ليش كاريبو وستاربكس وسكند كب ما يوصلون؟
ذاك اليوم كنت تعبانه وابي قهوه مالي خلق اسويلي بمكينتي الحبيبه
بطلت طلبات ماكو غير كوفي ريبابلك
وشفت عندهم توفي نت لاتيه
استانست وطلبته
طلع فاااااشل جدا
ما ينشرب
وفيه طعم غريب مو حلو
وطلبت جيزكيك فراوله
وما فيها فراوله بس الصلصه
ومو حلوه :(
تجربه لن تتكرر
هناك 18 تعليقًا:
كاريبو يوصل بالمناطق الي موجود فيها
دودو
اي ادري قبل ببيت امي كنت كله اطلب منهم
الحين ما عندنه كاريبو بس يمنا
بدق عليهم اذا مالي خلق وبشوف يوصلون او لا
وي عاد توقعته حلوو ..
عموما بالعافيه يارب :\
صاجه dodo
كاريبو احلى كافيه
بس حلة انج جربتي شي جديد حتى لو كان فاشل اسمها تجربه
عليج بالعافية
رورو
لا يلوع الجبد :(
الله يعافيج بس على شنو ههههه
بصمه
اكثر شي احبه كاريبو للمشروبات الحاره بس البارد ماكو على ستاربكس
ريبابلك كله اجرب سوالف الي بالكاكاو فريرو وربعه بس ثقيل ويغث
واول مره اجرب هذا ولوع جبدي ما ينشرب
:)
عاد هالكافيه توه مبطلينه بالاداب وكيكهم حلو بس ما جربت الجيز كيك
جبي القرع والجزر لذيذين
حنان
القرع والجزر مجربتهم اهما نفسهم من محل كاراميل الي ببنيد القار وكتبت عنهم من قبل
بس ما اعجبوني مووووو حلوين :(
كاريبو يوصل بس مو رسمي
ماعنده سيايير توصيل
مرة طلبنا منه ولا ياي اباص مواصلات لووول والقهوة ابردت وقطيناها :/
وعلى مكينة القهوة
خذينالنا وحدة من 360، استانسنا عليها صغيرونة وسهلة وبسيطة وتسوي النوع الي تبينه اسبريسو لاتيه كابتشينو، ومندوبهم يعلمج عليها، والقهوة من عندهم كبسولات جاهزة بس الي عليج الحليب والsyrap اذا تبين من ستار بكس ..
وسلامتج :)
بوك مارك
لووووووول مسكين ياي بباص مواصلات
خل يحطون سياكل ويفكون عمرهم
اي اعرفها مكينة نسبريسو مجربتها
بس فيها عيب الكبسولات لازم منهم هذا الي ما حبيته فيها
ابي احط القهوه الي ابيها احسن من اني اشرب كل يوم نفس الشي ونفس الطعم
صرااحة ماجربته
خلاص حطيت علييه اكس من بعد تجربتج لول
بنك
ما انصح فيه :)
أنا كله أطلب منهم كندر بوينو جربيه واااااايد حلو
صباح الخير :)
عن نفسي ما أحب أطلب الأشياء الحارة في البيت أو أي مكان توصيل لأن تبرد :)
بس صج شكله تجربة فاشلة :)
أعرف هل شعور لما أشتهي شيء حار لازم أشرب :)
وإلا أظل مشتهية :)
يسلمو :)
صباح الخير
احنا مره بالدوام طلبنا ريوق منهم
كلش ما عجبني :<
لهدرجه ماكان الطعم مقبول !
ههههه عذراً ! بس حسيته لذيذ !!
باي ذا وي .... مدونتج رائعه ^^
صاجة قهوته مو لهناك بس الملك شيك كند روعة السموذي حلو عندهم بس الهوت درنك لا مو ذاك الزود و بكل الحالت انا احس انه في سعرات حرارية عالية فما اطلبة منه الا باوقات متباعدة الكندر حلو انصحج تجربينه
عاد حلاته المشروبات الساخنة تنشرب بوقتها ما احسها للتوصيل كلش :)
عموماً انا ما احب قهوة كوفي ريببلك بعد
إرسال تعليق