الأربعاء، 16 يونيو 2010

شخباري!

هالأيام كل ما احط على تلفزيون الكويت بليل مادري جم الساعه

اشوفهم حاطين أغاني سينمائية


شخباري!!!

شطاري عليهم

اذكر قبل لما كنه صغار نستانس اذا حطوه بس نشوف المقدمة والنهاية

لما الصور تتحرك وتكون بالألوان

ولما يبدي ما نشوفه لان يحطون اغاني الافلام ما نحبها

الصراحه مادري اقول شخباري على البرنامج او على

تلفزيون الكويت !!

هناك 58 تعليقًا:

غير معرف يقول...

لول إي أذكره حتى من قريت بوستج قاعد أذكر الموسيقى مالته. وكنت أحب لما الصورة تتكرر 3 مرات ولما تخلص الصورة الأولى أشوف الثانية وبعدين انتقل حق الثالثة، صح البرنامج نكد وكله أغاني أفلام أبيض واسود لكنه تراث على أيام جيلنا :)

أما إذا بتسألين عن تلفزيون الكويت، ف قولي الله يرحمه، تلفزيون الكويت من بعد سنة 2002 انتهى، كان التلفزيون الرائد بالحصريات وكان يصك على أم بي سي ودبي وكل القنوات الحالية، وخاصة برمضان، كل المسلسلات حصرية على الكويت وكل الدول الخليجية كانت تتابع تلفزيون الكويت وبرامجها ومسلسلاتها هذا غير مواسم بعد رمضان بالبرامج.. أما ألحين! كل هذا طار وصارت قناة مملة وتلوع الجبد، ومافيها أي ابهار للأسف تردى مستوى التلفزيون حيييل، أذكر مرة كنت مسوي خطة حق برامج تلفزيون الكويت خخخ كنت مسوي جم قناة لازم يكون فيها وراسم بعد شعار كل قناة وكل قناة شنو اختصاصها صج صج كنت شايل هم التلفزيون وقتها. ماشالله على دبي شوفي شلون سنعين ومنظمين كل قناة تعطي حقها بالبرامج.

Abd-alrhman يقول...

ههههههههههههههههه

الكويت زي السعوديه الولى

اسمحلي حفله بدون كيك هع

يعني مافيهم ذره تطور

وكلهم يقلدون بعض هع

اقول ما يعيدون الحصن .,.؟

alB6h يقول...

مو شايفه البرنامج لاني ما اتابع الاولى ولا اتابع التلفزيون وااايد , بس اذا ع البرمج الاولى والقناة بكبرها احسها ميته مافيها روح , مع ان تعتبر القناة الاولى للبث في الكويت تقريبا وتعتبر اقدم تقريبا بالنسبة للقنوات , مفروض القناة تواكب التطور والنمو , وع حسب خبرتها تكون جودة برامجها , يمكن القناة ابتكرت برامج بافكار ممتازة , بس ما واصلت بالابتكار والابداع مو عارفه السبب !!

كانت في فكرة بالي عن القناة الاولى ماعرف ليش اربطها بهالشي وبفترة من الزمن والحين تغير هالشي !
يعني لو نرجع لقبل 2000 او شوي ورى ,كانت الاولى ما تحط برامج فيها اغاني وكنت ابربطها بمشكلة المجتمع الكويت بعد الغزو وهي مشكلة الاسرى والشهداء , وبما ان قضيتنا ومشكلتنا عرفنا وين وصلت , احس تغير مجرى برامج القناة صارت تنوع لكن مو بالجودة المطلوبة او بالمستوي اللي وصل لها غيرنا!!

يعطيج العافية :)

غير معرف يقول...

ذكرتيني فيه هههههههه
اي و الله صاجة و بعدين أصلا قنوات الكويت الأولى و الثانية و الثالثة فاشلات! حتى قناة أرتيريا صكت عليهم

Sami يقول...

مغبره اليوم مدونتج

BookMark يقول...

