الثلاثاء، 23 فبراير 2010

صباح الغبار

صارلي دهر مو فازعه من الصبح خبري بقعدة الصبح ايام الجامعه

اليوم قعدت من النوم الساعه 6 وعلى ما قمت غسلت وبدلت رحت طبيب الأسنان

لما طلعت الجو كله ضباب على غبار مادري شلون صاير

بعد ما خلصت من الطبيب ركبت سيارتي وحسيت بخشمي بده يسكر من الغبره

على ما وصلت البيت الا حدي مختنقه من الغبار لأن فيني ربو

لما دشيت البيت ما قدرت اتحمل خشمي تسكر واختنقت

على طول امي راحت يابت ألعابي (الكمام) وركبت كل شي وحطيته وانا متملله

اوووف رديت عليه عاد صارلي جم شهر ما استخدمته لاني ما اطلع بالغبار

بس لما اخلص منه اييني شعور حلو اني قمت اتنفس نفس الناس ههههههه

شوفوا القراده لما صار عندي موعد وطلعت الجو اعتفس وغبر

كل يوم قاعده بالبيت ماعندي شي والجو يهبل

هناك 30 تعليقًا:

BookMark يقول...

وي حظج عاد اليوم الي اعتفس الجو

سلامتج ماتشوفين شر

احنا قاعدين بالدوام وانطل كل شوي ننطر يطيح الغبار (الي يقول بنطلع)

صباح الغبار :)

شاي الضحى يقول...

بوك مارك

اي شفتي شلون :(

الله يسلمج والشر ماييج :)

سمعت قبل شوي بالأخبار قالوا انه راح يخف الظهر ان شاءالله على طلعتكم يصفى الجو

صباح النووور :>

Unknown يقول...

الله يعينكم يا أهل الربو على جو الكويت

والله يفكنا من الغبار هالسنه بالصيف

أسأل الله العظيم رب العرش الكريم أن يشفيك

mazyona يقول...

سلامات ما تشوفين شر

رورو الشخبوطه يقول...

وي سلامات ماتشوفين شر يارب..

احنا الدوام لويه وغبار داخل وبرا..

اشوه طلعنا مبجر بس ماقدرت اطلع اتمشى :\

ميمة السبيت يقول...

** سلامات ماتشوفين شر يالغالية

خدمات البحث العلمي يقول...

ماتشوفين شر

بصراحه اللي فيه ربو عذااب

الله يعينك ويشفيك

شاي الضحى يقول...

ابوفلان

الحمدلله على كل حال

انا من الحين احاتي وقت السرايات اكثر وقت يتعبني

تهقى اهاجر؟ ههههههه بدور لي دوله مافيها غبار ولا رطوبه

آمين ويشفي مرضى المسلمين

مشكور اخوي :>

شاي الضحى يقول...

مزيونه

الشر ماييج حبيبتي :)

مشكوره

شاي الضحى يقول...

رورو

الله يسلمج والشر ماييج

اي اشوه اليوم دوامج قصير جنهم حاسين ان الجو بغبر هههههه

لا وين تطلعين بهالجو .. باجر ان شاءالله اذا تعدل طلعي

مشكوره :>

شاي الضحى يقول...

ميمه

الله يسلمج والشر ماييج


مشكوره :>

شاي الضحى يقول...

مبدعه

الشر ماييج

اي والله خاصه بهالجو .. الحمدلله :)

آمين

مشكوره :>

Hadeel يقول...

سلامتج .. وما تشوفين شر

في شغلة صغيرة ^^
بموضوع (فيولي) توني أشوف ردج على تعليقي ..
ما أدري .. حسيتج تضايقتي
عسى ما خذيتي على خاطرج بس؟
أعتذر .. الظاهر كلمتي ما كانت بمحلها وضايقتج..
ما كنت أقصد..

Hope يقول...

وييي
سلامات ما تشوفين شر ان شاء الله

كوكتيل يقول...

سلامات ماتشوفين شر إن شاء الله

خيرة إن شاء الله تعوضينها بطلعة حلوة قريب يايتنا عطلة حلوة إن شاء الله

شاي الضحى يقول...

she is me

الله يسلمج والشر ماييج :)

بالعكس ما تضايقت ولا شي بالعكس اخذي راحتج وقولي الي تبينه

وانا متضايقه من وضع الديره مو من الكلام الي قلتيه ... يمكن اذا تخرجتي ان شاءالله راح تحسين بكلامي وتعرفين قصدي :)

مشكوره حبيبتي :>

شاي الضحى يقول...

هوب

الله يسلمج والشر ماييج


مشكوره :)

شاي الضحى يقول...

كوكتيل

الله يسلمج والشر ماييج :)


ويييين اي عطله قصدج حكره هههههههه منو يقدر يطلع والدنيا بره كلها فوم :q


مشكوره :>

ms.sms يقول...

اييييه ياشاي الضحى ..
ربي ياجرج ..
حاسه فيج ..

حتى انا قعده في البيت اليوم طلعت الصبح واختنقت ..
رديت البيت
وفيني طلعه (:
استمتعي بشوفة موفي بقراءة كتاب

الله ياجرج مره ثانيه

شاي الضحى يقول...

sms

وييه طلعتي نفس حالتي ... ان شاءالله باجر يتعدل الجو وتطلعين

هذا الي قاعد يصير :)

مشكوره :>

Crazy Girl in aGood Way يقول...

مرة ثانيه جيكي على الجو بالنشره الجويه قبل تطلعين ..

دام الطلعه راح تطلع من جبدج :(

وماتشوفين شر حبيبتي

شاي الضحى يقول...

كريزي

المشكله ان لما طلعت مو غبار بعدين صار غبار وكنت لازم اروح الطبيب

الشر ماييج :)


مشكوره :>

غير معرف يقول...

تدرين أنا العكس !!
إذا صار غبار خشمي يصير أحسن
اللي قاعد يصير وياي ظاهرة تستحق الدراسة :)

شاي الضحى يقول...

غير معرف

!!

حتى الي مافيهم ربو بالغبار يختنقون

غريبه .. لا تحسدين نفسج ان شاءالله دوم خشمج احسن ياينه الغبار الي اكثر من هذا

اي والله تستحق الدراسه هههههه :)

Reem يقول...

سلامات ماتشوفين شر
الجو المغبر والهوا يعفسون الواحد
الله يعين

شاي الضحى يقول...

ريم

الله يسلمج والشر ماييج


بعد هذا جونه الله يعينه عليه

مشكوره :>

ثلجيّة القلب والأقراط .، يقول...

أشوه اني باجر رايحه دبي :×
معنه هم الجو اهناك رطوبه بس اهون من الغبار الي عندنا لـول ،
يالله إنشالله الجو يتعدل لكم بهالعطله :×
و ما تشوفين شر يا حلوه ^^ ..

شاي الضحى يقول...

ثلجيه

تروحين وتردين بالسلامه

ان شاءالله :)

الشر ماييج

مشكوره :>

NOIR يقول...

مـــــــــااجـــــــــووره يا بعد عمري

و الله اني اكتب لج و اكح:(
كلش و لا انتي عااد!
منو ايبلنا الاخبار

عسى الله يزيدج صحه و عافيه قولي اميــــن:*

شاي الضحى يقول...

NOIR

سلامتج .. اليوم بعد غبار الله يعينه

ماني فاجه الباب

هالأيام ماكو اخبار لما يتعدل الجو يالله اطلع

آمين يارب العالمين وتروح عنج الكحه ان شاءالله :)


مشكوره :>