الأحد، 25 يوليو 2010

الصحن الي يدور!

من فتره وحده سألتني عن الصحن الي يدور ويغسلون فيه الخس وربعه

كنت رايحه جــيــان (من زمان) وشفت الي تدور عليه

عاد منو كانت تبيه مادري نسيت


في منه لونين احمر والثاني نسيت


وهذا شكله من داخل


وشريت لي واحد قلت بجربه

ونسيته توني تذكرته وقلت احطه لكم

ليلحين ما جربته ومادري شلون يستخدمونه

ليش شاريته مادري

المهم سعره هم نسيت

اتوقع اقل من نص دينار

ياربي مادري شفيني هالايام وايد افقد الذاكره

بس والله ما انلام من اللويه الي انا فيها

هناك 42 تعليقًا:

Unknown يقول...

شكل الصحن عجيب

مرسي علي الفائده إذا شريت الصحن بيوم بعلمج الطريقه

شاي الضحى يقول...

cho cho

ليلحين ما جربته مالي خلقه

خلاص اذا شريتيه علميني عليه :)

هديــل يقول...

مع اني ما فهمت الفكرة بس مشكورة :)

وعليج بالعافية =)

شاي الضحى يقول...

هديل

ههههههه

الي اعرفه ان تحطين فيه الخضروات وتغسلينهم وامي قالت لي يدور عشان ينشف

عاد ما جربته فمادري اذا صح الي قلته او لا :)

الله يعافيج :)

غير معرف يقول...

هذا حق تجفيف الخضار

"" شفته في فتافيت"

فكرته مثل مجفف الملابس....

حنوني}~

شاي الضحى يقول...

حنوني

شكرا على التوضيح

:)

غير معرف يقول...

حيل شكله حلو باخذلي واحد حق المطبخ الي بشقتي.. يعطيج العافية والله يسهل عليج ان شالله :)

حياتي هدف مو عبث يقول...

أنا (:
مشكوره

غير معرف يقول...

حلو الله .. تسلم يدينك شاي ..

موفقه يارب.

جاكليته يقول...

عندي منه بالبيت .. ما استغني عنه ابدااا ..
لانه واايد مسهل علي تنشيف الورقيات والخضره .. وانصح اي بيت تشتريه .. لانه قعلا مفيد ..
تسلمين شاي على البوست ..

Made n Q8 يقول...

حق شماله هذا؟!!

laish يقول...

الحلو بالموضوع ان كلمه نسيتت وايد شسالفه شااي الضحي صايره تنسين وااايد هههه .. اكلي جزر وايد مادري ليش لووول

mazyona يقول...

فكرته حلوه
اما عن فقدان الذاكره اذا انتي مدرسه عادي
بس أنا عارفه انج مو مدرسه فالاسباب راح تكون واااايد تآكلين جبن
بطلي جبن خاصه الاصفر

alB6h يقول...

شكله يونس واحسه يسهل غسيل الخس وحتي لما ينشف ..

يعطيج العافية

ROro Mania يقول...

بروح اشتري واحد حق امي :)

basees@bloggspot.com يقول...

طبق لغسل الخس .. فكرة ممتازة. ولو أني ماأدري شنو المشكلة في غسل الخس بطبق عادي !!

تحياتي

خدمات البحث العلمي يقول...

هههههه

اشوا ما نسيتي بس تنزلين الموضوع

غير معرف يقول...

مشكورة و الله حركات
خل أقول لأمي عنه

رورو الشخبوطه يقول...

اشوه من اللويه فقدتي ذاكرتج حسبالي عديتج خخخ..

اهو شنو فايدته؟؟

ول ماشفته حسبالي سله او مشخال ..

ومشكوره..

Frankom يقول...

الكبر شين أنا أقول
:)

koko يقول...

مشكوووووره
عاد امي تحب هالسوالف بروح اخذلها ياه :)

غير معرف يقول...

كم مره قلتي نسيت؟
مره ثانيه كتبي

شاي الضحى يقول...

مقلمه

الله يعافيك

امين يارب

شكرا :)

شاي الضحى يقول...

حياتي هدف

والله كنت ناسيه منو

:)

العفو

شاي الضحى يقول...

رندا

امين

مشكوره :)

شاي الضحى يقول...

جاكليته

اشوه طلع مفيد انا شريته ومادري شسالفته هههههه

:)

شاي الضحى يقول...

ميد

ينشف الخضرا :)

شاي الضحى يقول...

ليش

هههههه

والله من اللويه الي انا فيها قمت انسه :(

ان شاءالله اخلص من لويتي وترد لي الذاكره

شاي الضحى يقول...

مزيونه

لا مو وايد اكل جبن

مخي ما قام يجمع ههههههه

:)

شاي الضحى يقول...

البطه

الله يعافيج :)

شاي الضحى يقول...

رورو

تستاهل الوالده :)

شاي الضحى يقول...

basees

لا هذا مو للغسل للتنشيف :)

شاي الضحى يقول...

مبدعه

ههههههههه

مو لي هالدرجه هههههه

شاي الضحى يقول...

هوبليس

العفو :)

شاي الضحى يقول...

رورو

لا كلش ولا تعاديني هههههه

تحطين فيه الخس وربعه ويدور عشان ينشفهم

العفو :)

شاي الضحى يقول...

فرانكوم

توني شبااااااااااااااااااب

بس حايشتني موجة تخريف شوي

ازمه وتعدي ههههه

شاي الضحى يقول...

كوكو

العفو

ويستاهلون الامهات :)

شاي الضحى يقول...

تحلطم

"نسيت" ما عديتهم

وهم "نسيت" اكتب

وزين ما "نسيت" ارد على تعليقك

نينا ريتشي يقول...

ايي هالصحن شفته على قناة فتافيت من شكله إن استعماله حلو و ينشف الخضراوات الورقية بسرعة لأن هالخضراوات تذبل إذا كان فيها ماي , أنا ما استخدمته بعد لكن إن شاء الله بشتريه.

شاي الضحى يقول...

نينا

عيل شكله خوش صحن يبيلي اجربه

من شريته وانا ما ادري عنه

مشكوره على المعلومه :)

cutemum يقول...

هلا والله شراات هااي متووفرة في كاارفوور بعد,,,

بس احس مالها لزمه شوو راايكم؟؟؟

شاي الضحى يقول...

كيوت

في ناس يحتاجونه وفي ناس ما يحتاجونه

:)