الأحد، 27 يونيو 2010

ماهو الحجم المناسب بالنسبة لكِ!

سيدتي آنستي

من فتره طويله هبوا بالـ clutch

وايد بنات حبوهم وقالوا انهم احلى واكشخ واخف بالشيل

وفي بنات ماحبوهم لأسباب عديده

وانا حبيتها وما حبيتها !!

يعني اشوفها مو عمليه ما احب امسك شي بايدي عادي انساها وامشي هههههه

وغير هذا ما تكفي قشي

والي خلاني ما احبها مره كنت رايحه الجامعه وشايلتها من قرادتي

وحاطه فيها قلم وكلينكس واحد والليسن والموبايل ومفتاح السيارة




وكنت قاعده بالقسم واحل الهوم وورك جان ابطلها واطلع المفتاح عشان اقدر اطلع القلم

وعقب ما خلصت رحت محاظرتي ولما طلعت بروح سيارتي ادور المفتاح ما لقيته!


رديت الكلاس ما لقيته وقعدت احوس اكثر من نص ساعه اخر شي تذكرت اني كنت بالقسم


ورحت ادور بنفس المكان لقيت شباب قاعدين سألتهم قالوا ما شافوا شي


ورفيجتي تقولي خلاص انا اوصلج البيت


وانا احاتي شلون بدخل البيت ماعندي مفتاح
البيت

جان اشوف الهندي الي يشتغل بالقسم وسألته قالي ما شاف شي وبعدين يابلي ثاني


ولما سألته قال ان في واحد هندي شاف المفتاح وخشه عنده


قلت له وين راح جان يقول خلص دوامه!!!


طبعا انا مادري شسوي فقلت خلاص برد مع رفيجتي وباجر انطره ايي


شوي جان يقولي الباص ما مشه ويروح ركضضضضضضض


وينزله من الباص واييب الهندي ههههههههههههه


قلت له ليش نزلته خلاص اخذ المفتاح وخله يروح قال ما يصير اهوا الي لقاه


المهم خذيت المفتاح ورديت بالبيت عقب ساعه ونص من البحث والانتظار


عقبها صج كرهت هالجنطه


نادر ما يضيع مني شي وهالمره ضاع مفتاح السياره


وحرمت اشيلها بالجامعه

وقمت استخدمها للطلعات السريعه يعني اذا بروح بس سينما او بس غدا او بس عشا

او حق عرس / عزيمه / استقبال

اما اذا تسوق لاااااا كلش ما تنفع

لما اشيلها احس اني ضايعه لازم قشي معاي


واشوف الجنطه الكبيره اهيا الي تناسبني

عاد انا ما يبقى شي ما احطه بجنطتي

بوك - نظاره شمسية - علوج - عطر - بلاستر - لزاق شفاف مال الاوراق

قلم - موبايل - كريم لليد - ديتول - منظره - نوت - أدوات للأظافر


بخاخ للربو - كاميرا - باندول ... الخ

وايام البرد احط بلوزه وسكارف هههههه

عشان جذي احب الجنطه الكبيره يالله تكفي

حتى لو بروح الجمعيه اخذ كل هالقش ليش مادري !

بس الشي الوحيد اذا نسيته وارد البيت اخذه واكمل الطلعه اهيا

الكاميرا عندي اهم من الموبايل

سيدتي آنستي

أي جنطه تفضلين؟ مع ذكر السبب

وأي جنطه تشوفينها مناسبة للسفر؟

------------------------

سؤال للشباب

أي جنطه تفضلون الكبيره ام الصغيره؟!


ولا ما تهتمون؟

رايكم يهمنا

هناك 75 تعليقًا:

chandal/danchal!! يقول...

LOOOOOOOOOOOL

اول شي صبحك الله بالخير جايونة

:)

ثاني شي, الموجودات اللي ذكرتيها ما يكفيها كبتات ايكيا مو جنطة!


