الثلاثاء، 22 يونيو، 2010

Ansam's Icy Yoghurt

أخيرا امس جربت Ansam's Icy Yoghurt

في Napket الأفنيوز

كان بخاطري اجربه من زمان بعد ما سمعت عنه والكل امدحه ويقولون انه لذيذ

ماشاءالله واحنا قاعدين وايد ناس طالبينه وغير الي اطلبوا تيك اوي

وطلبنه انا وامي واختي


رايي:

كلش ما عجبني

توقعت طعمه شي ثاني بس صج لاعت جبدي كليت علج عقبه هههههه

وامي واختي بعد ما عجبهم

مره ثانيه ما افكر اطلبه

حبيت يوقرت lakoocha احلى بوايد

----------------

بعد ما طلعت منه جان اشوف محل ديزل فتح نفسي

شوفوا الفترينه


ياحلوه الي فاقص الاوادم

هناك 36 تعليقًا:

NoNoChanel يقول...

اليوغرت شكله يمي يمي


كان طلبتي نكهة ثانية ..يمكن تطلع أحلى!!!

دايما احاول مااشتري اللي عليه طلب من الناس لأنه الناس عليهم اذواق عجيبة

فأفضل اني اطالع وبس لكن
الشفاحة احيانا تقتلني هههههههههههههه



أما الديكور فحدددددده غريب >>>eye`s catching

رورو الشخبوطه يقول...

هالمطعم بكبره ماعجبني دشيته عل قلبي القرسون جان نطلع بدون لا نطلب ..

اي شي يخبون فيه يطلع مقلب :\

عموما بالعافيه يارب..

mazyona يقول...

ههههههههههههههه
اوه كشخة اشتهر فيووووول

sarah يقول...

لوووول اشوه في احد معاي موعاجبه الطعم :P
مادري ليش الناس خابينه عليه مادري يجاملون ولاصج عاجبهم ولذيذ!! احلى شي من نابكت يوغرت (رازبيري) يهبل طعمه ماجنه روب [;

شكراا :)

Engineer A يقول...

تصدقين عاد الفروزن يوغرت كلش ما حبيته ولا يعجبني بس الناس أذواق ..

وودي أعرف سر حبج وعشقج للفيله لووووول

دمتي بخير

قلم ومسّاحة يقول...

تصدقين عاد حسيت شكل الرمان كأنه طماط مقطع صغار وراشينه فوق الأيس كريم. أهم شي ضيعتي الطعم بالعلج لول. يله على الأقل جربتيه وما تكررين التجربة.

يا حبج للفيلة مال يسوون عالم الفيلة بالكويت أحس راح يكون عيدج تروحين هناك وما تطلعين منه الا بعد جم ساعة..


بالعافية.

مبدعه يقول...

يووو شكلك من قلب تعشقين الفييله

الايس كريم عشقي مستحيل بالنسبه لي يكون فيه ايس كريم طعمه مو حلو

شكرا

شاي الضحى يقول...

نونو

لا انا كنت رايحه عشان اجرب هذا

لا مو شرط ساعات يكون شي صج حلو وساعات لا

والناس اذواق :)

شاي الضحى يقول...

رورو

ماجربته ولا مره هذي اول مره

بس ماشفت منهم شي كانت معاملتهم عاديه

الناس اذواق

الله يعافيج :)

شاي الضحى يقول...

مزيونه

من زمان مشهور

ههههههه كان ودي ابوق فترينتهم

شاي الضحى يقول...

ساره

تصدقين انا استغربت ان مافي احد قال مو حلو

الكل قال حلو عشان جذي قلت لازم اجربه وكلش ما توقعت انه ماراح يكون مو حلو

بس والله انصدمت بالطعم

عفوا

وحياج الله :)

شاي الضحى يقول...

ENG

انا عجبني البيري الي بـ lakoocha باجي الانواع عندهم ما حبيتهم

بينك بيري ما جربته ولا راح اجربه

وهذا ما حبيته كلش

سرررررر :q

شاي الضحى يقول...

مقلمه

طماط؟! وييييييع ليش قاعد تتخيل جذي

احب الرمان

اذا سووا عندنه جذي ادش بروحي وما ادخل احد


الله يعافيك

شاي الضحى يقول...

مبدعه

من قلب من قلب :)

امبله اذا كان يوقرت مو ايس كريم يصير مو حلو ههههه

عفوا :)

mazyona يقول...

