الأحد، 14 مارس، 2010

crocs

هالجوتي (وانتوا بكرامه) وايد يضحكني

شكله قبيح ودفش جنه الي يلبسونه بالعمليات قبل

قبل لا اروح دبي كنت احوس ادور جوتي مريح ورحت crocs

كنت ابي الي شكله سنع مو المتين بس للأسف ماكو سايزات كلهم خالصين

وقالي بنزلون عقب اسبوع يعني عقب ما ارد من دبي

واهوا حلو حق البحر تدشون فيه بالماي ما يخترب

الخميس الي طاف كنه رايحين الكوت جان ادش المحل

وقلت يمكن نزلوا اخذه الحين يمكن ما القاه بعدين

ومنزلين جواتي وايد احلى من الي شفتهم قبل


خذيت الوردي وآخر لحظه غيرت رايي وخذيت الابيض

لانه يمشي مع كل شي

وسعره 10 دنانير


وهذا شفته حق رورو

بس ماكو حق كبار كله يهال

ماكو الا تحطينه بماي عشان يكبر وتلبسينه ههههههه


او اخذي الكبير وحطي عليه هذي


دورت على فيول ما لقيت :(


اهما حاطين عليه هذي الحمره ومعاها ورده شكلها يونس

يمكن اروح مره ثانيه اخذها او اخذ لون ثاني

وفي منها الوان وايد


الي يشتغل ضحكني قالي بتحطين الصور باليوتيوب؟!!!

هههههههه

قلت له لا بالبلوق جان يقولي عيل كتبي ان هذا المحل موجود في

مجمع الكوت

ديسكفري مول

هناك 24 تعليقًا:

lil.D يقول...

i have one but not like a
it is pink and white , like slipper!!
اريح شيييي لبسته فحياتي!
وكنت قبل اعاني من مشكله فكعب ريلي
ومن عقب ما قمت البس هالنعال اكرمج الله الحمدلله خف الويع :)

ليت عندنا فالعين محل جيه :( 

شاي الضحى يقول...

lil

انا ليلحين ما جربته بس لبسته بالمحل وحسيت انه مريح بس مع المشي يبين

:)

كوكتيل يقول...

عليج بالعافية حياتي

رورو الشخبوطه يقول...

ماشاءالله وايد حلو ملبوس العافيه يارب..

عجبني افكر اقلدج خخخ..

ومال اسبونجي يشوق بس ماحب البس شي بريلي عليه عندي slipper من سنه وشي للحين مالبسته خخ..

ومشكوره..

شاي الضحى يقول...

كوكتيل

الله يعافيج .. مشكوره :)

شاي الضحى يقول...

رورو

الله يعافيج :)

اعطيج الي عندي ما يغلى عليج :*

لبسيه حق البيت او حق بحر بر شاليه :)

شكرا :>

الوتيــــــــــن يقول...

ياحلوج .. الحين صرت من اشوف شي فيه فيول اتذكرج :)

آنا جربت من اللي بالكوت وايد تشكيلة حلوه .. وغجبوني ملوت اليهال اكثر

ويبت للدوام منهم جوتي عادي بس رمادي بورده والثاني مبطل من وره حق تحت الطاوله بسرعه ايي المدرسه واقط اللي بريلي والبس ذاك للكرف

ملبوس العافيه حبيبتي :*

Hopeless Sight يقول...

اي هالمحل جديد توه مبطلينه بالكوت .. أنا عندي الوردي و شكله مصخرة والله أحسه وايد كبير علي :p
عليج بالعافية

chandal/danchal!! يقول...

صح في بالديسكفاري

قايلة باخذ حق اليهال ليش انهم يكرفونه بالصيف


عليج بالعافية وايد مريح... انا احب الكروكس الشتوي (اللي فيه صوف من داخل)

:)

AuThoress يقول...

شكرا ع الإفادة ، مشكلتي في رجلي ، احتاج المريح دايما .. وللصبف هذه الانواع أجمل وأبرد ...شكرا مرة جديدة !

شاي الضحى يقول...

الوتين

عاد وين تشوفينهم بروح اخذهم :q

ملوت اليهال الرسومات الي عليهم حلوين بس ماحبيت شكلهم الدفش

اي والله الزم ما عليج راحتج :)

الله يعافيج

شكرا :>

شاي الضحى يقول...

hopeless

ليش ماخذه اكبر من ريولج؟!

لا انا كبري وشكله مرتب

الله يعافيج

مشكوره :)

شاي الضحى يقول...

جندل

تصدقين انا اشوف ان ما يصلح لليهال يلبسونه على طول يخرب الريل ويفرشها حلو حق شاليه وبحر بس مو على طول

الله يعافيج .. اي شفته الي في صوف من زمان بس يخرع ههههههه اخاف من الصوف

حياج الله :>

شاي الضحى يقول...

AuThoress

عفوا ... جربي هذا وان شاءالله ترتاحين منه ما تلاقين مشكله بريولج :)

حياج الله اختي :>

Engineer A يقول...

عليج بالعافية شكلهم مريحين ..

ودي أجرب ألبسهم يمكن بسفرتي اليايه أنا متعودة آخذ لليهال منهم أريح :)

Sharm يقول...

حاجات حلوة والله

شاي الضحى يقول...

ENG

الله يعافيج

اي ينفع للسفر لانه مريح :)

شاي الضحى يقول...

شارم

اي والله والاهم انهم مريحين :)

Made n Q8 يقول...

وااي كل ما اروح ديسكفري اقول بدخله وانسى

يبيلي حق الدوام اريح بس ماكو على سنفوره ? :d

شاي الضحى يقول...

ميد

سنفوره؟

ههههههه مادري ما شفت :)

5/4 يقول...

عليج بالعافية

يحليله يعني ما قالج ليش تصورين وله ممنوع وهالخرابيط

شاي الضحى يقول...

5/4

الله يعافيج

لا بالعكس استانس انا ما كنت ناويه اصور الا الي حق رورو بس اهوا قالي صوره بضاعتنه اليديده هههههههههههه

شكرا :>

غير معرف يقول...

wallah el3atheem tawni fat7a tab o katba feh crocks in kuwait o badawer ib google 3ashan abi joty minhom o madri ena ako bel koot o fat7a tab ur blog 3ashan bara ur new post chan alga hal post @@ ana dayman a7oos ihni in ur blog mo awal mara adesha :D bs raya7teeeeeeni el7een seda baro7 el kout :D shoooooooooooookran

شاي الضحى يقول...

غير معرف

وفرت عليج دوخت السيرج :q

عفواااا

حياج الله :>