مثل ما قريتوا او سمعتوا سواء كان بالأخبار أو بالبلوقات عن
ساعة الأرض
الي صارت بـ 126 دولة من ضمنهم الكويت
فكان ودي اشوف برج التحرير وأبراج الكويت لما يسكرون ليتاتهم
لما طلعت كان الجو شوي مغبر وبرج التحرير شكله سخيف مع الغبار مو واضح
فقلت اروح عند الأبراج احسن
وصلنه على الساعه 8:15 وكان باقي ربع ساعه
قعدنه نتمشى شوي لما صارت الساعه 8:30 بالضبط سكروا ليتات الأبراج
هذي صورة الأبراج قبل لا يسكرون ليتاته
ساعة الأرض
الي صارت بـ 126 دولة من ضمنهم الكويت
فكان ودي اشوف برج التحرير وأبراج الكويت لما يسكرون ليتاتهم
لما طلعت كان الجو شوي مغبر وبرج التحرير شكله سخيف مع الغبار مو واضح
فقلت اروح عند الأبراج احسن
وصلنه على الساعه 8:15 وكان باقي ربع ساعه
قعدنه نتمشى شوي لما صارت الساعه 8:30 بالضبط سكروا ليتات الأبراج
هذي صورة الأبراج قبل لا يسكرون ليتاته
هذا الفيديو لما سكروا الليتات والحمدلله اني لحقت عليهوصورت الابراج لما طفوا ليتاته
وهني الأبراج أظلم
اول ما وصلنه البيت ولا اختي مسكره كل ليتات البيت وشابه الشموعوكل وحده فينه اذا بتروح مكان تاخذ شمعه صغيره وتمشي فيها
أشكالنه جنه ساحرات هههههههههههه
أكثر شي ضحكتني امي تبطل الليتات ما تشوف وانا اسكرهم وراها
ظلمه ... أكيد في حوادث !!!
تعشينه على ضوء الشموع ... واحلى شي اني يايبه خبز ايراني واسخنه بالشمعه
هههههههههههه
بعد ما خلصنه اختي شايله الصينيه بالظلمه جان تطيح المربى وتكسره
هههههههههههه
عقب ساعه بطلنه الليتات ورد كل شي طبيعي
بس والله كان وناسه
عسى تكون الأرض راضيه علينا؟!!!
هناك 38 تعليقًا:
ههههههههههههههه
سلامات على المربى وتعوضوها بوحدة تانية
انا كان نفسى اخرج ساعتها اتفرج على الناس
بس كان عندى دوامى تخيلى .
شوفتى القهر كيف (^^)
بس ولا يهمك دحين اهلى ينامو واصك الانوار واعيش ساعة الارض فى بيتنا
هههههههههههه
اتوقع الارض راضية عليكم بس الي نظف المربى مو راضي اكييييد
لوول
لو ادري جان تضامنا مع امنا الارض وسكرنا الليتات عاد كلش ولا الارض اخاف تزعل علينا وين نروح عاد مالنا خلق زحل وعطارد وماادري شسمهم :)
ههههههه وااااي شاي تهبلين انتي و الله!
ترى نشرت هالبوست بالفيسبوك و مدونتي ;)
تستاهلين صراحة! كفو و الله كفو! اهم شي المربى! هههه! عسى بس محد تعور!! لووول عاد احنا قلنا طفوا بس مو عاد تقعدون خرمس كلش! هههههه! و الله انج تحفة! مشكوووورة وايد انتي و كل اللي وقفوا مع الأرض ، اي لا تخافين اهي راضية عنج ان شاء الله! ههههه!
L.O.V.E ya!!!
3>3>3>
خخخخ..
انا تذكرت ع ال9 و20 او عقب بجم دقيقه قلت وي راحت علينا خخخ..
لو ابوي يدري جان من الصبح مطبق خخ..
ومرسي..
انا كنت بالسينما
من الــ 7.30
لما الــ 9.30
صج صج
خوااااارة
p;
*****************
لول بدعتوا بالمربى... خوش صور حق الابراج تسلم ايدك
ماحب ضوءالشموع, اتييبلي القامت... احسها مشروع تحضير ارواح!
اي انا بعد شاركت صكرت كل ليتات البيت بس قعدت اشوف تلفزيون وتلفوني كان على الشاحن :×
سكروا ليتات الابراج ؟
أحسها "عفريت" - بالظلمة !
واحسافتاه على المربى !
وجوابا ً على سؤالك الأخير ..
(( لأ )) !!