تلفزيون الكويت

قبل فترة يونا الدوام بيصورون إحدى الفعاليات لوول

الله وكيلج حتى مصورهم شكله قديم ومغبر!
شنبه مال أيام أول: طويل ومعكوف الأطراف لوول فهمتي قصدي

مااقول غير ... مادري شقول والله :/

Sn3a يقول...

حتى انا كنت احبه
بس انا كنت اكمله لان كان غرامي الافلام المصريه القديمه وباباي سالي وليدي
طفولتي كلها كانت هالثلاث اشيا بالاضافه الا روائع ديزني لول

Made n Q8 يقول...

وييييه

صج تلفزيون الكويت مغبر!!

المفروض يغيرون الاسم لي كويت زمان

رورو الشخبوطه يقول...

اي والله شخباري ..

تلفزيونه يبجي امبيه لابرامج لا تقنيات احسه محلك سر من التسعينات :\

ومشكوره..

كوكتيل يقول...

صباح الخيرات :)

والله ياالغالية أنا أقول قولي شخباري على الأثنين :(

للأسف تلفزيون الكويت طارد للكفاءات ومحطمها وما يبون أحد ينجح من يشوفون شغله زين يغمتونه وما يعطونه شغل عشان يحبط وينحاش :(

daloo3a يقول...

خخخخخخخخخخ
وايد قنوات جيه

Engineer A يقول...

اي والله شخباري وشالطاري؟!!

بس مو شي يديد على تلفزيون الكويت مع الأسف << اثبتوا انهم يعشقون الماضي وما يعرفون التطور!!

Shaikha يقول...

هههههه
انزين حلو وناسة :)

mo3ath يقول...

sha5bariii :O

Just A Bunch يقول...

ههههههههههههههه واااي ضحكتيني والله! اي صج كنا بس نطالع المقدمة و النهاية عشان الألوان! لووووووول
من وييين طلعتييه! هههه امبيه و الله يحطونه ألحين؟ على قولتج حده شخباري على لأثنين!!
هههههه

Crazy Girl in aGood Way يقول...

انا تلفزيون الكويت اشوفه لين اعاده برنامج هي واخواتها

هذا قدييييم شطاري عليهم

وعلى البرامج شفتي اسخف من برنامج عندنا سهرة الليله ؟؟؟؟

لالالالالالالا حد الملاغه من كثر ملاغه المذيعين صرت لازم اتابع لوووووول

Just A Bunch يقول...

صج قناة الكويت اندثرت ، كل الزينين اللي فيها قبوا حق القنوات الخاصة ، بس حرام ليلحين في برامج زينة يحطونها . في برنامج حلو يحطونه كل يوم الصبح و يعيدونه بالليل اسمه "هي و أخواتها" وايد يونس .
و برنامج "بانوراما جامعية" هم بعد حلو بس نادر ما أشوفه لأنه وقته مو زين ( وكله انساه! لووول)

في برامج زين بالقناة بس محد يتابع القناة لأن الكل مركز على القنوات الخاصة

le Koweit يقول...

اوله اوله اوله اوله
ابي اقدم بعد @_@
شنو هذا لوووول

انا ترا ما اتذكر اسمه
تذكرت الصورة
الصورة الابيض واسود الكبيرة
ويمها خضرا وزرقا وحمرا
وكل وحدة لها وقت اتحرك فيه مو كلهم يتحركون مع بعض
لووووووول هذا اللي اذكره بس

ويييييه حدهم قديمين
الظاهر ماكو شغل قاموا ينبشون الارشيف

bu-saad يقول...

تذكرين
لما ابلته ..مره اصدفه
حبيبي ..مش اي صدفه
تتلاقى وعيونا ..بتتكلم

اقصوصه يقول...

حلوه العوده الى الماضي :)

Frankom يقول...

أنا اطالب باغلاق القناة والوزارة واقالة الوزير

مو علشان شي

بس علشان ترشيد الكهرباء


شكرا

Slashy يقول...

لوووووول

دثاااره

ReLaaaX يقول...

