للمره المليون اخذ موعد عند كازا سبا واكنسل
كل مره يطلع لي شي واكنسل الموعد :(
امس قلت خلاص بدق وباخذ موعد
وما كان عندهم الا الساعه 5:30 بس ما خذيته لان وقت المباراه
سبا ودلع وراحه ... ومباراه وصراخ واعصاب ما ينفع ههههه
المهم خذيت موعد اليوم الصبح الساعه 10:30
تأخروا شوي لانهم ضيعوا البيت
اول ما دشت اصدمتني جنها مهاجره مع قشها ما شاءالله هههههه
زهبت الطاوله وحطت القش والشمع
وما يبقه ورده وصخره ما حطتهم بالطاوله هههههه
وما صورت كل شي
هذا الماي حق ايدي
سويت بس بديكير ومينيكير قلت بجرب للمره الاولى
وعندهم انواع وايد انا اخترت
سوفت بلوسوم
وحطت لي سنفره لريولي وايدي ولفتهم بفوطه حاره
وبعدها كريم ولفتهم بنايلون وفوطه حاره
وجهاز مساج للريل
ولما خلصت من ريلي لبستني النعال (وانتوا بكرامه) مالتهم
ولما خلصت من ريلي لبستني النعال (وانتوا بكرامه) مالتهم
ومعاها مسجلتها مشغله موسيقى حسيت نفسي بسبا صجي
وسوت لي جاي اخضر
وطبعا الماي الحار يايبته معاها
تحسون صج متزهبين ما يطلبون منكم اي شي
الا الماي حق الريل والايد
ولما خلصنه عقب ساعه وشي عطتني تفاحه خضرا
وااايد حبيته وان شاءالله بجرب اشياء ثانيه
الي سوت لي اسمها: لـــين
وعطتني كرت اذا سويت 5 مرات المره السادسه مجانا
بس لازم يكون كله عند لين اذا وحده ثانيه كرت يديد
عقب ما خلصت شالت قشها وردت كل شي مكانه
والمكان نظيف جنه ما كان فيه هاللويه
يحليلها كانت خوش وحده
لما خلصت حسيت اني بنااااااااااااااام
بس بعد ما اطلعت رحت غسلت الماعين والهدوم
اهي اهي اهي :(
وراح دلع السبا ههههههه
تليفون: 66889233
هناك 20 تعليقًا:
نعيما
بس ماقلتي جم كلف
مفكرة افاجئ اختي النفاس وباين حلو
على فكرة تو اكتشف في بلوق جاي الضحى
انا وياج نفس الاسم :s
ولو انا يديدة http://chayal-tha7a.blogspot.com/
تقبلي مروري كل الشكر
نعيما ..
Hehehe ee lazim 3ogob hathi ilkhadraa teyey:P
bil3afyaaa:D
فكرة السبا باكويت مو داشة بالي
لا للحريم ولا للرجال
:)
مشالله شغلهم حلو
عااد مسيفه اسمهم عندي قلت بجربهم على يووم
علييج بالعافية
ما شاء الله يهبل!!
حدة يبيلة !! مشكورة حطيتي عنه عشان
نعرفة وايد حبيتة.
عليج بألف عافيه انشاء الله
شكله وايد وايد حلو بجربه انشاء الله
وثانكيو وايد
** ياحلات المعاريس اللي يسوون سبا
حبيبتي عليج بالعافية انشالله بس نصيحه
لاتاكلين و تشربين اي شي من اي احد ديري بالج لاتخذج حسن النية بالناس
مره ثانية زهبي تفاحتج الخضرا و الجاي اللي تحبينه ترى الدنيا تغيرت و الناس الحين مالهم امان
وناسة
عليج بألف عافية
عالأقل بالبيت تاخذين راحتج... تنامين ههههه
أنا بس أبدأ بدكير ومنكير أحس إنس نعسانة.
بيبي
الي انا مختارته بـ ١٧
حياج الله سميتي :)
رورو
الله ينعم بحالج :)
بنت الكويت
الله يعافيج :)
فرانكوم
اغلبهم يكونون صالونات بس مسوين نفسهم سبا
بس في بعضهم لا سـبــا
الرجال عاد مادري
بعد بالكويت ما ينفع سبا بجزيره وبحر وهدوء وزرع هههه
ميد
الله يعافيج :)
ساره
العفو :)
كاندي
الله يعافيج
:)
ميمه
الله يعافيج :)
لا تخرعيني هههههه
حنان
الله يعافيج :)
اي وايد اريح حتى من الزحمه وتطلعين ولويه
اينننن جربته برمضان اللي طاف وااااااااايد حلو
chatter
اي والله شغلهم حلو :)
إرسال تعليق