الجمعة، 19 مارس 2010

16.3.2010

بعد ما رديت من حفلة التخرج والعشا كنت حدي تعبااااانه

وبطلت اللابتوب عشان ادز حق زعفرانه صور الحفله

لما صارت الساعه 12 بليل شغلنه اغنية

Happy Birthday

وقمنه نصفق ونغني لان صار عيد ميلاد اختي الكبيره

وانا وامي مشتطين ومطولين الأغنيه

بس هل من مجيب؟!!!!

امي راحت تشوف اختي ولا اهيا نااااااايمه لأن وراها دوام ههههههههه

جان نسكر كل شي ماكو فايده :q

صارت الساعه 9 الصبح قعدت من النوم وانا متكسره ومالي خلق ابي انام

بس قمت عشان ازهب المفاجآت

ورحت مع امي يبنه الكيكه والبلونات

طبعا قاعده اسوق وما اشوف شي وراي ههههههه


وامي ركبت هذي الزينه يونس شكلها فيها خيط تتعلق من فوق تصير جنها طايره

خذيناها من بارتي لاند


وانا جابلت الزينه وامي راحت تغير كفر فراش اختي سوينه نيو لوك لدارها


وهذي الزينه حطيتها على الستاره


(الصوره تكوكست)


وشريت لها قلب على بطريق لانها تحبهم من توب شوب

وحطيته بعلبه خربوطه شريتها بـ 100 فلس

وكنت شاريه معاه ورده خربوطه بس الظاهر الريال ما حسبها

عشان تكمل الجذبه



ولقيت هالأرنوب في بارتي لاند

فكرته وايد حلوه

بطنه بيضه تبطلونها وتحطون داخلها الهديه

عاد انا تحسفت على العلبه جان احطها داخل البيضه هههههههههه



وعقب ما رتبنه دارها وزيناها حطينه الارنوب على فراشها



وفوق فراشها البلونات



وسكرنه دارها

ودقينه عليها وقلنالها لما تطلعين من الدوام روحي الأفنيوز

قلت لها بنحتفل بعيد ميلادج بالطريقه الهنديه ههههههههههههه

طبعا اهيا ما تدري عن شي

قصينه عليها قلنالها ما سوينه لج شي عشان جذي بنطلع نتغدى

ورحنه مطعم أشاز

هذا نسيت اسمه اول مره اطلبه بس كان حلو



جوشت فاندالو



باتر جيكن



بالاو رايس



بعد ما خلصنه من الغدى جان انادي الجارسون

قلت له شب لنه الشمعه عشان اليوم عيد ميلاد اختي!

وابيكم تغنون لها

طولوا على ما ايوون وكل شوي انادي واحد واحن عليه

اخر شي اختي قالت لهم لا مابي شي بس شب الشمعه وخلاص!

جان اقوله لا ابيكم تغنووووون

وقلت حق اختي بعد عيد ميلادج لازم نحتفل



تمينه شوي ولا ايي الجارسون واييب صحون وسجينه وجم شوكه

وقال لنه عشان تقصون الكيكه !!

انا استغربت قلت ما طلبنه كيكه! !

يابوا الكيكه وقالوا حق اختي اوقفي وطفي الشمعه وقاموا يغنون لها

استانسنه على الكيكه مزينين الصحن وكاتبين اسم اختي على الصحن



واختي تقولي صوري كيكة عيد ميلادي عشان احطها بتليفوني

مسكينه عبالها هذي كيكتها هههههههههه

بعد ما كليناها وخلصنه

جان تقول امي: "يزاهم الله خير خلونه نحلي"

ههههههههههههههههههههههههههه

عاد امي تضحك

يحليلهم عطونه الكيكه ببلاش

عقبها تمشينه وتسوقنه ولما خلصنه ردينه البيت

انا شخطت وسبقت اختي

ودشيت دار امي وقعدت اطل من فتحة الباب عشان اذا دشت البيت اشوف ردت فعلها واصورها

امي اول ما شافتني جان تقول: "حشى خطة حرامي!!!"