قناة الكويت شعندهم غير عالم الحيوان عزج الله !!!


وكل شي دااااثر ومغبر

Crazy Girl in aGood Way يقول...

تصدقين اول مرة تطولين ولا تدرين على التعليقات

ان شالله المانع خير

ان شالله تكون زعفرانه شاغلتج عنا


:(

غير معرف يقول...

هههههههههه نفس المعاناه قناتكم وقناتنا وحده الله كريم ..

وفيين واصليين باقين على الاولين ..

شاي فقدناك ان شاء الله تكونين بخير

Ms Botamba يقول...

والله في برامج زينه بتلفزيون الكويت بس الوقت ظالمهم

مثل برنامج "لقاء من طرف واحد" برنامج حلو و مبتكر بس وقت خايس يحطونه يوم الخميس الساعه 7 بالله يوم الخميس منو قاعد بالبيت !! :\ و الاعاده 7 الصبح ههههههه..

وفي برنامج "هي و اخواتها" عجيب انا اشوفه بليل الاعاده الساعه 12.30

بس الباجي يبيلهم قط بالزباله
والله لو يمسكوني التلفزيون جان اخليه يصك على احسن قناة عربيه :p:p

شاي الضحى يقول...

مقلمه

اي كنه نستانس على المقدمة جنه شي غريب ههههه

اي والله صدقت

مو بس دبي حتى ابوظبي صارت قويه وينافسون دبي

بس الحمدلله طلعت قنوات خاصه عوضتنه عن تلفزيون الكويت مثل "قناة الوطن"

شاي الضحى يقول...

عبدالرحمن

اي والله الحال من بعضوا

جان زين يعيدون الحصن وتيلي ماتش

على الاقل يطلع منهم شي مفيد ويونس

شاي الضحى يقول...

البطه

صج؟ عاد قبل كله يحطونه حتى كنه نحفظ كل لقطه شنو بيطلع وراها

كانت وما زالت في محاولات ان القناة تواكب التطور بس للأسف كلها برامج حواريه فاشله ومسابقه قديمه وكله تقليد ماكو شي يديد

والله يعافيج

شاي الضحى يقول...

هوبليس

ههههههه وعليه علينا

شاي الضحى يقول...

سامي

مع الجو :)

شاي الضحى يقول...

بوك مارك

ههههههههههههه

مصورينهم وقف فيهم الزمن

والوزارة كلها وقف فيها الزمن ما عدا الوزير يتغير :q

شاي الضحى يقول...

سنعه

لا احنا ما كنه نسمع الاغاني لان ما نشوف الافلام المصريه ابيض واسود

عيل شوفي تلفزيون الكويت تذكرين طفولتج :q

شاي الضحى يقول...

ميد

لا يسمونه "كويت الأمس"

هههههههه

شاي الضحى يقول...

رورو

يكسر الخاطر

خلاص بعينج وزيرة اعلام بما ان تخصصج اعلام جود يتعدل على ايدج :)

عفوا

شاي الضحى يقول...

كوكتيل

الله كريم

يمكن اذا عينت رورو وزيرة الاعلام يتغير كل شي للأفضل :)

شاي الضحى يقول...

دلووعه

قناة الكويت والسعودية والبحرين والسودان!

شاي الضحى يقول...

ENG

كلنا نعشق الماضي بس اهما ما يعشقون الماضي لانهم عايشين فيه

شاي الضحى يقول...

توينكل

يمكن بس انا اشوفه يضيق الخلق

شاي الضحى يقول...

معاذ

حط على الكويت وماكو شي اسمه شخباري

شاي الضحى يقول...

جست

اي كان وناسه بس الحين اشوفه ممل هههههه

مو انا الي مطلعته تلفزيون الكويت اهما الي مطلعينه

:)

شاي الضحى يقول...

كريزي

شنو هذا بعد سهرة الليله اول مره اسمع فيه

مذيعينهم يبطون جبدي

خاصة ميره عاشور الا كل شوي تافخه شي من ويها لما ينفجر

شاي الضحى يقول...

