الجمعة، 4 يونيو 2010

Hot Chocolate

البلوق بينترس فيه النمل من كثر بوستات الحلو الي احطهم

يالله بعد شسوي هالشهر بالنسبة لي وايد حلو ولله الحمد

وانتوا لازم تحلون معاي

---------------

جربت الهوت جوكليت الي يابته لي زعفرانه

عاد انا مو ذاك الزود مع الهوت جوكليت

الي اشربه في جوكليت بار اسمه "ايتاليان هوت جوكليت"

يكون معاه فانيلا ايس كريم

والثاني من بتلرز غيرهم ما احب

وهالسنه بتلرز يابوا هذا الكاكاو نقدر نسويه بالبيت

ولما اختي جربته قالت بتييبلي منه


العلبة الوحده تكفي 10 مرات


وطريقته جدا سهله

حليب + قطعة كاكاو

نخلطهم مع بعض على نار متوسطه لما يذوب الكاكاو بالحليب

بس انا احط ككاوتين لان ما احب يصير خفيف ويبين طعم الحليب

لاني ما اشرب الحليب


طعمه واااااااايد حلو

--------------------------------------

سؤال


شنو احلى هوت جوكليت جربتوه؟

بأي كافيه؟

او انتوا تسوونه بالبيت؟

والي عنده وصفه لا يبخل علي


هناك 45 تعليقًا:

Zabo0o6a يقول...

عندي منه بالبيت خذيته قبل فترة من البحرين بس تدرين ولا جربته :\
العادة احط قفشتين ونص جوكليت باودر من هيرشيز و فوقهم كوب حليب حار مع نص قفشة شكر واحط فوقه كريمة باسكن روبنز اللي يبيعونها بالجمعيات مع سيرب ككاو :)
او مرات اي نوع ككاو عادي اطحنه بالخلاط واضيف عليه حليب حار يطلع طعمه عجيب :)

غير معرف يقول...

ما أحبه ..
جربته مرة قبل السنة بنصيحة من رفيجتي .. كنت محتارة شنو أخذ .. قالتلي اخذي هوت جوكلت .. طعمه ملييييييق

she is me

قلم ومسّاحة يقول...

انا عمومًا مو ذاك الزود مع المشروبات الساخنة، يعين الجاي والقهوة والنسكافيه ما احبهم وما أشربهم إلا مجبور. بالنسبة حق الهوت جوكلت، آخر مرة شربته من فترة حيييل طويلة وتحديدًا سنة 2001 كنت بلندن وشربته في مجمع " هارودز " وطعمه كان حلو وايد وفوقه قطع مارشميلو صغار..

Sarah يقول...

الله يشوق موجود بمركز سلطان؟

انا احلى هوت جوكلت عندي: آرو أو جلكسي أذوبه بالحليب الحار+ نسكويك :P

بالعافيه :)

Crazy Girl in aGood Way يقول...

عليج بالعافيه

ليش ماحطيتي ميني مارشملو ملون يطلع شكله يشوق ههههه اهم شي الشكل

بالكويت مااحب اجرب هوت تشوكليت لان الجو مايساعد ... بس اذا سافرت دوله جوها بارد احب اطلبه بالكافيهات واحلى شي لما يكون على نكهات .. احب اللي على بندق لذييييييييذ .. اغلب شي تحصلينه بالكافيهات الايطاليه

شكرا

رورو الشخبوطه يقول...

هللو ..

توني شايفه فيلم رومانسي ودايخه فيني نومه خخ..

للحين مالقيت هوت جوكلت وااو..

جربت مال ستار بوكس وكاريبو و بكافيه ككاو معاج و مال ماركس اند سبنسر..

وجاري البحث..

بالعافيه يارب..

Ms Botamba يقول...

انا جربت مال كريبو و مال كوستا و اعجبوني

و بالبيت اسوي نسكويك او نستله
بس انا ما احط حليب احط ماي حار :)

chandal/danchal!! يقول...

صباح الخير وان شاءالله كل ايامك حلوة مو بس هالشهر

:)


على اني احب الكاكاو بس مو زود على الهوت جوكليت ودايما اشربه اذا كنت ميتة من اليوع والبرد وبالغالب مو بالكويت


خوش mug
بالعافية
:)

ميمة السبيت يقول...

