الثلاثاء، 6 يوليو، 2010

Oishii Sushi

حصلت لي زفه من زعفرانه معصبه علي ليش ما انزل بوستات

تكودوا وانا ما نزلت ولا واحد فيهم

شسوي صايره كسلانه ولاهيه مالي خلق اجابل البلوق

امس رحت جيان ولا يايبين فوفوزيلا

وكنت بشتري وحده بس كانوا كلهم مبطلين والناس تجربهم

من حلج لي حلج قطع

قلت له ابي يديده قالي ماكو هاليومين يمكن اييبون

ويبيعونهم بمحل اسمه سوكر مادري شنو همممم نسيت

المهم نرد على زعفرانه وحنتها امس رسمت لي رسمه حق البلوق

وكل شوي تحن يالله حطيها وحطيها

عاد كنت بحطها الظهر بس لهيت ونسيتها

ان شاءالله باجر احطها

ويه جني قرقت وايد صج اني من زمان مو منزله بوست ههههههه

بوست اليوم مطعم اول مره اجربه واهوا

Oishii Sushi

طلبنه منه قبل اسبوع

مكانه بالشعب البحري


اختي اطلبت

Fuji Maki

Spicy Shrimp

Crunchy Crab

تقول كلهم حلوين الا الربيان ما كان حلو


Kani Furai

(كراب)

هم تقول وايد حلو وامي بعد عجبها


نودلز

والي جربوه يقولون عادي


وانا وزعفرانه طلبنه

Mini Sushi Burger

(بطاطا حلوه + برجر)


وانا اكل حسيت اني اكل شي غريب هههههههه

طعم البطاط غريب لانه بطاطا حلوه

والبرجر بعد غريب لان بدل الصمون عيش مثل السوشي ومعاه مشروم

بس كان عادي مو وايد حلو وزعفرانه ما عجبها


السعر: 24 دينار

خدمة التوصيل: 22644440 - 55990505

هناك 48 تعليقًا:

Unique Girl يقول...

wooooooooow اول وحده احم احم


شهييتييييييييييييييننيييييييي

وناسه ان شاء الله نجربه


تقبلي مروري وصداقتي

قلم ومسّاحة يقول...

بالعافية عليكم يارب..
بالنسبة حق المطاعم الصينية واليابانية أحب أشوف أكلهم لكن ما أحب آكله.. من الأصناف المعروضة، ما قدرت أستسيغ اي صنف بس حلو التغيير بالمطاعم..

Her يقول...

I thought u dont like sushi @@ bel3afya :) 3ad burger w sushi ma yamshe:/

illusionist يقول...

يسوى نجربه ؟

ودي اغير من الادمان اللي حايشني على المطعم الصيني اللي بالافنيوز

احس اللي يشتغلون ودهم يقولون رحموا حالكم :)

شاي الضحى يقول...

يونيك

ههههه اي انتي اول وحده :q

وحياج الله :)

شاي الضحى يقول...

مقلمه

الله يعافيك

احب الاكل الصيني بس الياباني ما يعجبني احس ماله طعم

:)

كرمووله ّ يقول...

ودي اجرب اكلتهم المقدسه الى هيه العيــش ..

ياتري هو نفس عيشنآ ولا طعمه سكري ولا طعمه بحري ههه

حلو موضوعج ... سلمي على زعفرانوه

:p

شاي الضحى يقول...

هير

اي ما احب السوشي

بس جربت البرجر بس مو وايد حبيته

الله يعافيج

اهوا شي غريب ههههه

شاي الضحى يقول...

illusionist

همممم والله مادري يمكن يعجبج

لاني انا ما احب الاكل الياباني فما حبيته وايد

دامج تحبين هالاكل جربيه تغيير :)

شاي الضحى يقول...

كرمووله

ولا مره كليت السوشي مادري شلون طعمه بس احس انه مو حلو

جربت البرجر نفس السوشي ومو وايد حبيتها وطعم العيش مادري شنو !!!


والله يسلمج يوصل ان شاءالله :)

هديــل يقول...

ما عبجني البرغر :/

عيش وبرغر مادري شلون

ع العموم بالعاااافية عليكم

واشتقنا لبوستاتج :)

شاي الضحى يقول...

هديل

اي قلت شي غريب لما تاكلينه

الله يعافيج :)

Flowera يقول...

اي والله من زمان مانزلتي بوست
ولهنا عليج
الله يعافي زعفرانه اللي خلتج تنزلين بس عاد مانرضى تزفج ;)
وناطرين بوستاتج

وعواافي على قلبكم
شوقتيني
على يوم بطلب منه

شاي الضحى يقول...

flowera

اي زعفرانه تحن علي تقولي ماكو شي اشوفه يالله نزلي بوست والمشكله كل البوستات تعرفهم ليش تحن مادري ههههههههه

وان شاءالله بس اكون فاضيه راح انزل لكم بوستات :)

والله يعافيج

شكرا :>

أبوفلان يقول...

بالعافيه

المطاعم اليابانيه والصينيه داشه بعنف بالكويت وبمخي

وين مكانه هالحلو ؟

شكرا على المواضيع الي تفتح الشهيه :-)

AsMa-Kw يقول...

اممم شكلا يشوووووووق :)
بس انا ماحب الاكل الصيني ولا اشتيهي .. وعووافي متأخره :p

Sami يقول...

ماشاءالله ..يشوق :)

NOIR يقول...

اتصدقيني و لا لاء!
ذلك اليوم افكر فيج اقول .. شخباري شاي ؟ من زماان عن البوستات!

