الثلاثاء، 16 فبراير 2010

فوندو كيك

من قبل كنت مسويه مولتن كيك

وهذي طريقتها

كانت زينه بس الفوندو اطعم منها

المقادير:
3 بيضات
40 جرام طحين
60 جرام سكر
1 ملعقة صغيره فانيلا
90 جرام زبده
180 جرام شوكولاته دارك
آيس كريم فانيلا



الطريقة:

نخلط باليد طحين + سكر + 3 بيضات


إلى ان يتماسك


نذوب الكاكاو مع الزبده بحمام مائي


نضيف الكاكاو على الخليط ونخلطهم باليد بشكل خفيف


نضيف الفانيلا ونخلطهم لمدة 10 ثواني


ندهن الماعون بالزبده

ملاحظه: خلوا شويه من الزبده حق الدهان


نصب الخليط في المواعين


وما نترسه


ندخل الكيكه داخل الفرن لمدة 10 - 15 دقيقه

ملاحظه: الفرن يكون مبطل من اول ما تحظرون المقادير


وبالعافيه

هذي سويتها قبل لا تسافر زعفرانه بساعات

خليتها تحلي قبل لا تسافر ههههههه

الطريقه خذيتها من أحد المطاعم في الكويت

هناك 27 تعليقًا:

رورو الشخبوطه يقول...

يمي يمي..

شكلها لذيذ ومضبوطة..

بالعافيه وتسلم ايدج يارب..

والله يرد لكم ززو بالسلامه ان شاءالله..

مشكوره..

شاي الضحى يقول...

رورو

اي كانت لذيذه وايد :)

الله يعافيج ويسلمج

آمين يارب


العفو ... حياج الله :>

قارئه فـ حسب,, يقول...

وااو يميي

رووعه اموت عالشوكليت

خصوصا المولتين و الفوندو

تسلم ايدج و ان شاء الله بسويها..~

^_^

Unknown يقول...

يعطيج العافيه شاي الضحى

شكلها يبيله الواحد يوصي يسووله :-)

بس أحلى شي إنج حاطه بالمدونة NoSugar والمقادير 60 غرام سكر هههههههههه

تسلم إيدج ع الكيكه

غير معرف يقول...

يعطيج العافية ..بس ممكن أعرف كل جرام كم يعادل لقلاص جبن كرافت الصغير؟ :p
حدي عليمية بالجرامات و مااعرف

DoDoq8 يقول...

عاشت عاشت طباختنا الحين انا شريت مقادير الاوريو وماسويتها جنه هاذي احلى ;)


تسلم ايدج

DoDoq8 يقول...

عاشت عاشت طباختنا الحين انا شريت مقادير الاوريو وماسويتها جنه هاذي احلى ;)


تسلم ايدج

joe يقول...

اتوقع احلى من مالت جوكلت بار صج صج شكلها يمي حتى بطني يشهد لوول

اليوم العصر لازم اسويها يا انا ماكلها او اهيه تاكلني لول

ماجربتي مع ايس كرييم ؟

يعطيج الف عافيه

شاي الضحى يقول...

سارونه

الله يسلمج حبيبتي :)


شكرا :>

شاي الضحى يقول...

ابوفلان

الله يعافيك اخوي

وليش مو انت الي تسويها؟ ما يصير كله يسوون لك سهله ما يبيلها شي

شنو المشكله بالصوره؟!

مو كل الي اسويه يعني باكله كله! واعتقد الشكر مره بالشهر ما يضر :)

واذا ماتبي الشكر تقدر تغير كاكاو الدارك وتحط بالحليب بس ما يصير لذيذ

الله يسلمك

مشكور :>

شاي الضحى يقول...

حنان

الله يعافيج :)

همممممم والله ماعندي فكره

لاني احط المقادير بالميزان الي يقيس الجرامات مال الأكل

شاي الضحى يقول...

دودو

لوووول ليلحين ما سويتيها

كلهم حلوين وكل وحده لها حلاتها ... بس هذي سريعه وما تاخذ وقت وتسوينها وتاكلينها بنفس الوقت

اذا سويتي الجيز كيك حطيها ببلوقج بشوف الصور :q


الله يسلمج :)

شكرا

شاي الضحى يقول...

المباركيه

بطنك اشدراه؟ ههههههههه

اكلها قبل لا تاكلك :q

امبله حطينه معاها آيس كريم يحليها اكثر

الله يعافيك اخوي

مشكور :>

lil.D يقول...

Sound soooooooo Yummy and So easy :D
I would love to try it
=) But it has huge calories!

love what u do to your sister ^___^
allah ye5aleekum le b3'9

Engineer A يقول...

والله شكلها لذيذ :)

عليكم بالعافية

شاي الضحى يقول...

lil

اي اهيا وايد سهله وسريعه

عادي صغيرونه ومره وحده ما تأثر :q

امين مشكوره :)

شاي الضحى يقول...

ENG

الله يعافيج :)


شكرا

Frankom يقول...

شكلي بوقف رجيم الى الابد من هالبوستات
:)

شاي الضحى يقول...

فرانكوم

وانت على طريف؟!

هذا البوست مو لك ههههههههههه

يالله كمل رجيمك


ولا اقولك وحده بالشهر ما تضرك :q

mazyona يقول...

مشاءالله عليج
بالحلو تبدعين
لازم تذوقينا على يوم

شاي الضحى يقول...

مزيونه

هذا الي فالحه فيه لوووول

بس يالله العوض ولا القطيعه :q

افا عليج مو بس يوم كل يوم اسويلج شي :)

Crazy Girl in aGood Way يقول...

تسلم ايدج وعليكم بالعافيه ...


ماتعزميني على جم طبق حلو اذا رجعت الكويت ؟؟؟؟؟

احب الحلو بس اخاف اسويه وبعدها مااطلع من الباب ههههههههه

شكرا حبوبه

شاي الضحى يقول...

كريزي

الله يسلمج ويعافيج :)

افا عليج كل يوم اسويلج شي

لوووول ليش؟ لا تسوين كل يوم مره بالشهر :q

العفو حياج الله :>

جاردينيا 2000 يقول...

وي ماعندي ميزان القرامات =(
انزين هذي الكيكه لما اتقصينها يسيح الككاو الي بداخلها ..اموت عليها
شكرا

شاي الضحى يقول...

جاردينيا

المشكله اني ما اعرف مقاديرها بالاكواب او الملاعق

لاني خذيتها بالضبط بالجرامات وعندي الميزان فعشان جذي ما اعرف جم بالضبط

اي دار مدار الصحن تكون طبقه ضعيفه من الكيك وبالنص كاكاو ذايب :)

لازم تجربينها لذيذه

عفوا

حياج الله :>

فاطمة عبدالمحسن يقول...

باين لذيذة .. بجربها

Haifa... يقول...

يمي يمي روعه ..
وعليكم بالعافيه ..

بجربها هاليومين ..