الثلاثاء، 23 مارس 2010

تزيين الكيك في لولو هايبر

ليش اذا شي ما ابيه القاه؟!

واذا شي ادوره وابيه ما القاه؟!

قبل فتره رحت لولو هايبر ماركت ولقيت عندهم سوالف تزيين الكيك

ولقيت اشياء وايد وحدهم يونسوووون

المهم لما رحت ما كنت يايبه كاميرتي ولما شفتهم ضاق خلقي

جان اطلع موبايلي واصور فيه

لان اهوا مخرف يصور بس ما يخزن الصور الا بعد جم شهر يطلعون !!!

هالمره الحمدلله صار خوش موبايل وطلع الصور بنفس الوقت ههههههه

يالله شوفوا شنو لقيت

تويتي كوكيز ومزينه وخالصه

كب كيك على توم اند جيري مع فراوله آيسينغ


وهذا بعد نفس توم اند جيري بس مادري منو هالشخصيه


حلوين حق اليهال

وهذيله ماقريت شلون يسوونهم بس الي اعرفه ان الخلطه جاهزه

بس اكيد راح يكونون سهلين بالتحضير

كيكة كاكاو - بسكويت كاكاو - بان كيك - عجينة البيتزا


كوكيز + سينامون رول


وهذا كنت ادوره تزينون فيه الكب كيك او الكيكه


عجينة المرزبان


آيسينغ


ما شريت ولا شي منهم لاني حاليا ما احتاجهم

ان شاءالله بالصيف لما ترد زعفرانه بالسلامه اشتريهم

عشان اسوي لها كيك واجرب فيها قبل رمضان هههههه

هناك 22 تعليقًا:

عين بغزي يقول...

حركات اكشنات

شاي الضحى يقول...

عين بغزى

كل شي صار جاهز :)

رورو الشخبوطه يقول...

خوش شغلات ماشاءالله :)

كنت ابي اوصل لي اخر البوست عساس اعرف شنو شريتي صارلي فتره انطره خخ ولي امس قلت شكلها هونت ماراح تنزله :)

وع سالفة اللي نبي مانحصله مادري ليش وايد تصير فييني :\ خل اقول ماابيه القاه بويهي :(

والله يرد زعفرانه بالسلامه يارب وتسوين لها ان شاءالله بس لازم تسوين جم شغله تدربين ااف تروح مهاراتج :)..


ومرسوو..

شاي الضحى يقول...

رورو

يونسون وبعد في اكثر

كنت ناسيه الموضوع لان الصور بموبايلي فما شفتهم ولما تذكرت سيفته بالبلوق وهم نسيته ههههههه توني تذكرته ونزلته

اي ما شريت شي لاني ما احتاجهم بس ان شاءالله يكونون موجودين لما احتاجهم

تصير فيني يمكن اكثر منج لوول

آمييين

لا بجرب فيها :q

حياج الله :>

Engineer A يقول...

ياختي عباله !! :)

انا لما اشوف هالسوالف اتشوق وودي اخمط كل شي موجود واروح البيت اسويهم ..

بس لما اتذكر اللوية وعفسة المطبخ وما يندرى تضبط الكيكة والا لا .. اهون واروح اشتري جاهز !! ههه

بانتظار ابداعج الجديد لاختج زعفرانه والله يردها لكم بالسلامة :)

غير معرف يقول...

شسويتي حق الوالده الله يحفظها بعيد الام؟

عجبني اللي سويتيه حق اختج بعيد ميلادها وقلت اكيد بتسوي مفاجأت اكثر حق الولده

الله يحفظكم

غير معرف يقول...

رووووعه بجد

اخاف اذا ردت زعفرانه بالسلامه ما عاد تلاقينه خخخ
تصدقين هالحركه كثير تصير لي اذا بغيت الشيء ما القاه والعكس صحيح

مبدعه من مدونة مملكة مبدعه

بس ما سجلت دخولي

شاي الضحى يقول...

ENG

حلاته شي انتي تسوينه بايدج حتى لو ما يضبط هم استمتع لما اقعد احوس واعفس المطبخ وانطر النتيجه

الجاهز صج اريح بس تملين منه

آمين الله يسلمج

مشكوره :)

شاي الضحى يقول...

غير معرف

كل يوم اشوف امي جدامي اهوا عيد الأم :)

وكل شي اشوفه يعجبني لها اخذه واي شي بخاطرها اييبه لها :)


مشكوووره :)

شاي الضحى يقول...

مبدعه

هذا الي احاتيه ولا ابي اشتري من الحين بعدين يعفنون هههههههه

ان شاءالله اذا ردت اختي بالسلامه القى اشياء احلى :)


حياج الله :>

قارئه فـ حسب,, يقول...

لوول

اشياء تونس

^_^

شاي الضحى يقول...

سارونه

اي وايد خاصه حق الي يحبون التزيين وسوالف الكيك :)

غير معرف يقول...

اي شفتهم قبل فترة و على قولتج والله لو نبيهم ما نحصلهم و اذا ما بغيناهم نلقاهم موززين بكل مكان :p

غير معرف يقول...

اي شفتهم قبل فترة و على قولتج والله لو نبيهم ما نحصلهم و اذا ما بغيناهم نلقاهم مرززين بكل مكان :p

شاي الضحى يقول...

Hopeless

هذي المشكله :)

Made n Q8 يقول...

عااد هالسوالف شغل اختي تحب جذي كيك وتزقرت وديكوريشن :)

يعطييج العافية

شاي الضحى يقول...

ميد

الله يعافيج :)

hoza يقول...

sooooooo Ummmmmy
(^^)

شاي الضحى يقول...

hoza3

:)))

Her يقول...

waay shaklhum ywanes baroo7 a5eth 7ag el cup cakes:D

شاي الضحى يقول...

هير

عاد اذا سويتي طرشيلي :q

may يقول...

البوست في وقته..
سبحان الله اليوم قاعدة احوس بمواقع تزيين الكيك ، واحترت وين الاقي السوالف هذي ، خصوصا عجينة المرزبان والعلبة اللي فيها نمنمات صغيرة وملونة..

تدرين عاد ولا مرة رحت هالسوق
بس حدي امر عليه وانا طالعة من المشاتل..