انا بعد عادي انساها وامشي

:(

حتى لو بطلعة سينما او عشا هم ممكن انساها!





احب الجناط الكبار

تيماء يقول...

انا افضل الكبيره

بس clutch حلاتها للمناسبات

غير معرف يقول...

الجناط الكبيره طبعاااا

ويالله تكفي

انا ما اعترف بكل شي ميني

ولا احب اتفلسف فيهم

حتى لو كانت موضه

اهم شي راحتي النفسيه ;p

غير معرف يقول...

الكبيره طبعا تشيل قشي وقش عيالي ههههه

الله يعطيك العافيه كلك ذوق

ANGEL HEART يقول...

صباح الخير

بالنسبه لي الكبار والوسط وايد اريح واحسن عشان تكفي حق الاغراض نفس اغراضج تقريباا حتى لو ماستخدمهم احس بامان واهما معاي لول

والclutch للمناسبات بس لان لويه اذا بطلعين شغله لازم تقعدين وطلعين كل اغراضج عشان تلاقينها

ميمة السبيت يقول...

** انا هالجنطه كلش مو بالعتها مع انه اغراضي مو وايد لويه

احب الجنطة لصغيرة بس لازم تتعلق عالجتف لأن ما احب امسك شي بيدي

جاكليته يقول...

حباح الخير .. شاي الضحى
انا احب ال2 ..
يعني حسب الطلعه .. حق الاستقبالات والتسايير احب الصغيره احسها اذرب ..
والكبيره حق السوق والا الدوام .. لاني احط فيها كل شي .. حتى ريوقي فيها ههه
وحق السفر اخذ امبر وحده عندي حق المطار والطياره ..
احط فيها كل شي .. :)

bokeh of magic * يقول...

انا احب الجناط الكبيره شكلهم وايد احلى من الصغار بس كل ما ابي امسك جنطه كبيره احتار شنو احط فيها عشان تنترس لانه شكلها مو حلوو فاضي !!
اما الصغيره على قولتج حلو حق استقبال او عشى او غدى

Made n Q8 يقول...

انا الكلتش ممكن اشيلها لعرس او استقبال بس الايام العادية اشيل الجناط بحجم الي انتي حاطه صورتها واذا في اكبر هم زين خخ لاني احط فيها شغلات وايد زين ماحط البيت بكبره

Sweet Revenge يقول...

طبعا الكبيرة لان تشيل كل شي بس المشكلة جتفي قام يعورني لان جد اشيل كل شي فيها فقمت ايب جناط اصغر بس ماكو فايدة ارد علي الكبيرة
الكلتش حبيتها لان ذربة وتنفع للمناسبات بس مرة لقيت كلتش كبيرة عجبتني وخذيتها وتشيل والله بس مو كل شي
تعالي بسالج كل اغراضج الي تحطينها بالجنطة فهمت فايدتهم الا "لزاق شفاف مال الاوراق " ليش مافهمت ؟

daloo3a يقول...

الصغيره ابدا مب عمليه و بعدين الصغيره حق العياييز احس جيه خخخخخخخخ

و الكبيره احلى تقدرين تحطين اي شي فيها

فالشنطه الكبيره احلى

مهرة سالم يقول...

السلام عليكم ورحمة الله وبركاته...
الظاهر إنج شراتي
أشل قش البيت في شنطتي
بي أغلب الوقت أفضل الحجم الوسط
لأنه طلعاتي قصيره أما السفر لا لازم تتحمل الشنطه فأفضل المصنوعه من القماش اللينه عشان تستوعب يعني كمن قلم كاميرا موبايل شارجر للإثنين
أدويه وحلويات كأني رايحه الصومال
.....
أما الشنط الصغيره جدا
فأنا ما أطيقها ولا أستخدمها أساسا
ما منها فايده ...
.....
في أمان الله

رورو الشخبوطه يقول...

امم الكبار احسن ..

احط فيهم كل شي واريح للسفر..

الصغيره حلاته بطنها كبير وتعلق ع جتف مو كلاتش لاني مثل حالتج انسها عادي ..