جست

هي واخواتها سخيف

اذكر قالت لي عنه زعفرانه وشفته اوووف يبطون الجبد المذيعات كانوا يقابلون الضيفه ويسألونها واهما الي يجاوبون وكل وحده تتكلم عن نفسها مادري ليش يايبين ضيفه !

الحين بعد ما غيروا المذيعات صار اهون شي بس هم ما احبه فكرته مقلده وقديمه وممله

بانوراما جامعية شفته قبل سنه مره وحده ما عجبني

القنوات الخاصه وايد احلى اكيد بنطالعهم ولا بنشوف تلفزيون الكويت :)

شاي الضحى يقول...

حقوقي

ههههههههه

اي صح ما يتحركون مع بعض

مادري منو مسوي هالبرنامج قبل كان شي ههههههه

لان محد يبيهم فقالوا نعيد امجاد الماضي

شاي الضحى يقول...

بوسعد

شلون ما اذكر وقبل جم يوم حاطينها بمرينا اف ام هههههههههههه

:)

شاي الضحى يقول...

اقصوصه

حلوه بس المشكله اذا تمت القناة عايشه بالماضي وتتطور

شاي الضحى يقول...

فرانكوم

هذا احسن حل لان الوزارة تصرف كهربا على ولا شي محد يتابع القناة

عفوا

شاي الضحى يقول...

5/4

يبيلنه نروح الوزارة نخمها جود يطير عنها الغبار ويتعدلون :)

شاي الضحى يقول...

ريلاكس

قبل يحطون عالم الحيوان الحين لا

جان زين يحطونه على الاقل شي مفيد ويونس

شاي الضحى يقول...

كريزي

اي والله هالأيام وايد لاهيه

لا زعفرانه مو ملهيتني ههههههه

حبيبتي مشكوره على السؤال

:>

شاي الضحى يقول...

رندا

اي والله ... الله كريم يمكن يمكن يمكن يمكن يتعدلون

كل شي جايز :)

بعد قناة الكويت ارحم من السعوديه :)

الحمدلله انا بخير :)

شكرا

شاي الضحى يقول...

بوتمبه

لقاء من طرف واحد اول مره اسمع فيه

اي والله مو خوش وقت

هي واخواتها ما احبه

خلاص بعين رورو وزيرة الاعلام وانتي الوكليه :))))

@alhaidar يقول...

إن حطو ما يعجبنا .. وإن ما حطو هم ما يعجبنا .. والله ابتلشو فينا :))

برأيي تلفزيون الكويت ليس الأفضل .. ولكنه أيضا ليس الأسوأ .. وفيه برامج تستحق المشاهدة ..

ومسالة البرامج الأرشيفية هذي طبيعية في محطة عريقة وأرشيفها عامر مثل تلفزيون الكوبت .. ترى مو سهلى تغطي كل ساعات البث ببرامج متفرقة غير متشابهة ..

تحياتي .. وتقديري :)

شاي الضحى يقول...

احمد

اكيد ما يعجبنه مو من زين البرامج الي يحطونهم

انا معاك ان اهيا مو الاسوأ

بس شيلي يمنع انها تكون الأفضل؟

طول عمرها كانت الافضل بس للأسف تمت مثل ما اهيا

والبرامج الي يعرضونهم مافيهم زود وكلهم مكررين ومملين وماكو شي يديد

شنو السبب؟ مادري

عندهم امكانيات وميزانيه وكل شي

وعندهم كفاءات بس وينهم؟!

swera يقول...

aloo aloo e7nda hena, wenaga7na aho filmadrasaaa :) loool sha5barii!!

7asseeet enna 3alay '3bar

شاي الضحى يقول...

سويره

مبروك النجاح :q

قومي تسبحي هههههه

Unique Girl يقول...

ههااااااااااااي اي والله شخباااااري

انا ما اعرفهم لوووول بيس هم شخباري

شاي الضحى يقول...

يونيك

هههههههه ما تعرفينهم عيل شلون شخباري؟!