** بالعافية

الهوت جوكليت يسحن بالجبد انا من ربع الامريكانو

هديــل يقول...

ولا مرة جربت الهوت جوكليت :q

صج كل ما اروح كافيه اشتري قهوة غراامي شي اسمه قهوة وما فكرت اجرب الهوت جوكلت ..

بس شكله يشووق

عليج بالعافية :)

alB6h يقول...

اشتهي الهوت جوكليت بس لما اذوقه مو ذاك الزود يعجبني , بس مره كنت مسافر دبي وفي مطعم من ثلج بمجمع اسمه تايم سكوير يلبسونج جاكيت وجوتي (عزكم الله) متين وسوس ودشين كل شي من ثلج حتي الطاولات المكان رووووعة وبااااااارد , وجربت هوت جوكليت طعمه كان رهيب ما ادري لان كان بررررد حيييل واهو دافي حبيته او اهو صج حلو!!

عليج بالعافية يارب :)

شاي الضحى يقول...

زبوطه

ليش ما جربتيه طعمه حلو :)

انا ما احب الجوكليت بودر وهيرشيز احبه بس بالكيك والبراوني

وكريمة باسكن بعد ما احبها :(

شكلي بجرب اي كاكاو عادي


مشكوره :)

شاي الضحى يقول...

she

مليق؟! بالعكس انا حبيت طعمه


:)

شاي الضحى يقول...

مقلمه

ما احب الهوت جوكليت مع المارشميلو

انا اشرب الحار والبارد بس الهوت جوكليت مو ذاك الزود معاه

وهذا عجبني :)

شاي الضحى يقول...

ساره

والله ما عندي فكره اذا موجود بالكويت او لا

اتوقع حلو اورو او جالكسي

بس ما احب النسكويك


الله يعافيج :)

شكرا

شاي الضحى يقول...

كريزي

الله يعافيج

ما احبه مع الهوت جوكليت

اي حلو الي بالبندق

امش شربت هوت جوكليت وانا طالعه الظهر بعز الشمس واااااااااااي حررررررر ههههههههههه

عفوا :)

شاي الضحى يقول...

رورو

هههههههه تصبحين على خير :q

عاد اي فلم شفتي؟

مال كاريبو جربته ثقييييييييل وطعمه وااااااااااايد كاكاو ما عجبني

جربي مال حوكليت بار الايتاليان

حلوه جاري البحث :q

الله يعافيج

مشكوره :)

شاي الضحى يقول...

بوتمبه

كوستا ما جربته

المشكله اني ما احب نسكويك طعمه مو حلو

بس ما اتوقع مع ماي يصير حلو

شاي الضحى يقول...

جندله

الله يسمع منج يارب :)

اهوا حلاته بالبرد

بس انا مادري شفيني هابه فيه بعز الحر ههههههه

والـ mug ما يغلى عليج بس لو مو على فيول جان يبته لي باب بيتكم :q

الله يعافيج

مشكوره :)

شاي الضحى يقول...

ميمه

الله يعافيج

عيل انتي صديقة امي :q

شاي الضحى يقول...

هديل

انا كل ما اروح كافيه اطلب قهوه الهوت جوكليت ما احبه وايد

بس هالايام هابه فيه :)


الله يعافيج

شاي الضحى يقول...

البطه

اي هالكافيه رحت له ما حبيته

الظاهر من البرد اعجبج هههههههه

الله يعافيج

شكرا :)

looleta-8 يقول...

احلى هوت جوكلت جربته لي الحين هو:
حليب كي دي دي بالشوكولاته تصخنونة وبالعافية

شاي الضحى يقول...

لوليتا

ويه صج هذا يتصخن؟!

مادري ليش احس بس يصلح بارد

الله يعافيج

وشكرا :)

رورو الشخبوطه يقول...

وانتي من اهله :)

شفت p.s.I love you

صارلي فتره انطره ..

وع طاري الهوت جوكلت والحر انا مره شربته بالشتا هالسنه خو ماحاشنا البرد الا يومين وع حظي ماكان في برد بس كنت مشتيه لابسه بلوفر بورقبه وسكارف واي لاتشوفيني فطست انسدحت ع الكرسي خخخ..

ومال كاريبوا كل مره طعمه غير مره خفيف مره ثقيل الخ بس احلى من مال ستار بكس..

العفو سويتي :)

شاي الضحى يقول...

