الثلاثاء، 15 يونيو 2010

Farm Fresh

احلى اكله بالنسبة لي اهيا السلطات بأنواعها

واحب اجرب انواع وايد خاصه الجاهزه الي موجوده بالجمعيات

لان ما يبيلها عباله وتقصص وعفسه

كنت رايحه جمعية كيفان وشفت هالسلطه

اهيا قديمه كل مره اشوفها ما اشتريها

هالمره قلت اجربها

اسمها فارم فريش سالد

المكونات:

خس مدور - خس عادي - ملفوف بنفسجي - جزر


معاها 3 صلصات

قائمة ذات تعداد رقمي
طعم الصلصه ما عجبني


فالي سويته ضفت فوقها الصلصة الفرنسية

وصارت وايد لذيذه


انا ما شفتها الا بجمعية كيفان دورتها بجم مكان ما لقيتها

اذا كنتوا شايفينها بمكان قولولي

هناك 45 تعليقًا:

mazyona يقول...

هلا شاي الضحى
شكلها حلوة
تسلمين

شاي الضحى يقول...

مزيونه

اهيا مافيها شي تقدرين تسوينها بس حق الي ماله خلق نفسي هذي تنفع له :)

الله يسلمج :)

رورو الشخبوطه يقول...

وايد حبيت فكرتها انه مقصصه وجاهزه في انواع ولا بس هذي؟؟

وعن نفسي اول مره اشوفها بس لي حصلتها بمكان 2 اقولج ان شاءالله..

وبالعافيه يارب..

Engineer A يقول...

اتوقع تلاقينها بمركز سلطان جنه اذا ماني غلطانه شفتهم قبل فيها بس عاد مادري اذا للحين موجوده بمركز سلطان والا لا؟

وعليج بالعافية :)

شاي الضحى يقول...

رورو

ما اتوقع لاني بس اشوف هذي حتى من زمان كل ما ادور القى هذي

وبس القاها بجمعية كيفان

الله يعافيج :)

شاي الضحى يقول...

ENG

لا ماكو بمركز السلطان قبل جم يوم رحت ودورت :(


الله يعافيج :)

chandal/danchal!! يقول...

بالعافية


موجودة بمركز سلطان

تلاقينها بالثلاجة الخاصة بالأكل الجاهز

شاي الضحى يقول...

جندله

الله يعافيج

ماكو دورت فيهم

يمكن كانت خالصه :s

Unknown يقول...

انا اشتريها من مركز سلطان شرق واحط عليها زيادة صلصة ايطاليه مع الصلصة الموجودة معاها..

DoDoq8 يقول...

احبها موجوده بجمعيات القرين كلهم

شاي الضحى يقول...

زبوطه

الي رحت له مركز سلطان شرق ما لقيتها

شكلها كانت مخلصه

صلصتها مالقه والصلصه الايطاليه حلوه

:)

شاي الضحى يقول...

دودو

المشكله ان القرين بعيده وايد

كيفان مو دايما موجوده بسرعه تخلص


:)

الوتيــــــــــن يقول...

yumeeeeeeeeeeeeeeee

^_^

Flowera يقول...

عليج بالعااافيه

في بمركز سلطان الخضار تقكون مقطعه ، اشتري الانواع اللي تبينها وحطي عليها الصلصه اللي تحبينها

شاي الضحى يقول...

الوتين

يمي يمي :)))

شاي الضحى يقول...

flowera

الله يعافيح

اي مركز سلطان؟

لاني كل مره ادور خضرا مقطعه ما القى

الجودي يقول...

بالصيف السلطات طعمها غير

هبيت فيها فترة اتوقع تختارينها على حسب الصلصة إلي فيها يعني في شغلات معاهم صلصة السيزر و في الإيطاليه ما أذكر عدل ..

بس صج يمي

بالعافيه :)

غير معرف يقول...

شلون طعم السلطة؟ أنا شفت منها بجمعية الدعية، بس ماتشجعت آخذها احس الخس مقصوص من زمان وبايت.. وبالعافية يارب

Flowera يقول...

مركز سلطان السالميه
صوب الخضره

تلاقينهم بسكشن بروحهم بعلب بلاستيك
بعضهم كل نوع بروح وبعضهم جم نوع مع بعض

Ducati يقول...

حلات السلطه تسوينها او تاخذينها من مكان مضمون

هالسوالف ما احبها ما ولا مره جربتها لإني مو متقل فكرة سلطه معلبة او مجيسه وتنباع بالجمعية وبالعافيه

Sn3a يقول...

تدرين هالسوالف تلقينها بكل مكان بره الكويت
العام لما كنت بلندن كل ما ادش جمعيه اخذلي نوع غير
خصوصا سلطات ماركس سبنسر

لاني من النوع اللي ماياكل لحم ودياي بره فصج هالسلطات فادوني عدل!

