الخميس، 4 فبراير 2010

سؤال سريع!

ليش لما نروح مطعم (اي مطعم) ونكون مندمجين بالأكل ايي الجارسون او المدير ويقول:

كل شي اوكي؟ الأكل اوكي؟

واحنا بس نهز راسنه يعني اوكي لان ما نقدر نتكلم والأكل بحلجنه !

ليش ما يسألون لما نكون مو قاعدين ناكل مو اول ما نحط اللقمه اييون؟

أتوقع هذي مؤامره منهم عشان غصباً علينه نقول اوكي مانقدر نرد هههههههههههه

هناك 14 تعليقًا:

Slashy يقول...

أمس كنا أنا مع فشه في جوني روكيتس وأنا كل الأكل بحلجي ما أقدر حتى أتنفس من الطفاقه مو ماكله غدا

وله إيي طاير "كل شي أوكي؟"

وأنا حييل أهز بالرقبه يعني روووح

المصيبه لي تبين تغيرين البيبسي مثلا يايبين لج دايت وإنتي تبين عادي, ما إييوون بس لمن ما تبينهم إيييون

وشوفيهم حزة لمن تطولين والصحن شوي فيه يعني.. إنزين كيفي بقعد بسولف ماني قايمه!

إيي يحوس يمي يعني قولي لي تبين الفاتورة :/

bokeh of magic * يقول...

ههمههههههههه ايي والله ملاحظه حلووة اول مرة اكتشف هالشي !!
يمة منهم حتى على هالشي ناصبين عليناا P:

شاي الضحى يقول...

5/4

لوووووووول خلونه نصير نعام :q

ابيخ شي لما تكونين قاعده تاكلين برجر ما تترقع كلش ههههههههه

البيبسي ما لاحظت

اي صح يحنون عشان تقومين بس اذا تبين تنادين احد ما تلقين ولا واحد صوبج يحروووون

شاي الضحى يقول...

Being One

هههههههههه يمكن مو صج بس انا اتوقع جذي :q

Engineer A يقول...

لووووووووول

اي والله عاد انا هذي الحركة اللي ما احبها منهم!!

احس باغص باللقمة بسبتهم :)

DoDoq8 يقول...

لا عادي مو شرط ماصادفتني

ايوون لي لمه اكون خلصت لقمتي وكليت

يعني يالله دفعو الحساب

واذا كنا قاعدين ناكل على الاقل لازم واحد فينا يرد

شاي الضحى يقول...

ENG

ما تقدرين حتى تبطلين حلجج والمشكله انهم يدرون انج قاعده تاكلين بس لازم اييون ويسألون

شاي الضحى يقول...

دودو

انا ما صادفني انهم اييون عقب ما نخلص كله واحنا ناكل وكل المطاعم الي اروح لها

LO NAN JO يقول...

فعلا معاك حق..

لما كنت ببريطانيا كان الجرسون مايمر الا لما نذوق الأكل ويبقى شوي يجي يسألنا عن الوجبه ويشوف نبي سويت ولا لا؟؟

رورو الشخبوطه يقول...

السلام..

خخ مي تو تصير فيني هالحركة والعن بفرايدز يطلون بصحني و ياخذونه ساعات ماخليهم :\

ومره يابولنا الفاتوره ومعاه ورقة التقيمم بس قديمه في ناس حلينها قبلنا احنا دفعنا وماهمنا بس القارسون قراها وانتبه انه ذامينهم فيها خخ جان يعفس ويهه ..

:\

ومرسي..

شاي الضحى يقول...

لو نان

اهني اول ما يحطون الاكل وتبدين تاكلين اييون يسألونج

شاي الضحى يقول...

رورو

يحنون جنج قاعده على قلبهم

والتقييم كله اذمهم فيه :q

militco يقول...

خذيتي مني عقدة المؤامرات( هذي العقدة مخصوصة للدوري الإيطالي ههههه)

صارت لي اليوم تغديت بفرايديز نفس الحركة وانا آكل يجيني الجرسون ويقولي

عاوز حاقه يا افندم وماخلصنا ياني مره ثانية ههههههه.

والله حالة يغثوني عدل انا بروحي بالي قصير:).

شاي الضحى يقول...

ميليتكو

همممممم والله معرفش ولا اعرف شي عن الدوري الإيطالي الا ان اهوا بإيطاليا !!!!!!

وايد يغثون اهما عبالهم ان هذا شي زين