وللكلاتش افضلها للعزايم والمناسبات للكشخة وهم اخذ كبيره عشان احط فيها باجي قش الملفع عباتي او جاكيتي..

ومرسي..

mazyona يقول...

هلا
انا افضل الجنطة الكبيرة لأني مثلج عندي وايد خرابيط اقصد أغراض
سلمين

may يقول...

أنا جنطتي من كبرها تكفي اللابتوب بالراحة...

لكن أحيانا يصير مالي مزاج ، أو تعورني إيديني من ثقلها ،، أغير واطلع بالبوك بس ، يكون البوك كبير يكفي المفتاح والنقال ..

swera يقول...

ana ya jan6a et9eeer chenha bogsha a7e6 feha el ako wel mako wella mayamshi ma3ay!

el clutch bs 7g 7aflat! bs dawam o sofar o shopping matenfa3 bel marra!

غير معرف يقول...

أحب الجنطة المتوسطة مايلة إلى الصغيرة، ماحب الكبيرة وايد ولا الصغيرة وايد.. وأنا مو ذاك الزود مع الجناط يعني مرات على حسب المكان الي بروحله احط الجنطة الي على الجانب مثل ما يسوونها الشباب وأحط فيها:

ديتول - كلينكس - نوت صغير وقلم - عطر - حلاو او علج حامض - مسجل صوتي

وبس ماكو أغراض نفسكم انتوا سبعين مليون شي الله يعينكم!

خدمات البحث العلمي يقول...

انا احب الحجم الكبير

قشي واجد واحب اخذ معاي اشياء كثيره رغم اني عارفه اني ما راح احتاجها في هالطلعه بس لازم احس براحه اذا خذت قش واجد

اما clutch ما احبها وما استخدمها الا اذا كنت طالعه لعرس واتعقد بعد ودي اقش فيها الميك اب

غير معرف يقول...

حلوة حق الخفلات واليمعات
أما السوق/الجامعة .. لأ مو شي
وخصوصا بالجامعة تبين شي يشيل حوستج كلها وتعلقينه على جتفج وتخوضين الغمرات^^

بشكل عام .. ما أحب الجناط الكبار .. أحب الوسط .. والصغار مو عمليين

أمس بمارك وسبنسر .. ييت بحاسب
حطيت موبايلي وجنطتي عالطاولة .. عشان اطلع بوكي
حاسبت وخلصت .. شلت جنطتي ومشيت
وناسيه جيسي عندهم و تلفوني

عاد خذتهم اختي ويابتهم معاها .. وتحلطمت علي شكثر

تخيلي أنسى جنطتي بكبرها؟
وماتكون اختي وياااي

she is me

Sn3a يقول...

انا نفس اغراضج بس بدون لزاق الاوراق لووول شتسوين فيه
امبيه مرات اطلع طلعه سريعه
ماحتاج ولا شي
بس اخذهم
خاصه مقلمه الميك اف
متروسه
والغريب اني ماقمت احط نفس قبل
ليش اخذها مادري .. احس بالامان لما تكون وياي;p

الكلتش تنفع مثل ماقلتي حق طلعه رسميه سريعه او عرس فقط لا غير
جامعه وكلش هاي شلون هاي ماترهم

DoDoq8 يقول...

اكييد الجنطه الكبيره لان على قولتج تشيل كلشي

الجنطه الصغيره ماتكفي قشي وبعدين احس على ش

كلي الجنطه الصغيره تضيع

joe يقول...

العاده حق السفر جنطة خصر

alB6h يقول...

جناطي احجامهم متوسطه وعمليه استايلهم تنشال ع الجتف واللي تكفي حق مقلمة اقلامي .. نظارتي .. بوك .. ومفتاحي .. تلفوني .. معقم .. عطر :)

يعطيج العافية ,,

Ms Botamba يقول...

