الثلاثاء، 16 فبراير 2010

Cinema

اليوم رحت فلم The spy next door

قصة الفلم باختصار

بوب جاسوس سابق كان يعمل في وكالة المخابرات المركزية والذي تسند له أصعب مهمة حتى الآن ، حيث انه يعتني باطفال صديقته الثلاثة. ولكن عندما يقوم احد الاولاد وبالخطأ تنزيل برنامج ذات سرية عاليه، مما يتسبب بان يقوم احد اعداء بوب وهو إرهابي روسي بزيارة الأسرة.

الفلم اكشين كوميدي وايد استانست عليه ... لازم تروحون له

---------------------------------------------------

الفلم الثاني My Name is Khan

شفت دعايته بالسينما والمفروض انه ينعرض هالشهر (فبراير)

وبسايت السينما مو كاتبين متى ينزل مشوقني شكله حلو


الموضوع الرئيسي للفلم: التمييز ضد المسلمين و قصة حب

أبطال الفيلم: شاروخ خان وكاجول

قصة الفيلم: تدور احداث القصة من خلال أحداث 11 / سبتمبر 2001 وضرب برج التجارة العالمي في نيويورك، ويحكي الفيلم قصة رجل مسلم اسمه رضوان (شاروخ خان) يعيش في الولايات المتحدة الأمريكية مع زوجته (كاجول) والصعوبات التي يجدها بعد هذه الأحداث الارهابية، خاصة وانه يعاني من مرض التوحد وهو ما يجعله انطوائي وغريب بالتصرفات التي ستثير شكوك السلطات الأمريكية وتدخله في متاهات مع السلطات، وهناك سيناريو يقوم على سوء الفهم الذي يهدف لإدانة الخلط بين الإرهاب والإسلام، سيناريو الفيلم سوف يعتمد على قصة حقيقية.

Trailer

المصدر

---------------------------------------------------

وآخر فلم بتكلم عنه اهوا Alice in the Wonderland


المفروض ينزل في 5 مارس في أغلب الدول .. اتوقع بالكويت ينزل 4 مارس

وسايت السينما بعد مو كاتبين متى ينزل .. واحلى شي انه راح يكون 3D

قصة الفلم: تعود أليس بعد بلوغها سنّ المراهقة إلى وندرلاند التي سبق أن زارتها عندما كانت طفلة صغيرة، فتجتمع مجدداً بالشخصيات المألوفة التي تسكن هذا العالم الساحر.


هناك 34 تعليقًا:

DoDoq8 يقول...

لوول اليوم انا بعد رحت فلم جااك شان بالفنار وكان زحمه تقريبا

وصج الفلم الهندي لازم اروح له عجبني وحسيته حلو

:)

Reem يقول...

فلم جاكي شان ما عجبني مافيه قصه والسيناريو متوقع يعني قبل لا تصير اللقطه انتي عارفتها.. انا قعدت اطالع ويهه "الكبر شين" وافكر اذا هو نفسه اللي يسوي اللقطات الصعبه ولا ممثل ثاني، امم فلم "اليس"اتوقع انه حلو

شاي الضحى يقول...

دودو

اكيد بكل سينما اليوم كان زحمه :)

عيب الفلم لوية اليهال مسوين ازعاج

اي قصته حلوه مادري متى ينزل

شاي الضحى يقول...

ريم

قصه انتي عارفه نهايتها بس بشكل عام الفلم كان يونس وضحكني

اي كبر وعليه بس ما شاءالله عليه فيه حيل .. وهم الله يعافي الحبل لوول

افلام ديزني اكيد حلوه :)

رورو الشخبوطه يقول...

السلام..

اشوه عجبج مال جاكي شان..

وشكله مال شاروخان حلوه بروح له ان شاءالله..

مشكوره خيتو..

شاي الضحى يقول...

رورو

اي اشوه بعد ما الغو عرض الثاني هههههه

عاد تدرين قالولي ان الثاني مو حلو قلت اشوه الغوه

اي شكله عجيب ناطرته :)

العفو حياج الله :>

Princess Sarah يقول...

بحب السيما !

شوقتيني على فلم جاكي شان

بس اللي صج صج صج ناطرته !! فلم شاروخ :) من زمااان قارية عنه بالجريدة و ناطرته ينزل ...

و اليس في بلاد العجائب
هم على اللستة

يعطيج العافية :)
تحية

:

mazyona يقول...

أنا حسيت ان فيلم جاكشان مو ذاك القوة
كان عادي
بس أتوقع فيلم شاروخان حلو
اما اليس في بلاد العجايب مو من ستايلي
مشكووووورة

قارئه فـ حسب,, يقول...

