الثلاثاء، 25 يناير 2011

نارنج - Naranj

الويك اند الي طاف رحنا

مطعم نارنج 

حق الي ما يعرف شنو يعني نارنج 

اهيا شجره معمره اوراقها خضره غامجه ريحتها عطره وفيها ثمره لونها برتقالي على احمر

وطعمها حامض مثل الليمون


المنيو


يابوا لنا خبز


ولوز وصلصتين زيتون مع زعتر وصلصة فلفل


بامية


ورق عنب


فتوش


حمص باللحمه


فته


عرايس باللحمه والجبنه


خبز


ميكس جريل


واخر شي اييبون لنا 

صينية الحلو


وفواكه


رايي: 

الأكل كان كله لذيذ والمطعم كبير وماكو طاوله لازقه بالثانيه

الي ما عجبني:

1. طاولتنه يمها جام نشوف المطبخ وكان المنظر مو حلو لان المطبخ كان عفسسسسه 

ومفارش الطاولات مقططه وقاعدين ينظفون يعني المفروض ما يصير هالشي 

لانه كله جامات ليش مقططينهم بالأرض 

2. واحنا قاعدين فجأه يو اثنين من الي يشتغلون وشايلين جيس الزباله (وانتوا بكرامه) 

ورايحين يقطونها ويمرون بين الطاولات .. معقوله ماعندهم مخرج ثاني للمطعم؟!! 

يعني شلون الواحد بياكل ويجابل هالمناظر؟!!! 

3. الخدمة سيئه جدا جدا جدا جدا جدا جدا جدا 

طلبت من جم واحد كلينيكس وقاعده واحن مو قادره اكل ابي كلينيكس واهما طاااااف

اخر شي دورت ولقيت عندي وتخيلوا ولا يابولي ولا جنه طلبت منهم شي 

4. الخدمة بطيئه جدا جدا جدا جدا جدا جدا جدا جدا جدا جدا جدا جدا جدا جدا 

جدا جدا جدا جدا جدا جدا جدا جدا 

سنه على ما ايوونه مع انه المطعم ما كان فيه زحمه 

5. طلبنه الفاتوره بدون مبالغه والله انه اكثر من 25 دقيقه عشان اييبونها 

يعني صج زهقونه

6. اخر شي الي ما حبيته انه المطعم فيه شيشه :( 

وانا اي مطعم فيه شيشه ما احب ادشه

والله حرام اكلهم زين بس خربوا المطعم بخدمتهم

مكانه: السالمية - اولمبيا مول - شارع الخليج تقريبا جبال المركز العلمي

تليفون: 22268666

هناك 25 تعليقًا:

رورو الشخبوطه يقول...

باالعافيه يارب..

اكله شكله لذيذ حبيت العرايس و والفته والحمص باللحمه..

بس الخدمة ومكانه خربوا علي :\

star يقول...

hello شاي

عليكم بالعافية

شكل العرايس لذيذ احب العرايس وكله اطلبها في اي مطعم لبناني

ومشوقتني صينية الحلو يصير بس اطلبها؟؟

باتصل عليهم واسألهم مشكورة على الرقم

Made n Q8 يقول...

عليكم بالعافية
مشالله الاكل شكله لذيذ

بس وااي الشيشه مااستحملها احسها خياااس

Amwaj يقول...

من قريت رايج فيه ما عجبني

وعليكم بالعافية يارب :)

Hadeel يقول...

أحب الفتة ..

مثل اليوم بالأفنيوز .. الأخ يابلنا الفاتورة ونسى ان يايبها .. سنة يالله يا

Bint ilKuwait يقول...

Awal mara asma3 feh! 3alaikum bil3afya;**

غير معرف يقول...

عليكم بالعافية

عاد شوقني الحمص باللحمة

بس اذا الخدمة مو زينة شالفايدة

مشكورة :)

ميمة السبيت يقول...

** عليج بالعافية صج يشوق بس اخر شي كسرتي فينا

خلينا على زهرة اليمون وايد احسن

Ducati يقول...

لووول ترا انتي يبيلج عضة

يا تنسين اسامي الأطباق

او ما تحطين جم طلع حسابكم

لازم يكون البوست متكامل خو

ههههههههه

باجر ادش مطعم ويطلع الحساب جايد ترا تصير براسج انا مالي شغل

ههه اتغشمر

بس صج شكله هالمطعم اكله يشهي

غير معرف يقول...

عليج بالعافية
ومشكورة على التقرير
حرام إذا الأكل حلو، تصير الخدمة مو شي!

الليوان يقول...

عليكم بالعافيه...
بس نو وااااي أدش مطعم فيه شيشه حتى لو ما في غيره...

سو .. ما راح اروح
:)

شاي الضحى يقول...

رورو

الله يعافيج

اي والله حسافه اكلهم حلو بس مشكلة الخدمه اتمنى يعدلونها

ويشيلون الشيشه

شاي الضحى يقول...

ستار

الله يعافيج

والله مادري

العفو :)

شاي الضحى يقول...

ميد

الله يعافيج

اي يع يع يع

شاي الضحى يقول...

امواج

الله يعافيج

شاي الضحى يقول...

شي

انا ما احبها ههههه

اي يغثوني ويكرهوني بالمطعم اذا سووا هالحركات

شاي الضحى يقول...

بنت الكويت

الله يعافيج

شاي الضحى يقول...

هديل

الله يعافيج

عفوا :)

شاي الضحى يقول...

ميمه

الله يعافيج

جربيه يمكن تعدلوا

شاي الضحى يقول...

ديكاتي

اي والله ساعات مو انا الي طالبه ولا انا الي ماكله فما ادري شنو اسم الاكل بس اصوره

والفاتوره ما اشوفها مو انا الي ادفع هههههه

عشان جذي مادري عن اسعارهم

خلاص شوف جم والحساب علي ههههه

:)

شاي الضحى يقول...

حنان

الله يعافيج

العفو :)

شاي الضحى يقول...

الليوان

الله يعافيج

اي قطع الشيشه تخرب المكان واحس المطعم يكون اررررررف

روعـــــــة الحيـــــــاة يقول...

الله أحب محشي ورق العنب

= )

ammar يقول...

المطعم اكلو وايد لذيذ والخدمة والسرفس وايد سريعة كانت اول خدمته بطيئة بس الحين خدمته جميلة بس يوم العطل مافي مكان من الزحمةالله يعطيهم العافية ومشكورين ع خدمتهم وع ضيافتهم

ammar يقول...

انا بقول بلنسبة للتعليق من شان الشيشة عندهم مكان مابو شيشة الصالة داخل مابيها شيشة انصحكم تجربونه واذا بدكون سالو عن عمار وظافر ورامي عندهم انا قعدت اكثر من مرة والخدمة وايد جميلة انصحكم فيهووضحكتهم وايد جميلة خدمتهم سريعة والسرفيس سريع