بعد ما رديت من حفلة التخرج والعشا كنت حدي تعبااااانه
وبطلت اللابتوب عشان ادز حق زعفرانه صور الحفله
لما صارت الساعه 12 بليل شغلنه اغنية
Happy Birthday
وقمنه نصفق ونغني لان صار عيد ميلاد اختي الكبيره
وانا وامي مشتطين ومطولين الأغنيه
بس هل من مجيب؟!!!!
امي راحت تشوف اختي ولا اهيا نااااااايمه لأن وراها دوام ههههههههه
جان نسكر كل شي ماكو فايده :q
صارت الساعه 9 الصبح قعدت من النوم وانا متكسره ومالي خلق ابي انام
بس قمت عشان ازهب المفاجآت
ورحت مع امي يبنه الكيكه والبلونات
طبعا قاعده اسوق وما اشوف شي وراي ههههههه
وبطلت اللابتوب عشان ادز حق زعفرانه صور الحفله
لما صارت الساعه 12 بليل شغلنه اغنية
Happy Birthday
وقمنه نصفق ونغني لان صار عيد ميلاد اختي الكبيره
وانا وامي مشتطين ومطولين الأغنيه
بس هل من مجيب؟!!!!
امي راحت تشوف اختي ولا اهيا نااااااايمه لأن وراها دوام ههههههههه
جان نسكر كل شي ماكو فايده :q
صارت الساعه 9 الصبح قعدت من النوم وانا متكسره ومالي خلق ابي انام
بس قمت عشان ازهب المفاجآت
ورحت مع امي يبنه الكيكه والبلونات
طبعا قاعده اسوق وما اشوف شي وراي ههههههه
خذيناها من بارتي لاند
وانا جابلت الزينه وامي راحت تغير كفر فراش اختي سوينه نيو لوك لدارها
وهذي الزينه حطيتها على الستاره
(الصوره تكوكست)
وشريت لها قلب على بطريق لانها تحبهم من توب شوب
وحطيته بعلبه خربوطه شريتها بـ 100 فلس
وكنت شاريه معاه ورده خربوطه بس الظاهر الريال ما حسبها
عشان تكمل الجذبه
ولقيت هالأرنوب في بارتي لاند
فكرته وايد حلوه
بطنه بيضه تبطلونها وتحطون داخلها الهديه
عاد انا تحسفت على العلبه جان احطها داخل البيضه هههههههههه
وعقب ما رتبنه دارها وزيناها حطينه الارنوب على فراشها
وفوق فراشها البلونات
وسكرنه دارها
ودقينه عليها وقلنالها لما تطلعين من الدوام روحي الأفنيوز
قلت لها بنحتفل بعيد ميلادج بالطريقه الهنديه ههههههههههههه
طبعا اهيا ما تدري عن شي
قصينه عليها قلنالها ما سوينه لج شي عشان جذي بنطلع نتغدى
ورحنه مطعم أشاز
هذا نسيت اسمه اول مره اطلبه بس كان حلو
جوشت فاندالو
باتر جيكن
بالاو رايس
بعد ما خلصنه من الغدى جان انادي الجارسون
قلت له شب لنه الشمعه عشان اليوم عيد ميلاد اختي!
وابيكم تغنون لها
طولوا على ما ايوون وكل شوي انادي واحد واحن عليه
اخر شي اختي قالت لهم لا مابي شي بس شب الشمعه وخلاص!
جان اقوله لا ابيكم تغنووووون
وقلت حق اختي بعد عيد ميلادج لازم نحتفل
تمينه شوي ولا ايي الجارسون واييب صحون وسجينه وجم شوكه
وقال لنه عشان تقصون الكيكه !!
انا استغربت قلت ما طلبنه كيكه! !
