الثلاثاء، 30 مارس 2010

شي يلوع الجبد!

صارلي فتره باكتب عن الموضوع وكل مره اقول لا يمكن صارت مره او صادفني هالشي مره بالغلط

بس بعد ما شفت "بعيييني"

وجم مره تصير هالسالفه جدامي ومن الصيف الي طاف وانا ملاحظه هالشغله قلت لازم اكتب عنها

الموضوع الله يسلمكم عن

"الملابس الداخليه النسائية"


الي اعرفه ان ممنـــــــوع احد يقيسهم وهم ممنوع التبديل او الاسترجاع

حفاظا على صحة الناس من الأمراض

وهالشي معروف بكل دول العالم

بس الي قاعده اشوفه عندنه انه وايد حريم يقايسونهم واذا ما عجبها ردته بالستاند!!!

والمشكله ان الي توقف عند غرفة القياس بالمحلات تشوفهم وتعد جم واحد ماخذين وما تقولهم ممنوع!!!

وامي كانت بتكلم المسئول بالمحل بس شافت ان ريال ماكو حريم فاستحت

وطبعا مو كل المحلات جذي انا اقصد المحلات الي يبيعون وايد اشياء من ضمنهم الملابس الداخليه

نصيحتي لكم يا بنات الي تبي تشتري لا تروح هالمحلات اشتروا من المحلات المتخصصه بهالشي

وما يكون فيها غرف للقياس

والي شفتهم 3 محلات

الأول ديبنهامز بسوق شرق

الثاني H&M بالأفنيوز

الثالث ماركس اند سبنسر بـ 360 مول

يمكن هالشي صار من غير علم الإداره بس لازم ينتبهون وانتوا بعد تنتبهون لهالشي

------------------------------------------------------------

اليوم ام رفيجتي يابتلي مخده على فيول

يهببببببببببببببل

حدي مستانسه عليه قالت لي عشان تنامين عليه وتفقصينه

ههههههههههههههه

مشكوره خالتي وما قصرتي :*

هناك 24 تعليقًا:

hoza يقول...
أزال المؤلف هذا التعليق.
hoza يقول...

هههههههههههههه
وجاكى فيل هدية
اما بنسبة للملابس الداخلية (لا تعليق )
من جد فى ناس راحت منهم الامان

mazyona يقول...

صح صج شيء يلوع الجبد شلون يخلون جذي
صج قذارة
مشورة على التنبيه
وعليج بالعافية على المخده الفيول
تونس

Made n Q8 يقول...

وييع تذكرت مره دزولي ايميل عن هالسالفه وانا من شفته قمت حتى الهدوم العاديه البسها فوق هدومي

وفيول يونس :d

أبوفلان يقول...

مشكلة الي يوظف رياييل بمحلات خاصة بالنساء قمة قلة الأدب وعدم مراعة الناس

بس مرات الريال بيشتري هديه ولا شي وين يروح انا اقترح يخلون محل واحد من عشرين فقط الي يشتغل فيه ريال ..


ومبروك الهديه

رورو الشخبوطه يقول...

ويع شالارف قطع ..

مقاسج ماتعرفينه !! يبي معاج سبير من البيت قايسيه مع المعروض :p

انا اعرف وحده شريت شي خاص مو ملابس داخليه لا شي ينباع بنفس القسم <<لغز خخ..

ماعجبها جان ترده مارضوا جان تتهاوش اختها وتنادي المدير وخلالها ترده !!

وبالعافيه الفيول..

قارئه فـ حسب,, يقول...

لا تعليق

شي ينرفز

و بالعافية عليج الهدية ضحاوي

شاي الضحى يقول...

hoza3

اي هههههههههه

اي والله :(

شاي الضحى يقول...

مزيونه

احسن شي تشترين من المحلات الي مافيهم غرف قياس تضمنين انهم نظاف ومحد لابسهم

العفو حبيبتي ... والله يعافيج

:)

شاي الضحى يقول...

ميد

الهدوم العاديه اهون من الملابس الداخليه

عاد تلبسينه فوق هدومج واذا شريتيه رديتي البيت تغسلينه؟

انا اسويها وايد البسه فوق هدومي لان مالي خلق اقايس ههههههه

اي يشوق

شاي الضحى يقول...

ابوفلان

عدل كلامك .... حتى لما اشتري الملابس العاديه ما احب المحل يكون فيه رياييل واطفر اذا سألني شنو قياسج انت شكو؟!

