الأحد، 7 فبراير، 2010

فيولي :*

قبل جم يوم رحت سنتر بوينت وشريت الي يحطون فيه الشمعه مع عطر

ما اعرف اسمه

المهم بعدها بجم يوم رحت مره ثانيه ولا اشوف يايبين على فـيـوولـي

وانا ليلحين ما استعملت الأول ضاق خلقي

بس اختي الكبيره حلت المشكله خذتلي فـيـول واهيا خذت الي شريته من قبل


بديت اخرف وانسى الأيام .. امي تقولي من البطاله

شنو الحل؟

هناك 27 تعليقًا:

sarona يقول...

بالعافية عليج :**

Crazy Girl in aGood Way يقول...

علييييج بالعااااافيه :)

{~المباركية~} يقول...

والله حلو
لو بعد فيه نفس هالمنظر حق حوض سمج جان زين

نمووول يقول...

بالعافية الفيول
الحل تشوفين لج شي تشغلين فيه نفسج ليش ما تبدين بمشروع صغير وتشوفين يمكن تمشي معاج ..

فتحي محمية حق الفيلة بالكويت .. شرايج بالفكرة ؟!

صباح الجاي والحليب

شاي الضحى يقول...

سارونه

الله يعافيج :)

شاي الضحى يقول...

كريزي

الله يعافيج :)

شاي الضحى يقول...

المباركيه

حوض سمج؟ لااااا ما احبهم


والحمدلله على سلامتك :)

شاي الضحى يقول...

نمووول

الله يعافيك

هممممممم خوش فكره ... بس تشاركني؟

ابي سيايير كبار تشيل الفيله

وبسوي كوخ صغير بوسط المحميه واعيش معاهم وافتك من زحمة الديره

حياك الله :)

اجتماعي يقول...

بطالة؟

عيل أهلا وسهلا بالزميلة : )

أعتقد إن الحل الوحيد ..
إهو إنج تجابلين صديق المراهقة والشباب والشيخوخة .. اللاب توب : )

مالج غيره ..

على قولة المتنبي :
خير جليس في الزمان .. لابتوب

شاي الضحى يقول...

اجتماعي

انت توك بطالي حديث انا صارلي 8 اشهر

حتى اللابتوب زهق من ويهي لوووول

ما شاءالله هذا المتنبي 2010؟

she is me يقول...

حرام عليج .. 8 شهور بطالية ؟!!!

دشي دورة .. أو مكان تتطوعين فيه
أو معهد لغات .. تعلمي لغة يديدة .. نادي صحي

كل التوفيق لج .. عزيزتي

شاي الضحى يقول...

she

حرام علي؟!!!!!

ليش ما تقولين هالكلمه حق الي عفسوا الديره ودخلوا الواسطه بكل مكان!

ليش ما تقولين هالكلمه حق ديوان الفقر الي بكل بساطه يقولون لي تخصصج ما نعترف فيه ونسميكم اداريات ويقطونه بأي وزاره نشتغل سكرتيرات!

ليش ما تقولين هالكلمه حق جامعة الكويت الي فاتحه تخصص ماله مستقبل الا حق عيال الـ ... والي عندهم واسطات واحنا بالطقاق الي يطقنه!

ليش ما تقولين هالكلمه حق القطاع الخاص وبعض المؤسسات الحكوميه الي ينزلون اعلانات فيها كل التخصصات الا تخصصنه مو بالحسبه!

الحمدلله انا قاعده استفيد من وقتي كل يوم :)

وماكو احلى من الراحه


اجمعين يارب :)

Five / Four يقول...

أنا أتذكر فشه كل ما نروح مكان وفيه فيل تصور لج إياه
;)

كذا مره تقول "هذا حق شاي الضحى" وأنا "أيييه أيييه"

بس أبيها تصور قبل لا أحد يجكنا ويكفخنا بالفيل

لوووول

عليج بألف عافية :***

بس من متى هوايتج تيمعين أي شي على فيل؟؟

أنا كل ساعة أغير, الحين أيمع دي في ديات

أصليين لازم

لوووول

Five / Four يقول...

ترا أنا نفسج! ما أدري شنو الأيام لمن قبل لا أشتغل والحين معطلين عطلة وحدي مضيعه عبالي اليوم الأربعاء xD

Engineer A يقول...

الحين عرفت "انحصار" اغلب مواضيعج على السوق والمطاعم أثاري بسبب البطالة؟؟

الله يعين :)

mazyona يقول...

حلو وايد
حبيت الفيل وايد

شاي الضحى يقول...

5/4

اييي يا حلوها فشه كله تصورلي فيولات

الله يعافيج

همممم مادري ما اذكر

هوايتج غريبه ههههه انا مو ذاك الزود مع الافلام ساعات اهب فيهم وساعات ما اشوف شي

عيل هذي اعراض البطاله .. الحمدلله طلعت سليمه لوووول :q

حياج الله :)

شاي الضحى يقول...

ENG

حسستيني اني ماعندي هدف بالمجتمع وزيادة عدد فقط لا غير

لووووول

الله كريم :)

شاي الضحى يقول...

مزيونه

دامه على فيول شلون مايصير حلو

يحلوه ينحب بسرعه :)

رورو الشخبوطه يقول...

السلام..

توني انتبه للبوست :\

بس حلو ماشاءالله..

بالعافيه يارب ..

وبالنسبه للايام انا بعد ماثبت عليها لانه امس مثل اليوم مثل باجر :\

من سبت الروتين.

ومرسوو..

شاي الضحى يقول...

رورو

الله يعافيج :)

اشوه مو من البطاله ههههههه

عيل اذا داومت شكلي بخرف اكثر :q


حياج الله :>

ba6alah يقول...

keep with you a reminder

Made n Q8 يقول...

علييج بالعافية

يبا استانسي انتي عايشه بنعيم ماراح تحسين فيه الا لما تشتغلين

شاي الضحى يقول...

بطاله

ماكو الا جذي لوول

شاي الضحى يقول...

ميد

الله يعافيج

ادري اني عايشه بنعيم الحمدلله بس ما يصير طول عمري اقعد بطاليه

ليش دارسه وتعبانه عشان اقعد بالبيت؟

Hanan يقول...

عليج بالعافية :)
و سالفة التخريف ..ترا عادي ..انا اذا عطلت انسى الايام و التواريخ :)

شاي الضحى يقول...

حنان

الله يعافيج

قبل اذا عطلت كنت انسى بس الحين بزووود لان كل يوم عطله