ولكم باك:*
Mini Sushi Burger شنو كان مشوقني!!
ولا ما تنصحيني فيه يعني! همم مو مشكله
:p

رورو الشخبوطه يقول...

بالعافيه يارب..

عادن زمان ودي اجرب سوشي الهمبرغر شوقتني عليه سارونه بس عقب رايج شكلي بهون ..

زعفرانه مدام تعرفهم خل تنزلهم خخخ :)

هاي زوزو شلونج :)

daloo3a يقول...

انتي دايما كل شي تطلبينه يطلع مب حلو ؟؟!!

Fishah يقول...

بالعافيه عليكم يا رب

عاد تدرين انا احب الاكل الصيني اكثر

محد شجعني اجرب الياباني

:)

وسمعي كلام زعفرانه ولا تتكيسلين :>

ARTFUL يقول...

بالعافيه عاد شكله يشوق البرغر


ووووولللللل 24 ديييناااار


نهيبه


p;

cheese 7cake يقول...

الله وودي اجرب السوشي ولا مره جربته

شجعتيني

عليكم بالعافيه

فـ(المطيري)ـدكـ يقول...

احااااول اغصب نفسي ع الاكل الصيني مااااا اقدر .. مع انة شكلة كيوت بس بالنسبة لي مايشهي ..

كل ما اتذكر انهم يحطون سمج ني .. او ما ادري يمكن نص استوا تقلب جبدي الله يديم النعم ..

عليكم بالعاااااافية .. بس البرغر هذا كشخة والا ناكلة لووول

alB6h يقول...

الاجازة تيب الكسل والخمول ..
بس حاول ما تبخلين علينا بالبوستات:)

المأكولات حلوة بس ما احس نوعي راح اقدر اجربه ..

بالعافية عليكم

شاي الضحى يقول...

ابوفلان

الله يعافيك

عيل جرب المطعم اذا داش مخك الاكل الياباني

كاتبه بالبوست "الشعب البحري"

مادري اي قطعه بس احتمال كبير 8

يم مطعم سالد بوتيك انت دق عليهم يوصلون لان ماكو مكان تاكل عندهم

عفوا :)

شاي الضحى يقول...

اسما

هذا ياباني مو صيني الصيني وايد احلى

:)

الله يعافيج

شاي الضحى يقول...

سامي

صج؟ انا اشوفه لا ههههههه

شاي الضحى يقول...

Noir

ترا انا موجوده انتي الي اختفيتي :)

والله اهوا عادي مو وايد حبيته

جربيه يمكن يعجبج :)

شاي الضحى يقول...

رورو

الله يعافيج

والله انا توقعته احلى بس مو وايد عجبني طعمه غريب

ههههههه شدعوه لها خلق كسلانه اكثر مني بس تحن :q

تقولج هاي رورو شلونج .. قاعده تلف ورق عنب هههههههههه

شاي الضحى يقول...

دلووعه

لا والله نااااادر اذا طلبت شي وطلع مو حلو :)

اغلب الي اطلبه يكون لذيذ بس لاني ما احب الاكل الياباني بس كان ودي اجربه

شاي الضحى يقول...

فشه

الله يعافيج

وانا بعد احب الصيني وايد

والياباني ما حبيته

ههههههه ان شاءالله :)

شاي الضحى يقول...

ارتفل

الله يعافيك

ههههههههههه زيد عليهم 3 ميني برجر :q

شاي الضحى يقول...

جيزكيك

انا ما جربته بس جربت سوشي برجر السوشي العادي مستحيل اجربه

الله يعافيج :)

شاي الضحى يقول...

المطيري

هذا اكل ياباني مو صيني

ومو كل سوشي فيه سمج ني او سي فود في بعضهم بس خضرا وبعضهم ما يكون ني

على حسب الي انتي تختارينه

الله يعافيج :)

شاي الضحى يقول...

البطه

ههههههههههه

ضحكتيني لما قلتي "الاجازه" !!!

ليش انا متى صار عندي داوم عشان يصير عندي اجازه كل يوم معطله انا ههههههه

وان شاءالله :)

الله يعافيج

Made n Q8 يقول...

شكل Mini Sushi Burger يشوق
عليكم بالعافية

شاي الضحى يقول...

made

الله يعافيج :)

ri7ana يقول...

عليج بالعافيه حبوبه
ماعندي ولا 1% من الرغبه عشان اجرب الاكل الصيني ولا الياباني

شاي الضحى يقول...

ريحانه

الله يعافيج

انا احب الصيني وايد والياباني ما حبيته كلش :)

Fajorie™ يقول...

aaaaaaaaaaaaaaaah
sushi!!
you killed me with those pictures!
you have no idea how much i am craving sushi ;p

3leeekom eb 1000 1000 3afiya

Hopeless Sight يقول...

بالعافية ان شاءالله
ما آكل بحري بس شوقتيني على الميني سوشي

شاي الضحى يقول...

Fajorie™

وايد ناس يحبونه وادمان عليه انا ما اواطنه احس ماله طعم!

والله يعافيج يارب :)

شاي الضحى يقول...

هوبليس

الله يعافيج

:)

6umash يقول...

bel 3afyaa a:D
shawqteenii 3alih :P
o tarraa s3raa wayed wayed zain :D
o shaakla latheeth ilakil

شاي الضحى يقول...

طماشه

الله يعافيج

اذا تحبين هالنوعيه من الاكل بيعجبج :)

Crazy Girl in aGood Way يقول...

امممممم يشوق

عليكم بالف عافيه

شاي الضحى يقول...

كريزي

الله يعافيج

:)