أفا عليج ولا يهمج
خلاص نتفق على يوم مع رورو وكوكتيل علشان نروح نبوقه لج جم فيول عندنا

رنداالجنوبيه يقول...

مااقدر اقول عنه شي يمكن اجربه ويعجبني الناس اذواق مو هيك ..

ديكور حلو خاصة وهو داعس ع الاوادم ههههه غريب .

بالتوفيق يارب .

حقوقي يقول...

انا الروب بكبره ما احبه
هالمرة مجمد :/
الله يديم النعمة
اصلا حتى الصورة شكلها ما يشجع :/

Hopeless Sight يقول...

هههههههههههههه عجبني الفيل
شكلج غيرتي فكرتج عنهم إنهم مسالمين؟؟
الروب المثلج هذا مو متقبلة قكرته كلش رغم إني ما جربته للحين:S

Antonio يقول...

شاي الضحى

مع ان شكله حلو ...
وطلع مو حلو ...

تعجبني تجربتك لكل ماهو جديد واكيد راح تكونين خير خبير لنا في اختيار كل ماهو لذيذ ...

تقبلي مروري ..
ودمتي بالف خير ..

Made n Q8 يقول...

شكله بالصورة صج مايشهي خخ

وفيول شفييه قاعد عالاوادم لوووول

Ansam يقول...

LOL afa walla
laish ma3jebech?? hehehehe
Its watermelon flavor ma3a rosewater o rommaan... nice refreshing mix for the summer

I was hoping inna ya3jebech ;-)

شاي الضحى يقول...

مزيونه

ماعندي مانع

بس بعدين اذا انسجنتوا ماراح اطلعكم ههههههههههه

شاي الضحى يقول...

رندا

عدل

اي اكيد بيكون حلو وفيه فيولي حبيبي


:)

شاي الضحى يقول...

حقوقي

انا احب الروب العادي بس مو اي نوع

لازم يكون "نادك" هههههههه

شاي الضحى يقول...

هوبليس

غيرت فكرتي؟!

ليش اصلا الفيل مسالم واهوا فقص الاوادم لانه بـــطـــل

انا كنت نفسج بس غامرت وجربت :)

شاي الضحى يقول...

انتونيو

اتمنى اني اكون خير خبير لكم

بس لا تنسى ان الناس اذواق

يعني يمكن انا ما عجبني انت يعجبك :)

انا مجرد كتبت رايي فيه

وحياك الله :)

شاي الضحى يقول...

ميد

قاعد عليهم يأدبهم اكيد مأذينه ههههههه

شاي الضحى يقول...

انسام

هههههه

والله كنت متوقعه انه بيعجبني خاصه لما شفت وايد من البلوقات مجربينه وغير هذا بالفيس بوك الكل امدحه

فقلت بجربه وانصدمت بالطعم كلش ما حبيته

طعم الروب مبين لوع جبدي وماي الورد والرقي ماحبيتهم

بس حبيت الرمان ههههههههه

والمهم اني جربته وما خليت شي بخاطري

مشكوره :)

جاكليته يقول...

ههههههه بصراحة ما ابي اعلق على الايس كريم الرمان .. لانه من شكله بالصوره .. مو حلو
بس عجبتني الفترينه .. شفت تعليقج وضحكت .. صج مفقص الاوادم ..
تصدقين بيت اهلي متروس صور فيله .. كل ما اشوفهم اتذكرج والله .. شكلي راح اصورهم لج يوم من الايام

شاي الضحى يقول...

جاكليته

شكله بالصوره عادي

عطيني عنوان بيت اهلج عشان ايي ابوقهم :q

بو سعد يقول...

حركة الفيل مبتكرة

: )

شاي الضحى يقول...

بوسعد

حركة حلوه وتفتح النفس :))))

5/4 يقول...

من يوم شفته مبيه شكله مو شي

انا اقول خلينا انا معاج على صاروخ كويتي محد ينافسه :P

رخيص وعجيب

شاي الضحى يقول...

5/4

ههههههههه تصدقين وايد احلى :q

اي والله اخذي كرتون ارخص

غير معرف يقول...

انا بعد ذقته وتفلته استغفرالله يلوع الجبد

شاي الضحى يقول...

غير معرف

ههههههه

توبه :q