يابوا الكيكه وقالوا حق اختي اوقفي وطفي الشمعه وقاموا يغنون لها
استانسنه على الكيكه مزينين الصحن وكاتبين اسم اختي على الصحن
واختي تقولي صوري كيكة عيد ميلادي عشان احطها بتليفوني
مسكينه عبالها هذي كيكتها هههههههههه
بعد ما كليناها وخلصنه
جان تقول امي: "يزاهم الله خير خلونه نحلي"
ههههههههههههههههههههههههههه
عاد امي تضحك
يحليلهم عطونه الكيكه ببلاش
عقبها تمشينه وتسوقنه ولما خلصنه ردينه البيت
انا شخطت وسبقت اختي
ودشيت دار امي وقعدت اطل من فتحة الباب عشان اذا دشت البيت اشوف ردت فعلها واصورها
امي اول ما شافتني جان تقول: "حشى خطة حرامي!!!"
هههههههههههههه
بعدها قعدنه بالصاله انطرها تروح دارها ماراحت
يالله عقب مده قامت راحت واستانست لما شافت اللويه الي بدارها
واعجبتها الهديه (البطريق)
عقب ما اطلعت من دارها شافت كيكتها الصجيه
طبعا انا ما بقى شمعه مو شاريتها كل شوي احط وحده ههههههه
ولازم اضيف لمساتي السحريه على الكيكه
وحطيت عليها فيولاتي
مو صارت احلى؟
طبعا اهيا ما عجبها فيول ههههههههههههه
بس انا حطيته وصورت معاه يهبل يهبل
وعقب ما كلينه الكيكه وقعدنه لما صار وقت صلاة المغرب
دشت تتوضى جان اروح دارها والف هديتها الصجيه بالسياده
لما يت تصلي وبطلت السياده جان تشوفها وحدها استانست عليها لان كان شي بخاطرها
... وخلص اليوم ...
هناك 38 تعليقًا:
لول
كل عام واهي بخير
و مطعم اشاز غرااامي
بتر جكن واي روعه
بالعافية
^_^
سارونه
وانتي بخير :)
ان بعد احبه
الله يعافيج
مشكوره :>
كل عام واهي بخير يارب..
العمر كله ..
وبالعافيه عليها الهدايا واشوه ضبطت المفاجاءه كنت بسالج شصار وكالعاده نسيت خخخ..
وفيولي يشوق ماشاءالله..
رورو
وانتي بخير وصحه وسلامه :)
الله يعافيج ... اي اشوه ما حست بشي لي اخر لحظه :)
مو شي يديد :q
يحلوه محلي الكيكه
مشكوره :)
ونااااااااااااااسة
كل عام وانتي بخير
كل سنة وهى طيبة وبخير
ومبرووك الهداية الحلوة
وبالهنا والعافية الكيك الاحلى
اتمنالك كل التوفيق
مزيونه
مو انا اختي :q
وانتي بخير وصحه وسلامه
مشكوره :)
مونى
وانتي طيبه :)
الله يبارك بعمرج ويعافيج
مشكوره :)
حياج الله
ونااسه احلى شي المفاجات
حركاااتج حلوه D:
و كل عام و اهيا بخير
ماشالله. الله يديم افراحكم ويخليكم حق بعض :)
Being
اكيد حلاته عيد الميلاد بالمفاجآت :)
واانتي بخير وصحه وسلامه
شكرا
تكانه
آمين يارب العالمين
شكرا :)
كل عام واهيا بخير ولها طوله العمر ان شاء الله
الكيكه وايد حلوه عجبتني واااايد
اذا ماعليج امر ابي فيديو حفله تخرج الجامعه ( الي ينادون فيه علوم اداريه ) ما اعرف اسيفه من البلوق :)
كل سنة واهي طيبة والعمر كله ان شاءالله... الله لا يخليكم من بعض
وبالعافية العشا والكيك والشموع
:)
وناسه
اشاز وكيك اخييه ماكو احلى من جذيه;p
والسالفه فيها هدايا
احلوت يعني
عليكم بالف عافيه
وكل عام واهيا بالف خير يارب
عليكم بالعافية وكل عام وإهيا بخير
لووول توني شفت القلب تونا رادين من سوق شرق شفته وضحكت عليه شكله كيووت
أكثر شي يونس عندج ..