انا بالنسبه لي
الclutch
مو حق سوق او جامعه او شغل !!!
مالت عرس او معزومه عند احد..

و حق السوق و الشغل و الجامعه
جنطه عاديه :)

AsMa-Kw يقول...

شوور الكبيييره او البوقشه على قولتهم لوول .. عشان احس فيهاا اما الـ ميني ماتمشي معاي كلللش اضيع معاها :p

ghadee يقول...

الجنطة الكبيرة أكيد خصوصاً بعد ماياني البيبي ..وايد عملية ومريحة
قمت أحسها أكشخ من الصغيرة ..^_^

سلة ميوّة يقول...

أنا مخبات الوايت كوت فيه كل الأغراض الي قلتيها اللهم الا الكامرا

هاهاهاه فمابالج بجنطه :)


اكيد احب الكبيرة ..الكلتج الكبيرة...وكل شي كبير بالدنيا:)



صبحج الله بالخير

غير معرف يقول...

ههههههههه أحلى شي ناسيتها!
يا معودة أنا قبل لا أدش الجامعه ما أعترف بالجنطة و كل ما أخذتها أنساها بالسيارة:p
طبعا أفضل الجنطة الثانية اللي حاطتها و وايد أحب هالحجم :)

كاريكاتير يقول...

انا عندي سؤال...

هالجنطة اذا صارت هبه...

جم راح تصير علشان قبل لا تقط زوجتي نغزات على هالجنطة؟

بعدين ليش ما يسوون ملابس لاصقة فيها الجنطة خصوصا ناحية الجم علشان لا نسيتي الجنطة يكون اكيد انتي ناسية نفسج وين ؟! :)

غير معرف يقول...

هلا شايونه


انا أحب الجنطه الكبيره عشان تشيل أغراضي وبهالحر لازم أحط فيها بطلين ماي ابراج الحجم الصغير

بس إنتي قشج قش سفر بلاستر وعدة أظافر
الظاهر إنتي من النوع إلي دايما الوزن زايد بجناط السفر صح ولا لأ!!


والكلاج حلوه بس حق المناسبات
مثل إستقبال وعرس :)

Her يقول...

hello morning tea:D walaht 3ala postatech :) walla ana a7eb el jan6a el wasa6 le2ana el kebeera a7e6 feeha kelshay w a5ershy t9eer shthegelha w el clutch 7ag el7aflat a7la

koko يقول...

ما ينفعني غير جنطة كبر راسي لوول
احسن واريح تشيل كل شي خاصة حق الجامعة احط فيها الكتب

TaZmaNiA يقول...

5osh post 3an lejna6 thanks :)

Engineer A يقول...

انا شخصياً أفضل الاثنين ..

أحس لكل وحده لبستها .. يعني أحب الكلتش بالمناسبات ، أو اذا معزومة على عرس أو عشا برا .. يعني حق المناسبات الرسمية واللي ما أحتاج أخذ كل قشي معاي !! p;


وأفضل الجناط الكبيرة عملياً تقريباً كل يوم .. لأن بتلاقين بجنطتي

غير بوكي - نظاراتي- سويتشي - كريم الايدين - القلوس وهالسوالف

عادي تلاقين شباصات بناتي، أحياناً دلاقاتهم يفصخونها ويدعسونها بالجنطة - دفاتر تلوين وأقلام وألوان .. مشط وعطر و علبة كلينكس!! وبلاوي ثانية غيرها!! :))

للسفر أفضل الكروس ، أريح وأخف

Seldompen يقول...

أنا أحب الثنتين ,,

لكن لكل وحده وقتها وطلعتها , مثل ما قلتي ..

الصغيرة .. لطلعات السوق والأعراس والمشاوير السريعة .. وما أفضلها صغيرة , يعني وسط أفضل ..

أما الكبيرة عادة إذا بروح الجامعة أستخدمها ..

Crazy Girl in aGood Way يقول...

