الاثنين، 14 يونيو، 2010

lakoocha

اخيرا امس جربت lakoocha

قريت عنه ببلوق HiKuwait وبلوق رورو

وشوقوني عاد انا ما جربت بينك بيري

وسمعت ان هذا احلى منه بوايد فقلت اجرب الأحلى

اول ما رحنه خلانه نجرب انواع وايد

اوريجينال: كان طعمه اووووووع اااااااع اييييييييييييع

استغفر الله كنت برجع جربت طرف القفشه ما قدرت ابلعه

المانجو: طعمه عادي مو وايد حبيته

جيز كيك: هم عادي ما عجبني وايد

البيري: اهوا الي عجبني وطلبته

وحطيت معاه 5 اضافات

3 انواع توت + رمان + مانجو


حبيته طعمه خفيف وفريش


مكانه في مجمع جاليريا 2000

عيبه ان مكانه بهالمجمع الي كله رياييل يخزون !

وماكو مصافط

هناك 38 تعليقًا:

mazyona يقول...

هلا شاي الضحى
شكله يونس وحبيت الشكل الرمان وتوت
وعلى قولتج هذا المجمع يخرع كله رياييل كأنهم عمرهم ما شافوا مره ومافي مصافط
تسلمين

شاي الضحى يقول...

مزيونه

جربيه حلو :)

اي قطع يلوعون الجبد من تدشين واهما يخزون ولما تطلعين هم يخزون

والمصافط مشكله ثانيه مادري شلون مجمع ومافيه مصافط

لله يسلمج :)

Hopeless Sight يقول...

عاد أنا ما جربتهم اثنينهم و أحس ما تشجعت مادري ليش:S
عليج بالعافية ان شاءالله:)

شاي الضحى يقول...

هوبليس

لما قريت بلوق رورو تشجعت اجرب :q

الله يعافيج

DoDoq8 يقول...

انا جربته وماحبيته حسيت جني برجيم

البنك بيري عندي احلى مادري ليش حسيت بشويه مروره فيه

DoDoq8 يقول...

اقصد لكوجا المر

شاي الضحى يقول...

دودو

هذا الي عجبني فيه لانه خفيف

ما جربت بيك بيري

وما كان مر :)

رورو الشخبوطه يقول...

مثل النوع اللي جربته اهو الذ شي عندهم والحلو انه يذوقونج ..

وحبيت مولتن مالتهم بس طبع مو بروب عاديه خخخ..

بالعافيه يارب..

شاي الضحى يقول...

رورو

اي اصلا لو ما يذوقني جان ما طلبت شي

اي صح حلو طعمه الاوريجينال الله يزيد النعمه

ههههههه تخيلي مولتن داخلها روب ذايب !!

الله يعافيج :)

Ducati يقول...

انا هالسوالف الي ما حبيتها وما ادري متى راح اجربها واحبها مثل ما يسوون هالعالم :)

قلم ومسّاحة يقول...

انا لو رحت هناك بس بطلب توت تدرين شنو مشتهي توت؟ لوووووووول أدرو عليه دوراة وأحلم إني قاعد اكله، مو محصله بولا جمعية.. وبالعافية يارب .. ابي توت :(

شاي الضحى يقول...

ديكاتي

انا ما كنت متوقعه ان بيي يوم واجرب الروب !!!

امس فجأه قررنه نجربه والحمدلله تجربه ناجحه

شاي الضحى يقول...

مقلمه

مكود بالجمعيات ومركز السلطان ولولو وسيتي سنتر وجيان وكارفور

:)

الله يعافيك

chandal/danchal!! يقول...

عليج بالعافية... شكله يسرسح

:)




يا كره السالمية (ريلي ثقيلة عليها) اصف بطابور بينك بيري ولا اتعنى حق هالمنطقة

شاي الضحى يقول...

جندل

الله يعافيج اي والله كان بااااااااااارد يبرد عالجبد

الصراحه ما افكر اصف بالطابور

فاتعنى احسن لي :)

اتوقع العصر يكون هادي :)

Crazy Girl in aGood Way يقول...

عليج بالف عافيه

مشكورة

شاي الضحى يقول...

كريزي

الله يعافيج

عفوا :)

sa5er يقول...

بالعافيه يبه ..


بس انا اقول .. مطعم "دندوش" -ولا بدر البدور- واقطع !

ARTFUL يقول...

اشوه اني ما احب الروب!!

alB6h يقول...

امممم مو متخيله الطعم ,, احسه ما راح يعجبني !!

بس عليج بالعافية :)

كوكتيل يقول...

صباح الخيرات :)

أنا جربت اللي بالأفينوز كان الله يزيد النعمة

ما أدري ليش هالطوابير
بس هذا شكله عنده نكهات أكثر يمكن إذا جربته أجرب الجيز كيك والبيري :)

Sn3a يقول...

انا عجبوني كل الانواع ماعدا التشيز كيك
يعني حتى الاوريجينال حلو وعجبني اكثر من بنك بيري


بس صاجه المجمع يخرع وكله شياب

Made n Q8 يقول...

جايونة

الي يخزج خزييييييه هذي القاعده انا ماشيه عليها بس اذا انطقيتي انا مالي شغل :P

وعلييج بالعافية

ansam518 يقول...

Inshalla el tajroba el yaya Ansam Yogurt in Napket :-)

شاي الضحى يقول...

ساخر

الله يعافيك

دندوش! ما اعرفه بدور البدور مار علي

عندهم فروزن يوقرت؟!

شاي الضحى يقول...

ارتفل

انا احب روب نادك!

شاي الضحى يقول...

البطه

انا توقعت ما يعجبني بس عجبني

الله يعافيج :)

شاي الضحى يقول...

كوكتيل

ما اجربته

الجيز كيك زين والبيري احلى شي :)

شاي الضحى يقول...

سنعه

استغفر الله الاوريجنال ما بلعته

اي قطع يلوعون الجبد

شاي الضحى يقول...

ميد

الي يطقني بطقج ههههههههههه

الله يعافيج :)

شاي الضحى يقول...

انسام

اي شفته شكله يشوق

ان شاءالله اذا جربته بقولج :)

cheese 7cake يقول...

الله عاد انا احب البنك بيري وهذا احلى بعد يمي يمي ان شاء الله اجربه

وعليج بالعافيه

شاي الضحى يقول...

جيز كيك

ان شاءالله

الله يعافيج :)

Her يقول...

lol tha7akteeny ohwa sa7 fathy fa ay a7ad yed5al el kel y5eza mu bs el ryayeel:p bel3afya 7abeebty

شاي الضحى يقول...

هير

الصراحه انا ما شفت حريم كل مره اروح له كله رياييل يلوعون الجبد بس يخزون

قاعدين بهالقهاوي وخز بالاوادم

الله يعافيج :)

captain khalid يقول...

يميييييييي يمي ... دخلت خاطري فيه .. ماعد اني ماحب الاسكريم يكون معاه فواكه .. بس شكلي غيرت رايي

captain khalid يقول...

يميييييييي يمي ... دخلت خاطري فيه .. ماعد اني ماحب الاسكريم يكون معاه فواكه .. بس شكلي غيرت رايي

شاي الضحى يقول...

كابتن خالد

هذا مو ايس كريم .. اهوا عباره عن فروزن يوقرت

انا بعد مو وايد احب الايس كريم مع الفواكه حلاته مع كاكاو وكاراميل بسكوت كيك هههههههههه

:)