هههههههههههههه

بعدها قعدنه بالصاله انطرها تروح دارها ماراحت

يالله عقب مده قامت راحت واستانست لما شافت اللويه الي بدارها

واعجبتها الهديه (البطريق)

عقب ما اطلعت من دارها شافت كيكتها الصجيه



طبعا انا ما بقى شمعه مو شاريتها كل شوي احط وحده ههههههه



ولازم اضيف لمساتي السحريه على الكيكه

وحطيت عليها فيولاتي

مو صارت احلى؟





طبعا اهيا ما عجبها فيول ههههههههههههه

بس انا حطيته وصورت معاه يهبل يهبل

وعقب ما كلينه الكيكه وقعدنه لما صار وقت صلاة المغرب

دشت تتوضى جان اروح دارها والف هديتها الصجيه بالسياده

لما يت تصلي وبطلت السياده جان تشوفها وحدها استانست عليها لان كان شي بخاطرها

... وخلص اليوم ...

هناك 38 تعليقًا:

قارئه فـ حسب,, يقول...

لول

كل عام واهي بخير

و مطعم اشاز غرااامي

بتر جكن واي روعه

بالعافية

^_^

شاي الضحى يقول...

سارونه

وانتي بخير :)

ان بعد احبه

الله يعافيج


مشكوره :>

رورو الشخبوطه يقول...

كل عام واهي بخير يارب..

العمر كله ..

وبالعافيه عليها الهدايا واشوه ضبطت المفاجاءه كنت بسالج شصار وكالعاده نسيت خخخ..

وفيولي يشوق ماشاءالله..

شاي الضحى يقول...

رورو

وانتي بخير وصحه وسلامه :)

الله يعافيج ... اي اشوه ما حست بشي لي اخر لحظه :)

مو شي يديد :q

يحلوه محلي الكيكه


مشكوره :)

mazyona يقول...

ونااااااااااااااسة
كل عام وانتي بخير

مونى يقول...

كل سنة وهى طيبة وبخير
ومبرووك الهداية الحلوة
وبالهنا والعافية الكيك الاحلى
اتمنالك كل التوفيق

شاي الضحى يقول...

مزيونه

مو انا اختي :q

وانتي بخير وصحه وسلامه

مشكوره :)

شاي الضحى يقول...

مونى

وانتي طيبه :)

الله يبارك بعمرج ويعافيج

مشكوره :)

حياج الله

bokeh of magic * يقول...

ونااسه احلى شي المفاجات
حركاااتج حلوه D:
و كل عام و اهيا بخير

Tekana يقول...

ماشالله. الله يديم افراحكم ويخليكم حق بعض :)

شاي الضحى يقول...

Being

اكيد حلاته عيد الميلاد بالمفاجآت :)

واانتي بخير وصحه وسلامه

شكرا

شاي الضحى يقول...

تكانه

آمين يارب العالمين


شكرا :)

MakintoshQ8 يقول...

كل عام واهيا بخير ولها طوله العمر ان شاء الله
الكيكه وايد حلوه عجبتني واااايد


اذا ماعليج امر ابي فيديو حفله تخرج الجامعه ( الي ينادون فيه علوم اداريه ) ما اعرف اسيفه من البلوق :)

chandal/danchal!! يقول...

كل سنة واهي طيبة والعمر كله ان شاءالله... الله لا يخليكم من بعض


وبالعافية العشا والكيك والشموع

:)

Sn3a يقول...

وناسه
اشاز وكيك اخييه ماكو احلى من جذيه;p

والسالفه فيها هدايا
احلوت يعني

عليكم بالف عافيه
وكل عام واهيا بالف خير يارب

Slashy يقول...

عليكم بالعافية وكل عام وإهيا بخير

لووول توني شفت القلب تونا رادين من سوق شرق شفته وضحكت عليه شكله كيووت

سعد المحطب يقول...

أكثر شي يونس عندج ..
إهو توثيق الطلعات والمواقف الحلوة ..