خوووش سؤاال

انا احب الجناط مثل الصورة الثانيه اللي تنمسك بالايد .. وclutch بالاستقبالات والمناسبات

ووايد احبها .. بس اللي مااحبها اللي على الكتف تدرين ليش ؟؟ لان بالسفر مااشيل جنطه انسي ..بوكي وبطاقاتي عند ريلي .. والكلينكس والمعطر بجنطه ولدي اللي على ظهره

وانا على قولتهم اطوطح ايدي هههههههه

وتعودت مااشيل جنطه .. ولما ارجع الكويت اتسلط واشتري جناط تنلبس على الكتف وصرت لما البسها جتفي يعورني لوووول

واشيلها بايدي خخخخخخ

بالنسبه للقش بالسفر اورزعه بين ريلي وجناط عيالي وبالكويت بالجنطه احط كل شي مثل غريضاتج وازيد عليهم بطل ماي الصغير مثل لوير هههه :)

هديــل يقول...

انا ما اعرف اطلع من البيت بدوون جنطة احس اني ناقصة :)

وماحب الحجم الكبير حيل لأن ماعندي دثرة اشياء مهمة بس اللي آخذهم معاي ولا احب الصغيرة حيل :/

يعني احب الوسط

وللسفر آخذ جنطة يد كبييييرة عشان تكفي الدثرة لأن بالسفر صج لي دثرة :)

يعطيج العافية جايونة

شاي الضحى يقول...

جندل

صبحج الله بالنور

هههههه يمكن الكبت ينبط بعد :q

ترا ما كتبت كل شي بس كتبت الي كل يوم بالجنطه ما ينشال في غيرهم هههههه

لا بسينما احبها لانها صغيره واحطها بحظني الكبيره اذيه بس طبعا اخذها اذا بس سينما

واكيد الجناط الكبار افضل :)

شاي الضحى يقول...

تيماء

صح كلامج :)

شاي الضحى يقول...

tongchen

you'r from USA or CHINA?

i didn't understant ur blog language

شاي الضحى يقول...

غير معرف

هههههه اي والله صدقتي الجنطه لما تطلعين فيها وتكون فيها اغراضج ترتاحين كل شي تبينه موجود

بس الكلاتش احلى للمناسبات

شاي الضحى يقول...

رندا

اتوقع اذا كان عندي عيال ما تكفي اغراضهم معاي احط لهم جنطه بروحهم هههههه


الله يعافيج :)

شاي الضحى يقول...

انجل

اي صح عاد انا شدعوه احتاجهم عادي اطلع وارد ما ابطل جنطتي الا اذا بدخل مفتاح سيارتي او بطلعه هههههه

اي وهذا عيبها الي خلاني ما احبها

شاي الضحى يقول...

ميمه

زين طلعت معانا وحده اغراضها شويه هههههه

احسن شي عالجتف اريح بالشيل :)

شاي الضحى يقول...

جاكليته

مادري ليش حق سوق نحتاج كل هالقش

والسفر لا اغراضه شي ثاني لان نكون طالعين من الصبح لي الليل فاحتاج وايد اشياء

شاي الضحى يقول...

being

لا انا كلش ما احتار شنو احط احتار شنو اشيل منها عشان تصير اخف ههههه

:)

شاي الضحى يقول...

ميد

ما ينفع معانه الا جنطة سفر حق الطلعات هههههههه

شاي الضحى يقول...

سويت

في جناط تكون اهيا نوعيتها ثقيله حتى بدون ما تحطين فيها اغراض ما احبهم

لما اشتري ادور وحده تكون خفيفه عشان احط فيها قشي وبالشيل تصير مو خفيفه ولا ثقيله

هههههههههههههههه هذا اللزاق الله يسلمج قمت احطه من لما كنت بالجامعه

وكنت احط بعد الوان خشبيه هههههه

البنات كلهم يعيبون علي ويتطنزون ان شكو يايبتهم

وكل مره يحتاجونهم اييون يقولولي نبي لزاق او الوان وساعات ما اعطيهم اقولهم من قالكم تتطنزون شفتوا شلون مهم

واحطه لاني احب الزق كل شي هههههههههه حتى لما اكل نص الكاكاو الزق الباجي عشان ما يتوصخ جني عيوز

لو تشوفين اغراضي كلهم ملزقين ههههههههههه

شاي الضحى يقول...

