الأربعاء، 9 يونيو، 2010

راسي بينبط من كثر التيجان!

وصلني تاج من الزميلة العزيزة نهـــــار

وابلشتني فيه ههههه



ماذا ستكتب لنا لتعبر عن حياتك التي عشتها إلى الآن في كلمات قليلة؟

حياتي حلوه ومليئة بالمفاجآة

والحين حياتي ملخبطه!


من ستختار ليمسح دموعك؟

الكلينكس!

لو خيروك بين حبيبك وبين اعز صديق فمن تختار؟

بالنسبة لي الحبيب اهوا الصديق والاخ الزوج والاب

فأختار الحبيب

من يسكن قلبك؟

القلب دكان وكل من له مكان

وامي بالفترينه !!


هل تعتقد أن حظك سيء؟

لا ولله الحمد

هل هزمك حزنك في يوما من الأيام؟

لا كله انا اهزمه 2 - 0

((مستحيل أنساك)) لمن تقولها؟

يدتي الله يرحمها

((الي راح راح وما تفيد كلمة ياريت))
إذا أردت أن توجه هذه العبارة لنفسك، فماذا تقصد بها؟

جان ما شريت معجنات من امبرس!

((أنت كل شيء بحياتي)) لمن تقولها؟

أمــــي

متى آخر مره بكيت؟

الحمدلله ماكو شي يبجي

أي الدول تتمنى أن تزورها؟

كينيا

هل لديك الجرأة أن تقول عمرك أمامنا؟

22

هل أنت راضي عن نفسك؟

الحمدلله اي

هل تؤيد الزواج العاطفي ام الزواج التقليدي؟ ولماذا؟

الزواج العاطفي

احتفظ بالأسباب لنفسي

ايهما أهم شهادتك الجامعية أم الزواج ممن تحب؟

الشهادة الجامعية

مع انها هالأيام ما تسوي شي

لا تنفع ولا تضر

هل تعترف بشيء اسمه الصداقة بين الرجل والمرأة؟

اعترف بالزماله

هل أنت مدمن تفكير؟

جـــدا

من هو أكثر شخص تفكر فيه؟

ســـر

إذا تم تعيينك ملكا لجميع البلاد العربية فما أول قرار ستتخذه؟

افرض زرع البطاطس في كل الدول العربية

"اجباري"

هل تكره شخص بشده في حياتك؟

صدام حسين

هل ملابس الشخص أمامك تؤثر فيك لتأخذ عنه انطباع؟

نعم

ما الذي يلفت انتباهك بسرعة في الشخص لكي تعجب به؟

اخلاقه

إذا احببت شخصا في الوقت الخطأ وفي المكان الخطأ فماذا تفعل؟

اصلحه !!!

حكمة تؤمن بها جدا؟

يوجد دائماً من هو أشقى منك، فابتسم

عادة تفعلها دائما تتمنى أن تتركها؟

العناد

ما هو أجمل اسم لولد وأجمل اسم لبنت من وجهة نظرك؟

محمد

اسم يدتي الله يرحمها

ماذا تفعل أول شيء إذا ربحت مليون؟

بشتري فيول صجي

هل أنت من لديهم رغبة حب التملك وإذا تملك الشيء أصابه الملل منه؟

عندي رغبة حب التملك بس ما امل

اعتذار تريد أن تقدمه لمن؟

مـحـد

لمن تهدي هذا التاج من بعدك؟

الصراحه مابي ابلش احد

بس الي يبي يحله على راحته

كل الشكر للأخت نهــــار

هناك 30 تعليقًا:

قلم ومسّاحة يقول...

ترا هالمواضيع حلوة بس مو كل مرة لأنها تصير مملة، إذا كل مرة بنسوي هالحركة راح يصير شي روتيني وماكو حماسة.. و ع العموم كل واحد حر بس هذا راييي.. شكرًا..

ARTFUL يقول...

روحي كينيا الفيله مقططن بكل مكان

p;

شاي الضحى يقول...

مقلمه

اي صح الحين جم واحد واصلني هههههه

بس يالله احله عشان الي دزوه لي :)

عفوا :)

شاي الضحى يقول...

ارتفل

ادري عشان جذي ودي اروح :)))

نمووول يقول...

"هل هزمك حزنك في يوما من الأيام؟

لا كله انا اهزمه 2 - 0"

ههههههههههههه, عليج قطات ..

ليش فيولج زعلان ؟
ولا هاذي فيوله ومسحية ؟

شاي الضحى يقول...

نمووول

عمرك طويل كنت ابيك اليوم باستشاره هندسيه فنيه تقنيه

بس جنه الامور استقرت الحين

فيولي زهقان من كثر التيجان الي يت على راسه

mazyona يقول...

