الثلاثاء، 27 يوليو 2010

سلطة الناتشوز

هالسلطه احبها وايد وكله اسويها في بيتنه

خذيت الوصفه من رفيجتي ايام الثانوية

المقادير:
خس عادي او أمريكي
ملفوفه بنفسجية
2 شدة جرجير
1 علبة كبيرة ذرة
جبن شيدر مبشور
ناتشوز

الصلصلة:
كوبين صلصة فرنسية
2 ملعقة كبيرة خل أبيض
2 ملعقة كبيرة مايونيز
1/2 ليمونه
1 ملعقة كبيرة اوريغانو
1 ملعقة كبيرة نعناع يابس

ملاحظه:
1. الي يحب الفاصوليا الحمرا يقدر يضيفها
2. احلى صلصة فرنسية بالنسبة لي "كريستال" او "امريكان جاردن"


الطريقة:

نغسل الخس والملفوفه والجرجير


نقطعها قطع متوسطة إلى كبيرة ونخلطهم


نضيف الذرة + جبن شيدر


نخلطهم


وناخذ كل مقادير الصلصة ونخلطهم بصحن ثاني عدل


ونصب الصلصة فوق السلطة

ونتأكد انها انخلطت عدل


نحطها بالثلاجه عشان تبرد

وقبل وقت التقديم نحط فوقها الناتشوز


وبالعافية

هناك 57 تعليقًا:

الحياة حلم يقول...

بجربها ان شاء الله
شكلها لذيذة
:)

شاي الضحى يقول...

الحياة

ان شاءالله

:)

غير معرف يقول...

Jarbay el Seven Layers - yemkin etyooz lich hehehe

http://ansam518.wordpress.com/2010/05/08/seven-layers-salad/

DoDoq8 يقول...

اختاج الي هاذي الوصفات اللذيذه فيه هاذي اللحظات من حياتي الريجيميه ;/

رورو الشخبوطه يقول...

يمي يمي شكلها لذيذ ماشاءالله..

بطبقها ان شاءالله..

بالعافيه وتسلم ايدج يارب..

جاكليته يقول...

تسلم ايدج ..
انا اسويها هالسلطة .. بس غير عنج ..
راح اطها ببلوقي بيوم من الايام ..
بس هم هذي عجبتني .. يعطيج العافيه ..

Maram يقول...

الله شكلها لذيذ و يشهي
بجربها أن شاءالله

يعطيج العافيه

ri7ana يقول...

احب السلطات
بس جن كوبيين وايد @@
حلو الدريسنق بس ماحب يكون اكثر من المكونات نفسها
ياعسى ايدياتج ماتمسهم النار

TaZmaNiA يقول...

واااو شكلها حدها لذيذه :) يعطيج العافيه على المقادير

غير معرف يقول...

تسلم ايدج صج هالسلطه حده لذيذه:)

انا بعد اسويها بنفس مقاديرج بالضبط

وماخذه الطريقه من رفيجتي

تهقين رفيجتي تطلع رفيجتج لووووول

alB6h يقول...

يم يميييي حدج شهيتيني وانا صااايمه :(
احب السلطات بس لو مو الذرة احسه بكون احلى .. بحاول اوفر المقادير واسويه وان شاء الله اضبط :)

بالعافية عليج

غير معرف يقول...

جاي ابي!! حيل حيل عجبني بس بدون الناتشوز حطيلي بصحن شوي وبألف عافية عليج..

le Koweit يقول...

دايم الاهل يسوونها
بس مالتج شكلها بالصور احلى P:

غير معرف يقول...

يعطيج العافية
بس ماراح اضيف الملفوف البنفسجي ، ما ينوكل :s

Unique Girl يقول...

شهييتييينييييي تيييننن ماشالله لأنها من أيدج

..:)

بالعاففيه

ROro Mania يقول...

يم يم احب سلطه الناتشوز
احنا ما نحط ملفوف بنفسجي
بس خس عادي :)

هديــل يقول...

يمي يمي

اول مرة ذقتها برمضان

واحلى شي اسويه آكل الناتشوز واخلي السلطة لوول

عليج بالعافية =)

mazyona يقول...

هلا شاي الضحى
حلوه وااايد اموت عليها مشكوره

ساره النومس يقول...

تصدقين قريت جرجير وخرت شوي بس قعدت اكمل طلعت شكلها تحفة


بسويها برمضان يابعد قلبي عليج اختيارات انما اييييه تجنن ::***

كوكتيل يقول...

صباح الخير :)

وايد حلوة ماشاء الله مكوناتها أوكي :)

بجربها إن شاء الله :)

شايونه حصلت في هوم سنتر ورق حائط اللي على منظرة بشكل فيول :)

حجمها حلو قلت أقولك عنها :)

نـ(المطيري)ـازكـ يقول...