I like your positive roll of your family to participate in such event! and it is so cool that you could capture the event on video
Thanks for sharing ,,,, and XD Gov. should provide you with a box of JAM lol
منظر الأبراج بالظلمة حلو كان ودي أكون
تسلم ايدينج :)
وااااي الأبراج فيلم رعب لمن طافيه الليتات لو أنا جان أتكود على القاع غشيانه
لوووول على الأرض راضيه علينا حدج زوغه
ضحكتيني
تصدقين اليوم كانت صاكه فيني الدنيا جان أتذكر سالفة حنان عن العلج ومت من الضحك كل ما تطري علي أضحك
ههههههههه ان شاءالله تكون راضيه .. كافي انكسر المربي تضامنا مع هالقضيه :)
والابراج احس انها تخرع بالظلمه :<
مشكوره :)
أحس الوحيد اللي الأرض صج راضيه عليه أهوا ترشيد
لووووول
hoza3
الله يسلمج ههههههههه
حسافه عاد كان وناسه اي ماكو الا جذي ههههههههه
Goalzalez
هههههه
الي شال المربى نفس الي اكسره :q
Made
حب هذي الأرض يسري في عروقي هههههههه
اي عاد دوريلج كوكب ثاني الحمدلله انا ضمنت عمري بقعد بالأرض ههههه
ساعة الأرض !
مادري عنها !
انا ويني مو بالدنيا ههههه
**
وخاطكم السوو على حادث المربى ;)
Just
لا الحمدلله محد تعور ماكو اصابات الا المربى ههههههه
لا احنا ماعندنه غشمره طفوا يعني طفوا وقعدنه على الشموع لوووووول
وانتي الي مشكوره لاني عرفت ان الابراج بسكرون ليتاته منج
مشكوره وما قصرتي على كلامج الحلو :)))
رورو
قميضه ما لحقتي لو ادري مذكرتج
انا من الصبح كنت اسكر الي ما احتاجهم بس وقتها لا كلهم ههههه
حياج الله :>
النور
بالسينما اكيد ماراح تدرين لان اساسا السينما مسكره ليتاتها وما يقدرون يطفون الفلم عليكم ههههه
جندل
الله يسلمج :)
يمه ارواح مره وحده ههههههه
دودو
عاشت عاشت دودو عيل تطمني ما راح تنطردين من الأرض :q
ساخر
اي ... صار شكلها مو حلو
مو حسافه عليه لاني ما احبه :q
افااااا ليش؟
lil
هذي اول مره اشارك بيوم الارض قبل كنت اسمعه عنه بس مو مستوعبه شنو يعني :)
العفو حياج الله :>
قلم رصاص
الله يسلمج مشكوره :)
5/4
ههههههه اشوه ما ييتي معاي جان ابتلشت فيج :q
لوووووووووول يحليلها حنان الحمدلله انها ونستج :)))
فشه
ههههههههههه المربى مو مهم الارض اهم :q
شفيج انتي واختج مخترعين من الابراج لووول
العفو حبيبتي :>
5/4
ترشيد منو راضي عنه ؟؟
لا لا ما اتوقع
حتى الارض مو راضيه عنه ههههههههه
بوك
غريبه ما سمعتي عنها
عاد كان في اعلانات وايد بالبلوقات وبالاخبار ومقابلات عن هالموضوع
يالله اذا الله احيانه السنه اليايه طفي الليتات كلللللللهههههههههههم تعويض عن هالسنه لووول :q
هههه الحمدلله ان مافي اصابات غير المربى! مسكييين! هييي هييي!
زين الحمد الله انج دريتي! شلون احساسج كان لمن شفتييهم سكروا ليتاتهم؟ D:
انا هالسنة ما شفتها بس السنة اللي طافت ينيينا و قعدنا نصرخ و نشجع من الوناسة! هييي هيي!
يا ريت تطلون على بوستي و تشاركوني اراءكم و تعليقاتكم بليز :)
بعد اذنج شاي:
http://just-a-bunch-of-thoughts.blogspot.com/2010/03/last-night-kuwait-joined-over-hundred.html
و لا تنسون تجيكون بعد جم يوم لأني ان شاء الله راح انزل فيديوات و صور اكثر ;)
يهمني رايكم وايد :)
شكراً
Just
لا مو مسكين ما احبه ههههههه
كان ودي واصرخ واناقز هههههههه بس كنت قاعده اصور فاحترمت نفسي وسكت بس لما طفيت الكاميرا استانست اني صدت اللقطه :)
اخذي راحتج حبيبتي وكتبي الي تبينه
وناطرين الفيديوات :)
حياج الله :>
حبيبتي ماتقصرين ^^
لووول ويييه ماتحبيينه؟ مسكين!