يا سلام على فلم شاروخ عجييييييب

و اليس بعد يشوق

تسلمين

و فلم جاكي قالولي عنه مال يهال و قصته معيودة..~

^_^

joe يقول...

بغيت اروح فلم ذا سباي نكست دور
بس قالولي لاتروح له لأنه افلام جاكي شان مو نفس قبل الحين صار كبير ومافيه شده على الركض لوول شكو

شاي الضحى يقول...

سوبر

ما شاءالله كلكم ناطرين شارخ خان

بس صج شكل الفلم قوي :)

الله يعافيج :)

شاي الضحى يقول...

مزيونه

الفلم مو قوي القصه معروفه .. بس يونس :)

انا بعد اتوقع حلو

ما تحبين افلام ديزني؟ عاد احلى شي :)

العفو :)

شاي الضحى يقول...

المباركيه

هههههههههههه

وعليه راحت عليه قاموا يربطونه بحبال الحين عشان يطير :q

شاي الضحى يقول...

سارونه

اليس ناطرته من زمان حده مشوقني

وشاروخ خان لما قريت قصته شوقني اكثر من الدعايه

مو مال يهال .. اهوا فلم عائلي حق الكل :)

daloo3a يقول...

الله شكلهن الافلااااااام كشخه

و الفلم الهندي شدني اكثر شي

و بذات البطل خخخخ ^^


و تعيبني افلاام جاكي وااايد

ميمة السبيت يقول...

** انا مثلج رحت فلم جاكي شان وايد حلو و ناطرة فلم شارووخ

و ريلي لاجني بأليس عشان اهو يحب جووني دب

bent el deera يقول...

مشكوره على التقرير... انا واختي ناطرين جوني ديب ذبحتني من الحنه جن الفيلم بينزل بكيفي هههههه :>

شاي الضحى يقول...

دلووعه

عشان القصه ولا عشان البطل؟ لوووول

شاي الضحى يقول...

ميمه

اي انا عجبني انه يونس مو مليق :)

ههههههه لا انا ناطريته لاني احب افلام ديزني :)

شاي الضحى يقول...

بنت الديره

العفو :) ... لووووول

والسينما مليقين مو ماكتبين شي عن الفلم ولا متى راح ينزل

Engineer A يقول...

يعطيج العافية

انا متشوقة اروح اليس في بلاد العجائب :)

ناطرة بس يحطون متى ينزل .. وهم شكل فيلم اسمي خان وايد حلو مع اني مو حيل مع بوليوود :)

Made n Q8 يقول...

فيلم شاروخان مبين حلو وبعد وياه كاجول احب تمثيلهم مع بعض..

ويعطييج العافية

نمووول يقول...

عاد مفكر ادخل ولد اختي اليوم The spy next door
تنصحينا فيه ؟
جاكي افلامه هادفة وفكاهية والاسلوب الجنوبي ماله يعجبني

شكراً

شاي الضحى يقول...

ENG

الله يعافيج

ماكو الا أأجر باص وايمعكم فيه ونروح كلنه مع بعض ندش خان بعدها اليس ههههههه

خوش رحله مو؟ :)

شاي الضحى يقول...

ميد

اثنينهم تمثيلهم حلو ويضبطون كل الادوار

الله يعافيج :)

شاي الضحى يقول...

نمووول

اي انصح فيه انا عجبني يضحك ويونس :)

عفوا :)

Engineer A يقول...

لوووول


يلا ما اقول لا :)

شاي الضحى يقول...

ENG

خلاص عيل من باجر ببدي حمله لجمع التبرعات

(حساب الباص والتذاكر والبوب كون + بيبسي)

هههههههههههه

ba6alah يقول...

film kHAN shakla 7elow I might see it

شاي الضحى يقول...

بطاله

واخيرا نزل يالله احجز قبل لا يخلصون التذاكر :q

Crazy Girl in aGood Way يقول...

عليكم بالعافيه ....

احنا سبقناكم بألس :)

والهندي شكله حلو وقوي مو مثل باقي الافلام الهنديه ... بس الاكيد مايخلى من الطق والمطاقق لووووول

شكرا

شاي الضحى يقول...

الله يعافيج

صج عاد بسايتهم الرسمي كاتبين 5 مارس

وبالكويت 4 مارس

ان شاءالله اليوم بروح له وبشوف اذا حلو او لا :)

عفوا :)

AD يقول...

حطوا تاريخ عرض اليس في بلاد العجائب في الموقع وشكله صح راح يكون تحفه

شاي الضحى يقول...

AD

اي يوم الاربعا حطوا ونفس الي توقعته :)

شكله وايد حلو خاصه انه 3D


شكرا على التوضيح :)