السبت، 12 يونيو 2010

World Cup 2010

الي مو يمه تلفزيون ويبي يتابع المباراة

او الي ما عنده اشتراك الجزيرة (امس مجانا اليوم مادري)

تحديث: اليوم بعد مجانا .. مشاهدة ممتعة

احسن حل يتابع بالنت او بالآي فون

ويفتك من التشويييييييش المتعمد !!!

برنامج اسمه netTV

سعره 2.99$

وفي اغلب القنواة العربية والعالمية

وتقدرون تشوفون المباراة مباشرة


برنامج ثاني اسمه TVUPlayer

سعره 4.99$

هذا احبه اكثر من الأول لان القنوات الي فيه أكثر

والقناة الي تتابعونهم تضيفونها في الـ Favorites

يعني ما له داعي كل مره تدورون القناة الي تبونها


وهذي قناة للمباراة


----------------

والي ماله خلق يتابع بس يبي يعرف النتيجة أول بأول

ينزل برنامج اسمه

South Africa

مجانا من الـ appstore

وهالبرنامج فيه ميزه اذا كنتوا تشجعون منتخب معين

تختارونه ويطلع لكم موعد المباراة والنتيجة للمنتخب الي تشجعونه

ما يطلع باجي المنتخبات

ويطلع لكم كل الملاعب وكل منتخب وين بيلعب


وهذا برنامج ثاني باللغة العربية اسمه

كأس 2010

مجانا

بس ما فيه مميزات وايد ما عجبني


الا صج تتابعون الكره؟!

هناك 19 تعليقًا:

غير معرف يقول...

أنا مشتري راحة بالي، وما أتابع الكرة خير شر، الله يعين مدمنين الكرة، ما راح أقول إني " حاس فيكم " لأني فعلاً مو حاس فيكم.. ألحين تلقين أحلامهم وسوالفهم وأكلهم كله عن المباريات..
بس تدرين شنو أحسن شي بموسم المبارايات؟ إن أغلب الناس تكون في بيتها.. وحق البنات الي يحبون يطلعون ويروحون مثلاً مجمعات وما يبون شباب يعاكسونهم ف هذي أفضل فرصة، لأن أغلب الشباب ألحين يتيمعون في الدواوين والبيوت ومالهم خلق الفرارة ع البحر :) وتسلمين على الطرق في متابعة المبارايات الي ما راح أستخدم منها ولا طريقة.. لول إذا فازوا الارجنتين بس عطيني خبر علشان أحتفل :)

NOIR يقول...

Ana ma atab3 abd !
Astaanes 3la ale7tfalat o ajwa'a almondyal o al'alwan o perfect smile in the color faces
O eshawqoni albaby etha labsohum 3la alteams ;**

رورو الشخبوطه يقول...

ناهي بيساب ..

مااتابع بس هالسنه احس الاهتمام فيه اكثر سواء بالتكنولوجيا او المطاعم وحتى التجميل مهتمين فيه:\ ..

اول الاهتمام الاغلب يكون بالاعلام ..

ومشكوره..

رفيف يقول...
أزال المؤلف هذا التعليق.
رفيف يقول...

تسلم يدينك على البرامج الحلوه

انا اشجع الجزائر..
اصلا مااحب اتابع مباريات كثيربس بتابع الجزائر لانها عربيه ..

الله يعطيك العافيه

ri7ana يقول...

لا بس مع الخيل يا شقرا وبما اني احب فرنسا اشجعهم غير جذي لاتسأليني
لو تقولين جم لاعب بفريق كره القدم وللهي ماعرفشش :p
ولو تقولين منو اشهر لاعبين هالفريق
الجواب بيكون لا اعلم
بس شكلج وايد تحبين الكوره :)

Sn3a يقول...

انا مو من ربع او افريكا
بس الحمدلله من الامتحانات و كاس العالم يا حلات التسوق بهالوقت
بس والله طلعتي متابعه
زين هذا اب قنوات التلفزيون شكله حلو في قنوات غير الرياضه

شاي الضحى يقول...

قلم

شدعوه اغلب الناس يتابعون قبل يومين طلعت زحمممممممممممممه وكله شباب

ان شاءالله مو الارجتين يفوزون مع اني متوقعه ان اهما

شاي الضحى يقول...

NOIR

اي الجمهور مبدعين مهولين عدل هههههه

بس قعدي وضحكي

فناتق

شاي الضحى يقول...

رورو

اي صح ذاك اليوم اقول حق اختي هالسنه الاعلانات بكل شي ووين ما تروحين مو نفس قبل 4 سنين

وكل اعلان احلى من الثاني


عفوا :)

شاي الضحى يقول...

صحوة

الله يسلمج

اليوم اخسروا 1 - 0 :q

الله يعافيج

شاي الضحى يقول...

ريحانه

لما كنت صغيره ما اواطن الكره ولا احبها بس بعدين قمت احبها واتابع واشجع :)

شاي الضحى يقول...

سنعه

اي فيه اغلب القنوات حتى عربي وخليجي وكويتي انا على طول اتابع تلفزيون الوطن منه وما يقطع :)

Made n Q8 يقول...

خووش

انا موذاك الزود بالكره بس شريت تي شيرت ايطاليا مع الخيل ياشقره خخخخ

شاي الضحى يقول...

ميد

لا انا ما عندي تي شيرت :)

Crazy Girl in aGood Way يقول...

كل الابليكشن عندي حق ريلي مو لي

لاني مومتابعه للرياضه نهااااائي خخخخخ

بس استانست على نتيجه المانيا لووول

شكرا

شاي الضحى يقول...

كريزي

هههههه توقعت تتابعين

تابعي معاه وشجعي منتخبه المفضل

اي والله خوش نتيجه

:)

cheese 7cake يقول...

ما احب المباريات ولا اواطنها ولا اتبعها واحسها مضيعه للوقت وما منها الا الحزازيات والعنصريه ومامنها فايدة ابد

شاي الضحى يقول...

جيز كيك

احترم وجهة نظرج

بس انا استمتع فيها حالها حل اي لعبه رياضيه ثانيه :)