وبعد ماتقصرين مع المحلات ..
كل شي تسوين له دعاية مجانية : )

والله يعطي اختج طولة العمر بطاعته ..
سلمي عليها : )

الاوركيده يقول...

كل عام وهي بخير والعمر كله انشاء الله بفرح وسعادة والله يجمعكم دايما على الخير والحب ولايحرمكم من بعض :*

DoDoq8 يقول...

عجبتني فكره الهديه الي حطيتيها بالسياده :)

كل عام واهي بخير وعقبال المليون سنه

شاي الضحى يقول...

ماكينتوش

وانتي بخير وصحه وسلامه .. ولج حبيبتي :)

مشكوره

افا عليج ... بس شلون ادزه لج؟!

شاي الضحى يقول...

جندل

وانتي بخير وصحه وسلامه مشكوره :)

آمين الله يسلمج

الله يعافيج


شكرا :)

شاي الضحى يقول...

سنعه

اي والله حق المتن ههههههههههه

الله يعافيج

وانتي بخير وصحه وسلامه

مشكوره :*

شاي الضحى يقول...

5/4

الله يعافيج ... وانتي بخير وصحه وسلامه

اي يهبل ... انا ضحكني بس اهيا تحب البطاريق اصدقائها :q

مشكوره :))

شاي الضحى يقول...

اجتماعي

لازم تشاركوني افراحي :q

هههههه اي كل شي ببلاش

آمين الله يسلمك

قلت لها في واحد يسلم عليج قالت لي منو قلت لها مادري هههههههههههه :q

مشكور اخوي :>

شاي الضحى يقول...

الاوركيده حاليا :q

وانتي بخير وصحه وسلامه مشكوره :)

آمييييييين الله يسلمج


شكرا :>

شاي الضحى يقول...

دودو

اي عاد ما كنت مفكره اني اسويلها جذي اول ماراحت تتوضى جان تطري على بالي الفكره ولفيتها بالسياده :)

وانتي بخير وصحه وسلامه


مشكوره :)

Hope يقول...

كل عام و اهيا بألف خير يا رب
الله يخليكم لبعض
والله انتي عجيبه الله يحفظج
عجبتني فكرتج ان حطيتي الهديه بالسياده .. واي تونسين

الله يديم عليكم الافراح

Made n Q8 يقول...

وناسه الله يتمم عليكم يارب

وكل عام واهيا بخييير وعقبال المليون سنه

صار عمرها 25 يالله انا شهر سبعه بلحقها :D

وبالعافيه عليكم :*

NOIR يقول...

امبيه شاي ! حدج حدج زوقه و الله!

صيري اختي لو بسي يوم واحد 9-11
هههههه

الله يخليها لكم يا رب

شاي الضحى يقول...

هوب

وانتي بخير وصحه وسلامه :)

آمين

مشكوره احرجتيني :$


:)))

شاي الضحى يقول...

ميد

آمين يارب العالمين

وانتي بخير وصحه وسلامه :)

يالله ما بقى شي عشان نحتفل فيج :*

الله يعافيج

مشكوره :)

شاي الضحى يقول...

NOIR

بس يووووم؟! مصلحه يعني؟ هههههههههههههه

آمين

مشكوره :*

Her يقول...

waaay wanasa t9eereen e5ty:P alla y5aleekum lba3ath w el3umer kela enshalla:)

شاي الضحى يقول...

Her

لا حاجزتني NOIR قبلج ههههههه :q

آمين يارب العالمين


مشكوره :)

غير معرف يقول...

كل عام و اهي بخير و عقبال مليون سنة :)

شاي الضحى يقول...

hopeless

وانتي بخير وصحه وسلامه

مشكوره :)

الجودي يقول...

الله يخليكم لبعض

كنت اتفرفر في مدونتج واشوف المطاعم بالذات و شفت عيد ميلاد أختج ..

كل سنة وهي طيبة و إنتو إقراب منها يارب

و فيولج طيبين

p;

شاي الضحى يقول...

الجودي

آميين

فري بالبلوق على راحتج :)

وانتي بخييييير وصحه وسلامه

ههههههه الله يسمع منج


مشكوره :)