رورو

ما اعرف حلو؟!

وي ههههههههههه عيل خستي

انا جذي لما طلعت مت من الحر تخيلي انزل السوق اتمشى وارد واهوا حاااااااااااار ما صار بارد من الجو

مال كاريبو جربته مره ما عجبني ثقيل

:)

Hopeless Sight يقول...

بالعافية ان شاءالله :)
بالنسبة لي ما أشرب هوت شوكلت و لا مرة طلبته ;p أحسه ثقيل ، حدي موكا و لازم حارة مو باردة لأن ما أحب القهوة و الحليب يكونون باردين .

شاي الضحى يقول...

هوبليس

الله يعافيج

الموكا الحاره جربتها وايد بس ما حبيتها مادري ليش اطلبها هههههه

:)

5/4 يقول...

عليج بالعالفية

انا الوحيد اللي جربته مال مكدونالدز وطمعه زفر

البحث جاري لحد الآن.......

نمووول يقول...

النمل هااا ..
جربت مرة اسوي صناعة منزلية بس التجربة فشلت ,,

احلى هوت جوكلت مال ستاربكس عجييب ..

شكراً

شاي الضحى يقول...

5/4

الله يعافيج

وع زفر عاد ... توني ادري ماكدونالدز عندهم بعد

دوري وقوليلي :)

شاي الضحى يقول...

نمووول

وييه يبت طاري النمل وياني عميد العائله هههههههه

اتوقع ما يطلع منك شي بالطبخ :q

ما جربته كله اطلب قهوة

عفوا :)

غير معرف يقول...

احلى هوت ملك جوكليت مال قلوريا كافيه

تلقونه بسوق شرق اتوقع جبال مركز سلطان او دبنهامز

>>>> مادري مضيعه

وهالكافيه مافيه زود الا الملك جوكليت الحار طبعا

Her يقول...

wow shakla 7elo 3aleach bel3afya w ur mug 7ada cute:D

شاي الضحى يقول...

غير معرف

اي اعرف هالكافيه بس ولا مره جربته

ويه حتى انا نسيت هههههه اتوقع يم ديبنهامز

مشكوره :) 

شاي الضحى يقول...

هير

الله يعافيج

اي اكيد كيوت لان على فيوووولي :q

cheese 7cake يقول...
أزال المؤلف هذا التعليق.
cheese 7cake يقول...

الله شكلة يشوق بس طعمه ماادري

عليج بالعافيه

انا اهنيه مااشرب هوت شوكلت الا بالشتا بس او اذا سافرت دول بارده لانه يعطي اينيرجي .

افضل هوت شوكلت (ايتالين )

شاي الضحى يقول...

جيز كيك

الله يعافيج

اي اهوا حلاته بالبرد والايتاليان احلى شي :)

Made n Q8 يقول...

احب الهوت جوكليت وعيزت ادور على هوت جوكليت اييب راسي ماكو ..احلى شي جربته كان بره الكويت مو هني

وعلييكم بالعافية

شاي الضحى يقول...

ميد

انا ما احبه بس ساعات اشتهيه

واحلى شي جربته من كافيه بتلرز

وجوكليت بار والحين هذا

:)

الله يعافيج

لعيا يقول...

احلى هوت جوكليت ذقته بحياتي :
godiva - london
بس مادري ليش اللي اهني مايسوون

وحتى هوت جوكليت كوستا حلو بس طلبيه مع فليك فليفر

وبالنسبة حق اللي انا اسويه :
-حليب
-كاكاو بودرة كادبري
او حمام مائي آآروو
-كريمة سائلة kdd
-رشة فانيلا سائلة
- شكر حق اللي يحبون الحلات الزايدة
وتسخنينهم ، تالي تحطين عالتوب مارشملو او ويب كريم او رشة كاكاو بودرة

وقواج الله يا بنية :)

شاي الضحى يقول...

لعيا

ما جربت الي عند كوستا اتوقع حلو مع فليك :)


ومشكووووره على الوصفه ان شاءالله اجربها

حياج الله :)

ansam518 يقول...

a7la hot chocolate sharabta eb ma6a3im el Kuwait in PQ

http://www.lepainquotidien.com/

شاي الضحى يقول...

انسام

تصدقين هالكافيه وايد قالولي انه حلو

بس ولا مره جربته

مشكوره :)