دلووعه

ههههههه لا في نوعيه معينه للعيايز تكون صغيره وايد وعالجتف ولو تبطلينها داخلها كله كلينس وادويه :q

شاي الضحى يقول...

نهار

انا حتى بالطلعه السريعه مثل جمعيه اخذ هالقش مادري شبسوي بالجمعيه

وحق السفر لو اقولج انا شنو اخذ معاي تضحكين او يمكن ما تصدقين بس بسكت احسن هههههههه

شاي الضحى يقول...

رورو

الصغيره الي عالجتف احبها اذا فيها سلسله طويله مو معلقه او قصيره وايد تكون احلى بالشيل

والكبيره ما نستغنى عنها :)

شاي الضحى يقول...

مزيونه

اهما خرابيط اكثر من الاغراض ههههه :)

شاي الضحى يقول...

مي

اذكر بالجامعه كنت احط اللابتوب بجنطتي بس يقص الجتف ثقيل مع ان لابتوبي صغيرونو

انا بوكي جنه كلاتش بس ما يكفي الموبايل لان شكبره ههههه :)

شاي الضحى يقول...

سويره

لوووول طلعنه كلنه نفس الطقه

رفيجتي جناطها كله صغاااار ما تشيل كبار كلش يمكن اهيا الوحيده الي مو نفسنه ههههه :)

شاي الضحى يقول...

مقلمه

تصدق هالايام اشوف شباب وايد يشيلون جناط حق السوق! استغرب شنو ممكن يكون داخلها

احس انتوا ما عندكم اشياء مهمه او تحتاجونها عشان تاخذون الجنطه بس بوك ومفتاج وموبايل

وتنفع اذا بتروحون رحلات او شيء من هذا القبيل هق اغراضكم

اي والله احنا الكتب كله نشيله لا لا مو الكبت البيت كله ههههههه :)

شاي الضحى يقول...

مبدعه

ماشاءالله كلنه نفس التفكير نحس براحه لما تكون اغراضنه معاناه ههههه

الكلاتش احبها حق عرس بس نادر ما اخذها ساعات اروح بدون شي بس مفتاح السياره وحتى الموبايل ما اييبه معاي

شاي الضحى يقول...

she

اي حق الجامعه لازم كبيره تكفي النوتات والكتب والمقلمه غير الاغراض المعتاده

صار فيني نفس موقفج جم مره بس اشوه ما يمديني امشي بشوي استوعب اني ناسيه شي

بس تدرين انسى اي شي بالكويت اهون من اي دوله ثانيه لاني لما ارد ادوره القاه لو بديره ثانيه خلاص بروح عليج

شاي الضحى يقول...

سنعه

هههههه الزق فيه كل شي اشوفه جدامي :q

لا بس ترا صج صج مفييييد وايد بس محد يعرف قيمته الا انا

انا ما احط ميك اب فاشوه مخففه على جنطتي شوي

شاي الضحى يقول...

دودو

تضيع اذا مو معلقتها بجتفج لان احنا ما تعودنه نشيل شي بيدنه عشان جذي اي مكان نوقف فيه او نقعد نقطها ونمشي :)

شاي الضحى يقول...

المباركيه

اي وايد اشوف شباب بالسفر يستخدمون جنطه الخصر او كروس

وفي بعضهم على الظهر نفس مالت المدرسه اذا حق الرحلات الطويله والبعيده

شاي الضحى يقول...

البطه

هذي اغراض ضروريه ما تطلع من الجنطه

الله يعافيج :)

شاي الضحى يقول...

بوتمبه

وانا بعد اشوف جذي

بس ساعات اذا طلعه مكان واحد اشيلها

شاي الضحى يقول...