اي على طاري الصراخ، اي انا فاهمتج ، مو عشان جذي ما حطيت فيديوي السنة اللي طافت لأن كله خبالنا انا و بنات خالي! لووول ههههه!
بس مو عجيب المنظر؟ حده واااو! ^^
مرحباااا
شاي حبيبتي قريت كل اللي طافني من البوستات ..... وبعلق على بعضهم هني
بعد اذنج :)
الحمدلله على السلامه وخووش سفره روحتكم حق دبي
تركش قرل يينن واول مرة ذقته من سنتين ومستغربه ليلحين مومشهور مثل غيره واايد ترف ونظيييف وعليكم بالعافيه
ورحتي حق بنيدر القار اللي يمنا بعد :)
شكلنا ييران لوووووول
بوست البرجر اللي ب360 واااايد انشهر بالايميلات ماشالله وكل من اعرفه يقولي عنه وانه يشوق واصله ايميل :)
عليكم بالعافيه
الف الف مبروووووك التخرج وعقبال الوظيفه يااارب
كل عام خيتج بخير وعجبني استعدادكم للحفله وعليكم بالعافيه اشاز شكله لذيذ :)
المااااسك .... كان بمحلات الاسطورة حق بدل العرااايس وبعدها توزع على باقي المحلات والحين وصل لايم لايت
وقصدهم وضعه على الويه مو قصدهم الشعر
عاد خيتج اعجبتها الحركه وفصلت تور من خمس سنين عشان اذا كنت حاطه ميك اب البسهماابي بدلي تتوصخ والحين ماادري وينه ههههههه
مشكورة على بوست تزيين الكيك قبل ارجع المانيا بشتري منهم لاني ماحصلت هناك
البطاااااااط لذييييييذ عليج بالف عاااافيه ... صج مافي احد مايحب البطاط
كلر مي ماين حييل حلو ولي روحه مع عيالي .... خووش طلعه وعليكم بالف عافيه :)
ساعه الارض اول مرة اسمع عنها خخخخخ شكلي ليلحين ماوصلت الكويت لووووول
صج وناسه ولا دريت عاد تدرين هالوقت كنت عند لوير مسيره عليها ولا اهي تدري ..... عليكم بالعافيه عشوة تحت اضاءه الشموع :)
** شنو يعني ساعة الأرض ؟؟؟
مسكينه امج والله انكم قاصين عليها المسكينه
Just
اي ما احبه عشان جذي مو مسكين
ههههههه بالضبط ... قلت ما يسوى متعنيه اصور اخر شي اصرخ :q
اي والله كان عجيييب :)
كريزي
اهلين حبيبتي اخذي راحتج :)
الله يسلمج .. ذكرتيني ابي اروح مره ثااااانيه :(
اي صح ما شاءالله اكلهم حلو يمكن ما سووله دعايه ... ههههههه لا انا مو ببنيد القار بس رحت له لان اقرب لي من الافرع الباجي :)
لازم تجربينه حلو ... الله يعافيج
الله يبارك فيج .. وآمين يارب
وانتي بخير وصحه وسلامه والله يعافيج
توني ادري انهم قصدهم للميك اب بس هم طريقتهم غلط من عقب وحده والثانيه المفروض اييبون واحد نظيف ويديد حق كل وحده مو مليون وحده مستعملته وهذا اساسا مال شعر مو مال الويه
ههههههه احلى شي انج فصلتي لج واحد :q
العفوووو ... اي اخذي منهم سوي حق اليهال هناك :)
الله يعافيج اي اكيييييد :)
انا اول مره اروح له قبل ما كان مشوقني بس وايد استانست فيه مع رورو واكيد اليهال بيستانسون اكثر ... والله يعافيج
ههههههههه اهيا حدث عالمي مو بس بالكويت
جان سكرتي ليتات بيتهم :q والله يعافيج
مشكووووره :>
ميمه
ساعة الأرض اهوا حدث عالمي .. الناس تسكر الليتات الي مو محتاجتها والأجهزه الاكترونيه لمدة ساعه
والحدث يصير اخر سبت من شهر مارس كل سنه وهدفها تقليل الكربون وتقليل استخدام الكهرباء
مثل حملة ترشيد :q
وبدت هذي الحمله من 2007 في سيدني - استراليا
ويه ليش مسكينه وقاصين عليها؟!
هذي ساعة الأرض وكلنه عايشين بالأرض
إرسال تعليق