الخميس، 10 يونيو، 2010

NEUTROGENA Wave

قبل شهر او اكثر شفت بالجمعيات منزلين مكينة لتنظيف الوجه

اسمها NEUTROGENA Wave

وما شريتها

واهوا عبارة عن منظف كهربائي ورغوه باردة تحدث وخزاً وتتغلغل عميقاً في المسامات

تفتح المسامات لتزيل الأوساخ والدهون والمكياج، تزيل خلايا البشرة القديمة

فتصبح البشرة اكثر ليونة ونعومة بعد مجرد الاستعمال الأول

من يومين زعفرانة شرتها وجربتها

وانا خذيتها منها وجربتها

العلبة فيها المكينة + 14 قطنة + بطارية + رأس ملحق

ملاحظة: يبيعون 30 قطنة بروحهم يكفون لشهر


طريقة الاستعمال جدا سهلة:

1- ركبي القطنة على راس المكينة
2- حطي المكينة تحت ماي الحنفية
3- شغلي الزر ودلكي الوجه

تستخدم مره واحده باليوم


النتيجة:

جيده جدا بعد ما استخدمتها حسيت جني مسويه فيشل لويهي

والي مو على طول يستخدمون غسول للوجه راح يحسون بنتيجة افضل

انا فرق معاي شويه لاني دايما استخدم غسول للوجه

وهذا الإعلان



الفيديو يوضح

محتويات العلبة + شرح لطريقة الاستخدام


وشكرا

هناك 26 تعليقًا:

lil.D يقول...

من زمان خاطري فيها ، خص اللي منزلينها نيتروجينا!
بس للاسف منتجات نيتروجينا مب عندنا اني مور :(

زين نزلوها عندكم! بسير اسوي جوله ثانيه يمكن احصلها!
كل الريفيوز عنها تقول انها اوكيه :)

رورو الشخبوطه يقول...

انا من زمان شايفتها مثلج وهم ماشريتها لانه ماحب منتجات نتروجينا منقرصه منهم مره..

حلاته تكون اله عاديه احنا نحط فيها المنتج اللي نبيه ويناسبنا..

بالعافيه يارب..

حياتي هدف مو عبث يقول...

صباح الخير

أنا شفتها بسيتي سنتر بس هونت ليش مادري
وجنّه في شي ثاني بعد من نيتروجينا نفس هالطقة..
وان خلص القطن استخدم اي قطن ولا لازم نفسه؟

كوكتيل يقول...

صباح الخيرات :)

شايونة أنا توني شايفته من إسبوع في الجمعية

وكنت بيبه عبالي الجهاز فاضي وأنا أحط في المنتج اللي أبيه :)
بنالسبة لي لو بروحه أفضل :)

بس هم حابه أجربه أنا أحب نيتروجينا بس لازم بعده مرطب لأنه يسبب جفاف لبشرتي :)

بس تنظيفة يعجبني :)

يعطيك العافية :)

ebtsamh يقول...

حلو .. اول ما شفته عبالي مكينة حلاقه

للوجه قلت صرنا مثل الرجال :)

يعطيج العافيه ..

SweetHeart ~ يقول...

ترى اهيا قدييمه صارلها سنه اذا مو اكثر ..
بس توه ينزلونها بالكويت :\

عندي اياها من سنه و ما استخدمتها للحين لوول
جنج شجعتيني :)


مشكورة ..

alB6h يقول...

اول مره اشوفه !!

حلو منتجات نيتروجينا ,و منتجاتهم تنفع ع بشرتي , ودي اجربه بس جني خايفه!!

يعطيج العافية

daloo3a يقول...

والله كشخه
بروح اشتريها

غير معرف يقول...

بجم ووين احصلها

*Being One يقول...

اول مره اشوفهم و الله طريقه حلوه بس نايتروجينا جربته مره من زماان و ما طاح على بشرتي !!
بس بجرب هذا شكله زين P;
مشكوووره

الاوركيده يقول...

شكله زينه وين احصلها احس راح تنفعني بالسفر ومشكوره

:)

غير معرف يقول...

اختي شاريتها قبل شهر وتقولي وايد زينه تنظف البشره وتخليها ناعمه :p

كل مره بروح اشتريها وانسى ! موجوده بكل الجمعيات وسعرها 3 ك د تقريبا

مشكوره ذكرتيني فيها لول

شاي الضحى يقول...

lil

ليش قاطعينهم؟

عاد منتجاتهم ما احبهم وايد قوي على البشره

:)

شاي الضحى يقول...

رورو

انا مو منقرصخ منهم بس سامعه انهم قويين على البشره من اطبة جلديه

وفي جم طبيب يمدحهم ويقول احسن شي :s


الله يعافيج

شاي الضحى يقول...

حياتي

اذا خلص القطن تشترين قطن ملوت المكينه ما يصير تحطين من عندج لان لازم نفس الحجم

شاي الضحى يقول...

كوكتيل

اي وايد احسن

صح ينشف وايد بس لما استخدمت هذا ويهي ما نشف

الله يعافيج

شاي الضحى يقول...

ابتسامه

ههههههه

الله يعافيج :)

شاي الضحى يقول...

سويت

والله مادري عرفتها قبل جم شهر

ويه عيل عفنت هههه

عفوا :)

شاي الضحى يقول...

البطه

عيل اذا تنفع لبشرتج جربيه

الله يعافيج :)

شاي الضحى يقول...

دلووعه

ان شاءالله

شاي الضحى يقول...

غير معرف

بكل الجمعيات والسوبر ماركت

السعر ما ادري لاني مو انا الي شاريتها

بس يمكن 3 وشي او 4 وشي

شاي الضحى يقول...

being

ان شاءالله ينفع معاج

العفو :)

شاي الضحى يقول...

الاوركيده

بكل الجمعيات والسوبر ماركت

العفو :)

شاي الضحى يقول...

غير معرف

اي هذا الي حسيت فيه ان بشرتي صارت ناعمه

ونسيت اكتب

العفو :)

cheese 7cake يقول...

عليج بالعافيه تونس

شاي الضحى يقول...

جيز كيك

الله يعافيج :)