والله انا مثلج مرات مالي خلق اقصقص
بدورها وباخذها


ثانكس

Sami يقول...

شكلها لذيذه

alB6h يقول...

السلطات كنت ما احبها اكلها ابدا
والحين امووووت ع اكل السلطات
شكل السلطة فرش ويشهي ,, بالعافية عليج

اما ع الصلصه يا تحصلينها بمركز سلطان او الكافور اللي بالافنيوز ساعات احصل اشياء مو موجوده بالجمعيات ..

يعطيج العافية

غير معرف يقول...

والله تنفع خاصة اذا ماعندك وقت تقصقصين ومن هالكلام ..

الله يعطيك العافيه شاي مشكوره .

كوكتيل يقول...

أهلين شايونة :)

عليك بالعافية يارب :)

ri7ana يقول...

انا شايفه بمركز سلطان نفس الفكره
سلطه مقصصه على قولتج
جربيها وقولي لنا :p

ri7ana يقول...

اي بعد نسيت
تلاقينهم صوب الخضراوات مو صوب الاكل الجاهز :)
بثلاجه الخضراوات

Slashy يقول...

عليج بالعافيه :*

شاي الضحى يقول...

الجودي

السلطات والرقي هههههه

هممم والله مادري انا ماشفت الا هذي وداخلها الصلصه وكلهم نفس الشي

الله يعافيج :)

شاي الضحى يقول...

مقلمه

على حسب الصلصه انا حطيت عليها الفرنسية وصارت لذيذه

لا بالعكس انا شريتها وكانت فرييييييش

ومبينه بالصوره انها فريش ما كان الخس بايت :)

الله يعافيك

شاي الضحى يقول...

Flowera

اي عاد السالميه ما اروح الا ناااااادر

بس ان شاءالله بروح وبشوف

يعطيج العافيه :)

شاي الضحى يقول...

ديكاتي

اكيد حلاته تسويها بس تاخذ وقت وعباله بالتقصص خصوصا اذا مافي احد بساعدك وينظف معاك

انا كله اشتريهم بالعكس نظاف ما فيهم شي

والله يعافيك :)

شاي الضحى يقول...

سنعه

اي كله اشوفهم بره حتى عندهم فواكه مقصصه ومغسله وكل وحده بجيس وفي بعضهم مخلوطين

مريحين عمرهم مو احنا

:)

شاي الضحى يقول...

سامي

وايد :)

شاي الضحى يقول...

البطه

انا احلى شي عندي السلطات

الله يعافيج :)

ان شاءالله بدورها

شكرا

شاي الضحى يقول...

رندا

اي والله

الله يعافيج .. عفوا :)

شاي الضحى يقول...

كوكتيل

الله يعافيج :)

شاي الضحى يقول...

ريحانه

بمركز السلطان في انواع شايفتهم وجربت جم وحده ما اعجبوني خاصه الصلصات

بس انا قصدي نفس هالنوع

شكرا :)

شاي الضحى يقول...

5/4

الله يعافيج :)

غير معرف يقول...

توني حصلت السلطة في جمعية الروضة تلاقينها بصوب الخضار اللي داخل الجمعية.

ولاء العُريبي يقول...

يعني السلطة شنو يبيلها ,
التقطيع ما ياخذ وقت اذا كان بهالكمية
اللي ياخذ وقت الإضافات ..

يمكن لان السلطة وجبتي المفضلة واحب اسويها واتفنن فيها .. واهم الأشياء اللي ماتنقصها : الجبن المالح او شيدر و الذرة و الزيتون و الخبز
واهم الأشياء الي ماحبها فيها : الطماط

اما جذي جاهزة ماتشجعني احسها بايتة .. ولا شلون ؟؟

Pearl يقول...

عليج بالالف عافيه
عاد تدرين احنا هبينا من زمان فيها بالدوام :)

تلاقينها في جمعية الروضه
و اتوقع اضافتج الصلصه الايطاليه تحليها اكثر :)

شاي الضحى يقول...

غير معرف

مادري ليش جمعيتنه ما اييبونها

قبل جم يوم لقيتها بمركز السلطان

شكرا :)

شاي الضحى يقول...

ولاء

صح السلطه ما يبيلها شي اذا عندج وقت

بس الي ما عنده وقت ولا احد يساعدج ولا خدامه اكيد بتاخذ وقت

وغير هذا تعالي نظفي المطبخ عقب

هذي اسرع واسهل

لا بالعكس مو بايته فريييييييييييش

شاي الضحى يقول...

بيرل

الله يعافيج

لا انا ضفت الصلصه الفرنسيه ماجربت الايطاليه

لاني ما حبيت صلصتها

شكرا

:)