلهم اليهال يونسون موجودين من شهر 11 الي طاف

مادري اذا بشيلونهم او لا

اسمهم Fun Balls

مصورتهم فيديو بس ماقدرت احطه لان فيه اصوات وعفسه



ركبنه المركب تمشينه فيه



باتشي دبي مول مسوين برج خليفه من كاكاو

منو يبي ياكله؟ ههههه


آخر شي

هذي هدية حق رورو



في جم شغله شريتهم كنت بحطهم بس ما صورتهم ومالي خلق اروح اصور

ان شاءالله اذا صار لي خلق بصورهم

مادري شفيني صايره كسلانه :(

هناك 30 تعليقًا:

رورو الشخبوطه يقول...

وناسه..

خخخ اتخيل السمج باجاس والخمطه بربع :p

النقشه للمره الزليون اقولج توس ماشاءالله..

المعجون يشوق ماشاءالله حركات ..

هالكافيه اختي الكبيره عاجبها شافته بالنت وتقولي روحوا له جنه اسكت حجزنا خخخ..

امم الكور يصير للكبار ولا بس اليهال ؟؟

والككاو اجرام..



ومرسي ع الهديه كلك زوء خيتو..

شاي الضحى يقول...

رورو

اختي كانت متوقعه بتشوفهم بجياس هههههههههه

لوووول لوعت جبدج فيها :q

اي حلو الكافيه بس الي ما حبيته الشيشه واهناك اغلب الكافيهات والمطاعم الي بره كلهم شيشه

قعدنه في مطعم عبدالوهاب يطل على النافوره بس هم فيه شيشه لوعوا جبدنه بالريحه

مو محددين حق الكل بس انا ما لعبت كنت تعبانه

حده اجرام لوول

عفوااا :q

عندي هديه ثانيه اليوم شفتها بعدين تشوفينها :q


مشكوره :>

Hopeless Sight يقول...

الحمدلله على سلامتج .. يلا بلى كسل أبي أشوف شنو شريتي :P
تصدقين عاد ودي اجرب الFUN BALLS والله بخاطري من زمان :(

chandal/danchal!! يقول...

خوش صور... عليكم بالعافية

والحنة فنتق

:)

DoDoq8 يقول...

يازين دبي ويازين كل شي فيها

تشوق الغيوم الي بمدينه بحار

والكور الي بالماي فيه نفسها تقريبا بمدينه الثلج بامارات مول بقيت اركبها بس مادري ليش حسيت اني كنت متجمده ومالي خلق اروح اقص لي تذكره :×

كوكتيل يقول...

والله دبي عليهم حركات عجبتني الكور حيل تونس

والكافيه شكله حلو

بالعافية يارب :)

ebtsamh يقول...

حمد الله ع السلامة ..

صور حلوة والله ..

اجتماعي يقول...

يا حلو دبي والله ..
عيبها الوحيد الرطوبة ..

وانتي رايحة بالشتا ..

يعني أكيد شي مو طبيعي : )

شاي الضحى يقول...

هوبليس

الله يسلمج ... ههههه والله شسوي لاني حدي لاهيه هالأيام ولما ارد البيت اكون تعبانه ومالي خلق اسوي شي

شكلهم يونس :)

حياج الله :>

شاي الضحى يقول...

جندل

الله يعافيج

لول :q


مشكوره :>

شاي الضحى يقول...

دودو

الجو كان كله جذي غيوم يهبل والفير يصير عفسه بالجو بس اشوه نكون نايمين على ما نقعد ماكو شي

هالمره ما دشيت الثلج لان احس ليلحين ما ولهت عليه توني داشته فما كان لي خلقه


شكرا :>

شاي الضحى يقول...

كوكتيل

الله يعافيج


مشكوره :>

شاي الضحى يقول...

ابتسامه

الله يسلمج

شكرا :>

شاي الضحى يقول...

اجتماعي

بالصيف الي رطوبه وحر والأيام الجو وايد حلو مو بارد ولا حار

حياك الله :)

ba6alah يقول...

ee wallah ma 3endena ghair el ma6a3em

نمووول يقول...