وااااااااااااو تبين تشترين فيل
خلاص الجوله الأولى مجانا على حسابج

شاي الضحى يقول...

مزيونه

اي فيها شي؟ :q

اي جوله ما فهمت !

illusionist يقول...

you are so sweet :)

نهــــــــــار يقول...

السلام عليكم ورحمة الله وبركاته...
مشكوووره وايد يالغاليه على حل التاج جد إستانست تراني مب عادتي أبلش حد بس هالمره أبلشت خلق الله كلهم السموحه منكم ..
بس كلج ذوق مارديتيني ...
....
أأيد وبشده زراعة البطاطس
ما أقاوم البوتيتوس ...
...
الله يرحم يدتج ويغفر لها ويوسع مدخلها
ويجمعكِ وإياها في الجنه إنه على ذلك قدير
اللهم آمين
....
في أمان الله

alB6h يقول...

ساعات يصير عن اللي يقره المدونة فضول في بعض الاشياء , فالمواضيع اللي صايره من هالنوعية تكشف او تقلل من الفضول :p

من يسكن قلبك؟

القلب دكان وكل من له مكان

وامي بالفترينه !!


جوابج خطيررررر!! :)

يعطيج العافية

Made n Q8 يقول...

شعندج بكينيا؟ :S

NOIR يقول...

كينا!!
تزرعين بطاط!!
فيــل صجي!

شقصدج ههههههههههه
حدج اسم الله عليج زوغــــــــه:*

لازم اشغلج ولا الفراغ بيذبحج

كوكتيل يقول...

عجبني امسح دموعي بالكلينكس :)

فعلا ما حك جلدك مثل ظفرك :)

وحلوة 2-0 عجبتني :)

يعطيك العافية :)

Hopeless Sight يقول...

ههههههه
أحلى شي الكلينكس ليمسح دموعك!!

chandal/danchal!! يقول...

اجاباتك في الصميم كما عودتينا ما عندج حاور زاور

:)


بس سالفة امبرس موتتني من الضحك

:))))


الله يحفظلك امميمتك ويعطيها الصحة والعافية ويرزقج برها قولي آمين

5/4 يقول...

غريبه بتروحين كينيا

يعني نفس لوياك, جذي قصدج؟

وله فيها طبيعه خلابه وانا مادري!؟ :P

وبعدين اذا انتي تبين تشترين فيول انا بشتري كل الالعاب اللي بالدنيا لوول كل من في قلبه شقى

:P

شاي الضحى يقول...

illusionist

شكرا جزيلا :)

شاي الضحى يقول...

نهار

العفو حبيبتي لا عادي بلشيني مثل ما تبينه لان الاسئلة تونس :)

اي والله منو ما يحب البطاط

آمين ويرحم اموات المسلمين

شكرا :)

شاي الضحى يقول...

البطه

ههههه عسى قل فضولج؟ :q

اي بعد هذا الصج

الله يعافيج :)

شاي الضحى يقول...

ميد

بشوف حبيب قلبي :)

وابي اعبر خط الاستواء عشان يعطوني شهادة

شاي الضحى يقول...

NOIR

اي

ليش طايحه من عينكم هالدوله

تهقين ان هذا تأثير الفراغ؟! ههههه

شاي الضحى يقول...

كوكتيل

اي مافي احسن من الكلينكس

الله يعافيج :)

شاي الضحى يقول...

هوبليس

اي بعد هذا الصج :)

شاي الضحى يقول...

جندله

ايييي امبرس :( خليني ساكته احسن

آمين يارب العالمين

مشكوره على الدعوه الحلوه :)

شاي الضحى يقول...

5/4

بروح كينيا عشان اشوف الفيله واعبر خط الاستواء

احب المغامرات

واكيد فيها طبيعة

اي والله ههههههه

على فكره صورتج شحلوها :)

cheese 7cake يقول...

ااي والله الهوم ورك هالايام كثرااان وانا عندي هوم ووورك لي اللحين ما حليته كل شوي طالعتلي شغله ما نفضي والوقت يررررررررررركض

شاي الضحى يقول...

جيز كيك

ويه عيل سقطتي بتعيدين السنه :q

يالله حليه بالدور الثاني

هههههه

Me Blogging يقول...

laish etsameena Taj?
mithel el taj ele yenlibis?
ehwa Tag, methel label, fa enas yese'lon ase'la 3ashan y3arfonich akthar, mithel etag lama n7i6a 3ala shay, y3arefnah eb hatha eshay akthar

شاي الضحى يقول...

me

هلا حبيبتي

ادري انه tag مو تاج

بس لان اول شي الي سويناه كان فيه صورة تاج الملك والثاني التاج السلطاني وبس راحت عليه

خذينه السالفه على انها يلبسونه التاج ونحله :)))

ما تشوفين كتبت العنوان راسي بينبط من كثر التيجان :)