إهو توثيق الطلعات والمواقف الحلوة ..
وبعد ماتقصرين مع المحلات ..
كل شي تسوين له دعاية مجانية : )
والله يعطي اختج طولة العمر بطاعته ..
سلمي عليها : )
كل عام وهي بخير والعمر كله انشاء الله بفرح وسعادة والله يجمعكم دايما على الخير والحب ولايحرمكم من بعض :*
عجبتني فكره الهديه الي حطيتيها بالسياده :)
كل عام واهي بخير وعقبال المليون سنه
ماكينتوش
وانتي بخير وصحه وسلامه .. ولج حبيبتي :)
مشكوره
افا عليج ... بس شلون ادزه لج؟!
جندل
وانتي بخير وصحه وسلامه مشكوره :)
آمين الله يسلمج
الله يعافيج
شكرا :)
سنعه
اي والله حق المتن ههههههههههه
الله يعافيج
وانتي بخير وصحه وسلامه
مشكوره :*
5/4
الله يعافيج ... وانتي بخير وصحه وسلامه
اي يهبل ... انا ضحكني بس اهيا تحب البطاريق اصدقائها :q
مشكوره :))
اجتماعي
لازم تشاركوني افراحي :q
هههههه اي كل شي ببلاش
آمين الله يسلمك
قلت لها في واحد يسلم عليج قالت لي منو قلت لها مادري هههههههههههه :q
مشكور اخوي :>
الاوركيده حاليا :q
وانتي بخير وصحه وسلامه مشكوره :)
آمييييييين الله يسلمج
شكرا :>
دودو
اي عاد ما كنت مفكره اني اسويلها جذي اول ماراحت تتوضى جان تطري على بالي الفكره ولفيتها بالسياده :)
وانتي بخير وصحه وسلامه
مشكوره :)
كل عام و اهيا بألف خير يا رب
الله يخليكم لبعض
والله انتي عجيبه الله يحفظج
عجبتني فكرتج ان حطيتي الهديه بالسياده .. واي تونسين
الله يديم عليكم الافراح
وناسه الله يتمم عليكم يارب
وكل عام واهيا بخييير وعقبال المليون سنه
صار عمرها 25 يالله انا شهر سبعه بلحقها :D
وبالعافيه عليكم :*
امبيه شاي ! حدج حدج زوقه و الله!
صيري اختي لو بسي يوم واحد 9-11
هههههه
الله يخليها لكم يا رب
هوب
وانتي بخير وصحه وسلامه :)
آمين
مشكوره احرجتيني :$
:)))
ميد
آمين يارب العالمين
وانتي بخير وصحه وسلامه :)
يالله ما بقى شي عشان نحتفل فيج :*
الله يعافيج
مشكوره :)
NOIR
بس يووووم؟! مصلحه يعني؟ هههههههههههههه
آمين
مشكوره :*
waaay wanasa t9eereen e5ty:P alla y5aleekum lba3ath w el3umer kela enshalla:)
Her
لا حاجزتني NOIR قبلج ههههههه :q
آمين يارب العالمين
مشكوره :)
كل عام و اهي بخير و عقبال مليون سنة :)
hopeless
وانتي بخير وصحه وسلامه
مشكوره :)
الله يخليكم لبعض
كنت اتفرفر في مدونتج واشوف المطاعم بالذات و شفت عيد ميلاد أختج ..
كل سنة وهي طيبة و إنتو إقراب منها يارب
و فيولج طيبين
p;
الجودي
آميين
فري بالبلوق على راحتج :)
وانتي بخييييير وصحه وسلامه
ههههههه الله يسمع منج
مشكوره :)
إرسال تعليق