مساءالخير
اول شي الحمدلله على السلامة
ادري متأخر :)

خوش رحلة بس شنو علاقتكم مع دبي ؟
مطيحين هناك ؟

والفيول بكل مكان حتى بالنقش خخخخخخ
وشهيتيني والله مادري ليش ما ادخل مدونتج الا وانا يوعان ..

ومعجونج مضطرب نفسياً :)

شكراً

mazyona يقول...

وناسة والله
شوقتيني أروح دبي خلاص يوم برجع من كندا أرتاح شوي بعدين على دبي على طول

Engineer A يقول...

الحمدلله على سلامتج وعليج بالعافية

حلوة الحنة ماشاءالله اعجبتني :)

والصور رائعة

دمتي بخير :)

شاي الضحى يقول...

بطالي

والمولات الي تفتح يترسونها مطاعم ومحلات مكرره ما يستغلونهم صح

شاي الضحى يقول...

نمووول

الله يسلمك :)

علاقه طرديه هههههههههه شكو؟! :q

احب دبي من لما كنه صغار وعلى طول نروح لها

فيولي لازم يكون بكل مكان

بلوقي ايوع هههههه

مضطرب نفسيا! الله يكافينه الشر وانا فرشت اسناني فيه اخاف اضطربت نفسيا لازم تشوف حالتي ههههه

عفوا

حياك الله :>

شاي الضحى يقول...

مزيونه

ان شاءالله تردين بالسلامه وتستانسين بين اهلج اول بعدها روحي دبي واستانسي :)

شاي الضحى يقول...

ENG

ياهلا ياهلا

الله يسلمج

والله يعافيج


نورتي ... مشكوره :>

دمعة المقهور يقول...

الحمدلله على السلامة ونورتي الديرة

عليج بالعافية الصور تشوق اول مرة اسمع عن سوق البحار عند زيارة بعد اسبوعين شن شي يديد فاتحينة ويستاهل الروحة

:*

شاي الضحى يقول...

دمعة المقهور

الله يسلمج والديره منوره بأهلها :)

الله يعافيج

سوق البحار مو ذاك الزود المحلات الي فيه غاليه تلقينها باماكن ثانيه بدبي وايد ارخص

اذا تحبين المطاعم و الكافيهات روحي JBR بس مو يديد من زمان موجود

والاشياء الي كانت موجوده الحين خلصت لانهم كانوا بس بوقت المهرجان


حياج الله :>

Frankom يقول...

دبي ما نمل منها
ودي أعيش مناك بس للاسف ماأقدر

شاي الضحى يقول...

فرانكوم

صح ما ينمل منها ... بس ما اعيش فيها

احب الكويت :)

Made n Q8 يقول...

حلوه دبي ونيسه مشالله

والنقشه نايس على فيول لوووووول

شاي الضحى يقول...

ميد

حسافه راحت الحين ابي فيول :(


شكرا :>

Just A Bunch يقول...

heeeey chai walaht 3alaich wallah weya bloggich elly ewannis!

shwgteeny 3ala ngsh el7inna, bs ana mithlich mawa6inha wala awa6in ree7t-ha bs elfayool 7dda cuuute! ana ba3ad a7ib elfiyalah!

bs wallah, mafeeha ree7a el7inna essoda? 3ajeeba...

mat3arfeen a7ad yengish ihny 7inna soda mafeeha ree7a?
aby ngsh ga6wa!

bs ta3alay, shlon n9ally feeh? 3ady?

loool


love ya, chai!!!
xoxoxo
<3<3

شاي الضحى يقول...

Just

انا هنا انتي وينج :q

لاااا لااااا لااااا اغار بس انا احبهم :q

لا والله كلش مافيها ريحه لو فيها جان غسلت ايدي بديتول وكلوريكس هههههههه

اهيا اتوقع ان فيها صبغ اكثر من الحنه

لا والله ما اعرف بس اكيد بالصالونات عندهم

انا كنت اخش ايدي بالثوب واصلي :q

حبتج العافيه :*

مشكوره :>