وفي محلات ما يشتغلون فيها حريم كلهم رياييل ما ادشهم

والريال الي بيشتري هديه يشتري عند مره احسن من الريال لانها بتعرف احسن

وفي محلات موجودين فيهم رياييل وحريم

الله يبارك فيك

شكرا :>

غير معرف يقول...

السلام عليكم ورحمة الله وبركاته

والله شي يقهر صراحه .. انامااحب المحلات اللي فيها قياس ابد ..

المخده الفيل روعه عليك بالعافيه

وفقك الله يالغلاا

شاي الضحى يقول...

رورو

هههههههههه حلوه سالفة السبير :q

هممممم لازم اعرف اللغز :q

ويه يعني اكيد تصير وايد انهم يردون الملابس الداخليه وع يمكن البسته

حتى لو تتهاوش المفروض ما يردونه هذي سياسة المحل شلون يرضون ؟!

والله يعافيج :)

مشكوره

شاي الضحى يقول...

سارونه

وايد

والله يعافيج :)

شاي الضحى يقول...

رندا

وعليكم السلام ورحمة الله وبركاته

بعد الي شفته الحين ما افكر اشتري الا من المحلات الي مافيهم غرف للقياس انظف ... اما الملابس العاديه فعادي :)

الله يعافيج

اجمعين يارب

مشكوره :>

Frankom يقول...

أشوه الشباب ماعندهم هالسوالف
:)

Crazy Girl in aGood Way يقول...

كلام صحيح وان شالله ينتبهون على هالشي لان يضر بالصحه

وعليج بالعافيه مخده الفيل :)

شاي الضحى يقول...

فرانكوم

ههههههههه اي والله تشترون وانتوا متطمنين :q

شاي الضحى يقول...

كريزي

ان شاءالله

الله يعافيج :)

Just A Bunch يقول...

g6eee3a, 7adda gimat elgaraf... 3ad ana hdoom 3adiya wo layumkin albishum illa 3ala hdoomy, wo a9lan mu kil shy yinlibis; fee ashya2 la yumkin tinlibis, wo aham shy elmalabis idda5ileya. ana 7adda itnarfaz laman tgooly ilbaya3a jrbeeh; shaku, shtabeen!! bidal latgooleenly, la 3afwan mnnoo3, tgooly tfadalay?

bs, 3ala fikra, ihma, bs y5aloonich tjarbeen il"tops", mo il-"bottoms", bs walaw, hm lo3a chbd 9ara7a...

uuuf, uuuf, Chay, fita7tay mwdoo3 5ayes...


****

Allah, 7dda cute elfayool, bil3afya 3alaich wo latinsain tfagseena 3ala gd matgdereen! hee hee

thakarteeny, mara shif feel eyannnin, bs malat 3alay masharaita... :(

3ad kan 7adda cuuuuteee!!!!!!!

Just A Bunch يقول...

wo sorry, 3ala ilkitaba bil English, im using my laptop, wo al3araby madree shfeeh m3aliig...

شاي الضحى يقول...

Just

ولا مره صادفني ان وحده من الي يشتغلون يقولون لي جربيه كله يقولون لي ما يصير تبدلينه ولا تردينه

ويع شلون يقيسونهم اعتقد ان كل وحده عارفه قياسها ماله داعي تجرب

والملابس العاديه وايد اهون من الملابس الداخليه

الله يعافيج .. ههههه ان شاءالله


قميضه ... عاد من وين؟!



واخذي راحتج كتبي بالطريقه الي تريحج :)

Just A Bunch يقول...

imbala, chm mara, tara mo bas hny bilkuwait, marra b-Oprah kano msawween 7alag 5a9a 3n el"bras" wo el7areem 3ady ygaysoon...

wo marra fe film "the women" itha many ghal6ana...

gimmat ello3a!

***

ee walla kan yeyyan! ga3adt maskitah muddda wommy tgool shfeech raddaitay yahil? adry innich tabeena! looool

inzain, yumma, shfeeha itha sharaiteely eyyah y3ny? loool

mathakar wain bithabt, bs chinna ma7al fe 7awally... ya mujama3 mneera ow mujama3 ym eddedch erroumy...

bait elhadaya ow shy chithy isma... bs mu mit2ada 9ara7a...

شاي الضحى يقول...

Just

شكله الموضوع وايد مهم الي تكلموا عنه بالبرنامج او بالافلام هههههههه

الصراحه انا ما أأيد سواء كان شي فوق او تحت

ما عرفت وين :(


عادي انا ليلحين وين ما اروح اشوف فيول اشتريه ماكو شي اسمه ليلحين ياهل عاد الصج اي ليلحين ههههههههه

:)