اسما

اذكر كان عندنه دكتور بالجامعه كله يتطنز على جناطنه يقول شلون تشيلون هالكبر؟! وشنو فيهم

وقالنه يبيلكم جناط سفر يالله تكفي

تهقين نسويها؟!


ترا انا سويتها ههههههههه

شاي الضحى يقول...

ghadee

يتربى بعزج ياااارب

بس البيبي بروحه قشه اكثر يبيله جنطه برووحه :)

شاي الضحى يقول...

سله

الكبير يبي كبير :q

ما يثقلون عليج لما تحطينهم بالكوت لازم تحطين بالجهتين عشان التوازن هههههههههه

:)

شاي الضحى يقول...

هوبليس

لا عاد قويه تنسينها بالسياره لا يكسرون جامة سيارتج

ما تسوى يكسرونها على عطر ومعقم وكلينكس ههههه

:)

شاي الضحى يقول...

كاريكاتير

همممم الله يسلمك اهيا من زمان هبه

بس يمكن انت ما فهمت شنو اقصد

الـ clutch (الكلاتش) تعني الجنطه الصغيره يعني مو من مكان معين

وسعرها مو محدد يعني ممكن تحصلها بكل مكان في المحلات الرخيصه بربع دينار والمحلات الغاليه الي اسعارهم تتراوح على حسب الماركه

وبعدين ليش تحاتي "الجم" عادي المدام تستاهل توه صاير عيد ميلادها دلعها ههههههه

همممممممم فكره يبيلها دراسه

بس جنه عادي عندك الوحده تنسى نفسها بس ما تنسى جنطتها!! هههههههه

شاي الضحى يقول...

لوير

ذكرتيني ما كتبت بطل ماي لاني لازم كل طلعه اخذ معاي ماي

ونسيت احط امر اي مكان واشتري

اي البلاستر ضروري جدا حتى ببوكي تلقين بلاستر

وعدة الاظافر هم مهمه يمكن احتاجهم

@@

شدراج؟! هههههههههه

كل مره اسافر بجنطه وارد بجنطتين كبار ولازم وزن زايد وغير الاغراض الي بيدي والي بجنطه السحب الي تدش بالطياره وجنطتين بيدي وحده خاشتها تحت هدومي ووحده مبينه عشان يشوفون عندي بس جنطه وحده

مو لان اغراضي الي اروح فيهم وايد لا

لاني اذا رحت السوق اخمط الي اكو والي ماكو :q

شاي الضحى يقول...

her

ياهلا ياهلا الحمدلله على سلامتكم :)

انا حتى لو اخذ وسط احط فيها نفس الاغراض يعني ما تفرق بس افضل الكبيره :)

شاي الضحى يقول...

كوكو

هممممممممم راسج كبير ولا صغير؟! :q

حق الجامعه لازم كبيره اريح

شاي الضحى يقول...

تاز

عفوا

حياك الله :)

شاي الضحى يقول...

ENG

لووول احنا بدون شي قشنه شكثره وانتي بعد ما شاءالله عيالج مو مقصرين

وعليه على هالجنطه حمالة الاسيه

الكروس احسن شي للسفر :)

شاي الضحى يقول...

pen

لا حق السوق انا افضل الكبيره مو الصغيره اريح عشان تدورين لج هدوم او اي شي تكون معلقه وساعات نطول بالسوق وكل الي احتاجه فيها :)

شاي الضحى يقول...

كريزي

مو وايد احب الي تنمسك بالايد احس الي تنشال عالجتف اريح

بس يمكن لانج ما تعودتي وعليه شيلتيهم اغراضج ههههه

بطل الماي هذا ضروري :)

شاي الضحى يقول...

هديل

وانا بعد

بالسفر اكيد دثره لان احنا نطلع من الصبح لي الليل حتى هدوم احط فيها واذا الجو بيمطر لازم شمسيه صج لويه

الله يعافيج :)