تسـلم ايدج ..
عاد والله شكلها يشهي ..

<< جـان تنسخ الوصفة ^_^

قواج الله

daloo3a يقول...

يمي يمي

حلو شكلها ^^

خدمات البحث العلمي يقول...

تهبببببل اشتهيتها

الوتيــــــــــن يقول...

يم يم تسلم ايدج شكلها تينن ولذيذه

bent el deera يقول...

تسلم الايادي شكلها لذيذ :>

ان شاء الله بجربها قريب

شاي الضحى يقول...

انسام

ان شاءالله بشوفها واجربها :)

شاي الضحى يقول...

دودو

عاد هذي مو مالت ريجيم الصلصه قاتله هههههههه

:)

شاي الضحى يقول...

رورو

جربيها وقوليلي رايج

الله يعافيج ويسلمج :*

شاي الضحى يقول...

جاكليته

الله يسلمج

عيل حطي طريقتج ببلوقج عشان نتعلمها يمكن تطلع احلى

الله يعافيج :)

شاي الضحى يقول...

مرام

الله يعافيج :)

شاي الضحى يقول...

ريحانه

حطي اقل من كوبين

انا احط وايد لاني احب الدريسينغ

مشكوره :)

شاي الضحى يقول...

تاز

الله يعافيك :>

شاي الضحى يقول...

لوير

الله يسلمج

هههههههه يمكن ليش لا

لان اخت رفيجتي اكبر منه واهيا الي معلمتها :)

شاي الضحى يقول...

بطه

تقبل الله

عادي شيلي الذره

الله يعافيج :)

شاي الضحى يقول...

مقلمه

لو عندي مقاديرها جان سويتلك

بس للأسف ما عندي الا ليمونه هههههههه

الله يعافيك :)

شاي الضحى يقول...

الكويت

لاني انا مسويتها صارت احلى هههههههههههه :q

شاي الضحى يقول...

هوبليس

الله يعافيج

شيليه :)

شاي الضحى يقول...

يونيك

هههه شكرا

الله يعافيج :)

شاي الضحى يقول...

رورو

عاد محليها الملفوف بس اذا ما تحبونه لا تحطونه :)

شاي الضحى يقول...

هديل

هههههه انتي عكس اختي لانها تشيل الناتشوز ما تحبه بالسلطه

الله يعافيج :)

شاي الضحى يقول...

مزيونه

العفو :)

شاي الضحى يقول...

طموحه

ليش ما تحبين الجرجير؟ عاد وايد مفيد

مشكوره :)

شاي الضحى يقول...

كوكتيل

جربيها وعطيني رايج :)

اي عندي منه من زمان شاريته

مشكوره :)

شاي الضحى يقول...

المطيري

الله يسلمج

عليج بالعافيه :q

شاي الضحى يقول...

دلووعه

جربيها :)

شاي الضحى يقول...

مبدعه

سويها وسويلي معاج هههه :)

شاي الضحى يقول...

الوتين

الله يسلمج :)

شاي الضحى يقول...

بنت الديره

الله يسلمج

جربيها وان شاءالله تعجبج :)

Her يقول...

you can simply use french sauce with it and it tastes as good:)

Ansam يقول...

I have el recipe for the guacamole on my post (in the comments part) but if you cant find it I will email it to you :-)

purpleyah يقول...

شكلها لذيذ ،،،، جاري التطبيق

بيرفت كونتيسا يقول...

تسلم ايدج

بس ما احب الصلصة الفرنسية

شنو ممكن بدالها؟

شاي الضحى يقول...

كونتيسا

اهيا اساسا بالصلصه الفرنسيه .. تحليها

اذا ما تحبينها كيفج حطي الي تبينه بس ما اتوقع تكون حلوه

Haifa... يقول...

مرحبا ..
تسلم يدج على هالابداع ..

انا بجربها بدون مايونيز وبدون ملفوف .. لاني ما احبهم


:)

Q8ti HouseWife يقول...

تسلم الايادي حبوبة

جاري التطبيق :)

مهرة سالم يقول...

السلام عليكم ...
يعطيج الف عافيه من امس أفكر اسوي هالسلطه عندي ناتشوز بس كنت ابي طريقة الصوص ولقيتها عندج :)

غير معرف يقول...

روووعه روووعه روووعه ماشاءالله عليج كل طبخاتج حلوه ولذيذه وسهله وااي حبيييتج ؛**
عجبني المولتن والفوندو والحين السلطه !!!
نااااااطرين جديييدج (v)